·!¦[· ماذا بعد الرجيم 2012 - الجزء الثاني ،، ·]¦!·

[قطوووة]

.

السلام عليكم جميعا

بعد طرح الموضوع الأول قبل 6 شهور:
ماذا بعد الرجيم ؟؟ 2012 ( خلاصة تجربتي والفايدة للكل )


حبيت دعمكم وتشجيعكم وهو لالي خلاني استمر ..

بالبدايه بحاول مااكرر اللي ذكرته بالجزء الاول
واحب اذكركم انا مو دكتورة .. ولا اخصائيه تغذية

اللي اكتبه عبارة عن اجتهادات وتجربتي على مدة ( 11 شهر ) من بداية رجيمي ،،


ان اصبت فهذي خبرة اكتسبتها وان اخطأت اتقبل النقد والتصحيح ،،

بداية رجيمي كان من شهر 7-2011

وصلت وزني المثالي و حاليا اسعى للمحافظة عليه ،

راح اكتب لكم نصايح .. ارشادات .. واي شي استفيده مااحب ابخل عليكم فيه ،،



ان شاء الله أول شي راح اتكلم عنه .. شنو فرق علي ..
قبل شلون عاداتي الغذائية .. والحين بعد سنه تقريبا شلون صارت ..
بعد خسارة مايقارب الـ 13 كيلو ( ما شاء الله )



راح احط الرابط بتوقيعي عن الصفحات والمقالات اللي راح اكتبها ،
الموضوع متجدد


الموضوع راح يكون فيه :

نصائح غذائيه:ggdw:
نصائح رياضيه:rerrerek:
نصائح مطبخية نحو طبخ صحي
نصائح نفسية للدعم:eh_s(7):
مع الدايت انتي اجمل .. اصغر .. اخف
اخطاء .. و تصحيح مفاهيم

..... الخ


هدفنا .. رشاقة .. صحة .. خفة .. جمال ..اسلوب حياة صح !
وتجنب الامراض والسمنه

ارحب بالاسئله .. الردود ..الانتقاادات .. واللي تحب تشاركني بالموضوع اسعد لتجربتها ،،


ملاحظه :

مووضوعي مو للكسالى .. مو للي تقول ماقدر .. مو للانهزاميين:eh_s(4): هذول مااحبهم ،،
احنا قاهرين الشحوم والدهون





الموضوع من كتاباتي واجتهاداتي .. ما أحلل أي احد ينقل تعبي بدون ذكر المصدر
منتدى كويتيات + اسمي




حياكم الله / تقدرون تتابعوني على حسابي الشخصي عبر تويتر

Follow Me : @7arakat87

قطووووة

 

[العينآوية]

أووووول رد منوو قدي

ع البركة افتتاح الجزء اليديد بعد ماآ استفدنا وايد من للي قبل

ويآرب كلنآ نوصل للي نبيه

بانتظآآآآآآآآآرج حبيبتي

 

[ضــمــاد]

هلا هلا



صباح الرشاقه



الله يعطيج العافيــه قطووه .. حدي متشوقه لهالموضوع



( سويت لج فوولوو )

 

[amorah jna]

متابعينج حبوبة
كملي

 

[هيـــآ]

انا سويت دايت نزلت 9 كيلو كرشتي راحت نصها وباقي النص الثاني :eh_s(14):
اشوف نفسي ما احتاج رجيم بس هالكرشة كيف تروح اذا عندك تجربه لها طلبتتتك لاتحرميني من تجربتك :eh_s(7):

 

[ابداع2011]

شكرا لمشاركتج لنا بالتجربية الجميله

 

[ام الحوراء زينب]

عاااااااشت قطوتنا
قطوة الصراحه من غير مجامله من قريت موضوعج الاول تحمست للرجيم واشتركت بوجبات لو فات
بس تدرين اذا بنقول لا ما اقدر احب البيبسي احب الخرابيط ماراح نوقف لي متى ؟؟؟؟؟؟؟؟؟ لين تيينا الامراض بعيد عنا وعنكم
كل يوم اقول باجر لين حاشني ضغط وسكر ودهون ثلاثيه
وبعدين ؟؟؟؟ البيبسي والخرابيط شنو فادوني

طبعا ماقدرت اقطعهم مرا وحده بس من جربت اسبوعين من غير خربطه غير مره تعلمت انه هالاشياء مو مهمه واقدر ابدل بشي مفيد

وكملي واحنا ويااااااااج

 

[كشكش]

قطوة ..

