انطلقنا : مسابقة ( قد التحدي ؟ ) | احنا قدها و قدود =))

[ام حديجان]

.. بسم الله الرحمن الرحيم ..




من هنا تنطلق

مسابقتنا لمدة 6 أسابيع

25\8 - 6\10





مثل ما ذكرنا بموضوع التسجيل , استمراركم معانا بالمسابقة يعتمد عالالتزام , وتجميع اكبر عدد من النقاط :
- بالدخول اليومي
- شرب لتر ماي
- رياضة 3 مرات بالاسبوع
- و الميزان

عدم ارسال الوزن يوم السبت = خروج



وهذي الحسبة :


- الدخول اليومي ( +1 ) | غياب يوم ( - 1 )
- شرب اكثر من 1 لتر ماء ( +1 )
- رياضة 3 مرات بالاسبوع ( +3 ) | وأي يوم زيادة ( +1 )
- يوم الميزان اعلى خسارة نعطيها ( +3) | المركز الثاني (+2) | المركز الثالث (+1)



الموضوع منكم و اليكم
يعني
مشاركتج و التزامج راح تفيدج و تفيد البنات معاج
لكم المجال مفتوح
للنقاشات
والاستفسارات
و اي شي ثاني

الهدف انكم تتعودون تركزون على الفعل مو النتيجة



..

بطلت الموضوع بدري لكم
للي تبي تبلش تكتب يومياتها

لكن البداية الفعلية يوم السبت

و اذا في تعديل عالوزن ’ اخر يوم لكم السبت ..
بعدها ما استقبل اوزان


..

و هذا توقيعكم ,
و الشكر موصول لمصمماتنا العزيزات =)








و حياكم الله , :eh_s(8):

 

[ام حديجان]

متسابقاتنا :eh_s(9):

 

[Miss.Raza]

صباح الخير



يسعدني اكون اول رد ........ واتمنى لكم الصحة والعافية والصبر وقوة الارادة


عندي سؤال من اليوم نبدي ندش او من تاريخ ٢٥/٨

 

[ام حديجان]

صباحج نور و سرور

براحتج

الدخول قبل السبت مو الزامي

اعتبريه تمهيد ..

حتى الاوزان راح نرد نراجعها يوم السبت , و نبلش

 

[معي احلى]

طيب انا وزني .. 102

دخلوني معاكم في التحدي .. مع النفس


وفعلا بديت .. واشتريت .. ميكوفيجي .. +حبوب اسبيرولينا (مكملات غذائيه تساعد عن تنقيص الوزن)


واعشاب اعديتها لي في البيت .+زنجبيل .. ضروري اشرب منه يوميا ..


وحبوب ميتافورمين (حق السكري وصفة الدكتوره)


الماء اشرب كثير .. بطبيعتي..




إن شاءا لله بحط يوميات هنا كل يوم

 

[تووته البسكوته]

انا ثالث امتن وحده
ان شالله اضعف

 

[بـ سـ كـ وتـ ة]

أشوة آنا ذاكرة إن البداية تاريخ 25 وانصدمت لما شفت الموضوع اليوم

قلت أكيد قالوا بتاريخ 21 وآنا مخربطة وصارلي يومين مو داشة

أكيد طلعوني من المسابقة لول سويت فلم هندي

 

[Madrideya ~]

مبروك الافتتاح وإن شاء الله كل الصبايا ينزلون اوزانهم بصحة وعافية يارب ..
بس آختي آم حديجآن آنا الاسبوع الياي مسافرة يعني احتمال ما اقدر ادزلج وزني يوم السبت لأن حزتها بنقطع عن عالم النت
وآحتمآل سفرتي تصادف سبتين يصير آدزلج وزني بعد ما أرجع من السفر !! بحاول اشبك هناك بس مو أكيد ! ..

 

[Pissy Missy]

مبروك الافتتاح

ان شاءالله تكون بداية خير علينا جميعا ونشجع بعض

انا اعترف اني وحده ما عندي اراده وبسرعه اضعف جدام الاكل

ان شاءالله هني نشجع بعض بالاستمرار

يبيلي اقل شي ٨ كيلوات

رجيمي راح يكون من كيفي

اول شي راح استبدل كل الخبز الابيض والعيش بالخبر الاسمر والعيش الاسمر

راح اقطع الحلو والمطاعم والمشروبات الغازيه

راح اركز عل سلطات والفواكه

عشاي راح يكون شوربه وحبة فاكهه وعقب ال٧ بالليل ماراح اكل شي

بس مشكلتي الاساسيه بوجبة الغدا

ارد من الدوام يوعانه وانسى نفسي

وصراحه استثقل ادش المبطخ واطبخ حق روحي ف اشوف الي جدامي واكل

فكرت اني اخذ وجبات دايت كير من الجمعيه بس حق الغدا

الريوق راح يكون اول شي ساعه ٧ الصبح وانا رايحه الدوام نص لتر ماي وعلى الساعه ١٠

كوب نسكافيه و توست اسمر وجبن لوفات والضحى شي خفيف حق السناك

بحاول اشرب شاي اخضر العصر وبحاول امشي كل يوم اقل شي نص ساعه

 

[miss.42]

مبروووك الافتتاح :eh_s(17)::eh_s(17):

اي و الله حتى انا الارادة عندي صااايرة صفر :eh_s(1):


اليوم بديت بالرجيم و ان شاءالله معاكم و مع تشجيعكم راح استمر عليه و راح ابدي العب رياضة و امشي

ياارب تحقق احلامنا و توصل كل وحده لهدفهاا :eh_s(9):

 

[%F&R%]

السلام عليكم مبروك عليناالافتتاح انا من اليوم امبلشه ورجيمي تخفيف اني مااتعدا ١٠٠٠ سعره حراريه
واليوم كان ريوقي بالدوام تركي ساندوتش ودايت وبطل ماي

ومشيت شوي بالدوام لمده ربع ساعه
ولمن رديت البيت كليت لزانيا من دايت كير علشان اقدر احسب السعرات الحراريه الي بالاكل

 

[Pissy Missy]

السلام عليكم مبروك عليناالافتتاح انا من اليوم امبلشه ورجيمي تخفيف اني مااتعدا 1000 سعره حراريه
واليوم كان ريوقي بالدوام تركي ساندوتش ودايت وبطل ماي

ومشيت شوي بالدوام لمده ربع ساعه
ولمن رديت البيت كليت لزانيا من دايت كير علشان اقدر احسب السعرات الحراريه الي بالاكل

بالعافيه حبيبتي :eh_s(15):

 

[كويتيه=)]

مساء الخير صبايا كيفكم

ام حديجان عندي مجموعه استفسارات

اول شي قعدت الصبح مثل ما قلتي وزني طلع 69.3 طبعا بلبس البجامه والسبب ان يومين مو ماكله عشا غير جذي غداي كان خفيف

وغير جذي لما البس ملابس الطلعة يزيد الوزن

وعندي الاسبوع الياي موعد مع الدكتور فأكيد وزني بتغير

فأي وزن اعطيج اياه هل بالبجامه والا بملابس الطلعه ولا بعد موعدي مع الدكتور ؟

 

[Blonde B]

السلام عليكم
انا برجيمي اعتمد على التخفيف واكل وجبة وحده باليوم كبيره
والباجي سناكات خفيفه
واشرب وااييد ماي وعصاير
ووزني نازل الحمدلله
هدفي انزل 8 كيلوووو

 

[Miss.Raza]

هلا بنات ....... يسعد مساءكم بالخير


موفقين وحلو انكم تحطون خطة

انا ببديه تخفيف للسبت

ابي خلال شهر اقو شي ٦ طبعا داشه نادي وببلش من الشبت

واهم شي قعده الصبح والرياضه


اهم الاشياء الاساسية اللي الكل يعرفها:

١) الماء لتر ....... وللعلم الدول اللي جوها حلو يشربون لتر فمابالكم احنا جونا الصحراوي .
٢) الرياضه مو اقل من ساعه ...... انا لي النيه ساعة ونص .
٣) قياس سعرات الحرراريه
٤) مطاعم وجبات سريعه ..... مايمنع كسرة ككاوة وعادةً ادخل الككاو بالشهر الثاني
٥) الصــــــبــــــر ...... كنت اتمنى الميزان بعد ١٠ ايام لان اللي يلعب رياضه راح تكون عضلاته شاده خلال اسبوع ثانيا الجسم اظل متماسك بس قواعد القروب تقول جذي .



موفقين ��

 

[%F&R%]

بالعافيه حبيبتي :eh_s(15):

يعافيج ياقلبي

 

[ام حديجان]

طيب انا وزني .. 102

دخلوني معاكم في التحدي .. مع النفس


وفعلا بديت .. واشتريت .. ميكوفيجي .. +حبوب اسبيرولينا (مكملات غذائيه تساعد عن تنقيص الوزن)


واعشاب اعديتها لي في البيت .+زنجبيل .. ضروري اشرب منه يوميا ..


وحبوب ميتافورمين (حق السكري وصفة الدكتوره)


الماء اشرب كثير .. بطبيعتي..




إن شاءا لله بحط يوميات هنا كل يوم

حياج حبيبتي ,
راح اضيف اسمج معانا

و اهم شي الالتزام ..

 

[ام حديجان]

انا ثالث امتن وحده
ان شالله اضعف

ما عليج من اوزان البنات
ركزي على نفسج
حطي هدف و تحدي
واشتغلي عليهم
ويمكن بالنهاية انتي اللي تخسرين وزن اكثر منهم كلهم :d

 

[ام حديجان]

أشوة آنا ذاكرة إن البداية تاريخ 25 وانصدمت لما شفت الموضوع اليوم

قلت أكيد قالوا بتاريخ 21 وآنا مخربطة وصارلي يومين مو داشة

أكيد طلعوني من المسابقة لول سويت فلم هندي

لا لاتحاتين عالوعد

 

[ام حديجان]

مبروك الافتتاح وإن شاء الله كل الصبايا ينزلون اوزانهم بصحة وعافية يارب ..
بس آختي آم حديجآن آنا الاسبوع الياي مسافرة يعني احتمال ما اقدر ادزلج وزني يوم السبت لأن حزتها بنقطع عن عالم النت
وآحتمآل سفرتي تصادف سبتين يصير آدزلج وزني بعد ما أرجع من السفر !! بحاول اشبك هناك بس مو أكيد ! ..

ياهلا والله

اللي يسافرون انا عاذرتهم

خو السفر وناسة

والواحد يروح عشان يوسع صدره

سوي اللي يريحج

قدرتي تشبكين دزيهم

ماقدرتي مو مشكلة ناخذهم لي رديتي بالسلامة ان شاء الله