دشتي 2012مع شريفه حياكم

[Niceya]

صباح الخير صبايا

ريوقي اليوم بيضتين شكشوكه + 2 ميني نقانق ومااي


قمر 2
انا اول مرة اسمع فيها ماعندي فكرة .. وبالنسبة للأعشاب مسمووح تشربينها بدشتي

 

[بحر ونبآت]

مرحبا حبيبات قلبي وش اخباركم مواصله مع دشتي وكل يوم نقص 100ج بفضل الله نعمه بس مقهوره اوزن الصبح يطلع اقل بكيلو تخيلو وتوزن بالليل القاه زايد كيلو مااعرف مين اصدق الصبح او الليل خخخخخخخخخخخ
حبيبتي بحرونبات يازينك انتي وتصويرك مشكوره عالايضاح بس مدري كيف هالسكر مع المشروبات الساخنه هل يصير مر لان استيفانا رائع بس ودي اغير ...وبعدين هالحين جنبي فته تمر ياربيه اين المفر وش الحل ساعدوني:eh_s(22):

هلا حبيبتي شريفه والف مبروك اللي نقصتيه .. جعله مايرجع من غير شر يآآرب ..

وأبد يالغلا السكر مرره رآيق .. مافيه لا مروره ولآ شي .. وللمعلوميه كيس واحد منه يسآوي

ملعقتين سكر عادي ..

والمفر من الفتــــه هو انك مآتطآلعينها .. وممديه عليها بأذن الله ..

موفقه خير يالغلا ..

/

والسموحه ماكتبت يومي امس لأني كنت مشغوله .. بس الحمدلله كله تمآم وعدى على خير ..

..

 

[شريفه 39]

ياحبي لكم يابنات دشتي انتظرسواليفكم يومي كالعاده بيض ودجاج وسلطه والعشا تونه هذا التخطيط اليومي طبعا انا اموت بالجبن بس احسه يثبت وزني بحاول اتركه ٣اسابيع اخاف يكون عندي حساسيه منه زي ماقال الدكتور اوز الله يعني على الوزن الباقي باقي لي ٤ك واودع الرجيمات وابدا التثبيت ويا رب يوفقكم بنات وتخسون وماتجي الاجازه الاوانتم عارضات ازياء وانا معكم

 

[فوشيهـ]

يوومي


فطرت : برتقاله = 100 سعره

تغديت : 4 ملاعق رز + نص خبزه صغيره بيضا +ماسلا دجاج = حسبتها 400 سعره

سناك1 : باخذ 4 حبات بسكوت = 100 سعره

العشا : لسى ماعرف
​

 

[Niceya]

لاايعه جبدي من ايام البروتين
يالله هانت باقي باجر بس

الغدا 3 هبرجر لحم + كوبين ماي وحبة الفيتامين

العشا لسه بكييير


ماشالله شرووووفه تستاهلين على هالتعب
وكثري من هالدعوات الحلوووه :$

 

[شريفه 39]

اهلين بنات وش اخبار الرجيم ...
فوشيه ليه الفطور برتقاله كيف الجسم يحرق انتي بتزيدين حموضه المعده نصيحه افطري بيض مسلوق حتى لوكنتي سعرات ابيضه الوحده فيها 79س البرتقاله الوحده فيها 80 وليس 100 نصيحه اخت خلي معظم السعرات في الفطور والغدا اما العشاء حاولي يكون فحدود 50اواقل فمثلا العشاء خليه خياره ونصف علبه زبادي الخياره فيها 9 ونصف الزبادي المراعي فيها 22س وكثري قبل النوم الماء تدرين ليه لان الجسم بالليل مايحرق الاضعيف جدا اقوى وقت الحرق الصباح ويبدا يقل تدريجيا لين الليل عشان كذا يفضل عدم اكل النشويات بالليل ..ان شاء الله فهمتيني
اليوم اول يوم بروتين ويارب اوزن الاربعاء زي اليوم والقاه نزل على الاقل 2ك ماني طماعه لان بقي لي 4ك الله يسهل
بنات ياليت تقولون كم باقي لكم على الوزن المرغوب عشان نشجع بعض وكل وحده بعد ماتنحف وش نفسها بموديل وكذا ..انتظركم

 

[شريفه 39]

نفسي اللبس هاللبس بس البطن:eh_s(14): جابلي الضغط

 

[Niceya]

باقيلي 15 ابي اووصل 58
شروووفه انا كان عندي بطن صغير وإنشفط حييل من الروووب كنت يوميا اكل روب بس كان يثبتلي وزني

بعد ما تخلصين من دشتي وتنزلين الاربعه كيلو الباقيه دخلي روب حق اكلج وفي ناس يحطون ثوم معاه وبذرة الكتان وياكلونه الصبح عشان يحرق بس انا ماحبيت طعمه
كنت اكله عادي
اساسا بطني ممسوح و سمنتي كلها بأردافي ذابحتني :/

 

[فوشيهـ]

مالي خلق البيض شرووفه ماصدقت ع الله اترك دشتي


​

 

[شريفه 39]

ياعمري يانايسي لاتزعلين عشان 15ك والله اول مابديت دايت ماكنت اضن اني بنزل 30 كيلو بفضل الله الله يساعدك وتنزلين بدون ماتحسين باي تعب بالنسبه للروب كلامك صحيح وانا اصلا دايم استخدم بذره الكتان وعلى قولتك بابدا الزبادي بعد مااخلص دايت مشكلتي بطني من تحت الله يعين

 

[شريفه 39]

فوشيه الله يهديك مافي احد يحب الدايت بس وش نسوي مجبورين تصدقين انا اموت ولااكل خضار مااحبها ابد بس وش الحل لازم نخس

 

[Niceya]

بنات عندي مايونيز 0 شوجر و0 كارب
أقدر آكله بأيام البروتين الصافي ؟؟

 

[بحر ونبآت]

يومي

الصبآح .. أكلت شكشوكه .. بيضتين ونص طماطه مع شوي زبده ..

