تجمع اللي راح يولدون بمستشفى الصباح ...

[أم معاذ الكندري]

طمنينا عليج يالغاليه
كثري استغفار وقراءة سورة مريم والززله
والله يسهل امورج

 

[قمرهم1979]

شلونكم بنات
أنا اراجع الخاص واولد بالصباح بس هالمره براجع مبجر بإذن الله اذا دخلت السابع
عندي المشيمه نازله والكل يقولي روحي الصباح بس أخاف ينوموني لأني من حمالي اللي قبل صار معاي نفس الشي

شوروا علي اروح الصباح واللي بس اريح بالبيت؟؟؟؟

 

[Om boosha]

كل يوم اقرا سوره مريم والزلزله
والجماع من حملت بشهرين ماصار بينا شي لاسباب الله يصبرني عليها
وان شالله ان شالله باجر اذا امي ودتني باجر اروح اراجع وافتح ملف

والاخت قمرهم اذا عندج اي مشاكل اختصري الموضوع وروحي الصباح
انا ابنتي انزلت المشيمه بس وقفت قيدي وكله قاعده بالبيت رافعه ريلي
والحمدالله مافيها الا العافيه*

 

[قمرهم1979]

كل يوم اقرا سوره مريم والزلزله
والجماع من حملت بشهرين ماصار بينا شي لاسباب الله يصبرني عليها
وان شالله ان شالله باجر اذا امي ودتني باجر اروح اراجع وافتح ملف

والاخت قمرهم اذا عندج اي مشاكل اختصري الموضوع وروحي الصباح
انا ابنتي انزلت المشيمه بس وقفت قيدي وكله قاعده بالبيت رافعه ريلي
والحمدالله مافيها الا العافيه*

حبيبتي الله يسهل عليج ويسخر لج عباده ما تدرين ان شاء الله خيره

الله كريم مردي على الصباح:eh_s(11):

 

[أم معاذ الكندري]

قمرهم نصيحه روحي الصباح
وميخالف خلي ينومونج اسبوع بس. يطمنون عليج وع البيبي
واذا راح اطولين شوفي واسطه حق الغرفه الخصوصي
بس اول مادشين ع طول خلي ريلج يسوي لج طلب غرفه
نصيحه روحي اهم راح يعرفون حالتج اكثر وراح يطمنونج ويطمنون ع البيبي

 

[أم معاذ الكندري]

ام بوشا الله يسهل عليج الولاده يارب
طمنينا قلب

 

[yoyo"s mam]

السلام عليكم بنات

انشالله تكونون بخيير

اليوم بعدما جامعني زوجي اجاني مغص قوي مثل مغص الدوره

الحين اكتبلكم وانا احس بهالمغص

شرايكم بنات ؟

 

[Om boosha]

المغص وعوار الدوره اهوه الطلق

 

[ام اغلى الناس]

ام يويو اذا للحين ما راح المغص
روحي سوي تخطيط بالطواريء يمكن طلق
طمنينا عليج

 

[ام اغلى الناس]

قمرهم
لازم ترتاحين واحسن افتحي ملف وراجعي بالصباح يتابعونج

استغفر الله
احس كل جسمي يعورني
ظهري ورجولي وكل شي
وكل شوي داشه الحمام
واحس بعوار خفيف من تحت بطني بس اقول من ثقل البطن
باقي 3 ايام وادش التاسع

والله كريم

بنات اول ماتدشون التاسع اكلوا رطب وامشوا واجد عشان تتسهل الولاده باذن الله

 

[yoyo"s mam]

والله امس ماقدرت انام لبعد صلاه الفجر من الالم خف علي شوي

والحين الحمدلله راح

بس الثقل احس فيه

مشكووره ام اغلى الناس على سؤالج حبيبتي

تتوقعين بعد كل جماع بيصير فيني جذي؟؟

وأكمل بهذي السالفه ولاخلاص ؟

لاني حسيتها بتعجل ولاددتي

 

[Om boosha]

انا بالصباح الحين تقولي الرحم مفتوح واحد سانتي
وتقولي تو الناس
ادري يعني تو الناس
اقولها بطني من كثر م اهوه مشدود احس ان بينقطع اخاف الياهل كبير لان اول التاسع ٣ ونص
الحين انا باخره
تقول اي عادي عادي
اقوم اطقها ولا شسوي فيها

 

[Om boosha]

تقول ان كل شي زين ومافي شي والحمدالله الياهل حركته زينه
مافي طلق
تقولي الحمدالله رجعي البيت الحين لي نزل عليج ماي او دم او عوار طلق تعالي
حسيت اني يايه عبط

 

[أم معاذ الكندري]

الله يسهل عليكم حبيباتي
طمنوني. عليكم
والله قاعده احاتيكم

 

[yoyo"s mam]

الله يهوون عليج حبيبتي ام بوشا

طولي بالج ومايصير الاالكاتبه ربج

ترا لسه مانزلت علامه الولاده بس تنزل بيولدونج اكيد

ابدي بالعمليات الانتحاريه وانشالله بين اليوم وباكر بتولدين



أم معاذ

احنا بخير ونحاتيج لج زمان مادخلت التجمع

شكلنا على وجه ولاده

ربي يسهل عليناا جمييع ياارب

 

[Om boosha]

شنو اهيه العمليات الانتحاريه بلييييز

 

[ام اغلى الناس]

اشوه طمنتوني

ام يويو
انا الصراحه خوافه لدرجة اني ماخلي زوجي يقرب لي بالحمل
اذا وزن البيبي زين وودج تولدين خلاص استمري ع الجماع والمشي والرطب
انا بانطر لين اصير بنص التاسع ان شاء الله ويشيلون الربط
عقبها ابدا مشي ورطب اذا الوزن زين


ام بوشا
عمليات انتحاريه يعني اشياء ومشروبات تفتح الرحم
نفس الخروع وكف مريم والدارسين وغيره
فيه مواضيع واجد البنات كاتبينها عنهم
انا بولدي دكتوره خالده خلتني اشرب قفشتين خروع ع قلاص عصير برتقال

 

[yoyo"s mam]

الله يسهل لنا ياام اغلى الناس

انا الحين وزن البيبي عندي مثل وزن البيبي عندج

بس يمكن لاني بكريه بطول اكثر

الحين بولادتك هذي بتردين تاخذين ابره الظهر ولاشلون؟

 

[ام اغلى الناس]

والله متردده
بس يمكن اخذها
و باسال الدكاتره اذا احسن لي من الكمام ولالا
بنات جربوها بالصباح ويمدحونها اعرفهم
اما بالمنتدى مايمدحونها

الله يهون علينا

 

[yoyo"s mam]

اي والله حتى انا اعرف ناس جربوها بالصباح وكثير مدحوهاا

الله يكتبلنا اللي فيه الافضل ياارب