دشتي 2012مع شريفه حياكم

[قمر2]

حبيت اعطيكم هذه المعلومه لاني اقراء كثير اذا اكلت جبن احس جسمي ما ينز اوووووووووووووووو وهو مسموح فحبيت اكتبلكم هرم غذائي لكل جسم حتى تاكل اواحده كثير من المسموح في دشتي الموجود في الهرم الغذائي وهو مسموح في دشتي وتبتعد عن الاكل الي ما تاكله الا نادر في هرمها الغذائي حتى او كان مسموح في دشتي حتى تنحف بسرعه
الهرم الغذائي للجسم التناسلي
الاكل الكثير
منتجات الالبان قليلة الدسم 00فواكهه 00بقوليات وحبوب كامله00خضروات
الاكل المعتدل
سمك00بيض00دجاج 00زيت نباتي00حلويات 00حبوب مطحونه
النادر
توابل 00لحوم حمراء00كريمه وزبده
الهرم الغذائي للجسم الكظري
الاكل الكثير
بقوليات 00فواكه 00خضروات00منتجات الالبان قليلة الدسم00حبوب كامله
الاكل المعتدل
سمك00بيض00دجاج00زيت نباتي 00حلويات 00حبوب كامله
النادر
الملح00الحم الاحمر 00الزبده 00المحار
هرم الجسم الدرقي
الاكل الكثير
السمك 00صدفيات00خضروات00البان قليلة الدسم 00بيض00
المعتدل
بقول 00حبوب00لحم وكبده00فاكهه00خضروات00زيت نباتي
النادر
سكر00قهوه00حبوب مطحونه
هرم الجسم النخامي
الاكل الكثير
سمك00محار00خضروات00بيض00لحم ضان او بقر00كبده00كلاوي00قلوب
المعتدل
بقوليات 00حبوب كامله00زبادي 00حليب خالي الدسم00فاكهه00زيت نباتي
النادر
سكر00البان00كافين00قهوه 00شاي
انتم قريتم حددو نوع اجسامكم وكلو الي يناسبكم وابعدو قدر الامكان عن الشيء الي يكون نادر

 

[شريفه 39]

فوشيه موفقه
<<<<<<<<<<<<<<<<<<<<<<<<<<<<
قمر 2 مادري بس احس ان رجيم الفصايل صحيح طبعا بعد ماكذبوه قالو خرافات وانا كنت مؤمنه فيه لان فصيلتي oاحسن ماانحف الاباللحوم ولما اكل نشويات قليله ماتذكر يرتفع فجاءه بس خلاص سمعت اليوم الدكتور يقول ان هذا صحيح فخلاص ماعاد اكل نشويات لاني اموت بالبروتينات بس احيانا احن للايسكريم يالله بعد 3كيلو ناكل ايسكريم مو طاير .....المشكله اختي قمر معرف جسمي اي نوع احس كل الانواع انا الله يعين

 

[شريفه 39]

بنات فيه عضوه باحدالمنتديات حطت موضوع قمه الروعه عن دشتي انا بانقله لكم ...اسمها احلى وناسه جزاها الله خير على هالموضوع....

التسوق لدشتي / اتكنز

​

قراءة البطاقة الغذائيه :
عند التسويق لنظام دشتي يجب قراءة البطاقة الغذائية على المنتج , اكثر شي يهمنا هو عدد الحصص في كل علبة و كم وزن الحصه و عدد الكربوهيدرات و السكر .

مثال :

في هذا النموذج حجم الحصه كوب واحد ( كوب معياري) و بما ان العلبه فيها حصتين نراعي الكمية الي راح نتناولها .
لو اكلنا كوب مثلا راح يحتوي هذا الكوب على 31 جرام كربوهيدرات و 5 جرام سكريات .
و لو اكلنا العلبه كامله بمعنى كوبين راح تحتوي على 62 جرام كربوهيدرات و 10 جرام سكر .

طبعا مثل هذا النوع من الطعام ممنوع بنظام دشتي لسببين :
اول سبب : انه يحتوي على 5 جرام سكر و هذا ممنوع لازم نشتري الاطعمه التي تحتوي على 0 سكر .
ثاني سبب : كمية الكربوهيدرات للكوب الواحد 31 جرام تعدت الكميه المسموح لك باليوم الواحد .

رحلة التسوق لدشتي :

​

قسم الخضار : احرصي على شراء الخضروات الطازجه من القائمة المسموحه و القليله الكربوهيدرات ( راجعي جدول عداد الكربوهيدرات ) .
امثله :الخيار - الملفوف - الخس - الجرجير - الكوسا - الباذنجان - الطماطم ( مع الحرص على عدم الاكثار منها لانها عاليه الكربوهيدرات ) - الليمون .

