رحلتي الى جنة الله في الارض تركيا

[هدفي الفردوس]

جبل اولداغ ببورصه مو اسطنبول
متااااابعه تقرير رووعه

 

[نـعـومـه]

تقرير عجييييييييييب


وناسه هدوء المكان اللي رحتيله هذا مال استرخاء لان مرات نحتاج اللويه
ومرات نحتاج الهدوء

 

[زوجة فارس3]

الحمدالله ع السلامه

والصوووره عجييييب
الله يهنيكم دوووم

بغيت اسال عن اسعار التذاكر بجم التذكره لشخص لاني بسافر ومدري عن ميزانيتي

 

[وش الدنيا بدونك]

وآآآو روعه الصور

يسلموو خيتو .. كملي متابعين

 

[سجى]

جبل اولداغ هذا وين موجود بالضبط في اسطنبول او بولو وانا اسفه كثرت عليج بالاسئله بس بستفيد من خبرتج

لا عادى اختي اسالي الللي تبين كلنا خوات

جبل اولداغ في بورصه. في ناس تروح له بالتلفريك الكبير البي يشيل مجموعه كبيره من الناس بس ما انصحج فيه لانه زحمممة وتنطرين دور احنا نروح بسياره ونمر على اماكن حلوة ونوقف نصور بورصه من فوق الحبل وانتى براحتج

 

[سجى]

جبل اولداغ ببورصه مو اسطنبول
متااااابعه تقرير رووعه

مرورج هو الارووع يا الغالية

 

[سجى]

تقرير عجييييييييييب


وناسه هدوء المكان اللي رحتيله هذا مال استرخاء لان مرات نحتاج اللويه
ومرات نحتاج الهدوء

اي حده مال راحه واستجمام احسن من الازعاج باسطنبول وبورصه

وتسلمين والله على هالطله

 

[سجى]

الحمدالله ع السلامه

والصوووره عجييييب
الله يهنيكم دوووم

بغيت اسال عن اسعار التذاكر بجم التذكره لشخص لاني بسافر ومدري عن ميزانيتي

تسلمين يارب


التذاكر حسب الطيران احنا رحنا على الجزيره وكل شخص بقروبنا يختلف السعر في ب149دينار وفي وصلت الى 300دينار

شوفي التركيه والجزيره هم اللي يروحون دايركت على طول لتركيا

 

[سجى]

وآآآو روعه الصور

يسلموو خيتو .. كملي متابعين

تسلمين والله ابشري ان شاء الله بكمل عشانكم

 

[نـعـومـه]

وينج كملي

 

[سجى]

معلومات عن بورصه من خبرتي. للي حابه تعرف

منطقه كبييييره وهى ثانى اكبر مدن تركيا بعد اسطنبول بعدد السكان وكثرة السياح

منطقة يغلب عليها الجو الاسلامى اكثر واهلها ناس طيبين محترمين

فيها فنادق وفيها شقق سكنيه من المكاتب السياحية

الفنادق

من افضل الفنادق فيها حسب ما سمعت من معارفي وصديقاتي هو الميرا

وفي فندق الهوليداي ان من احدث الفنادق واجددها بس بعيد عن بورصه ١٨ كيلو


بالنسبة للشقق المفروشه عن طريق المكاتب السياحية

وكاله الفضاء للسياحه والسفر لصاحبها سليمان يلماز (ابو عمر ) وهذا صار لنا ٧سنين نتعامل معاه

وهذا رقمه ورقم ولده عمر

ابو عمر ٠٠٩٠٥٥٣٢٧٨٨٤٦٩٨

عمر (ولده) ٠٠٩٠٥٥٤٣٨٨١٥٠


من افضل المناطق للسكن في بورصه

منطقه عثمان غازي شارع التي بارمك. من مميزاتها انه كل الخدمات قريبه ونروح لها مشي الجمعيه الخباز البقاله تحت الشقه مال الهضرة والفواكه مالت الدجاج والاجبان ووووووو والافضل السوق اللي قريب منه شارعين متقابلين البي حطيت لكم صورهم مع البقلاوة من اروووع المحلات وارخصها حتى ملابس المناسبات وتقدرين تروحين مشى لمجمع زفر بلازا لان الحو بارد ويساعد حتى اللونا بارك نروح لها مشي وبعد فيها حديقه صغيره تهبل على الشارع فيها مقهى صغير ونوافير وكراسي اسمها حديقه العرب وبعد في حديقه عااامه كبيره خلف شققنا تفتح النفس وشرحه


منطقة شكرجه منطقه بارده بس عيبها كل الخدمات تروحين بتاكسي لها حتى الحديقه بتاكسي
وشوارعها ضييييقه حييييل



الاماكن اللي تقطرين تروحين لها من بورصه

١-الشلال الصغير فيه مطاعم تهبل وقبل الشلال فيه القرية العثمانية قرية قديمه فيها بسطات للمربي والعسل والمكسرات والاكسسوارات

٢- حبل اولداغ. منطقه باااارده فيها مطاعم والعاب. مجانيه وفيها سوق صغير يبيعون كل شي شتوى وتقدرين تصعدين قبله للتلفريك الصغير وفيه اكثر من محطه

٣-شلال كنال باشا او الشلال الكبير. من اروع واجمل الاماكن. الكل بيقولج بعيد وما يسوى نفسنا كل سنه وعقب غامرنا ورحنا وصرنا نروح له كل سنه ماعنده اى خدمات بس دورات مياه. يعنى حيبي غداج معاج وتغطوا تحت الشلال اللي يشرح الصدر يبعد عن بورصه ساعتين تقريبا. عقب ما تخلصون منه مروا على جنة الطيور تهببببببل

٤- منطقه مودانيا منطقه ساحليه على البحر بااارده كلها مقاهي ومطاعم على البحر بس روووووعه وفيها محلات على الشارع الثانى وفيها منتجعات وحلاتها تروحون لها بعد الساعه ٥ العصر

٥- بحيرة ازنك. قولي للسايق يوديج للسنتر مالها يهبببل كلها مقاهي وقعدات على البحر والحشيش.

٦-منطقة جملك منطقه بريه قريبه من بورصه حيل وهي للتمشي على البحر وفيها بعد مقاهي وقعدات

٧- الحديقه العامه وحديقه الحيوانات اللي نزلت لكم صورها

٩-السوق االمسقف و اهل التكاسي قولي لهم (اولي جامع) يودونج له على طول

١٠-مجمع زفر بلازا

١١-مجمع كوروبارك ارقى مجمع في بورصه. بصراحه العام ملابس بناتنا للعيد كله منه. يهبببل ورخيص بعد

١٢- مجمع اس مركز فيه صابه للتزلج بالسرداب ومكاعم ومقاهي والعاب فوق بالدور الاخير وبرا قعدات ومقاهي وماكدونالز قعداته تهببببببل

١٣-مجمع كنت ميدانيا مجمع كبير حيييل نفس طقه مجمعاتنا

١٤-سلك بازار او سوق الحرير


١٥-مجمع اوزدلك. فيه قعدات برا على الحشيش والعاب اكترونيه تقدرين تاخذين قهوتج وبسطتج وتخلين ابو العيال وعياله وتروحين تتسوقين بالمجمع على راحتج هههههههه. المجمع يتميز بالفوط والارواب والشراشف والديباجات وفوق المواعين والبيحامات والجواتي والملابس


احلى شي السوق المسقف. فيه البيجامات والجناط والجواتي الجلد التركي والقطنيات والحلويات والمكسرات و


ان شاء الله اكون كتبت كل البي اعرفه من خبرتي واذا فيه شي نسيته ذاح اتذكره واكتبه لكم


راح ارجع لكم ان شاء الله بالصور قريبا

 

[حناينq8]

رووووعه
متابعه تقريرج

 

[نـعـومـه]

وصج شلون الاسعار

غاليه رخيصه

وبلغينا جم كلفتكم سفره كلها ؟؟

 

[نـعـومـه]

معلومات وايد حلوه عن بورصه

حسافه اهلي اليوم راحو من اسطنبول لي بورصه ولا جان قلتلهم عن المعلومات

يعطيج العافيه

 

[سجى]

تسلمين حناين على الكلة

نعومه احنا قروب عائلي. وكانوا حاطين حطه للرحلات بينهم. والغدا كان جماعي كل مره عند عايله نسويه ونطلع نتغدا برا في مكان الرحله

اذا انتوا عايله وحده يعنى مثلا ٥اشخاص بطون التذاكر اعتقد كافي الفين دينار من غير السوق يعنى الفين دينار سكن ومواصلات وجمعيه

ولازم بطاقات البنك كلها معاكم احسن لكم واريح

لما نكون بروحنا نصرف اكثر بس لما يكون معانا احد من اهلنا نصرف اقل بكثيييير

واهلج عادى دوي لهم بالواتس اب الاماكن البي ذكرتها عن بورصه

بعطيج رقم سايق يهبببل اسمه ابراهيم في بورصه محترم ويتكلم عربي وينكت بعد ويعرف كل شي معاه باص يكفي يمكن ١٥ شخص

٠٠٩٠٥٣٣٦٥٣٤٩٤

عطيه اهلج واذا بيدقون من خط تركي خليهم يشيلون ٠٠٩ بس ويدقون عادى بدايه الرقم ٠

وحاضره اى وقت يا الغاليه

 

[سجى]

بالنسبه للشلال انا كتبت اسمه غلط لانى اكتب من الايباد وجننى اسمه كمال باشا

 

[عنود الغيد**]

خوش تصوير يجنن

 

[نـعـومـه]

يعطيج الف عافيه


بحفظ الموضوع عندي

وناطرين تكمله تقرير. 5 اشخاص 2000 زين مومكلف

 

[جروح ودموع]

الصور قمه بالجمال يعطيج العافيه

 

[$الماسة الكون$]

يعطيج العافيه تقريرج روعه