تجمع خاص للي أوزانهم 60 كيلو و حابين يكون 55 كيلو أو 50 كيلو

[توووووتة الحلوة]

انا مرة اخرى >> لا صدق :krkrkr:

بنتو
لا قلبو غيري ... الدايت القاسي يجيب المرض و الهم سواء جسديا او نفسيا ... احسن شي التخفيف و الاكل صحي. انا قد اتبعت الدايت القاسي و نزل و زني كثير لكن النتيجة تعبت نفسيا و جسديا :eh_s(16): و لما اكل لو شي قليل يزيد وزني بسرعة و رد و زني مثل قبل. يعني خسرت خسارة كبيرة

شيقية النعمان
انا عارفة قلبو انك ما راح تجرحين بالكلام، لكن التعصيب ما احبه ... احسن يجيب نتايج عكسية ... انا اذا قالي احد زودتي بالاكل ... خففي ... مو جذي ... الخ تتعب نفسيتي و ارجع اكل دبلات بعكس لما احد يقولي مثلا بطريقة ناعمة >> فديت الناعمين انا ههههههههه مثلا انتي جذي ماشية اوكي لكن لا تكثرين حلو او خبز، اهني، هالكلام يعطيني بوش و استمر

على فكرة طولك مثل كيم كارداشيان بالضبط

سأكون يوما
الحين بحط النظام ... خلاص و اخيرا اكتشفت السر. لاااااااااااااا حرمان بعد اليوم

صعب انساك
رائع يومك :eh_s(15): الله يبارك ... و تقيمي 95 من 100

الحراير
صباح النور :eh_s(17): يومك تمام التمام حروره

زوراروسا
صباحو يومك حلو زورا و الاحلى الرياضة :rerrerek: سلامات ما تشوفين شر ان شاء الله

الحراير
كاني ييت :eh_s(8): كنت تعبانه و ما قدرت ادخل ...

ههههههههههههههه ضحكتيني على اني و صلت ال 55 :krkrkr: لا توى الناس بدري علي :eh_s(11): اهى اهىء

 

[توووووتة الحلوة]

بنات للتذكير بكره يوم الميزان، يكرم المرء او يهان

ان شاء الله الاربعاء الموافق 19/12

 

[توووووتة الحلوة]

نجي للنظام اللي اتبعته اهو الريجيم حسب نوع الجسم، طبعا في اسبوع تغيرت مقاستي تغير ملحوظ جدا جدا و بدون مبالغة لكن على الميزان ما نقصت كثير كلها نص كيلو مع اني كنت بلعة في بلعة لكن بلعة محسوبة. ما قد جعت اطلاقا، هالدايت يعتمد على نوع الغذاء مو الكمية، انا جسمي اهو الجسم التناسلي (الكمثري) هالنوع من الاجسام له قائمة مسموحات و قائمة مسموحات با عتدال و قائمة ممنوعات

طبعا اكيد انكم تختلفون عني في نوع الجسم

راح احط الروابط علشان كل وحده تعرف ايش نوع جسمها و تتبع قائمة الطعام اللي تناسبها

اهني رابط شرح بسيط، علشان تاخذون فكرة واضحة
http://forum.hawaaworld.com/showthread.php?t=3704735

و هني شرح بالتفصيل، فيه 3 ردود بعد الموضوع انزلوا شوي علشان تلقون تكمله الموضوع
ريجيم نوع الجسم

 

[تووته البسكوته]

ماشالله بنات حلوووو موضوعكم وحلوو وزنكم ..ان شالله لمن اضعف ايي واشارك بتجمعكم
لان انا وزني 89 ان دشيت معاكم بتضحكون علي لووووول

 

[سأكون يوما ما أريد]

هلا توته اي انا قريت هالموضوع من فتره

انشاء الله بطبق عليه واضيف هالاكلات مع رجيم محمد ربيعه

انا جسمي من النوع الكظرمي واحسن شي انا احب الالبان والحليب المنزوع والكرون فلكس تقريبا الي ذكرته الاخت احلام وبالنسبه للحوم الحمره انا ما احبهاا بس خاطري اعرف ما نحصل جاي البقدونس جاهز

لي رجعه ان شاء الله​

 

[طريق السعاده]

نجي للنظام اللي اتبعته اهو الريجيم حسب نوع الجسم، طبعا في اسبوع تغيرت مقاستي تغير ملحوظ جدا جدا و بدون مبالغة لكن على الميزان ما نقصت كثير كلها نص كيلو مع اني كنت بلعة في بلعة لكن بلعة محسوبة. ما قد جعت اطلاقا، هالدايت يعتمد على نوع الغذاء مو الكمية، انا جسمي اهو الجسم التناسلي (الكمثري) هالنوع من الاجسام له قائمة مسموحات و قائمة مسموحات با عتدال و قائمة ممنوعات

