اللي يبي يبدأ رجيم من اليوم في تاريخ 26 / 11 / 1433 هـ حياكم يا دبدوبات

[ليليان ..]

يله خلينا نبداء يا دبدوبات

وزني 126 :bbbiu:
الهدف الاول : 100 :eh_s(10):
الهدف الثاني : 75 :eh_s(15):
الهدف الاخير: 55 :eh_s(22)::eh_s(9):

يالله أن شاء الله بداية خير :eh_s(22):
بدايتي تاريخ : 26 / 11 / 1433 هـ

 

[Remo.s]

-

انا معك ي المنتفخه :$

وزني : 81*
هدفي الاول / 75 > بس ابي اشوف رقم 7 خخخخ
هدفي الثاني 60*
واللي ناويه اوصل له بأذن الله 55

 

[ليليان ..]

^ :bbbiu:



تكفين يالجلد و عظم و انتي جايه هينا ليه ؟ ههههههههههههه
يا رب ان قروبي ما يتحول شات قلوب كله سوالف و معايير من غير هدف
ما علينا بسس :eh_s(10):

 

[بـ سـ كـ وتـ ة]

موفقة ان شالله

وان شالله توصلين أهدافج يا رب

بس اشرايج تحطين لج بين الأهداف الكبيرة أهداف أقرب شوي عشان تستانسين كل ما وصلتي حق هدف؟

 

[Remo.s]

هههههههههه عادي خلينا نسولف ونوسع صدورنا وبنفس الوقت نتحمس وهيك يعني ؛$

 

[ليليان ..]

موفقة ان شالله

وان شالله توصلين أهدافج يا رب

بس اشرايج تحطين لج بين الأهداف الكبيرة أهداف أقرب شوي عشان تستانسين كل ما وصلتي حق هدف؟

والله صدقتي :eh_s(10):
خليني اقول هدفي الاول 115
الهدف الثاني 105
الهدف الثالث 95

 

[ليليان ..]

هههههههههه عادي خلينا نسولف ونوسع صدورنا وبنفس الوقت نتحمس وهيك يعني ؛$

هههههههه آيه عادي اصلاً يقولون الضحك يخفف من الوزن :eh_s(10):

> الحمدلله والشكر

 

[ليليان ..]

راح اسوي مثل ما قالت بسكوته :eh_s(10):
فكرتها معقوله اكثر :eh_s(10): .. وش مطيرني من 126 الى 100
راح اسوي مراحل :eh_s(10):
و كل مرحله لها ثلاث اهداف :rerrerek:
المرحله الاولى
هدفي الاول 115
الهدف الثاني 105
الهدف الثالث 95

اذا وصلت 95 راح اقول مرحلتي الثانيه و اهدافي الثلاثه و هكذا حتى اصبح رشيقه :bbbiu:

 

[ليليان ..]

راح اقولكم رجيمي
رجيمي قاسي جداً بس ما يجوع .. > راح اقولكم شلون
3 وجبات بل يوم و بكل وجبه حليب مع شاي و 7 تمرات
لا تقولون صعب :bbbiu:
انا قلت كذا اول :eh_s(10):
بس اكتشفت ان الحليب مع الشاي يسد النفس عن الاكل ويصير مالك شهيه :eh_s(10):
وراح تحسين معدتك مليانه طول الوقت هذا تجربه خاصه مني :bbbiu:

و اكيد كل رجيم ما يكتمل بدون رياضه وهي اساس الرجيم
راح اعطيكم رجيم رياضي من كتاب الدكتور : إيان ك .سميث

و هذا نموذج المواعيد :
بما انه بداية يومنا الجمعه راح اخلي بداية الاسبوع الجمعه


الجمعه : 30 دقيقه - مشي نشيط
السبت : راحة
الاحد : 30 دقيقه - أجهزة
الاثنين : 30 دقيقه أيروبيك
الثلاثاء : راحة
الاربعاء : 30 دقيقه صعود الدرج
الخميس : 30 دقيقة دراجه


وفي نصايح بالكتاب جداً مفيده رآح انزلها لكم بعد شوي
انتظرونا > سبيستون

 

[MS.D I O R]

-

معاتش انا باديه برجيمَ السوائل انشالله استمر عليه

.
.

