تجمع اللي راح يولدون بمستشفى الصباح ...

[yoyo"s mam]

تسلميين ام معاذ على الدعوه الحلوه مثلك

شلون حملك انشالله مافي تعب؟؟

أم اغلى الناس

ماتقصرين

شيليه بأسرع وقت اخاف يعذبك بالولاده

الله يسهل عليناا جميع

ناطرتك تطمنيني شيصير معك بكره

 

[أم معاذ الكندري]

حبيبتي يويو الله يهون عليج يارب
أنا اشوي قاعده احس بثقل وبالليل يحوشني عوار بالخواصر واسفل الظهر
وطلع معاي هبوط بالضغط لان ليلحين ادوخ واطيح
موعدي ان شاءالله يوم 3/7 والله كريم

 

[ام اغلى الناس]

شلونكم بنات
اليوم رحت موعدي
الدكتوره فاطمه خذت اجازه
وبهذلوني وكسروا جسمي زياده
السستر قالت روحي غرفه ١٠ شميمه
رحت ونطرت شوي قالت السستر روحي غرفه ٤ الشاذلي
رحت وقعدت اكثر من ساعه ونص انطر دوري
المهم طلع دكتور حبوب
سمع النبض وقلت له فك الربط
قال خليه ماله داعي تفكينه
ان جت لج ولاده ونزل ماي او دم يفكونه وتولدين
وبس
رديت غرفة فاطمه حطت لي السستر موعد بعد اسبوع لاني دشيت التاسع
والله كريم

 

[yoyo"s mam]

أم معاذ سلامه قلبك حبيبتي

يللا هانت انشالله كلها كم شهر وتعدي عالخير

الله يعيننا اخرايام ويأجرنا يارب

وتسهل ولادتنا جمييع

 

[yoyo"s mam]

وانا موعدي 3-7

ونشوف ايش الله كاتبلنا

 

[yoyo"s mam]

ام اغلى الناس زين تطمنت

وطمنتينا عنك

شناويه تسوين ؟

بتفكينه بالعرف ولا بتنطرين لين الولاده

الله يهون عليك حبيبيتي

 

[أم معاذ الكندري]

حبيباتي الله يهون عليكم يارب
الحمدلله انج تطمنتي وطمنتينا أغلى الناس

 

[ام اغلى الناس]

تسلمون حبيباتي
يمكن انطر لموعدي الجاي او اللي بعده وافكه

بنات خلصتوا تجهيز؟
ب ابشركم باجر اول يوم تنزيلات مذركير ٥٠ بالميه

 

[Om boosha]

بنات ابشركم ولدت امس
دخلت الميتشفى 5 ونص سانتي كانت الساعه ٩ الا ربع
وعلي طول لبسوني وحطوني بالسرير وودوني غرفه الولاده

اول ماصعدت وصلت ٦ سانتي
وبعدها تقريبا ١٠ طلقات وصلت ٨سانتي
الله لا يوريكم شفت الموووت
اقولها ابي كمام تقولي مافي قلتلها شنو يعني مافي جان تحطلي بس اوكسجين
وبعدين من العوار ماسكه الي يحطوون عليهم الدرب واطقهم بالسرير حيييل من العوار
عقبها ولدت
وبعدين قلتلها متي تخيطيني
قالت نطري الدكتوره عشان تحطلج بنج بعدين تخيط
ولا تغزني يمين ويسار وورا وداخل وفتحت ال.... وغزت ابرتين
ولم تخيط احس بالابره من اليمين لي اليسار حتي لم تشد الخيط
وبعدها قلتلها يعور يعور جان تحطلي بنج مره ثانيه
ويوم خلصوا حطوني بالغرفه ساعه
جان تقولي صكي ريلج حييل لان الخياط ورم
بعدها بنص ساعه شافت الخياط وقالتلي اوك
وصعدوني الجناح
الحمدالله الله عطاني سستر اتينن مصريه سولفنا مع بعض
بس الحين الخياط ذابحني من كثر ما اتحرك لان البببيي عندي

والدم ينزل مثل الشلال اول ما اوقف يوصل لي اصابع ريلي
ادري طولت عليكم
بس انشالله باجر يرخصوني وارتاح مع امي بللبيت*

 

[yoyo"s mam]

ماشالله الف مبرووك حبيبتي ام بوشا

والفال لناياارب

يللا ياقلبي اهم شي الحمدلله على سلامتك وسلامه البيبي

والله خوفتينا من المستشفى

كلها تساهيل من الله

وانشالله بترتاحين بالبيت عند الوالده

وتنسين التعب

 

[yoyo"s mam]

بعدين ليش البيبي ظل عندك ؟

انت طلبتيه يعني ولاايش؟

 

[ام اغلى الناس]

الحمدلله على سلامتج
الله يعينج ولدتي من غير بنج ولا ابرة ظهر
الله يستر
الف مبروك ع البيبي
يمكن ما عطوج كمام لانج رايحه واصله ف مامداهم

 

[Om boosha]

الله يسلمكم
لا ماطلبته من تولدين يحطونه يمج وانتي تتكفلين بكل شي حفاظته وحليبه
الخياط حيييل يعور ليلحين وانتوا بكرامه ما اخرجت من العوار
والمستشفى كلمه زباله شوي عليها نظافه اكسسس
السرير الي يحطون عليه البيبي وصخ
لم رفعنا شكوى غيروا السرير

 

[yoyo"s mam]

يااحبيبه قلبي ام بووشا

الله يأجرك عن كل طلقه وكل لحظه تعبت فيها

وربي يكمللك عالخير حبيبتي

 

[Laymo0ona]

الحمدلله على السﻻمه ومبروك ماياكم حبيبتي
معروف الصباح ماعندهم كمام بس ابرة ظهر
انا وﻻدتي اﻻولى فيه ولدت قيصري بس البيبي مايعطونياه اﻻ اذا طلبته يمكن ﻻني قيصري مادري والنظافه هذي الحكومه ماكو اهتمام سنع
وﻻدتي الثانيه بخاص

 

[أم معاذ الكندري]

مبروك ام بوشا ويتربا بعزكم يارب
والله ياجرج يارب
الله يعينج ع الخياط بس الي اعرفه ان الصباح البجر مايخيطونها
وع سالفته البيبي صج ليش كله عندج غصبا عليهم السسترات اهم يغيرون له ورضعته الا اذا أنتي طلبته
وصاجه الحكومه حرام فيهم الدكاتره لان مافي نظافه كلش

 

[أم معاذ الكندري]

وينكم بنات يويو أغلى الناس
شكلكم ولدتووووووووووو

 

[yoyo"s mam]

هههههه يااريت ياام معاذ

لسه تراني الفرج من الله

انت طمنيني عنك

شأخبارك ؟؟ حبيت بس أسألك انت بكريه ؟

 

[أم معاذ الكندري]

هلا وغلا الله يهون عليكم يارب وتولدون بسلامه ويسهل ولادتكم وتفرحون بالبيبي مشافا معافا
اي ياقلبي أنا بكريه

 

[yoyo"s mam]

الله يسهل عليك حبيبتي

وتقومين بالسلامه ياارب