طبعا اكيد انكم تختلفون عني في نوع الجسم

راح احط الروابط علشان كل وحده تعرف ايش نوع جسمها و تتبع قائمة الطعام اللي تناسبها

اهني رابط شرح بسيط، علشان تاخذون فكرة واضحة
قصه نجاح ليس شخص بل مجموعه اشخاص (بالصور) - منتديات عالم حواء

و هني شرح بالتفصيل، فيه 3 ردود بعد الموضوع انزلوا شوي علشان تلقون تكمله الموضوع
ريجيم نوع الجسم

مرررررا شكرا كنت عندي معلومات بسيطه وروابطك اكدت وزادت وثبتت لي هالمعلومات :eh_s(7):
بالشروحات مشكوره يالغاليه ..

ان شاء الله قريب اجيكم :eh_s(22): ونوصل للي نبي بصصحه وعافيه ي رب

بس ممكن سوال صغنون هههههه
انا معرف اصنف نفسي اي نوعيه من الاجسام
انا قصيره ماني طويله وسمنتي تقريبا في منطقه اعلى اليدين ومنطقه البطن والارداف بس انا من فوق اعتبر نحيفه بالنسبه لسمنتي يعني الي يشوف صورتي من فوق يقول جسمي حلو
لكن المنطقه البطن ههههههههه مصيبه وجاي بروز مع جوانب جسمي عرفتي يعني والافخاذ
بس ماعندي موخره سمينه جايه بشكل مسطح او مربع ! مع العلم ان اطرافي يديني وسيقاني نحيفه مش سمينه يارب فهمتي شرحي هههههههه ابي اعرف نوعيه جسمي جد

 

[إم بــــرٍآك]

ساكون من صجج تبين تجربئن شاي البقدونس الله يزيد النعمه استغفر الله طعمه عقاب لاتشترينه ولاتسوينه مابتقدرين تشربينه

دورته مالقيته بس شفت طريقه تسوينه فيها بروحج من بقدونس مجفف وبالمره مااستساقيته

 

[طريق السعاده]

تقريبا تقريبا جسمي درقي .. انتظر تحليلك ي توووووتة الحلوة
او تحليل احد فاهم في موضوع الاجسام

 

[Ŝ3β_άηśαķ]

توته

حلو هالنظام وانا جسمي تناسلي

وتقريبا نظامي شبيه بالمكتوب


ومبروك النص كيلو



ساكون

كيف شاهي بقدونس ؟؟؟؟

قصدك مغلي البقدونس
اكتبي بقوقل وان شاء الله بتلقين تجارب وطريقته

 

[سماء الاحساء]

تجمع جميل ان شالله اذا ولدت بالسلامه انضم معك دعواتكم

 

[BNTO LA MISHO]

السلام عليكم والرحمه

توته فديت قلبش
ان شاءالله بغيره

انا جسمي تناسلى وبتبع النظام المكتوب واقولكم شيصيررررر

 

[إم بــــرٍآك]

شسالفه تناسلي ودرقي
!!

زين انا جسمي كوكاكولي شتسمونه

 

[طريق السعاده]

او يمكن تناسلي ههههههههه عجزت احدد

 

[أم وليد الشمري]

مسااااء الخيرررر

شلونكم بنات؟
وشلون الدايت والإراده؟؟
امس غيرت الرمز السري واحاول اتذكر شنو سجلته هالرمز ماكو.. زهايمر حشى
بعد جهد جهيد تذكرت .. حتى ياليته كان صعب اسهل منه ما فيه ... شكلي عجزت خلاص .. اهئ اهئ اهئ
شقيقه النعمان .. ان شاالله توصلين للستينات بسرعه .. يارب
احب اصرارج واحب التزامج .. واحب مراقبتج لنا ..
صعب انساك .. حلو تقييمج لنفسج موفقه ياالغلا
زورا .. حبيبتي مانسيتج بالعكس ومكانج فاضي لا تغيبين وايد
ام براك.. فديتج حبيبتي وكل عام والبحرين واهلها بألف خيرررر
صغيره.. ان شاالله الحين احسن بشريني عنج .. اخ ياالربو مجربته عذاب .. شربي بابونج وايد حلو للصدرر... وماتشوفين شررر
تووته يا عسل انتي... حلو البرنامج بس وين الي تتقيد بجلس بعد شوي واشوف اذا اقدر التزم فيه

 

[أم وليد الشمري]

لي رجعه مع يوميااااااتي
انتظروني الامتحانات عند العيال ما تخلص امتحان ورا امتحان
عاد وياليت فاهمين .. اكمل دراستهم وارجع لكم
فديتكم ...

