رجيمي ... يوميات ومعلومات وفضفضة بالصور

[بـ سـ كـ وتـ ة]

الأحد ما تريقت

شربت شاي وحليب
تغديت نتفة عيش مع قطعة دياي
وتعشيت فطاير خربتها


بس من الاثنين كل شي تمام بفضل الله


الاثنين
قمت من النوم 3:40 الفجر وكنت وايد نشيطة ما شالله قمت فريت عالبيت كله تنظيف وترتيب وخم بالمخمة اليدوية مو الكهرباء لأن الكل نايم
ما صارت 6 إلا ربع إلا البيت اشحلاته تبارك الرحمن

تريقت فطيرة جبن

تغديت قطعتين سمج هامور فيليه وقفشة حمص مع عصير تفاح تروبيكانا

وتعشيت ساندويتش عبارة عن حبتين توست أسمر فيهم برجر

وسويت رياضة حق زنودي مع إن كان كافي شغلي في البيت حدي تعبت



الثلاثاء
تريقت نص موزة وكوب شاي وحليب

تغديت من الكفتيريا شوية دياي بتر جكن وشوية لحم عالطريقة الصينية بدون خبز ولا عيش وشربت تروبيكانا برتقال

والعشا سلطة فواكه



مكوناتها: رمانة - برتقالة - خوخة - قشطة (الفاكهة مو القيمر)

وطبعا الكمية حقنا ثلاثتنا آنا وبنتي وزوجي الله يخليهم لي ان شالله (يئبروا ألبي شو بحبن) خخخ

وسويت 50 تمرين معدة


أمس ريوقي حبتين توست أسمر فيهم شريحتين جبن سلايس

كوب شاي وحليب

الغدا صمونة ديج رومي صمون أسمر وعصير تفاح تروبيكانا

العصر شربت شاي

والمغرب عصير برتقال فريش

العشا حمسة بزاليا ولحم مفروم ومعجون بالقفشة كليتها ويمكن قفشتين تونة

ما سويت رياضة ان شالله اليوم يكون أحسن

 

[shak!shoka]

شلووووونج بسكوووته

تبارك الرحمن شاطره مستمره


انا مخففه انزل كيلو و ارده ثاني يوم ههههه صارلي اسبوعين ع هالحال

بس باديه من اليوم الشغل الصج



سوري قطعت عنج بس مو ناسيتج ادش ابوق اخبارج و اطلع

 

[الأم الكول]

السلام عليكم ماشاء الله تبارك الرحمان اختي بسكوته تحمسين الواحد الله يحفظك ويحقق امانيك

يصير انا بعد اشارك واصور وجباتي ^_^ كنت مسجله مع وحده توها فاتحه بس ماشوفها تدخل وانا ابي حماس

لاني خلاص ابي انحف انبطت كبدي من هالجسم -_-

 

[بـ سـ كـ وتـ ة]

السلام عليكم ورحمة الله وبركاته

حياكم الله شكشوكة والأم الكول

شكشوكة ما عليه ... الحين ما دام نويتي نية جادة هذا اهو المطلوب


الأم الكول طبببببعااااااا ... حياج الله حبيبتي

الموضوع صاير نايم يضيق الخلق

جان زين نشجع بعض

صارلي أسبوع ونص أقيس وزني ثابت عال 76 قلت ما عليه عشان مقربة الدورة

رجعت قست ولا 77 وآنا هالأيام صج صج مخففة أكل وزايدة الرياضة

رحت حللت








جان أطلع حامل

ههههههههه

الحمدلله يا رب

 

[بـ سـ كـ وتـ ة]

الحين عاد بما أني حامل راح يتغير نظامي

راح أستمر بالموضوع ان شالله وبتصوير وجباتي

بس ما راح يكون هدفي نزول الوزن ... أهم شي أحافظ على وزني وما أزيد وايد

وإذا نفس حملي الأول يمكن ينزل وزني شوي أول فترة

الله يتمم لي على خير ان شالله وأييب أخت ولا أخو حق فطوم القطوة

 

[الأم الكول]