قسم منتجات الالبان : يمنع بنظام دشتي منتجات الالبان ما عدا الاجبان , و احرصي على شراء الاجبان القاسيه و الابتعاد عن الاجبان السائله لانها تحتوي على السكريات , يمكنك قراءة البطاقة الغذائية للتاكد من عدم احتوائها على نسبه السكريات و التاكد من عدد الكربوهيدرات او مراجعهجدول عداد الكربوهيدرات .
امثلة : جبن تشدر - جبنه بيضاء - جبنة الماعز - جبن كيري - الجبن المثلثات .

قسم المشروبات :
يمكنك شرب القهوه و الشاي بدون سكر و يفضل الابتعاد عنها او تقليلها لاحتوائها على الكافيين . ايضا يجب قراءة المعلومات على العلبه بدقه .
المشروبات الي لا تحتوي على كافيين : الماء - نسكافيه الخاليه من الكافيين - سفن دايت ( المكتوب على علبته خالي من الكافيين ) .

يمكن استعمال الشوكولاته المرة البودرة ( مع ملاحظه ان يتم حسابها من ضمن الكربوهيدرات المسموحه باليوم ) - كوفي ميت كامل الدسم .

يمكن شرب المشروبات الغازية الدايت بجميع انواعها على ان نحرص على عدم اخذ اكثر من علبة باليوم .
يمكن استعمال كريمة الخفق سواء بالمشروبات او الطبخ مع الحرص على حساب ما تحتويه من كربوهيدرات ضمن العدد المحدد باليوم عدد الكربوهيدرات قد يختلف حسب النوع , كريمة الخفق من نوع المراعي هو اقل نوع كاربوهيدرات حسب ما جربت كل 100 مل تحتوي على 2.5 جرام من الكربوهيدرات ( كل 100 مل يعادل ملئ فنجال شاي صغير ).
الاعشاب بانواعها مسموحه .
يفضل الابتعاد عن المشروبات الجاهزه مثل الكابتشينو و غيرة و خصوصا الدايت لانه تكون نسبة الكربوهيدرات عاليه جدا .

قسم اللحوم و الدواجن و المجمدات :
اللحوم :
جميع انواع اللحوم مسموحه مثل البرجر و الكباب و الستيك و النقانق و المرتدلا و الشاروما و يجب الحرص على ان لا تكون مغلفه بالبقسماط او الدقيق , ( يجب قراءة ما على العلبه للتاكد من خلوها على نسبة النشويات ) او استخدام أي من الممنوعات في طبخها .

الدجاج :
جميع انواع الدواجن يسمح تناولها باي طريقة ( بروست مشوي مسلوق مقلي نقانق مرتدلا .. الخ ) مع الحرص على عدم تغطيتها بالبقسماط او الدقيق او استخدام أي من الممنوعات في طبخها .
يمكن تناول البيض باي طريقة مع الحرص على عدم استخدام أي من الممنوعات في طبخه .
مثال : بيض مسلوق – مقلي – شكشوكه – اومليت

السمك :
ايضا يمكن تناوله باي طريقه مشوي مسلوق او تونه و غيرها مع الحرص على عدم تغطيتها بالبقسماط او الدقيق او استخدام أي من الممنوعات في طبخها .

المنكهات و التوابل :
جميع انواع التوابل يسمح استخدامها .
يمكن استخدام المايونيز ( شرط ان يكون خالي من السكر و الكاربوهيدرات ) افضل نوع من تجربتي مايونيز قودي كامل الدسم و خالي من السكر و الكاربوهيدرات قد توجد انواع اخرى لكن هذا الي جربته اهم شي قراءة البطاقه الغذائية و التاكد من كمية السكر و الكربوهيدرات .
الخردل يسمح باستخدامه فهو خالي من السكر و الكربوهيدرات و السعرات و يعطي الاكل نكهه مميزة .
الطحينة يسمح باستخدامها شرط حسابها من ضمن الكاربوهيدرات المسموحه ( الطحينه قليلة الكاربوهيدرات و لا تحتوي على سكر ) لكن يجب ايضا قراءة البطاقه الغذائيه يمكن من نوع لنوع تفرق .
الشطه الي بعلب مثل رنا و كرستال ممنوعه .
انواع تتبيلات السلطات ممنوعه الا في حاله كانت خاليه من السكر و يجب قراءة المكونات جيدا .
السكر ممنوع و السكر الصناعي مسموح ايضا بشرط قراءة المعلومات خلف العلبه لانه في انواع تحتوي على الكربوهيدرات .
الكاتشب ممنوع لاحتواءه على السكر .
صلصة الطماطم الجاهزه ممنوعه .
الماجي ممنوعه .