قريت موضوعج بالجزء الاول كله .. عجبني وعطاني افكار وايد حلوة !

عجبني التنسيق فيه وطريقة الطرح ..!

موفقة واحنا متابعين لج اكيد ..

 

[B7rainia]

قطووه تسلمييين ع الموضوع ان شالله الكل يستفيد منه

بس فيني فضول جم طولج وجم وزنج قبل وبعد؟

 

[منوششي]

-

آنآ معجبةة ب موضوعكك آلآول
و هذآ فيه نصآيح و آشيآء مفيدةة : )
موفقةة حبيبتي و متآبعتكك بإذن الله ...

 

["~FOoFOo~"]

متابعتج ان شالله ومن شهر مسويه رجيم ونزلت٤ كيلو بس وثبت وزني وهذي المشكله !!!!

 

[عذبـة الاطبآع]

ااهلين قطوتناا

ومبروك وصولج الوزن المثالي


الفال لي وللبنات

حبي انا مثلج مووووووووو من 11 شهر انا

صارلي مع الداايت سنتين بدون مبالغه بس احيان اعترف الغلط بايدي


وان شاءالله اوووصل الوزن المثالي ووووووحلمي الخمسينات



قو هيد اناا معاج بذكر اي شيء يفيدكم اهني

 

[مـريومه]

السلام عليكم قطووه

بصراحه انا ما قريت موضوعج الاول

بس بصدق وأمانه واييييد تشوقت أقرآآه

وان شاءالله بقرآآة

الله يعطيج العافيه وان شاءالله راح اكون من متابعيينج دايماً

 

[*بدون أسم*]

السلام عليكم ورحمة الله وبركاته

انا سويت رجيم لمدة 3 اشهر ونزلت 10 كيلوو

بس كان رجيم قاسي ودخلت نادي

بسسسسسسسس كانت عاداتي الغذائيه جدا غلط لدرجة شعري طااااااح وتجيني دوخه

الحين صارلي شهر قاطعه الرجيم بس قررت ارجع لرجيم واشاركم

وبالتوفيق ياارب

 

[قطوووة]

#قبل الرجيم

يا ربي احنا شعب اكييل درجة اولى ،، وفجأة نقول واااااااي شلون متنا جذي
احنا ماناكل يا ربي ماناكل اي هين ماناكل

قبل الرجيم
ماكو مطعم ماكنت زبونته
مطاعم منطقتنا حفظت بيتنا من كثر التوصيل
طبعا الوجبات لازم معاها حلو ومقبلات
ماكنت اقول لا
كنت اكافئ نفسي بالاكل
اذا زعلت اكل
ولا اعد ولا احسب حساب شي.

الجمعية وما ادراك ما خرابيط الجمعية
اهو بطاط
اهو بيبسي
اهو كاكاو
اهو معجنات

الناس كانت تاكل كاكاو واحد باليوم
انا عدي وخربطي ،،

هاا جم وحدة كانت مثلي اعترفوا :eh_s(22):

أول خطوة بالرجيم ..





تعترفين انج فعلا تحتاجين رجيم ،،
وان عاداتج الغذائية غلط غلط غلط

ان كنتي مو مقتنعه انج غلط .. راح تكملين بالغلط

وهذا اللي احنا مانبيه






:eh_s(17):

 

[^LILY^]

عباراتي مراح تكون وافيه للي بقلبي لذا فقط اقول .. متابعه وبقوه ..

 

[سالم الروح]

عاااااشت قطووووه

بتااابعج :* عساج عالقووه

 

[Kirsten storms]

مشكووووووره ومتابعه ...

 

[أم راشد المطيري]

متابعة بقوة
لانة كارهة روحي ويععع كرشي جني حامل بالشهر السادس

 

[ضــمــاد]

لووووووووول كنت مثلج


متابعه بشغف