مسوية ريجيم ؟! تعالي شاركينا بصور وجباتج ..

[soosa88]

<< جان ادش الموضوع شوي شوي
هااا عادي ادش ؛$


<< دشت وخلصصصت ؛$!


بشارك وياكم ابواجباتي اذا نارنجه ما عندها مانع

هاذا غداي ؛ توست اسمر + لابنه لايت قفشه+ زعتر قفشه بزيت زيتون+ خياره + وعصصير فرش كيوي مسويته

 

[نارنجه]

بالعاافيه قطووووة



صارلي مدة اجرب انواع شكر الرجيم
وكل نوع استغفر الله
يغير طعم الشاي و القهوة

لين وصلت للتروبيكانا فعلاا ماحسيت انه للرجيم
حلاته نكهة طبيعية مثل الشكر العادي و بدون تغيير لطعم القهوة

فاكيد سوالف القهوة بتكون روعة

وخذيت شاي العويد للرجيم
طعمه حلووو ماحسيت بنكهات غريبة هههههههه

بس اذا تعرفون مفعوله حق شنو بالضبط علموني :/
لانه مافي ع العلبة غير المكونات و المصنع

 

[نارنجه]

<< جان ادش الموضوع شوي شوي
هااا عادي ادش ؛$


<< دشت وخلصصصت ؛$!


بشارك وياكم ابواجباتي اذا نارنجه ما عندها مانع

هاذا غداي ؛ توست اسمر + لابنه لايت قفشه+ زعتر قفشه بزيت زيتون+ خياره + وعصصير فرش كيوي مسويته

افا عليج ترفسين الباب و اتدشين

حياج بكل وقت وبكل يوم

عليج بالف عافية

 

[soosa88]

يا بعععد جبدي انتي ؛$
من ذوقج


وعلي سكر تروبيكانا عجيييب عجيب عجيييييب انا استخدمه
في اللي حبات حطيه بجنطتج وين ما رححتي والاظرف خليهم حق البيت ؛*

 

[نارنجه]

ايه اخذت اليوم علبة الشكر الاظرف و مسوين معاها عرض هدية علبة الحبوب الصغيرة
على طول حطيتها بجنطتي


:***

 

[نارنجه]

غداي اليوم

شيش طاووق امريكانا المثلج
حطيته بصينية و دخلته الفرن وطلع اشحلاته

وتبولة
من غير ملح او ليمون او زيت
نااااشفه الا من هالليمونة الي تزينها ههههههههه

ولبن اب خالي الدسم


والحمدلله ع النعمة

 

[دنيتى انا]

بما اني قلت اني باخر الغداه توني ماكله وجبتي اهيا كانت :

4 همبورقر لحم مسوي من غير ولاااا حبة زيت او اي اضافة + خس +صلصه احبها

4 همبورقر 500 سعره حراريه ( الوحده 110 ) بس مادري يمكن اكثر عشان جذي زتنها
الصلصه 0 سعره حراريه ( الحين احط صورتها )
5 ورقات خس 5 سعره حراريه


المجموع 505 للغدا

المتبقي لليوم


99 لليوم




الصلصه

 

[loving wife]

مرحبببببببا


احين بحط صور وجباتي

اول شي انا ما اتريق لاني ماقوم الصبح على طول غدا

غداي كان عباره عن

شوربة خضروات+صحن صغيرون نصه باستا ونصه سلطه+عصير ليمون فريش



السناك كان قرين تي+مالفين صغيرون



العشا كان خبز لبناني اسمر+جبنة بوك 2م +عصير المراعي برتقال




ياااارب اضعف
الميزان راح يكون يوم الخميس الصبح
ادعووولي

 

[κамυι]

-

ششئ حلو
نطلع من روتين آلآكلآت آلمملةة ><
م عندي وجبآت لآن آكلي روتيني و م آحب آغير كثير ...
بس آحب آلعشآء يكون زبآدي آخلطه مع فرآولةة لذيذ جداً ...

