تجمع اللي راح يولدون بمستشفى الصباح ...

[غرومه غنوجه]

قووووووووووووه
قولولي شكثر ظل على ولادتكم؟؟

 

[غرومه غنوجه]

طمنوني عنكم لان بسافر بهل يومين حبايبي

ان شاء الله تولدون بالسلامه وربي يحفظكم ويسهل ولادتكم وقرت عينكم مقدما

 

[yoyo"s mam]

تسلميين غرووم على هالدعوات الحلوه

والله بالنسبه لي باقيلي 29 يوم

والله ادرى يمكن قبل بعد الله اعلم

تروحين وتردين بالسلامه

انتبهي على حالج وعل البيبي

لاتطولين الغيبه علينا

 

[Om boosha]

انا شكله عاجبه بطني ومايبي يطلع
بخلص شهري وماطلع
بسالكم بنات اذا خلصت شهري يعطوني اسبوع زيادع
ولا علي طول يقولون طلق صناعي

 

[ام اغلى الناس]

انا بعد يومين باذن الله ادش التاسع
حدي متكسر جسمي وودي اولد
بس اهم شي عندي وزن البيبي
والله كريم

 

[Om boosha]

بنات كن سؤال
من الصبح ليلحين وبطني يطلع اصوات صوب المعده
جنه صوت غازات او جنه احد يتحرك بالماي عرفتوا شنو اقصد
وصوت عالي الي يمي يسمع هالصوت
لم اقوم يطلع واول ما اقعد يطلع
وحتي لو انا منسدحه يطلع وكل ماتحرك الياهل طلع هالصوت
في احد صار في جذي
*

 

[Om boosha]

بناااات وييينكم ردوا علي

 

[ام اغلى الناس]

مدري اول مره اسمع هالسالفه
اخاف ما اكلتي وجوعانه

 

[Om boosha]

لا والله اكل واليوم اخف من امس بس ليلحين موجود
ومادري ليش ماييني طلق كلش
استغفرالله والله تعبت صج

 

[غرومه غنوجه]

الله يسهل عليكم ياربي
وتولدون بسهالات
انا لقيت اوراق بالطبيب فيها ايايات نحفظها قبل الولاده راح اكتب لكم الايات بعد شوي قبل لا تولدون ولا وقت الطلق قولوها
عسى ربي يسهل عليكم ويقومكم بالسلامه ويقر عيونكم بالبيبي انتو وابوهم ويكون لكم عزوه وبارين لكم يالله يا ارحم الرحمين

 

[ام اغلى الناس]

بنااات
اليوم بدت معاي حكهب بطني و ايديني الثنتين من داخل وشوي تحت رقبتي
فجاه اليوم طلعت
عاد قريت بالنت وخرعوني
الله يستر
اقروا وعلموني اراجع دكاتره ولا انطر موعدي يوم الاثنين؟؟

عندي حساسيه حمل والدكتوره تقول لازم طلق صناعي تكفووون جاوبوني - منتديات عالم حواء

http://www.q8yat.com/t1023964.html

 

[Om boosha]

ماعرف شي عن حساسيه الحمل بس اذا جذي روحي راجعي ماتدرين حاله عن حاله تفرق

 

[yoyo"s mam]

غروومه حبيبتي

تسلمين على هالدعوات الحلوه مثلك

ياريت تعطينا الايات

ناطرتها انا

ام اغلى الناس

لاتحاتين ياقلبي مافي الاالخير انشالله

اخاف انك اكله شي تتحسين منه

اذا استمرت معك الحاله يومين

روحي شيكي وسلامات يالغاليه

 

[ام اغلى الناس]

الله يسلمكم يالغاليات
الحمدلله اليوم اخف
بس باقي عند الصدر وان شاء الله تروح

شاخباركم
ناطره موعدي الاثنين باعرف شراح تقول
عاد مو مرتاحه لدكتورتي
كنت اتمنى يقطوني على دكتور مصري

 

[أم معاذ الكندري]

الله يوفقكم حبيباتي
والله يقومكم بسلامه

 

[ام اغلى الناس]

الله يسلمج يالغاليه

بنات امس عشت جو الولاده وفلم رعب

حسيت ب اعراض غريبه وهي؛
كهربا بظهري
وعوار الظهر زاد
وان مشيت احس شي بيطيح مني من تحت
اخر بطني من تحت ثقيل ويعور

قلت يمكن هذي الولاده
قالت بنت خالتي احسبي العوار يجي كل شكثر
منتظم ولالا
حماتي قالت دام مانزل دم ولا شي يعني للحين

وانا صج اللي مسكتني انه مانزل دم

الله يعين
كل هالاعراض اليوم راحت بس ظهري يعورني
بانطر ليوم الاثنين واشوف متى يشيلون الربط وشراح تقول

 

[أم معاذ الكندري]

الله يهون عليج يارب
أنا أختي كانت مسويه ربط بس لمه يالها الطلق نز ل عليها ماي

 

[yoyo"s mam]

سلامات ام اغلى الناس

ماتشوفين شر حبيبتي

والله انا كل يومين تجيني مثل هذي الاعراض واقول ولاده وسبحان الله تمر كم ساعه وتختفي

امي تقول هذا الشهرالتاسع نص ايامه طلق وعوار

الحمدلله ياارب على كل حال

روحي كلمي الدكتوره خليها تفكلك الربط بسرعه قبل لاتولدين

وطمنينا عنك حبيبتي

 

[ام اغلى الناس]

تسلمون بنات

ام يويو موعدي معاها الاثنين باقولها ان مافكيتيه باروح افتحه بالعرف
فيه ناس يفتحونه من اخر الثامن
وهي قايله لو نزل ماي او دم هذي ولاده
بس فيه ناس ماينزل و يولدون

 

[أم معاذ الكندري]

وأي فديتكم الله ياجركم يارب ويهون عليكم
والله قلبي معاكم
طمنوني
الله يقومكم بسلامه