تجمع اللي راح يولدون بمستشفى الصباح ...

[شوارفسكيه حمره]

ام راشد انا لمن خيطوني كنت قاعده لاني ماخذه ابره ظهر وكل ما حسيت بنغزه حطلي مسكن بس والله ولادتهم تهبل
وسوالي تجميلي
دكتوري وايد زين اسمه اشرف عبد المطلب
انا رحتله قبل الولاده بجم اسبوع وكلمته قلتله رفيجاتي يمدحونك ويقولون ما تعبوا بالولاده احسه تشيش وتوصي فيني بالولاده تخيلي من دشيت ليما ولدت واهو معاي والخياط بعد اهو خيطني
الحين انا امي تقولي روحي اولدي عند اشرف بس مابي عشان الغرف كلمته وقال ما اطلع برى
انشاءالله باذن الله بولد عند الدكتوره زينات لانها ولدت اختي وحسيتها نفس الطريقه

 

[ام اغلى الناس]

الحمدلله على سلامتكم

 

[أم راشد المطيري]

الحمد الله عالسلامة شوافسكية

ويعطيج الف عافية عالرد انا ما راجعت ولا مرة بالصباح بروحلهم عالطول واصلة

 

[Amlly Ent]

بنات انا فيني سكر حمل و كنت مقررة أولد بمستشفى خاص
بس انا خايفه من السكر أخاف تصير مضاعفات او شي لا سمح الله
شتنصحوني فيه أولد بخاص و الا الصباح ؟

 

[معاالي]

طبعا بالحكومه احسن

لان ماتدرين وقت الولاده شنو يصير.

والله يهون عليج

 

[ام اغلى الناس]

بنات شلونكم
منو خذت ابرة الرئه؟
انا للحين ماحولنا بطايقنا عالصباح
مابقى شي عالسابع
الله يستر

 

[yoyo"s mam]

حبيبتي ام اغلى الناس وانا كمان مثل وضعك
باقيلي يومين وادخل السابع ومحتاره اولد بالفروانيه ولا الصباح
انا تابعه للفروانيه بس ببالي ننقل البطايق للصباح
ولسى ربي ماييسرها
انشالله البنات يفيدونك بموضوع ابره الرئه

 

[ام اغلى الناس]

ام يويو
احنا بنحول بطايقنا للصباح
بس يارب يمدينا نفتح الملف قبل ادخل السابع
احاتي الابره
عاد بنت خالتي تقول خليج عالفروانيه
الصباح متشددين باوقات الزياره

بس انا ماهمتني الزياره
اهم شي الدكاتره والعنايه
للحين محتاره بس خلاص قلت لزوجي غير بطايقنا
والله يكتبلنا اللي فيه الخير

 

[Amlly Ent]

بنات بغيت أسألكم منو احسن دكتورة بالعيادات الخارجية اللي بالصباح ؟
و اذا موجودة العصر او لا ؟
انا اليوم كان عندي اول موعد عند دكتور احمد رجائي و كان زحمة و بحول مراجعاتي عصر بس عند دكتورة مابي دكتور

 

[yoyo"s mam]

ام اغلى الناس
يعني انت برأيك ان الصباح افضل من ناحيه الدكاتره والرعايه لاني بصراحه ناويه اخذ ابره الظهر انشالله
شوتنصحيني ؟ ربي يجزاك الف خير ويسهل عليك وعلينا الولاده ياارب

 

[yoyo"s mam]

اب اب

 

[خوووخه w]

قووه بنات انا ودي اروح لمستشفى الصباح اتطمن على البيبي وخصوصن قالي الدكتور انه ممكن تجيني ولاده مبكره لانه ماي البيبي واجد متى اروح احسن وقت وفي احد مثل حالتي ؟؟ كل مايعدي الوقت احاتي اقول اخاف الماي زايد وقاعده احاتي حدي تكفون طمنوني

 

[Loloki]

سلام عليكم بنااات انا بولد بصباح وكانت ولادتي اوله بصباح عند دكتوره عاليه العجمي بس طلعت

ابي دكتور زين منو برايكم اروح عنده.

انا راح اولد قيصري. يصير يسولي تضيج بنفس يوم ولاده ؟؟؟

 

[Loloki]

يالله بنات ونكم مساعده ماعليكم امر.

 

[ام اغلى الناس]

ام يويو
انا كنت محتاره بين الفروانيه والصباح
بس حماتي قالت خليج عالصباح احسن لانه مستشفى كامل متخصص ولاده
واعرف بنات ولدوا فيه يمدحونه
ووحده منهم اخذت ابرة ظهر تقول تهبل ماحسيت بشي
استخيري وشوفي وين ترتاحين

خوخه
اذا انتي تابعه للصباح خلاص روحي وافتحي ملف وتابعي
لاتنطرين


الله يقومنا كلنا بالسلامه

 

[ام اغلى الناس]

املي
طولتي لين فتحوا لج الملف؟
وشنو كانت الطلبات؟


لوكي
انا اسمع انه بالحكومي مايصير تختارين الدكتور
انتي وحظج
والله اعلم
خلي البنات اللي راجعوا يفيدونج

 

[خوووخه w]

مشكوره حبيبتي بس اروح الصبح احسن ولا العصر ؟؟

 

[Laymo0ona]

مشكوره حبيبتي بس اروح الصبح احسن ولا العصر ؟؟

اذا ماعندج ملف لازم الصبح عشان يحددونلج دكتور ويحطونلج موعد معاه

 

[Loloki]

اي بس انا اخترت دكتوره عاليه بس طلعت شلون تقولين ما اختار لا نختار حبيبتي

 

[Amlly Ent]

املي
طولتي لين فتحوا لج الملف؟
وشنو كانت الطلبات؟


لوكي
انا اسمع انه بالحكومي مايصير تختارين الدكتور
انتي وحظج
والله اعلم
خلي البنات اللي راجعوا يفيدونج

انا بجرية و طلع فيني سكر الحمل و الدكتورة عطتني تحويل للعبادات الخارجية
وماطولت على فتح الملف بسرعة
والطلبات كانت
صوره بطاقه مدنية زوج + زوجة
صورة عقد الزواج
بس الله يعينج على الكاتبات
مرات اقول اشتكي عليهم و بعدين اقول حرام قطع الأعناق ولا قطع الأرزاق