دشتي 2012مع شريفه حياكم

[شريفه 39]

انسه رجه وش يومك اين انتي وين اختفيتي يالله بنات انتظركم ولو كاندي تشوف هالتجمع تدخل بليييييز اشتقنالها والبنات اللي ببدايه التجمع اختفو وش السالفه ادخلو

 

[Pretty Amoola]

شريفة ، حبيت أسألك انت تلبسين مقاس كم ؟
لأن الكل يقول لي مقاس 10 واااايد صغير
ايش رايك ؟؟؟ اليوم كذا وحدة ما نصحتني بالفستان
اللي شريته ، قالوا لي مقاس 12 راح يكون معقول اما
10 بالنسبة لي صغير ، انا فيني طول ومتزوجة وعندي
الله يحفظهم 4

 

[شريفه 39]

والله معرف مقاسي صراحه لان تص\قين اني طول الوقت البس ملابس فضفاضه لاني ابي اخلص مره وحده والبس بس بالنسبه للجينز البس 30 وانتي مقاسك روعه 10 اروع حاولي تكونين 8عشان لوزاد وزنك واتتعدين ال10

 

[أبريلية]

السلام عليكم صباياا


اسمحولي ع التدخل
مش مكاني بس حبيت أوجه نصيحة لأمولة..

اسمعي مني و أنا أختك خدي مقاس 12 = ميديوم

مقاس 10 ما يلبّس وحدة وزنها فوق ال50 و طويلة.

اما 12 ممكن يلبّس وحدة وزنها 60.


أما مقاس 8 يا شريفة دماااااااااااااار ههههههههههههه!!!


الله ينولكم اللي في بالكم

 

[Pretty Amoola]

والله معرف مقاسي صراحه لان تص\قين اني طول الوقت البس ملابس فضفاضه لاني ابي اخلص مره وحده والبس بس بالنسبه للجينز البس 30 وانتي مقاسك روعه 10 اروع حاولي تكونين 8عشان لوزاد وزنك واتتعدين ال10

اليوم كلمت وحدة طولها نفس طولي ووزنها 66 مع ان بالشكل تبين اضعف ، المهم سألتها كم تلبسين ؟ قالت 12 !!!
قلت لها ما تلبسين 10 ؟ قالت لا 10 صغير عليها وضيق ... يعني معقولة انا راح اصير اضعف منها ؟؟
لان ما شاء الله عليها جسمها يهبل

 

[أبريلية]

أمولة شفتي كلامي ما طلع غلط خخخخ

 

[انسه رجه]

لعيوووووووووووونك شرووف خاطرك غالي علينا ياابعدهم


الفطووور/ ملعقة جبن مالح 2خس

الغداء/ زهره+كوسه وحده محموسه بزيت زيتون+نصف علبة التونه


العشاء للحين ماقرررت

 

[انسه رجه]

صبايا الريااضه شي اساسي بالدايت

 

[Pretty Amoola]

بالعافية ما كليتي يا آنسة رجه

والرياضة أكيد لها دور في ترتيب وشد الجسم...

بس الدكتور يقول مب لازم تسويين رياضة عنيفة ..

لو تمشين باليوم 20 دقيقة كفاية .
​

 

[Niceya]

حلووة فكرة الملابس انشالله بدش السووق واخذلي شي حلووو واصغر من مقاسي
حاليا البس جينز 34 و14 بالuk
وامنيتي ال 30 يا شرووووف خخخخخ
عندي عرس الخميس شريت نفنوف وامي شافته علي قالتلي جسمج فرق حيييييل بس أنا مو عاجبني الأرداف حارتني ابي اتخلص منهاا بأي طريييقة

منو جربت كريم الفلفل بليز اذا اييب نتيجة قولوولي

 

[Niceya]

اليوم تريقت مع رفيجاتي بجوكلت بار
كليت اومليت بالشيدر وسبرايت دايت
طبعا كنت على وشك اني ابجي لأني اشووف الكاكاو وماقدر اكلللله إنهرت xd
من زمان عن الجووووكلت ابغآآ

ماتغديت لأني رديت نمت
العشا حبتين نقانق وقطعة جبن

 

[انسه رجه]

كيفكم دشتيات بعد التحطيم الي حصلي واصلت الرجيم والرياضه وانشاالله اواصل الى شهر 7 بس انشاالله انحف ما انصدم زي المره السابقه استعملت الحبوب زي ما قالت الدكتوره
شفتم الرياضه الي جتبها هويدا في برنامج التفاح الاخضر اليابانيه الي مدتها 10 دقائق وتساوي ساعه من التمارين الثانيه والله شي فضيع وبعدين عملوها لكبار السن وجابت نتيجه رائعه اليابانيون مخترعون في كل شيء مين تقدر تضع الرابط ما عرفت انزله حتى يستفيدون البنات

طيب ماتعرفين اسم الرياااضه

 

[انسه رجه]

حبيبااتي الدشتيااات امس وانا اطاالع قناة ال mbcاستضافواالمهندس فارس الحجري

كان يتكلم عن العلاج بالماء الساخن كيف تأثيره على علالاج كثير من الامرااض

وانويحفز عملية الحرق في الجسم يعالج الصداع والربوو الكليسترووول وكثير من الامراض قلت افيدكم


طبعاً الطريقه
1/شرب كاسين ماء داافئ على الريق قبل التفريش او السواك وبعد التفريش او السواك
2/ شرب كاسين بعد التفريش او السواك وقبل وجبة الفطوور
3/شرب كاس ماء سااخن قبل الوجبه بربع الي نصف سااعه
4/فتره المساء شرب 2_4 كاس ماء ساخن
5/قبل النووم شرب كأس ماء سااخن

اتمنى تستفيدون والله يكتب الفائده للجميع

 

[قمر2]

الرياضه ما اعرف اسمها واذا عرفتها كتبته واذا جت اختى لبيتي خليتها تنزل الرابط لاني ما اعرف انزله

 

[قمر2]

اختي الغاليه شريفه
انا مو حابه اغير رجيمي لاني عملت رجيمات كثيره وعند اخصائيين بس ما نفعت
بس انا عندي كسل في الغده وحسيت وزني يزيد من شهرين كذه وكسل ونوم كثير وتشاقط في شعري وحتباس للمويه في جسمي وراجعت يوم الثلاثاء وكانت الطامه الكبراء زاد وزني من 75 الي 81 ونصف قالت الدكتوره بعد ما علمتها الغده كسلت عنده زياده زودي الجرعه وزودتها وجلست طول يوم الاربعاء في الحمام ونتم بكرامه نزلت مويات كثيره وحسيت اني خفيت وماشيه على دشتي لان النشويات والسكريات لا تناسب فصيلت دمي ولا نوع جسمي وعندي كسل يعني طامه كبراء لو اكلت النشويات والسكريات
احبه الي تراجع دشتي وعندها كسل في الغده تقول اش قال لها تعطينا معلومات ولها دعوه في قيام اليل

 

[اثمان]

اثمان رجيمج رجيم البروتين العادي
احنا نسوي دشتي نمشي على اربع مراحل

هلا حياتي

مشكوره على ردج

انزين اذا بسويه بمراحله الاربعه شلون؟

ينى يبيلي جدول

 

[Niceya]

لا حبيبتي ماكو جدول انتي تنظمين يومج مثل ماتبين علا حسب المسموحات بكل مرحلة

كل مرحلة لها مسموح وممنوع
شوفي هالرابط فيه كل مرحلة وشنو مسموحاتها

http://www.drdashti.com/program_stages.htm

 

[Amoon like moon]

فعلاً هذا الرجيم رائع.. :eh_s(15):
فترة سويته انا وامي واختي كان حماس وقتها :eh_s(9):
امي نزلت عشرة كيلو
اختي 13 كيلو
وانا خمسة كيلو

بس بالشكل كأنه نازلين أكثر، بسرعة تبان النتيجة وتكون مُبهره فعلاً..

لذلك انا قررت أرجع له الحين خصوصًا إني شوي وانبط :eh_s(16):
ان شاء الله بستمر معاكم
اليوم بديت أول يوم والله يقوينا ونستمر ونوصل للجسم اللي نبيه :yaaaaaarb:

الفطور
بيض مقلي مع جبن وزيتون

الضحى
شربت كاس نعناع

الغذاء

سمكه مقلية + خس وخيار

العصر
شاي أخضر

=

بس عندي سؤال ياليت تفيدوني
انا شريت جبنة حلوم بس طلعت قليلة الدسم، عادي آكلها لو تعتقدون بيأثر ؟

 

[Niceya]

اي اكيد ياثر لان يكون الكارب فيه عالي .. اكليه بس بكمية قليله باليوم عشان ما تستهلكين كل ال 20 كارب المسموحة لج باليووم

 

[Niceya]

اليوم ريوقي بيضة مسلوقة
الغدا همبرجر وشوية جبن موزاريلا + سفن دايت صغير