وزني السإبق 119
وزني الحإلي 103.5

هدفي الآول 100
هدفي الثاني 90
هدفي المثالي 75

يآرب اواصل واثبت

:yaaaaaarb:

 

[ليليان ..]

-

معاتش انا باديه برجيمَ السوائل انشالله استمر عليه

.
.

وزني السإبق 119
وزني الحإلي 103.5

هدفي الآول 100
هدفي الثاني 90
هدفي المثالي 75

يآرب اواصل واثبت

:yaaaaaarb:

شدي حيلك ما باقي شي تطلعين من الميه :eh_s(9):
ان شاء الله توصلين وتثبتين على الاحسن

 

[MS.D I O R]

ـ

ويآج آمينَ . .
جدول الريآضه جدا جميل
بس مانصح برياضه الدرج
تلعب بدقات القلب تسوي لج
خفقات فَ انتبهي وشوي شوي
بتوصلين باللي تبينه ، ​

 

[ليليان ..]

ـ

ويآج آمينَ . .
جدول الريآضه جدا جميل
بس مانصح برياضه الدرج
تلعب بدقات القلب تسوي لج
خفقات فَ انتبهي وشوي شوي
بتوصلين باللي تبينه ، ​

كلامك صحيح والله اني ارجع منه وجهي تقولين استغفر الله طماطه :rgewrg:
بس يله لازم اللي يبي الدح ما يقول اح

 

[ليليان ..]

يله حبيباتي مدام الجو حلو :eh_s(10): و الشمس ما حرت بعد :rgewrg: بروح امشي نص ساعه بناءً على جدولنا

 

[ليليان ..]

بآك خلصت مشي
وببداء بفطوري
حليب بالشاي بس > مالي خلق للتمر صايره ما اواطنه بعيشة الله

لي رجعه لكم بنصايح الدكتور اللي حكيت عنه قبل شوي

 

[Madrideya ~]

يلا وأنا معاج بقولج شئ دائماً الأوزان الثقيلة اللي فوق الثمانين اول ما تبدأ الرجيم والحميات من اول أسبوعين تنزل نزله قويه خصوصا الأسبوع الأول
والسبب يرجع أن جسمج مليان دهون ولما تبلشين دايت الجسم يكون مصدوم من أكلج لانه مؤ متعود عليه خخخ فعشان جذي تنزلين نزله قويه



انا بديت الرجيم من ٣ شهور كان وزني بالبداية ٨٩ اول أسبوع نزلت خمسه كيلو صار ٨٥ وثاني أسبوع نزلت ٣ كيلو وصار ٨٢
وبعدين بدا يصير النزول بطيء بالأسبوع نص كيلو بالكثير كيلو .... بس انتي وزنج ضعف وزني بدايه الرجيم يعني النزول راح يكون عندج سريع شهر كامل مؤ أسبوعين نفسي


وأنصحج غيري نظامج حيل قاسي جربي رجيم طالب الشمري ٢٠١٢ عجيب أصلا ما تحسين انج مسويه دايت
والرياضة خليها ٣مرات بالاسبوع افضل وخلي يوم بالاسبوع مفتوح هالشي راح يساعدج تستمرين بالدايت لمده أطول وما تملين وتحسين بحرمان ؛/ ولا توزنين كل يوم نصيحه من مجربه إذا بتوزنين كل يوم ماراح تلاحظين بأي تغير خلي وزنج يوم بالاسبوع افضل
لا تحتانين الوزن ولا تفكرين فيه التزمي بالدايت والرياضة وراح تنبهرين بالنتيجة ....


انا معاج وزني الحالي ٧٢

هدفي الأول ٧٠
هدفي الثاني ٦٥
هدفي الثالث ٦٠

وبعدين يصير خير لا انجزتهم بإذن الله فكرت بالأهداف اللي بعدها
والميزان كل خميس والجمعة مفتوح ،، والله يوفقج ويوفقنا وننزل بصحه وعافية يارب :/

 

[ليليان ..]

