رد: انطلاق حملة اخسري 10 كيلو دهن بدون رجعه و بدون تعب او رجيم ( من 1 مارس حتى 1 ماي
قوة بنات أمس الحمد الله يومي كان زين من ناحية الرياضة والأكل .. بس حبيت أشارك بشغله صارت وياي أمس :
أمس الله يسلمكم انعزمت على عيد ميلاد رفيجتي .. الحمد الله رديت من الدوام أخذت دوش وتسنعت ولبست أحلى نفنوف عندي .. النفنوف الأبيض الي كان شكله كارثة علي :tongue22: قبل خسارة الــ10 كيلو .. لكن الحمد الله أمس عبارات المديح والإطراء ما وقفت :eh_s(15): :eh_s(22):
المهــــــــــــــــــــم : طول الوقت بنات كنت أفكر وأفكر وأفكر (أنا شنو بسوي بعمري لما يفتحون البوفيه) :bbbiu: يا ربي من داخلي مابي آكل بس بنفس الوقت أكيد يمعة الأهل ورفيجاتي وبوفيه فيه ما لذ وطاب
الواحد بيشك بروحه لآخر لحظة (هل بيقاوم أو لأ ؟) :080402ask_prv:
وجاءت اللحظة الحاسمة : :tomato2: وفتحوا البوفيه ونادوا عاليميع يتفضوا الى البوفيــــــــه ههه :bbbiu:
قاموا امي وخواتي وانا بعد قمت معهم و100,000 تفكير في بالي :
شي يقولي : عادي اكلي اليـوم free ومن بكرة ردي للرجيم :eh_s(4):
وشي يقولي : خلاص اكلي من كل نوع شوي :eh_s(22): مع اني أدري اني ما باخذ شوي إلا صحن ورا صحن
لكن الشي الأقوى اهو : (انتي ماتستحين من روحج إذا كليتي الحين !! وين العهد الي بينج وبين نفسج ؟؟ ) :eh_s(22): (ليمتا بتمين تسوين رجيم يومين وعقبا خرابيط 4 و5 أيام !!! ) :eh_s(22): (شنو بتقولين للبنات بالجروب وجدول مس لزلز الي بينكتب فيه ان وزنج زاد !! :eh_s(16): ) (ويوم تروحين للدكتورة لقياس الوزن وتقولج حبيبتي انتي مو نازلة شي ) :bbbiu:
اهنـــــــــــــي قلت :
ورديت مكاني وما كلييييييت ولا شيييييي :eh_s(15): ولا حتى سلطة !
أكيد الناس استغربت وردات الفعل اختلفت (شكلج مسوية رجيم - اكلي وانبسطي وخلي عنج عقد الرجيم - انت ليش بتضعفين ! ما فيج شي ) .. لكن ردي بكل بساطة كان (ما أقدر آكل بليل أكل الليل يتعبني) :eh_s(15):
وحسيت نفسي اني بهذي اللحظة من بين الكل :
الحمـــد الله يارب :yaaaaaarb:
