يوميـــــات مخطوبة

[الشموخ]

صباااااااااح الخييييييييييييييييييييييير

الى جميع الكونانياااااااااااات في هالقصه

انا من وجهة نظري انها حبة تسوي حركة حلوة علشان تحتفظ بالايام الحلوة اللي مرت فيها فكتبتها بالمنتدى كذكرى لقصة زواجه مثل الاجانب

هي متقدمه عننا بمراحل بس اتوقع قصدها توصلنا ليوووم العرررررس وتبدا النقل المباشر وشنو يصير معاها لحظه بلحظه

هذا اللي اعتقده

اما بالنسبه للهجه من اول ما كتبت شكييييييتها واضح انها مدخله كلمات بحرينيه وهي عارفه
لها اسبابها بس غالب الظن انها كويتيه بس فيها عرج بحريني لوووووووووووووووووووووووووووووول

مثل انه يكون نص عايلتهم في البحرين

مع تحيات كونان رقم1

 

[lawyer-GoMaR]

محد جاوبني ؟؟؟ يمكن محد لاحظ الشي المهم ... ههههه

المهم نواره لا تزعلين قاعدين انبش وراج ..ترى من الوناسه .. يعني صايدين شي

ويالله كملي ناطرين باجي القصه على احر من الجمر موفقه حبيبتي

 

[ظبية الامارات]

ها مافي شي يديد .. وينج النوار .. بنات اعذروها .. دراسة وريل وهي تمر بفترة من احلى الفترات وهي فترة الملجة ..

اكيد ماشي وقت للمنتدى .. المهم ربي يوفقج غلايا ويسعدج ونترياج على احر من الجمر .. يااحلى نواااااااااار

 

[قلب راشد]

محد جاوبني ؟؟؟ يمكن محد لاحظ الشي المهم ... ههههه

المهم نواره لا تزعلين قاعدين انبش وراج ..ترى من الوناسه .. يعني صايدين شي

ويالله كملي ناطرين باجي القصه على احر من الجمر موفقه حبيبتي

طبعااا لاحظت _03BA:

وبدز لها عالخااص تعدل خخخخخخ قبل لا يلاحظون البااجي

 

[النوار]

خالتي ام يوسف عندها مع ربعها دوريه كل اسبوع عند وحده ..
عاد امس قالت لي انه يصير بينهم منافسه كل وحده تغلب الثانيه بالفناتق والاكل او هالسوالف ..
على فكره خالتي مو كبيره يوسف بجرها او اهوا مواليد 1979
او تزوجت صغيره .. فعايشه حياتها دايما تسافر مع ربعها او تلبس او شحلاتها ..
المهم ماطول عليكم .. امس قالت لي انه باجر دورها ..
قعدت الصبح .. بعد عزيمة بيت عم يوسف راسي يعووورني ..
سبحت او شفت التلفون في ميسد كولات من يوسف ..
كلمته قالي بمرج الظهر .. قلت له مااقدر .. ابي اجهز اشيا حق عزيمة خالتي اليوم ..
قالي مو مشكله مابنتأخر قلت له لا مااقدر تعال تغدى عندنا ..
قالي اوكي ..
المهم رحت حق امي .. او قلت لها عن عزيمة خالتي قالت لي غميضه وايد متأخر قلتي لي بس خل ادق اشوف ..
المهم في مره تسوي حلاوه على شكل بخور .. حتى اللي تحط فيه الحلاوه نفس مرطبان البخور .. او مزين بزيج او ينشال بملقط ..
او تسوي بعد نفسها حلاوه في مواعين ستيل صغاااااااااار
تحط فيها جيز كيك او حلاوه على منجا او ألبه او ساقو ..
شكلهم يونس صغاااار حيل .. او مغطيين ..
الحمدلله يوم كلمت امي المره كان عندها كميه .. طلبناها ..

بعدين كنت شايفه في بيت وحده من ربعي .. تبوله مقدمتها بشكل حلو .. اقول لكم شلون
برزنا التبوله العاديه مالت البيت او اخذنا الخس اللي ايي له كشه .. ماعرف شسمه مو الخس العادي .. اللي ايي ملفلف من تحت كانه ورقة قرنفل ..
ناخذ ورقه وحده او نحط فيها شوية تبوله او نلفها ببقل نربطها
وعندنا ملة خضره للسلطة نحطهم فيها شكلها واااااااايد حلو ..

بعدين سوت خادمتنا مجبوس .. عاد مجبوسنا احنا غير
وايد لذيذ .. خذنا من الجمعية فلفل اخضر كبار او احمر او كان في بنفسجي او برتقالي او اصفر ..
فضيناهم .. او حشيناهم بالمجبوس .. او كل وحده فيها قطعة دجاجه ..
او شكلهم كان حلوووووووو ..

المهم ..
دق يوسف .. او انا بالمطبخ قالي انا برى ..قلت حق اختي او دخلت اسبح لانه ريحتي مطــــــــــبــخ ..
المهم سبحت او نشفت شعري ولا كشتي شكبرها .. سويتها بالاستريتنر بسرعه ..
او لبست تريننق .. او طلعت ..

ولا يايب لي باقت ورد جوري مربوطه بريبون اخضر ..
او شكلها حلووووو ..
او معاها كارد ..
المهم اخذتها او دخلت الدار قريت الكارد .. ولا حبيبي كاتب لي سوري عن امس .. انا وايد تصرفت بغباء ماكنت منتبه المفروض امسك ايدج او ماهدها ..
كسر خاطري .. من كثر ماقال اسف او كل شوي يقول انا غبي انا طبعا ماارضى عليها ..
المهم حطيت الورد عالسرير او طلعت له
قعدت يمه او مسكت ايده .. قلت له حبيبي .. انا نسيت امس او اصلا انت عادي كنت لاهي انا مو زعلانه عليك ..
قالي احبج ... امي يات او قالت يالله غدى .. قمنا تغدينا او راح حبيبي .. قالي بمرج عشان اوديج بيت امي عقب صلاة العشا .. قلت له اوكي بروح من وقت اساعدهم قالي .. عيل 6 انا عندج ..
قعدت الف لف شعر بالفير ..
لبست توب كنت شاريته من زارا طويل .. ينلبس خالي ...لونه بني او كحلي او من تحت فيه صدفي ..
لبست قلب لولو قصير او ترجيه لولو ..
او جوتي فلات اسود ..
حطيت كحل طويل .. او مسكره او بيس بيج ..
او حمره حمره ..
وصل يوسف قلت حق الخدامه تحط الاكل بالسياره او ييت
ركبت مع يوسف قالي هالكثر مسويه ..
قلت له تستاهل خالتي .. قالي عاد انا قايلج 6 لانه نبي نتمشى .. قلت له لا لازم يحطون الفلفل فالصخان قالي انزل الاغراض او نطلع
نزلت ولا خالتي مسكينه عندها لويه مع البنات او خواتها افتشلت اني بطلع ..
المهم دخل الاكل من الباب اللي ورى .. او ناديت خالتي قلت لها كل شي .. او قلت لها ودي اساعدكم بس يوسف يبي يتمشى شوي ..
قالت لي حبيبتي .. روحو استانسو كلشي جاهز .. او كفايه اللي سويتيه .. اشكاااااااالهم تشوق ..
كل شي احلى من الثاني او باستني ..
او راحت تنادي خواتها توريهم انا طلعت من ورى او رحنا انا ويوسف
شرينا برد من باسكن روبنز .. او وقفنا بمكان قعدنا ناكل ونسولف .. لين صارت 8 رجعنا .. نزلني او راح
دخلت ولا اشوى للحين محد يه .. قعدت معاهم او قعد يقولون لي انهم وايد استانسو باللي يبته ويشوق او مادري شنو وانا استانست
او قعدنا او ياو صديقات خالتي ..
ماشاءلله كلهم من طقتها .. شحلاتهم كل وحده كاشخه ويهبلون ..
كانت بينهم وحده مرت سفير من ديره من الخليج .. قعدت يمي او اندمجنا بسرعه او قعدنا نسولف ..
القعده كان وااااااااااو .. مفيده او حلوه او كلها سوالف حلوه مافيها حش او قرض ..
يعني سوالف عامه او كانو يخططون حق سفره .. بيروحون سيري لانكا ..
بنفس الوقت اللي بسافر فيه حق شهر العسل ..
فكانت عندي خبره بالتذاكر او هالسوالف او قعدنا نتناقش لين وقت الاكل ..
طبعا خالتي كانت مفنتقه اشيا تهبل ..