يلا وأنا معاج بقولج شئ دائماً الأوزان الثقيلة اللي فوق الثمانين اول ما تبدأ الرجيم والحميات من اول أسبوعين تنزل نزله قويه خصوصا الأسبوع الأول
والسبب يرجع أن جسمج مليان دهون ولما تبلشين دايت الجسم يكون مصدوم من أكلج لانه مؤ متعود عليه خخخ فعشان جذي تنزلين نزله قويه



انا بديت الرجيم من 3 شهور كان وزني بالبداية 89 اول أسبوع نزلت خمسه كيلو صار 85 وثاني أسبوع نزلت 3 كيلو وصار 82
وبعدين بدا يصير النزول بطيء بالأسبوع نص كيلو بالكثير كيلو .... بس انتي وزنج ضعف وزني بدايه الرجيم يعني النزول راح يكون عندج سريع شهر كامل مؤ أسبوعين نفسي


وأنصحج غيري نظامج حيل قاسي جربي رجيم طالب الشمري 2012 عجيب أصلا ما تحسين انج مسويه دايت
والرياضة خليها 3مرات بالاسبوع افضل وخلي يوم بالاسبوع مفتوح هالشي راح يساعدج تستمرين بالدايت لمده أطول وما تملين وتحسين بحرمان ؛/ ولا توزنين كل يوم نصيحه من مجربه إذا بتوزنين كل يوم ماراح تلاحظين بأي تغير خلي وزنج يوم بالاسبوع افضل
لا تحتانين الوزن ولا تفكرين فيه التزمي بالدايت والرياضة وراح تنبهرين بالنتيجة ....


انا معاج وزني الحالي 72

هدفي الأول 70
هدفي الثاني 65
هدفي الثالث 60

وبعدين يصير خير لا انجزتهم بإذن الله فكرت بالأهداف اللي بعدها
والميزان كل خميس والجمعة مفتوح ،، والله يوفقج ويوفقنا وننزل بصحه وعافية يارب :/

صحيح كلامك عن تجربه انا جربتها اول شهر النزول يمكن 15 كيلو او 10 شي يفرح بس تنصدمين بالشهر الثاني يكون نزولك مثل الجليد و هذا شي جداً عادي
انا صارت معي هالحاله من قبل ما ينزل وزني الا بالدف .. يقولون احسن من اللي ينزل بسرعه لان يكون رجوعه صعب عكس اللي ينزل بالسريع يكون رجوعه اسهل
مدري والله نظامي ماني حاسه بقساوته قسم انه زي العسل جربيه يسد نفسك عن الاكل تصيرين ما تشتهين شي
عندي ملاحظه لك لا تستخدمين الميزان كل اسبوع او بين فتره وفتره لان وزنك يمكن ما ينزل بالاسابيع والايام و يكون هالشي تحطيم لك وتعيفين رجيمك خليه بين شهر و شهر افضل

 

[Madrideya ~]

انتي ما تحسين بقساوة الدايت اللي متبعته لإنج توج مبلشة ومتحمسه بس مع الأيام بتزهقين وبتحسين بحرمان
وعلى فكره رجيمج يفتقر للمواد اللي يحتاجها الجسم يوميا يمكن التمر يغطي هالمواد بس مؤ بكميات كافيه
بهالطريقه جسمج بيحس بمجاعه وراح يحتفظ بكل الأكل اللي تاكلينه ولا راح يحرقها وإذا مافيه حرق يعني مافي نزول انا أقول هالشي لمصلحتج ...

