طبيب بيطري كويتي

[tnkora]

السلام عليكم دكتور

دكتور بغيت اسأل


فرخ الحمام الي يتم هجره من امه واوابوه.

احسن. شي علشان انعسه شنو.

يعني نوكله شنو.
لانه. ابوي يوكله. شعير مطحون وماي.


وبعضهم يموتون

 

[دكتور كويتي]

رد tnkora. أفضل شي علف مخلوط ( اسم العلف السلطان ) يتم طحنه ويعطى لفرخ الحمام يحتوي على جميع العناصر موجود بالري .الشعير ما أنصح فيه.

 

[سمويا]

اممممبيه عندنا رجال ب المنتدى
> سسدمه

 

[tnkora]

مشكور تكتور. وجزاك الله الف خير

 

[tnkora]

مشكور تكتور وجزاك الله الف خير

 

[miss Mk]

السلام عليكم

اخوي بغيت اسالك شنو اسم التطاعيم الي تحتاجة قطوي

عمرة 5ونص او كمل 6

 

[دكتور كويتي]

رد miss . تحتاج تطعيم رباعي + انفلونزا القطط + سعار . سنوي طبعا مو نفس الوقت

 

[ورده حمره]

عفوا دكتور بسالك عن عمليه نزع الاظافر هل تنصح فيها ؟ انا مشكلتي ماعرف اقص اظافرهم واهمه عنييدين مايخلوني

هل اهيه مؤولمه ؟ وشكثر مده الريكفرينج ؟ و وين افضل مكان يسوونها ؟ وجم سعرها ؟

 

[دكتور كويتي]

رد ورده . ما انصح بعملية نزع الاضافر . العمليه بسيطه واي دكتور يسويها وغير مكلفه. بس انا اشوف تقصين الاضافر احسن سهله كل ٤ شهور مره.

 

[Aboosah]

السلام عليكم


اخوي , انا قطوتي كان فيها سهال وعطيتها العلاج الي وصفته لي لمدة خمس ايام والحمدالله السهال راح بس للحين ينزل وياها دم شنو الحل ؟

 

[بحيرةالبجع]

السلام عليكم

دكتور ابى اعرف شنو هالحاله اللى عند قطاوتى الذكوره

اعمارهم سنه ولمن يشوفون ابوهم يسوون حركات نفس حركة النثيه اللى تبى تزاوج

يتسدحون على الارض ويتقلبون على ظهوهم ويونوون

بس ابوهم يناجرهم

يعنى شنو هالحاله ؟​

 

[دكتور كويتي]

رد aboosah . كم يوم استخدمتي الدواء ؟ الدم اللي يطلع بسيط او واجد ؟ أخر مره استخدمتي دواء الديدان ؟

 

[دكتور كويتي]

رد بحيرة البجع . هذا سلوك عند القطط التعاطف. بس اذا موجود الاب يكون مسيطر على الوضع ما يعطي الباقي مجال .

 

[alm9rg3a]

أخوي بسألك سؤال قطوتي عمرها شهرين و3 ايام عادي اعطيها حليب واي نوع اعطيها ومشكووور

 

[غزلان-2]

دكتور وديت قطاوتي عشان اطعمهم قالي الدكتور ان القطوه الجديده فيها فايرس ورديتها--قالي الفايرس ماله علاج
--بس المشكله انها عدت قطاوتي باللتر بوكي فيه دم؟
لمن يقيس حرارتهم الدكتور من ورا كله دم عزك الله

-دكتور شنو الحل؟له علاج الفايرس؟ماياكلون نهائيا

 

[دكتور كويتي]

رد Alm9rg3a . استخدمي أي حليب قليل الدسم

 

[دكتور كويتي]

رد غزلان . الفايروس ماله علاج ( بس اذا اصاب الحيوان نعالج مشاكل الفايروس مثل حراره نعطي خافض حراره / عدم الأكل نعطي منشط ) لأن الفايروس له فترة حضانه ويختفي . ولازم تطهرين المكان . شنو اسم الفايروس الموجود ؟

 

[ام فوفوو]

السلام عليكم يعطيك العافيه دكتور . انا شاريه طائرالكروان ( الكوكتيل )
صار له عندي 4 شهور وشي ، بس يبي يعض .
ويبي مكانه اللي دايم اهو فيه
واذا وديته اي مكان يصرخ ويرجع مكانه
ودايم ينتف ريشه وريشه الحين متنتف //
واللي أعرفه عن هالطائر دايم يغرد بس اللي عندي ماله حس

وشنو الأكل المفيد له ؟

وصار له جم يوم مكرم السامع ياكل ( number 2)
وتنصحني أوديه لدكتور ؟


ماشاء الله تبارك الرحمن

​

 

[بحيرةالبجع]

رد بحيرة البجع . هذا سلوك عند القطط التعاطف. بس اذا موجود الاب يكون مسيطر على الوضع ما يعطي الباقي مجال .

مشكور دكتور على ردك

عندى سؤال ثانى

احيانا ينزل دم مع خروج قطاوتى عزكم الله

شنو هالحاله وعلاجها

وبالنسبه لدوا الدود اشلون جرعاته

​

 

[دكتور كويتي]

رد ام فوفو . ما يحتاج تودينه دكتور . الأكل نوعي فيه ياكل كل شي حبوب فواكه خضراوات . غيري مكانه حتى اذا صارخ كم يوم يتعود . يحتاج مكمل غذائي يساعد على الريش .