او حطت لهم طاولة الاكل بالحديقه .. عليها شموع او ورد والجو برررررررررد ..
كانت حاطه عند الباب سله كلها شالات .. ملونه ..
او برى .. دفايه أجرتها من محل .. اللي تيي طويله مالت برى ..
القعده كلها كانت وايد حلوه .. على حمام السباحه كانت تارسه المكان شموع اللي يطفحون بالماي ..
روووووعه كان المنظر
الاكل .. كله فناتق ..
او حتى طريقة التقديم .. او الخدم او لباسهم ..
اهما قبل كانو كله يطلعون مطاعم هذا اول تجمع بالبيت او خالتي كانت 3 وحده تييها الدوريه .. اهما كلهم 15 وحده ..
المهم وااااااااااااااااااااااااااايد كان وناسه .. كلشي .. او ماطلعو الا الساعه 12 او نص .. او قعدنا بعدين نسولف لين يا يوسف او صعدنا الدار ..
الساعه 3 رجعني البيت ..
قعدت اتقلب بالسرير .. شاغلني موضوع الجامعه من ملجت او انا وايد مقصره او فاتني اختبار او ماعندي .. عذر طبي .. قلت باجر انشاءلله بروح اكلم الدكتور .. او تقلبت شوي لين نمت ..

 

[Killer^Girl]

وي عاد الا دراستج .. موفقه
والصور بأخر رد لج مو طالعين حسافه

 

[bint_looda]

وانااا وياااااااج لآآآآآخر درب وانا ويااااج لآآآآخر درب

 

[ام وليــــــــد]

الله يوفقج بالكليه انشالله

 

[a7la_sanfoora]

ياحلاتج يا نواره الله يهنيج ويوفقج
انا حتى لو ماقريت باقي الاجزاء .. اكمل اقراهم وانا بالكليه هههه
متابعه لج

 

[orangeya]

متاااااابعة بضمير

لي عودة ان شاء الله

 

[النوار]

بما انه متابعاتي الحلووين منشغلين بحل الغاز القضيه اللي عندهم ..
او حسيت انه الموضوع جذبهم اكثر .. فانا بخفف السرد .. او بقول لكم احداث بسيطه من مجريات الايام ..
ههههههههه اهم شي مجريات الايام ..
نسم الله ..

يوم اخر ..
بتديت احس انه برنامجنا صار واحد ..
خلصنا الاماكن كلها او بتدينا نكرر ..
كل يوم مطعم او كوفي شوب ..
كل الافلام نشوفها اول بأول ..
سوالفنا خلصت ..
لوية العرس صرنا نمل منها ..
فقعدت من النوم .. كنا مقررين نتغدى بالمرينا
امي او ابوي كانو بالشاليه او اخواني كل واحد بصوب ..
فالبيت فاضي
دقيت عليه قلت له مالي خلق نطلع تعال البيت محد موجود البيت لنا ..
عدلت داري او بخرتها .. او رحت الجمعيه شريت سناك ..
جبس او خرابيط ..
او سويت له عصير ميلك شيك فراوله .. مشروبه المفضل ..
او عدلت القلاصات ..
طلعت فيلمين .. واحد اسمه
If Only
رومانسي بس يعور القلب ..
او الفلم الثاني
Veer Zara
فيلمي الهندي المفضل ..
دنيت الكرسي جدام التلفزيون او راه حطيت طاوله رفيعه علها شموع
او من جدام طاوله قصيره .. عليها الاكل .. حطيت كل شي بصحون .. او رتبت المكان

