شلونكم بنات
اليوم رحت الصباح
والله تبهذلت اخر بهذله
هذا وانا باول الطريق وماسويت غير اخذ موعد لفتح الملف
تخيلوا
اول ما دخلت رحت الرسبشن للحوامل
وحده الله يسامحها تقول روحي عند الملفات يفتحون لج
ومشيت مشي طويل
وبعدها قالوا لا عند السكر
وبعدها قالوا عند الرسبشن اللي كنت عنده اول مره
وطلع صج عندهم
نطرت طابور يمكن ربع ساعه لان الكاتبه حضرتها تتريق
وبعدين بس كتبت اسمي بورقه وقالت ماعندي دبابيس للدباسه
روحي غرفه ١٧ تحط المواعيد
رحنا طلعت صوماليه تقول ما اخذ اي ورقه الا مدبسه
ردوا للكاتبه
رديت قالت الكاتبه دبسوا من اي مكان او انطروا
تخيلوا لفيت المستشفى وتنقعت بسبب دبابيس للدباسه
يمكن ساعه الف
اخر شي لقيت فلبينيه حبوبه دبستهم لي
عقبها رحت غرفه ١٧
ونطرت يمكن ساعه
نادتني وطلع الموعد يوم ١٣ يعني بعد ١١ يوم
قلت اجي المره الجايه صايمه؟ وتسون لي سونار؟
قالت مدري
وبس
بنات تخيلوا هذي ثالث مره اروح صايمه ودايخه وما يسون لي شي
بهذله وخلاص
الله يستر من الولاده
كانت قاعده عندي وحده
تقول تتابع مع دكتوره اسيا
وتمدحها
و مر دكتور اعتقد مصري
تقول هذا استشاري زين اسمه الغربللي
انا ورقتي مكتوب عليها دكتور عصام غرفه ٩
بنات منو يعرفه وشرايكم فيه؟
مو انا اللي اختار؟