مبروووووك الحمل اختي بسكوته الله يثبتو ويتمم لك وحلو تستمرين غالغذاء الصحي

عشان ماتكون زيادة الحمل كبيره انا حملتي بولدي زدت كثير يمه قلبي حتى باقي كيلو

وادخل 90 واذكر اني بكيت من الصدمه بس نصيحه استمري على الاكل

الصحي حبيبتي الله يسهل لك وتقومين بالسلاما وبوسي لي فطومه فديتها الله يحفظها لكم

 

[Madrideya ~]

مبروك بسكوته حبيبتي الله يثبته ويتمم لج على خير
عاد صج بقولج حاولي تكون زيادتج بالحمال طبيعه ١٠-١٥ كيلو لا تصيرين نفس حريمنا لا حملو كلو اليابس والخضر علبونه حامل يعني ههههه
وتزيد فوق ال ٢٥ كيلو ... انا أختي الكبيرة الله يتمم عليها حاليا توها داخله بالثامن وزنها قبل الحمال ٦٠ حاليا ٧٠ يعني زيادتها طبيعه بس اذكر لما كانت
نهايه السادس الدكتور حذرها لانها ما تأكل كلششش الا وجبه ولا وجبتين باليوم يعني بالعربي كانت حارمه نفسها مؤ عشان جسمها لا لان تقول أنها ما تشتهي الاكل نفسها مسوده طول اليوم ... بس انتي خلي أكلج صحي والتزمي ٣ وجبات وحوالي قد ما تقدرين زيادتج ما تكون فوق ١٥ كيلو ...


والله يتمم لج على خيير يارب :/

 

[بـ سـ كـ وتـ ة]

الله يبارك فيكم

الحمدلله في حملي الأول أول الأشهر مع النساة نزل وزني 5 كيلوات بعدين رجعوا فزيادتي كانت معقولة في حدود الطبيعي

وان شالله هالمرة الوضع يكون أحسن لأني أشتغل وأتحرك مو نفس قبل كنت قاعدة في البيت

 

[رتو الكيوت]

مبروك الحمال
والله يتمم عليج
انا سافرت سفره سريعه وخربتها ثاث ايام امس رديت وكليت بيتزا وجبن ثنتين وواحد اصبع جبن بشيره ولقيمات حبتين لول ميني طبعا كل هذول

وووقفت اكل اخر اليل مت جوووع سويت لي سلطه خيار وططماط وليمون وكليت عنب وجوافه : )

واليوم ريوقييييييييييييي صمونه حلوم قليل دسم وخيار وطماط وببيسي دايت وعشاي خمس حبات بسكوت نخاله شاهي بسكرعادي

وعنقود عنب

والحمداللله : )

مخططه استمر على التخفيييق لين العيد !! عقبها بخربها اكيد لان عيد واكل ولحم لوول

عقب العيد باسبوع ببدا بريجيم الكورن فليكسس مع فيتامينات طبعا ! اسبوعين عقب ارد للتخفيف

 

[شـيـوخـهـ]

الف مبرووك حبيبتي بسكووته الله يتمم عليج
ويسهل حملج وولادتج,,

اعتقد انتي تعرفين حق نفسج وطبيعا اكلج لان مشاء الله معلوماتج حييل حلوه

انا بشارك بيومي من اليوم ان شاء الله راح اقول شنو اكلت وان شاء الله انزل صور بعد

..

اليوم الريوق : شريحتين توست + شريحه تيركي + شريحه جبن موزريلا + ومسحة مايونيز
شــاي حليب

السناك حق بعد اشووي معاااي جزر + ماااي صغير

 

[بـ سـ كـ وتـ ة]

صباح الخير


رتو الحمدلله على سلامتج ... ما عليه ابدي من يديد


اعتبري نفسج ما خربطتي وعاهدي نفسج ما تخربطين لي العيد


وعليج بالعافية حبيبتي

 

[بـ سـ كـ وتـ ة]

شيوخه عليج بالعافية حبيبتي

والله يبارك في عمرج

الصور في الموضوع تونس تعطي حماس

 

[بـ سـ كـ وتـ ة]