 

[سأكون يوما ما أريد]

هههههههههههههه ويلي عليج ام براك حلوه كو كاكولي​

 

[سأكون يوما ما أريد]

يومياتي

الريوق :
5 تمرات + حليب منزوع الدسم

الغدا :
حمسه صدر دجاج مع زيت زيتون+سلطه روب وخيار + بصله بيضه شرائح

العشا :
3 شابوره بر + روب قليل قليل الدسم

بدون رياضه الجهاز تعطل ​

 

[إم بــــرٍآك]

ههههه شسوي ماعرف بس تناسلي

ماقريت موضوعها كله داخله من البيبي اتملل من رابط للثاتني بس احتفظت بالصوره وفيها الاكل
وتوته ماتقصر بتشرح لنا اكثر عن الموضوع

توته عزيمتي خفت صح موبسبب الوزن زاد كيلو

خفت لاني خبصت كم مره وحسيت اني بستسلم بس شفت برنامج ان لازم تجيج لحظات احباط او استسلام وشي عادي وقلت لاحرام اروح تعبي

امس لبست بنطلون كنت شاريته من فتره ومالبسته قلت خلني البسه مقاس 14 الحمدالله طلع وسيييع وحسيت بدافع الحمدالله وماعلي من الميزان عذريني توته اليوم نسيت اوزن ومابي اوزن هالوقت مثل ما حراير وانتي قلتو الوزن الصبح احسن شيء

ابتديت يومي متاخر ريوقي هو غداي

بيضه مقليه وقطعه جبنه مالحه



المغرب شوكولاتة كادبوري بالفراوله 4 قطع كوفي بدون كافين كوب صغير


العشى

سمبوسه قطعتين وخبز

ربي لك الحمد

وماصار عندي وقت للرياضه بس باجر ان شاء الله بحاول امشي

 

[الحراير]

صباحوووو
كيفكم يارشيقات
يومي لليوم شاي وجبن مالح قليل الدسم مع نص طماط وشاي
وطبعا مافي غدا وشربت شاي علي المغرب وولدي مادري شفيه كل شوي يقولي علشاني اكل بطاط بالخل والملح اكلت كم حبه

وعشاي دجاج بالخضار بالفرن مع نص خبزه سمره وسلطه وبعدها شاي كل يومي شاي

وشربت كوب مراميه منقعه بماي حار

ياحياتي ياتوته انا عطيتك كلمه اني بدخل معاكم ولازم اكون قدها بس لو ماادش صدقيني ظروف مثل المنتدي كل مادش مايصير ويالله انتبهت علي الاعلان
ورفيجتي قالت لازم تغيرين الرقم السري والحمدلله غيرته وماراح احط وزني علشان الدوره تزيد الوزن

 

[زوراروسا]

صباح الخيرات
شكرا للي دعوا لي توته والحراير وكل من سال عني والذات ام وليد حياتي فديتكم كلكم مكانكم بالقلب وما انساكم
امس : ع الريق ماي وبعدها كوب نسكافيه وفطرت حبتين كيوي وشوي شبس مع لبن
والغداء ملعقه رز مع خطروات مسلوقه ..وشوي حمص وخبز
دشيت سينما وللاسف كلت شوي مع عيالي بوب كورن وبفك وام اند امز:eh_s(4):
وشربت ماي وايد
وكنت ماسكه نفسي عن العشاء لين حزه الرقاد مت من اليوع وكلت لي سندويشه شوارما :eh_s(14): يعني خرتها لانه المفروض ما اكل قبل النوم والغي العشاء نهائي خاصه بعد تخبيص السينما :bbbiu:
بالنسبه للرياضه الصباح لعبت 40 دقيقه بين مشي واوبتتراك وتمارين
الحمد لله ع كل حال
اليوم اول ما قمت ودشيت الحمام وانتو بكرامة ركضه ع الميزان
الصدمه وزني 61 يعني ما تغير مع اني من يومين وازنه وكان تقريبا 60 وتوقعت اكون نازله اكثر بس سبحان الله احس شكلا انه جسمي نازل بس ليش الميزان ثابت ما يتحرك ؟؟؟؟ اعتقد لانه نظامي تخفيف وما ينزل بسرعه
ان شاء الله ارجع اوزن بعد جم ساعه واتاكد وان شاء الله خير