طبيب بيطري كويتي

[آقوى شي]

السلام عليكم .. يعطيك العافيه .. بخاطري اشتري قطوه بس بسئل شلون اعرف انها تقريباً مو مريضه .. يعني شنو شي ظاهر عليها يبين لي انها زينه! ومشكور

 

[دكتور كويتي]

رد أقوى شي . القطوه ماخذه التطعيم تلعب شعرها نظيف يفضل من شخص مربيها تكون من بيت ( السوق ما أنصح تشترين منه ) .

 

[ANOWNO]

هــآي

انا عندي مشكله بوحده من قطاوتي فجآه صارت ما تسمع وجربت كل شي معاها ردة فعل خواتها واخوانها غير ردت فعلها

وكله صوتها عالي ولما وديتها الطبيب قالت لي ما فيها شي اذونها نظيفه وانه القطاوه البيضا اتصير فيهم اعاقه بنسبة 80%

بس انا عندي قطوه ثتنيه بيضا ما فيها شي وابي اساعدها تسمع مره ثانيه لانه حيل صعب علي ادير بالي عليها من البلاوي الي اطيح عليها

وما تسمعها ولا تحس فيها


help plz​

 

[دكتور كويتي]

رد anowno. قبل كانت تسمع ؟ شنو الادوية اللي جربتيها ؟ ما أقدر أحكم على الحاله لازم أشوفها . كلام غير صحيح ٨٠ بالمية تصير فيها أعاقه . إذا كانت تسمع وفجأه صارت ما تسمع في مشكله بالإذن ممكن الإذن من الخارج نظيفه بس الإذن الوسطى او الداخليه فيها مشكله ومو مبين . لازم أشوف الحاله وأولا وأخيرا نحاول باللي نقدر عليه.

 

[bnt-jaber]

سلام عليكم دكتور

اختي عندهآ قطوه بيضآ

فيهآ فطريآت خشمهآ متقشر بني مورآضيه تتسنع
ودتهآ الطبيب ومآخذه تطعيمهآ
ومن استلمتهآ جذي بعدين زاد معاها

شآريتهآ من وحده تربي قطآوه مو من سوق


حتى طلعت بيد اختي دوائر فطريآت
وانا زرتهآ مره وحده وظلعت فيني وحده

الحين اهيا يمكن احسن بعد ماعالجتهآ
بس اختي مآتبي تبيعهآ لآنهآ تحس ليلحين مآتشافت عدل من خشمهآ متقشر وجذي


فآ ياليت تسآعدنآ حرآم تقعد جذي مومهتمه فيهآ
لو فيه مكآن يتبنون القطط اتمنى تفيدنآ

 

[دكتور كويتي]

رد بنت جابر . أختي مع الأسف ما أتبنى أي حيوان . تبين أعالجها حاضر .

 

[VET-Nour]

سمجتي ولدت و طلع سمج صغير انا عزلتهم عن السمج الكبار .. شنو اسوي بعد ؟؟ وشنو احطلهم اكل نفس الاكل ولا غير ؟

 

[دكتور كويتي]

رد vet . بس إعزلي السمك الصغير عن الكبير وحطي نفس الأكل .

 

[bnt-jaber]

دكتور انا ماقلت تتبناها

كنت ابيك تدلني على مكآن يتبنون فيه الحيوانات

بس خلآص رفيجتي بتآخذهآ

 

[دكتور كويتي]

رد بنت جابر . حياج الله اختي الحمدلله لقيتي احد يتبناها .

 

[دلوعه كندا]

السلام عليكم دكتور
عندي ديج ريله وارمه وطالعه حبه سوده وصار يعري لما يمشي
شنوو علاجه ومن شنو صار فيه ؟؟
وشكرااااا

 

[دكتور كويتي]

رد دلوعه كندا . التهاب بالمفاصل . في مضاد ممتاز اسمه genta-tylo . استخدميه لمدة ٥ أيام .

 

[دكتور كويتي]

 

[فيونكاq8]

دكتور عندي زهيوي سكران شسسوي فيه ؟؟<< لوووول لا اضضحك عساك ع القوه

 

[دلوعه كندا]

وين احصله الدوا واهوا كريم ولا احطه مع الاكل ؟؟
وشكرااا

 

[دكتور كويتي]

رد فيونكا . الله يعطيج العافيه وعيدج مبارك

 

[دكتور كويتي]

رد دلوعه كندا . هذا حق ابر بالعضل . موجود عندي ٢.٥٠٠ سعره . بالسوق مادري اذا في لأني اجيبه من السعودية .

 

[aromsha]

عساك عالقوة دكتور

ابي استفسر عن ابرة منع التزاوج حق قطوتي
هي لها اضرار ومخاطر على الصحة ؟
وهل في دوا لمنع الحمل؟ وشنو اضراره الجانبية؟
لان ظروفي كلش ماتسمح انها تتزوج وتييب يهال

 

[دكتور كويتي]

رد aromsha . ما انصح استخدام مثل هذي الأبر . لأنها تسبب مشاكل بهرمونات القطط. أحسن طريقه العزل . يا كلهم اناث او كلهم ذكور .

 

[دكتور كويتي]

تقبل الله طاعتكم وعيدكم مبارك وكل عام وأنتم بصحه وسلامه .