وكوب شاي ..

غداي .. طلعنا للبحر .. وأخذنا دجاج ع الفحم وأكلت منه شوي ..

وخربتها بحبتين تمر مع قهوه ..

/

رجعنا للبيت .. واكلت بيض مع تونه وشوي بقدونس وفلفل اسود وكاسة شاي ..

/

 

[Niceya]

على قووولتج شروفه الرشاقه تستاهل
والأيام تركض مانحس فيهاا d;

فووشيه ماكو شي إيي بالساهل لازم شوووية تعب تحملي

 

[بحر ونبآت]

بنات عندي مايونيز 0 شوجر و0 كارب
أقدر آكله بأيام البروتين الصافي ؟؟

انا قريت انه مسموح لأن نسبة السكر اللي فيه ماتتعدى النص في المئـه ..

/

وفيه طريقة مايونيز بيتي لرجيم دشتي ويمكن تعرفينها .. بس بحطها للفآئده .. والكميه منه مفتوووحه ..

/

بالخلاط ( بيضه + ملعقة كبيره خل + نص ليمونه + رشة ملح ورشة سبلندا)

في كيس بلاستيك نص كوب زيت عادي ونسوي خرم ..وننزل الزيت على الخلاط اللي فيه البيض وهو شغال بحيث ينزل بشكل خيط رفيع لين تحصلين القوام اللي تبينه

ممكن تضيفين ثوم او خردل للنكهه

 

[فوشيهـ]

الله يعين والله


فطوري : برتقاله

غداي : 4 ملاعق رز + نص خبزه بيضا صغيره + ماسلا دجاج + ربع علبة صغيره سفن اب

سناك1 : 4 حبات بسكوت

العشا : 3 شابورات + ملعقة اكل عسل + ملعقة اكل جبن سايل لايت + مويه



الغدا كان دسم بس بحاول ما اخربط اكثر من كذا ..

شرووفه انتي تعرفين بالسعرات ف ياليت تصلحين لي اذا كتبت شي غلط ..

انا احط السعرات بعضهم تخمين وبعضهم اكون عارفتهم ..
​

 

[فوشيهـ]

مساائوو ياحلوين

فطرت 5 تمرات + نص كوب لبن خالي الدسم


​

 

[شريفه 39]

اهلين بنات وش اخباركم نايسي ترا البروتين الصافي ماذكره الدكتور دشتي ابدا هذا من تجارب الناس دشتي قال التزمو بالمرحله الاولى لمده من 2اسبوع الى 4اسابيع ويكون نسبه النشويات فيها 40 ج وتكون هالنشويات من الخضار الورقيه والجبنه يعني اقصد لو اكلتي شي فيه كارب قليل مايخرب بس انا عن نفسي لما اسوي بروتين صافي مااكل اي شي معاه لان بس 3ايام سهله ..
<<<<<<<<<<<<<<<<<<<<<<<<<<<<<<<<<<<<<<<<<<<<ج
بحرونبات حبيبتي انتي لما تدخلين نشويات وانتي بديتي بروتين لاتكملين اليوم بروتين نصيحه مجرب مادام خربتيه لاتزيدين الطين بله وتكملين بروتين يعني اقصد بديتي بروتين ببدايه اليوم واكلتي بعدين تمر هنا جمعتي البروتين مع النشويات وكملتي بروتين رايي انك لما تخربين كملي اليوم خضار وابدئي اليوم الثاني ببروتين ص بس انتي بصراحه ماخربتي مره يعني تمرتين مابتخرب يمكن تثبت وزنك شويه بس ومع البروتين الصافي بيتحرك موفقه
<<<<<<<<<<<<<<<<<<<<<<<<<<<<<<<<<<<<<<<<<<<<<<
فوشيه لاتجمعين وجبتين نشويه في وجبه وحده يعني يارز ياخبز وحاولي تشيلين السناك حطي خياره اوخس او شاي احمر يسكر دايت لان الشابوره الوحده سعراتها نفس التوست 87س لان الشابوره توست محمص وش الفايده بصراحه فوشيه اشوف انك تاكلين عادي مااحس فيه دايت حاولي يكون الفطور منوع عشان تصيرين شيعانه طول اليوم موفقه ....
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

 

[شريفه 39]

طبعا انا بروتين ص وهذا ثاني يوم بفضل الله نقصت من امس لهالحين 500جرام
صحيت مويه بليمون
الغدابيكون ان شاء الله نصف دجاجه
العشاء سمك فيليه
بالاضافه للمويه والاعشاب ...

 

[فوشيهـ]

احس مرتاحه عليه بصرااحه

صج اثقل بالغدا بس العشا والفطور خفااف

العشا اليوم بخليه برتقالتين ان شاءالله ..


بعد 3 ايام بقيس وزني وبحط كم نقصت .. اليوم بصراحه غشيت وقست خخخخ

الحمدالله ناقصه ..لاكن بشوف بتاريخ 18 شيصير معاي .. اذكر اخر مره قست كان 68 وشوي .. اليوم لقيته 66.7 ..

بحاول اخفف ع قد ماقدر ..
​