( آعرآض آلحمل ) شنو حسيتي فيه قبل تحللين ( تجآرب آلبنآت )

[العفاسيه وبس]

اول في ولدي البجر لوووعه وكرهت البيت ولدي الثاني هم لوعه ونوووووم وايد

 

[رجفة وهم]

كنت انااااااااااااااااااام وااااااااااااايد

كنت أروح الحمام أعزكم الله وااايد

كنت أحس ببطني مغص مو طبيعي مثل الآلآم الدوره كنت أحسبها كل شوي بتنزل بس مافية شيء

 

[مضاد حيوي]

السلام عليكم
انا كنت احس بأعراض الدورة و لمن أنطرها و اتنزل
أحلل .. أطلع حامل ..

الله يرزقني الحين أبي أحمل .. يارب سبحانك ترزق من تشاء
أرزقني و أرزق كل وحدة تتمنى الحمل .. يارب إنك سميع الدعاء

 

[زبــــــــدة]

بنات

يعني اعراض المل اهيا نفسها اعراض الدورة قبل لا اتييلج ؟؟؟

انا الدورة باقي عليها وايد ...وقاعده اس باعراضها من الحين

صدري حيييييل يعورني ونقزات في بطني ...


وياااااااااارب ما اتييلي الدورة هالشهر ادعولي

 

[وردة الدوحه]

jatny elthabat we efrazat '3arebh r7t a3alj

swatly ta7lel dm 6l3t 7amel !

 

[moz3eja]

بالضبط نفس اعراض الدوره وبزياده ..
احس انها كاهي بتنزل واركض الحمام وماكو شي !! ههههه

مافرقت بين الدوره والحمل صراحه
الله يرزقكم حبايبي

،،،

 

[orchidia]

زبدة حبيبتي الله يرزقج قريب

انا جذيه ججتني اعراض الدورة مبجر حيل

بعد ايام التبويض بيومين أو ثلاثة تقريبا وجنها بتنزززل

والحمدلله طلعت حامل

 

[دآنة آلرشآيده]

الله يرزق كل البنات بالذريه الصالحه
ويتمم على كل حامل ويثبت حملهآ ​

 

[&هند&]

انا اعراض الحمل غريبه مو مثل حمالي الي طاف لا بس حسيت بعوار ظهر واحس بعوار غريب برحمي مثل عوار الدوره بس اكثر وحسيت نفسيتي مسدوده وقمت اتارع وحسيت بطني يابس جهة الرحم واي قمت احس بنبض بالرحم ،،،

 

[حآلية الذوق ~]

حسيت عوار ماسكني بالعمود الفقري
وعوار نفس الدوره يي شوي ويروح بس اخف من الدووره
و قبل موعدها نزل علي افرازات بيضا نفس التبويض

و كنت احس ب حرر وفجاه استبردد

 

[Bloom]

نزل علي دم خفيف احمر وبعدين تاخرت علي الدوره وحللت وطلعت حامل ولو نطرت اسبوع وبعدها حللت جان عرفت من النسااااه القووووويه اللوعه وحاله واي واي

 

[دآنة آلرشآيده]

سبحآن الله كل حمل يفرق ع الثآني
ناطرين تجارب بآجي البنآت للفآيده​

 

[Flower20]

يا رب احمل هالشهر ادعوووولي
احس بعوار الدورة من ايام التبويض

 

[دآنة آلرشآيده]

’’ آب آب ​

 

[Habibat Abooha]

قبل ماعرف اني حامل الكل يقولي عيونج طابه وويهج اصفر شكلج حامل

طبعــا يكرم السامع الحمام رايحه وراده عليه

بطني تعورني مت منها جنا الدوره بتنزل

خمول مو طبيعي ومالي خلق شي

آلم بصدري مو طبيعي ولي الحين

نومي خفيف

 

[فديت سالم]

اللهم ثبت ماافي ارحاامكم ياااارب
بحملي بناتي ماااكنت اركز بشي ابداااا لاني ماكنت اترقب الحمل كلشش كنت كله اقووول مابي (( استغفرالله ))
اما بإجهااضي كنت اترقب وجتني حالة بكي مو طبيعي اقول ياارب تنزل لاني مو قادره انطر موعدها تعبت من التفكير حزتها وضييقه وكله شارده والم بظهري حيييييل اما بطني ماحسيت فيه ابداا وحللت قبل موعدها بيومين وطلعت حامل ياافرحتي يومهااا ههههههه واجهضت الحمدلله واكاني اترقب والشهر اللي طاف مثل الاعراض بالضبط وتأخرت المسعده وعشت الدور هههههه
وهالشهر قل الالحاح اللي بداخلي شوي بس كأنكم بتخلوني اتأمل من جديد لان اعراض الدوره والصخونه ملازمتني لها جم يوووم الله كريم ان شااءالله
ودندووون خووووش موضووع

 

[زبــــــــدة]

يا رب احمل هالشهر ادعوووولي
احس بعوار الدورة من ايام التبويض

ياااااااارب ماتييلنا هالشهر ونطلع حوامل :eh_s(7):

 

[أأأميرة الورد]

تحوشني نشله وحرارة وصدري يتعب

 

[؛؛حلاوه؛؛]

ظهري يعورني

اروح الحمام وايد

تعب واحس ابي أنام

نغزات ابطني شكل بطني من فوق غير

احس في شي يبي ينزل

وممكن تكون هذي أعراض الدورة

واللي تجدم دورتها او تتأخر فجأة احتمال كبير الدورة الياية تحمل

 

[؛؛حلاوه؛؛]

اي وعوار بالمبايض