انتهت المرحله الاولى من النظام بحمد الله و توفيقه
و للي يحب معلومات اكثر من موقعي اتكنز و دشتي​

وهذآ موقع اتكنز

http://www.atkins.com/Index.aspx

وهذا موقع الدكتور دشتي

http://www.drdashti.com/index.htm


يتبع

 

[شريفه 39]

بنات تكمله الموضوع بها الرابط والله موضوع رهيب راح يفيد الدشتيات افتحوه وشوفو

http://www.arabobesity.com/vb/showthread.php?t=3369

 

[بحر ونبآت]

حبيبتي شريفه انا مآ أكلت نشويآت ابد امس ..

اللي اكلته حبتين تمر .. وترا التمر غني بالبروتين والسكر ..

يعني طول امس وأكلي بروتين ..

وبسألك يالغلا ,,

وش فايدة يومين البروتين الصآفي .؟!

/

يومي ..

فطوري .. بيض مقلي مع شريحة جبن سلايس .. وكوب شاي ..

غداي .. لحم برجر مقلي مع سلطه ..

وطبعا اكلت حبتين تمر مع قهوه عربيه << ادري مصختها ..

والعشاء الله واعلم ..

للعلم بديت بدشتي يوم الجمعه اللي راحت .. وكان وزني 99 و 800 جرام ..

وزنت اليوم وطلع 97 و100 جرام .. يارب لك الحمد والشكر نعمه ..

 

[فوشيهـ]

يااااااااااااااكبرها عند الله

تمر بدشتي ؟؟!

ممنووووووووووووووووع خربتي الدنياااا

ارجعي بروتين صاااافي لحوم وبيض ودجاج وسمك عشان يرجع جسمك يحرق من اوول وجديد
​

 

[Niceya]

اليووم تريقت متأخر فكان ريوق وغدا مع بعض
كليت تونة وحطيت شوي ليمون فوقه
مع شريحتين مرتديلا + سفن دايت

العشا همبرجر مع خس وشوية مايونيز وكنت بتهور زيادة واحط جبن بس الحمدلله سيطرت على نفسي خخخخخ

ومر اليوووم بسلام
باجر الميزآن اتمنى اشوووف نتايج جمييلة :$

بنآت بغييت أسأل ؟ باسكن روبنز عندهم برد بدون شوجر مسمووح اكله وإلا لاا ؟
آبي برررررددد آرجووووووكم

 

[Niceya]

بحر ونبات .. إنتي ماشية صح والقهوة ممكن نغض النظر عنها
بس التمر لاا لأن بهالرجيم ممنوووع منعا باتا تاكلين لوو حبة سكر إلا سكر الرجيم
ومعروووف التمر متروس سكر .. حرام تضيعين تعبج بجذي راح يصير مفعول الرجيم عكسي راح يزيد الوزن فحاولي تقطعين التمر نهائي

بالنسبة لفايدة أيام البروتين الصافي
يبدا يخلي الجسم يحرق من يديد
إختاريلج 3 ايام سويهم فيه عشان يرجع جسمج يحرق أسرع

 

[مس هنادي]

شخباركم دشتيات

بغيت اسالكم عن الكاكاو خالي من السكر مسموح والا لا

 

[Niceya]

قمت اليوم وسيييدة من الفراش عالميزان « مو مصدقه لوووول
واوقف عالميزان ... والصاعقققققه !!!!

نازلة نص كيلووو :|
طبعا تنحت فوق الميزآن 3 سنين من الصدمه خخخخ
بعدين إبتسمت وقلت يالله الحمدلللله نعمه .. التغيير على جسمي وووووايد اكثر ومبين الضعف عدل .. عظام خصري إطلعت

والميزآن يا أنا يا إننننتآ p:

 

[Niceya]

بناات طلع كيلوووو مو نص كيلو معلق الميزان صدمته لووووول
الحمدلللللله :$

 

[بحر ونبآت]

يااااااااااااااكبرها عند الله ​

تمر بدشتي ؟؟!​

ممنووووووووووووووووع خربتي الدنياااا​

ارجعي بروتين صاااافي لحوم وبيض ودجاج وسمك عشان يرجع جسمك يحرق من اوول وجديد​

سهآلات يابنت الحلال .. والحرق ماشي تمام الحمدلله ..

 

[بحر ونبآت]

بحر ونبات .. إنتي ماشية صح والقهوة ممكن نغض النظر عنها
بس التمر لاا لأن بهالرجيم ممنوووع منعا باتا تاكلين لوو حبة سكر إلا سكر الرجيم
ومعروووف التمر متروس سكر .. حرام تضيعين تعبج بجذي راح يصير مفعول الرجيم عكسي راح يزيد الوزن فحاولي تقطعين التمر نهائي

بالنسبة لفايدة أيام البروتين الصافي
يبدا يخلي الجسم يحرق من يديد
إختاريلج 3 ايام سويهم فيه عشان يرجع جسمج يحرق أسرع

حبيبتي انتي ..