الأحد 14 أكتوبر 2012

أكلي خرابيط لأني من زمان مو رايحة الجمعية

تريقت قطعة كيك اللي فوقه طبقة وردية مال مخبز الصباح تعرفونه؟

وعلبة دانيت فانيلا مع كوب حليب بارد سادة عشان أقدر آخذ حبة الفيتامين

وايد قوية عالمعدة لازم آكل عدل قبلها

توني باخذ الحبة ولا يطلبون فطاير في الدوام قلت يالله بطلب فطيرة جبن عشان الحبة

الغدا سلطة جكن سيزر ما كملتها وشوية معكرونة أقل من 6 قفاش

والمغرب خذيت لي فروزن يوقرت

وبس ما تعشيت

 

[بـ سـ كـ وتـ ة]

الاثنين 15 أكتوبر 2012

تريقت صمونتين من كناري بما أن وصلنا الدوام امبجر قبل زحمة المؤتمر

اكتشفت إني ما قمت أقدر على صمونتين فالمرة الياية ان شالله راح أكتفي بوحدة

وشربت كوب شاي وحليب وهم الشاي راح أخليه مرة بالأسبوع ان شالله

وخذيت حبوبي مع بطل ماي صغير 300 مل



والصبح سويت 40 تمرين حق زنودي قلت عالأقل أحافظ عالأجزاء اللي أقدر أحافظ عليها هههه

 

[شـيـوخـهـ]

عوااافي بسكووته


اكمل يومي امس الي اهو 14/10

ما تغديت من بعد السناك الجزر الي كان الساعه 12 الظهر

اكلت غدا عشا الساعه 9
سلطه من سلاد كريشن مع صلصه لوفات + قطعتين زنجر ( دياي نايف المثلج القطع طول الاصبع )

والحمدالله مر اليوم

 

[شـيـوخـهـ]

اليوم 15/10

الريوق : شريحتين توست اسمر + ملعقه صغيره بيستو احمر + ملعقه صغيره بيستو اخضر + موزريلا

السناك حق الظهاري : جزر

 

[بـ سـ كـ وتـ ة]

شيوخه عليج بالعافية ان شالله

بسئلج سؤال ملقوف شوي إذا ممكن ... انتي تجهزين شغلج ولا عندج خادمة اتجهز لج؟

تكملة يومي أمس

الضحى شربت عصير برتقال فريش

تغديت قطعة فيليه دياي بالبقسماط وخضار سوتيه (بروكلي وزهرة وذرة وبزاليا وجزر وكوسا)

وقطعتين صمون أسمر صغار نفس ملوت ايكيا مع زبدة ... عرات الحمل عاد مع إني كلش ماحب الزبدة

وشربت نتفة عصير تروبيكانا برتقال ما كملته

والمغرب فروزن يوقرت

والعشا قطعة وحدة دياي كنتاكي بالفلفل

والحمدلله عالنعمة

 

[((shoOoshoOo))]

صباح الحب والجووووري


وايد تجمعكم حلوووو


اذا ممكن انضم معاكم

 

[شـيـوخـهـ]

صباااح الخير بنااات اشلوونكم ؟

هلا وغلا بسكوته لا انا اجهزه الصبح قبل لا اطلع طبعي اكلي انا اجهزه سواء الغدا ولا العشا لاني ببيت حمولتي اليهال وريلي ياكلون من اكل البيت وانا احوووس لي اي شي موجود

امس صرااحه خرتها على الغدا يومي ماكان مضبوط 100% رديت ولا خالتي اهي طابخه الغدا وتمدحه لي قص علي الشيطان واكلت مجبوس لحم بس من الغدا الساعه 3 لي ريوق اليوم عقااااب ما اكلت ولا شي من بعده عل وعسى اعوض يعني

اليوم ...

الريوق كالعاده شريحتين توست + شريحتين تيركي + مسحه مايونيز
+ شاي مع علبه صغيره حليب ابو قوس مع شكر تروبيكانا

 

[شـيـوخـهـ]

شووشووو

حيااج حبيتي عشان نتشجع اكثر كل مازاد العدد زاد الحماااس

ناطرين يومياتج