وإذا انتي مصره تحرمين نفسج أنصحج برجيم السواءل عجيييبب اتعب وأنا أقول عجيب بالاسبوع تنزلين ٤ كيلو انا التزمت ٩٠٪ فيه ٣ أيام نزلت كيلو
وتحسين نفسج خفيفه انا لو التزمت فيه أسبوع كامل كان النزول أكثر لكن صرت أحس بحرمان وقمت أزيد على وجباتي سلطه أو نص خبزه سمره وثمره فاكهه يعني صار التزامي فيه ٦٠٪ يعني كثر ما تلتزمين فيه كثر ما راح تبهرج النتيجه اكثر
إذا تبيني أعطيج طريقه الدايت حاضرين !
وبخصوص الميزان الأفضل كل اسبوعين بس لأني مشتركه بحمله مضطره اكتب وزني كل أسبوع ( وأحس صعبه توزنين كل شهر يجيج فضول تبين تعرفين نزولج وأحسن توزنين كل أسبوع أو كل اسبوعين لان كل ما عرفتي نزولج هالشي يشجعج تستمرين وتشدين حيلج الأسبوع اللي بعده )


=================



وبعدين إذا انتي نزلاتي ١٠-١٥ كيلو ليش ما استمريتي !!

 

[ليليان ..]

انتي ما تحسين بقساوة الدايت اللي متبعته لإنج توج مبلشة ومتحمسه بس مع الأيام بتزهقين وبتحسين بحرمان
وعلى فكره رجيمج يفتقر للمواد اللي يحتاجها الجسم يوميا يمكن التمر يغطي هالمواد بس مؤ بكميات كافيه
بهالطريقه جسمج بيحس بمجاعه وراح يحتفظ بكل الأكل اللي تاكلينه ولا راح يحرقها وإذا مافيه حرق يعني مافي نزول انا أقول هالشي لمصلحتج ...

وإذا انتي مصره تحرمين نفسج أنصحج برجيم السواءل عجيييبب اتعب وأنا أقول عجيب بالاسبوع تنزلين 4 كيلو انا التزمت 90٪ فيه 3 أيام نزلت كيلو
وتحسين نفسج خفيفه انا لو التزمت فيه أسبوع كامل كان النزول أكثر لكن صرت أحس بحرمان وقمت أزيد على وجباتي سلطه أو نص خبزه سمره وثمره فاكهه يعني صار التزامي فيه 60٪ يعني كثر ما تلتزمين فيه كثر ما راح تبهرج النتيجه اكثر
إذا تبيني أعطيج طريقه الدايت حاضرين !
وبخصوص الميزان الأفضل كل اسبوعين بس لأني مشتركه بحمله مضطره اكتب وزني كل أسبوع ( وأحس صعبه توزنين كل شهر يجيج فضول تبين تعرفين نزولج وأحسن توزنين كل أسبوع أو كل اسبوعين لان كل ما عرفتي نزولج هالشي يشجعج تستمرين وتشدين حيلج الأسبوع اللي بعده )


=================



وبعدين إذا انتي نزلاتي 10-15 كيلو ليش ما استمريتي !!

اقولك مجربته اسبوع و اكثر شوي كانت نفسي مسدوده عن الاكل بس بعدين تركته ما كملت .. راح استمر الحين عليه شهر و اشوف النتيجه و اذا ما جاب اي نتيجه راح اغيره
اي عطينا طريقة الدايت عشان الكل يستفيد
مدري والله انا افضل قياس الوزن كل شهر لان بعض الاحيان الرجيم باسبوع ما يجيب نتيجه و هذا يسوي تحطيم لنفسك

_______________________---

ما كنت صاحيه وقتها خربت رجيمي تخيلي كان 120 و سويت رجيم و صار 90 :eh_s(16):
يعني 30 كيلو راحووووووو و بعدها رجعت 126 :eh_s(16):
بس يله ان شاء الله انقص اكثر من 30 كيلو واللي فات مات :eh_s(7):

 

[Madrideya ~]

كيفج براحتج ... وبلا عاد شدي حيلج انتي ما شاء الله ربي معطيج طول لا تخلين السمنه تخربه
إذا مالبستي اليوم وكشختي واستانستيي باللبناطيل والبديات الضيقة متى راح تستانسيييين !!
يعني شنو اكل !!!!! اهم شئ الجسم الأنيق وللرشيق :/

امس كان يوم مفتوح وانفجعت عالاكل لا شعوريا اللي يشرفني يقول جنه الاكل بينقرض ولا راح يطيرر
أن شاء الله آخر مره ... كل يوم مفتوح اخربط بس حدود المعقول بس امس ما ادري شفيني