انا من المتآبعي ن لحلقات دشتي ع اليوتوب .. وسمعته مرره قآل ان الوآحد اذا اظطر مره مره

ولزززم علي اني اعطيه حلو .. بسمح له بحبة فآكهه ..

وطبعآ هذا مو عذر اني آكل تمر .. لآ .. بس ان شاء الله مآرآح تظرني بأذن الله ..

وع العموم وزني مآشي بالنزول يآرب لك الحمد .. ومآخربت بشي الأ بذا التمرتين ..

وبجرب ان شاء الله البروتين الصآفي ..

تسلمين لي يأبعد عمري وربي يبآرك فيك ..

 

[بحر ونبآت]

شخباركم دشتيات

بغيت اسالكم عن الكاكاو خالي من السكر مسموح والا لا

هلآ بمس هنـــآدي .. نورتي يآقلبي ..

ايه مسموح .. ويسوون منه حلويآت كثير ..

بس نصيحتي لآ تكثرين خليه مره بالاسبوع .. وشوفي القيمه الغذائيه اللي عليه واقريها زين ..

موفقه يالغلا ..

 

[بحر ونبآت]

بناات طلع كيلوووو مو نص كيلو معلق الميزان صدمته لووووول
الحمدلللللله :$

ألف ألف ألف مبروك حبيبتي Niceya وكيلو خير ونعمه ..

وإصبري فديتك إن شاء الله بينزل اكثر ..

فيه وحده كآنت تشتكي للدكتور من وزنها وانه ماينزل .. يعني من اصحاب الاوزان العنيده ..

لكنها استمرت .. وعقب صآر وزنها ينزل ككل اسبوع 4 كيلو ..

وربي يوفقنا وينولنا اللي في بالنا ..

 

[بحر ونبآت]

يومي ..

مآ أفطرت ..

أحس نفسيآتي مو زينه .. شربت نص كوب نسكآفيه ..

وعليها للحين ..

ناويه اسوي لي بيض بأي شكل وآكله .. عن قولة مآ أكلت شي ..

/

اليوم صآر لي اسبوع من بديت الرجيم ..

وزني كآن .. 99 و800 جرآم ..

واليوم 96 و 800 جرام ..

ويارب لك الحمد والشكر ..

 

[Niceya]

اللله وناسه 4 كيلو بإسبوووع؟
انا مو طماعه قنووعه بس كيلوين يرضيني :$

وماشالله حلوو نزولج .. إستمري وبتوصلين للي تبيينه بسهووولة :*

 

[Niceya]

طبعا ما صدقت أخلص ايام البروتين
احس فيني نقص أشيآ وايد

من الوناسة عالكيلو اللي نزلته
تريقت 2 بيض مقلي مع نص طماطة و موزاريلا
الغدا 2 كباب وصحن صغير سلطة

العشا لسآ ما بعرف معزوووومة وربنا يستر

 

[بحر ونبآت]

اللله وناسه 4 كيلو بإسبوووع؟
انا مو طماعه قنووعه بس كيلوين يرضيني :$

وماشالله حلوو نزولج .. إستمري وبتوصلين للي تبيينه بسهووولة :*

الحمدلله والشكر .. ترا وربي اول مره تصير لي خخخخخخخ

اللهم مع رجيم التمر واللبن .. نزلني 4 بأسبوع .. لكن عجزت اكمله ..

وان شاء الله نوصل جميع حبيبتي ..

وانتي يمكن وزنك قريب للمثالي عشان هيك نزولك بطيء وبسيط .. بس ولو خير ونعمه ..

/

اعترآآآآآف ..

نزلت اليوم العصر لجآرتي وأكلت قطعة كيك .. << انا مسويته خخخخخخ

بس قلت بكمل مآني مخربه بآقي يومي ..

سويت لي لحم مفروم مع بهارات وكوسآ وزهره .. حطيتهم بصينيه بالفرن مع كريمة ..

وانتظرهم يخلصون ..

شربت اليوم يمكن اربع علب مويه ..

 

[فوشيهـ]

هلوو صباياا

اليوم وامس ماكانو حلوين

امس اكلت بالليل وجبه من ماك

واليوم فطرت 2 توست اسمر وجبن سايل

وبعدين جوونا ناس .. اكلت 4سمبووسات خضار و3 حبات ورق عنب وحبتين بيتزا معجنات صغيره وسفن اب دايت

وبس
​