شكراً جزآك الله خير : )

​

 

[q8**girl]

غداي امس بيض وطماط وعصير اناناس:

 

[نارنجه]

دنيتي انا

بالعافية يارب

بس ماوريتينا اسم الصلصلة ؟
ومن وين ؟



/

لفنق ويف

مداخيل العافية
ويارب تضعفين وانتي بصحة و سلامة
بس ترا الريووق اهم وجبة باليوم كله

يعني لو تبين تضعفين لازم تهتمين تاكلين وجبة الريوق
وما تحرمين نفسج من الوجبات لان راح يصير رد فعل عكسي
جسمج راح يخزن بدال مايحررق

احسن وقت الجسم يحرق فيه طاقة هي الصبح بعد الريوق




/

كاموي

يارب كتبت اسمج صح ههههههه
تسلمين حبيبتي ع الرد

من ضمن نصايح الرجيم
وعشان ماتملين من الاكل و كميته
انج تدلعين عمرج بطريقة تقديمه و تزيينه
عشان تحسين انج تاكلين بفندق عشر نجوم

واحنا عندنا مثل يقول
العين تاكل قبل الفم


موفقة بالدااايت
/


q8**girl

بالعافية يارب
فقدنا مشاركتج

:**


/

ريوقي
وينفع يكون اي وجبة


بيضة و شريحة جبن سلايس زيرو فات و شريحة مورتديلا << مع اني ماحب هالسوالف
واكيد خس بديل الخبز ؛)

+
شاي العويد للرجيم << ما حد جاوبني جربتوه ؟

 

[نارنجه]

وهذا رابط الدياي المشوي بصلصة الليمون و الكزبرة
فيه الطريقة و الشرح

http://www.q8yat.com/t1049549.html

 

[قطوووة]

اي جاي حق الرجيم كله تجاري

عن نفسي احب الجاي الطبيعي 100% لان فايدته عجيبة
انا شخصيا احب اشتري جاي ابيض + جاي اخضر بالزنجبيل جاهز

والطعم لا يعلى عليه

واهم شي انه طبيعي مو تجاري وشفت فايدته:eh_s(15):

 

[soosa88]

اليوم ماكو ريوق
والغدا

 

[نارنجه]

قطوة


صاجة
حاشني مغص عقب هالجاي

عندي الجاي الابيض بالفانيليا اورقانك
ماخذته من مركز سلطان

وفي نوع ثاني من نفس الماركة يخلص الجسم من السموم الديتوكس

الاثنين طعمهم حلوو وناسيتهم
جربتي انواع الجاي الي بمارك سبنسر ؟

:eh_s(7):





/


سوسا

بالعااافية

يشوق العصير
كيوي و شنو؟ اناناس؟

 

[soosa88]

٢ همبرغر نص طمامه خسه كجب



وعوافي بنوتات

 

[soosa88]

نارنجه كيوي وحليب وسكر بدون اناناس

 

[قطوووة]

هذا المفضل عندي

صج غالي بس سعره فيه

 

[عاشقة الككاو]

خوووش موضوع

وبصراحه
نارنجة فنانة ومبدعه بطريقة تزيين وتقديم الاكل
اهنيج

ياريتني اعرف انزل صور
بس بحاول اخذ من جوجل اذا تسمحين ..


ويارب كلنا نبشر بعض بنزول 5 ميلوا خلال عالاسبوعين

 

[عاشقة الككاو]

اي صج نسيت اقولج شي نارنجة

انا شارية شاي الرجيم مال العويد وطعمة مستساغ والتزمت فيه 6 ايام وبكمل ان شاءالله بس حاشني سهال وانتوا بكرامة وشوي مغص ويروح بسرعه

ومادري اذا هالشي عادي ولا يخوف !
ونزلت 1 كيلوا مع اني ما قعد العب رياضة او اسوي اي مجهود بدني

مادري اذا الشاي لع علاقة او اكلي الخفيف ؟؟