"على فكره احنا شقتنا جاهزه بس مانقعد فيها , قلنا بنخليها حق عقب العرس عشان نحس بالتغيير "

المهم .. شريت بيتزا من دومينوز ..
او بونلس جيكن
او بيبسي ..
او لبست .. بيجاما .. بنطلون او قميص .. او سويت شعري بوني تيل .. او حطيت عطر الملجه
كوكو شنيل ..
او انتظرته
اول مره يشوفني ببجامه ..
ضحك علي شكلي .. يقول احسج اختي مو مرتي
صادني احباط ..
اول شي رحنا داري .. كنت مجهزت له ألبوم صور او احنا صغار ..
او صور من عرس امي او ابوي ..
صور عائليه مرتبه .. حطيتهم بألبوم يديد .. او قعدنا بالدار ..
نشوف الصور .. بعدين قلت له يالله نروح انتغدى .. قعدنا على الطاوله برى ناكل البيتزا .. بعدين
قلت له يالله السينما
قالي مالي خلق اطلع
قلت له ولا انا .. حياك
كنت مشغله الشموع قبل .. فدخل الجو عجيب .. او كان برد .. يبت كمبل .. او قعدنا عالكرسي ..
قالي انا ماقط شفت فلم هندي .. خل نشوف شتحبين فيهم
انا كنت متشجعه لاني ادري انه الفلم روعه .. او في حركه سياسيه .. بيعجبه ..
المهم او قعدنا نشووووووووووووووووف ..:eh_s(6):
والله يابنات استانسنا اكثر من اي طلعه طلعناها ..

 

[orangeya]

ونااااسه نيو بارت

أول شي ليش بتخففين السرد؟ @@

ترى بالتفصيل احلى،،، ولا خايفة لا نستنتج وايد لول _03BA:


اول شي خوش شي انكم خلصتو تأثيث شقة الزوجية مبروك

وزين تسوين تخلينها لي بعد العرس,,,


حلوة فكرة السينما

والاحلى سالفة البيجامه لول




بانتظار نيو بارت يا نونه

 

[q8**girl]

وااااي ربي يوفقج نواره ويين مارحتي
بنااات انا انا بعد دزولي استنتاجاتكم على الخااص هههههههههههههههههه

 

[نظـــرات حـــائرة]

< تقرا الأجزاء وما همها لا استنتاجات ولا بطيخ

 

[>عين أبوي<]

يحليــــلكم الله يخلي لج يوسف ويخليج له

ياااااااي كل ما لها وتحلى_03BA: رووووووووووووووعه

تسلمين حبيبتي

ويلااااا لا تتاخرين علينا حدي متحمسه :ggdw:

وموفقه يااااااارب

 

[قلب راشد]

تصدقوون الخااص ما ادري شفيه ما يفتح معااي

نواار ليش بتختصرين ترى التفاصيل اهي اللي محليه القصه واحنا متاابعين بلييز لا تغيرين شي

خلييج على هالمنهج مااشيه

متااااابعين

 

[bint_looda]

وااااااااااااااااااو وناسه هههه جني عايشه وياكم والله ربي يخليكم لبعض

 

[ام نواره]

الله يوفقج حبوبه وعسى ربي يتمم عليج

 

[q8**girl]

ابييي قاعده تتسكرر عيووني فيني النووم ... بس صااامدده بنطرر التكمله .. يلا نواره بلييززز

 

[ام الفهد712]

نواااار

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف