طبيب بيطري كويتي

[دكتور كويتي]

رد aboosah . استخدمي amoxyciline بشري تحصلينه بأي صيدلية بشرية شراب للأطفال ١ مل كل ١٢ ساعه لمدة ٥ أيام.

 

[Mrt-3essa]

في حالة شمخ القطو او عض جسم الانسان وطلع دم لازم يتطهر بشنو ويحتاج يروح الطبيب

 

[دكتور كويتي]

رد mrt. لازم يروح الطبيب .

 

[دكتور كويتي]

في حالة اذا شمخ بسيط من أي صيدلية بشرية بيتادين مطهر على الجرح

 

[pet_zone]

عندي قطو فجاه صار فيه خمول مع اسهال عزك الله شنو الحل

 

[pet_zone]

هل عادي قطو عمره شهرين ياكل دري فود؟

 

[دكتور كويتي]

. استخدمي الدواء هذا ممتاز . عادي

 

[غزلان-2]

السلام عليكم دكتور
--
دكتور قطوتي توها ولدت انصدمت انها حامل من كثر ما هي ضعيفه وموراضيه تمتن
اوكلها 4مرات باليوم واعطيها فيتامين
---
دكتور انصحني باحسن فيتامين
----ودكتور مرات قطاوتي يمرضون ويعاطسون وحراره ماقدر اوديهم بنفس اليوم او ثاني يوم--
---شنو تنصحني احسن دوا حراره ومضاد وحق العطس
ومن وين اشتري الفيتامينات والادويه؟؟؟

ناطره ردك دكتور

 

[دكتور كويتي]

رد غزلان . ممكن يكون الضعف بسبب ديدان لازم تعطين القطوه كل ٤ شهور وقاية دواء ديدان. عموما موجود عندي أدوية نوعية زينه وبأسعار رخيصه ومقياس حراره. وفي خدمة التوصيل.

 

[x.swar]

السلام عليكم
قواك الله دكتور وجزاك ربي كل الخير عن كل نفس تعينها تتشافى

بسألك .. قطوي كبير .. وماياكل اكل البيت .. ولا المعلب
ينتي .. ماياكل الا الويت فود الدجاج او التيركي الي معاه جيلي فقط ..

ومن اكل البيت ماياكل الا الدجاج افوحة له و اقطعه واخلطه بشوي ويت فود واعطيه

بس من فترة قصيرة حاشة سهال
وحاولت اتعامل معاه حسب ماقريت بالنت
بس طالت المدة
صارت بالايام
خف الاسهال شوي عقب جم يوم

بس اليوم لاحظت ان حاشه اسهال قوي قوي ماي
وترجيع على طول لاني عطيته اكل معلب غير كنت مجربته معاه من قبل واعطيه منه اذا خلص اكله وتوهقت
اهو ماياكل منه الا لقمة ويصد عنه ..
مع ان الي عطيته دجاج

ابتلشت فيه ماياكل الا شي بباله
لا ياكل عشان يشبع
ولا ياكل يتشافى

ياليت تشور علي بمشورة طيبة .. خاصة بالنسبة للاسهال ابي شي عاجل ..
تسلم وجزاك ربي الخير

 

[دكتور كويتي]

رد x swar . لازم تعالجينه بأسرع وقت ويفضل حقن . يوقف الاسهال ان شاء الله

 

[amoraa Bass]

دكتور بخصوص الـ stray kittens انا عندي وحدة تيي البيت كل يوم اتوقع عمرها بين الـ6 -9 اشهر, بس ماتخلني اقرب يمها.
شنو احسن اكل اعطيها؟ للعلم صارلها اسبوع تيي عندنا وانا قمت اعطيها العلب (meow mix) وتخلصهم بسرعة, بس امس واليوم ماقامت تاكل, والماي اللي احطه كل يوم ماعمرها شربته. وامس لاحظت ان لما تبول يعطي براز سائل, اخاف فيها اسهال:\ امس واليوم كله تصايح لما ايي عندها, عطيتها الاكل بس ماتاكل, اخاف مريضة:\

 

[pet_zone]

. استخدمي الدواء هذا ممتاز . عادي

الدوا ما ينباع بالصيدلية قالولي لازم آخذه من المستشفى .. ماكو حل ثاني؟

 

[غزلان-2]

مشكور دكتور طيب شلون ابي الادويه وحلو ان عندكم خدمة توصيل الله يريحك
--
دكتور وين عيادتك؟
--
عندي سؤال قطاوتي متى اطعمهم؟لان من شريتهم مادري اذا مطعين او لا؟
التطعيم شلون اشرحلي دكتور جم مره؟
--

 

[Stay alive]

السلام عليكم

اول شي يعطيك العافيه دكتور على جهودك

انا جتني قطوه هديه ولاحظت انه شعرها فيه سفطات .. متكتل .. توقعت انه فيها مرض جلدي وقلت بوديها للبيطري يفحصها واحلقها مره وحده


لما وديتها انصدمت قالي هذا جرب ::>_<::

المهم قال بيحلقها وقزها ابرتين وعطاني لها حبوب مرتين باليوم وشامبو مره بالاسبوع

قلتله بجيبله قطوتي لايكون اعدتها هذي ... وديتله قطوتي والحمدلله قال سليمه مافيها شي بس قالي اعزلهم عن بعض

حطيت المريضه بقفص واكلها وحمامها بروح

سؤالي الحين جم يستمر معاها هالمرض ؟ واذا تشافت هل فيه احتمال يرجعلها مره ثانيه ؟ وشنو اسوي عشان الوقايه لايردلها من جديد

ومن شنو يصيبهم الجرب والفطريات لان سمعت انه اعراض الفطريات شبيهه بالجرب

يعني لو استعملت شامبو معين وكل اسبوع سبحتهم هل راح احميهم من امراض الجلد ؟

اهم مايطلعون برا مايحتكون بقطاوة ثانيه

بصراحه قمت احتك لما دريت انه فيها جرب قلت اقطها ولا شسوي فيها

بس فكرت اكسب فيها اجر

وخايفه على قطوتي لا تنعدي وخايفه على نفسي بعد


انزين التكتلات اللي تصير بشعر القطاوه هل هي دايما وابداً تفسيرها مرض بالجلد ؟

ولا نوعية شعر القطوه تلعب دور ومن لحسها والحر ممكن يتكتل


وشنوو امراض الجلد الشائعه غير الجرب والفطريات وشلون اساليب الوقايه منهم


واخر سؤال هل فيه فاتح شهيه للقطاوه ؟ ماياكلون عدل .. صحتهم ممتازه الحمدلله بس اكلهم خفيف ياكلون شوي من الصحن ويهدونه ... وضعاف حيل

 

[دكتور كويتي]

رد amoraa. اي أكل تاكل مافي أكل محدد اذا مو متعوده على اكل معين. استخدمي مضاد حيوي أسمه tylogen يوقف الاسهال ان شاء الله . الدواء موجود عندي.

 

[دكتور كويتي]

رد pet-zone . الدواء موجود عندي واذا تبينه حاضر .

 

[دكتور كويتي]

رد غزلان . استقبل الحالات الطارئه فقط عيادة للأسف مو فتحت للحين قاعدين نراجع بالاجراءات. اذا في شي معين اشوفها. كم أعمارهم القطط ؟ التطعيم سنوي تعطين . واذا ما تدرين مطعيم او لا . لازم تطعمين .

 

[دكتور كويتي]

رد stay. أسباب الجرب طفيليات داخلية أو خارجية وعلاجه بسيط جدا في حبوب وسائل وأبر . إذا صار معاها جرب تستخدمين أي دواء يروح الجرب وكل 4 شهور تعطين وقاية . الفطريات علاجها يطول شوي في كريم أو سائل . أهم شي المكان يكون نظيف يعني تطهرين المكان . ولازم بأستمرار تسبحين القطاوه بشامبو ضد الجرب ممتاز راح انزل صورة الشامبو . أمراض الجلد واجد منها بسبب الجرب او الفطريات أو حساسية او نقص تغذية وغيره . في مكمل غذائي وفي فاتح شهية للقطط .

 

[دكتور كويتي]