تـــجـــمع الحوامـــــل اللي عندهم قصـــر بعنـــق الرحم

[قـــمـــرهم]

Sevirage

هذي اسم الحبوب

(( بيتولين ))


ترا انا ماجربتها

البنت تقول انها وقفت الطلق عندها وعندها قصر بعنق
الرحم ما اكتشفوه الا بالسابع او الثامن نفس حالتج ..



انتي اسئلي دكتورتج عن هالحبوب احسسسسن وشوفي
شنو تقولج



واذا تقدرين روحي للدكتوره اليوم او باجر عشان ما اتاخرين

 

[بنفسجيه_Q8]

الله يهون عليكم

 

[gmar al-kuwait]

قمرهم حياتي الله يسلمج ويخليج الحين انا بالمستشفى وعمليتي الساعه ١٢
تو طلع مني الدكتور يقول احتمال ماتسوين ربط لان عندج مشكلتين الاولى قصر عنق الرحم والثانيه ضيق عنق الرحم فيمكن ضيق عنق الرحم يكون عائق لشد العنق وربطه
يقول لادخلتي العمليه يبين اذا اقدر اسويها والا تتكنسل العمليه ومانقدر نسويلج ربط ��

 

[gmar al-kuwait]

ادعولي حدي متضايقه

 

[حوريه ...]

ياناس احد يرد على سؤالي رح انجت وميته خوف
واليوم دخلت الاسبوع 33+صفر

انتي بالثامن يعني الحمدالله عديتي الاشهر الخطره واللي ممكن يكون البيبي فيها ماكتمل

انتي اخذي ابرة الرئه واعملي احتياطج لو صار لج ولاده

والحمدالله اللي حفظ جنينج هالاشهر قادر يحفظه لج هالشهرين اللي باقيه

سوي مثل ماقالت لج قمرهم بالحرف انا معها بكل كلمه قالتها



ترا احنا ماذبحنا غير الجماع والدرج

وهم اخطر شي لان يقولون هم يسهلون الولاده



يارب الله يتمم حملج وحملي وحمل كل بنات هالقسم ولايضيع تعبنا



اقري قران واستغفري كثير

والله يحفظج

 

[حوريه ...]

قمر الكويت


ماعليج من كلامه مو صاحي دكتورج

شنو مو حل ؟؟؟؟؟؟


اجل ليش اخترعوا الربط حق اللي فاضيه ومرتاحه وتبي تعذب روحها وتعبها

الربط اخترعوا حق حل مشكلة الوسع وهو يقول مو حل

شنو الحل اجل بنظره ؟؟؟؟
واي دكتورج يقهر رررررررر

ماعليج منه توكلي ع واحد ماتنام عينه لااله الا هو
انه ع كل شي قدير
وربج الحافظ وقبل اي شي قادر ع كل شي

احسني الظن بالله واذا فعلاً عندج توسع سويها وربي يتمم عليج وعلينا يااااارب

 

[قـــمـــرهم]

قمر الكويت

طمنينا عليج

سويتي العمليه ؟

شلووونج الحين ؟ بشري؟

 

[gmar al-kuwait]

هلا حبيبتي قمرهم
اي الحمدلله سويتها وماشفت الدكتور وماكلمني
قالو باجر يمر عليج الصبح ومادري شنو بيقولي
الله كريم

والله خايفه مااتحرك كلش وقلبي يعورني من الصلبه

ياذا الجلال والاكرام تثبته :eh_s(2):

 

[قـــمـــرهم]

هلا حبيبتي قمرهم
اي الحمدلله سويتها وماشفت الدكتور وماكلمني
قالو باجر يمر عليج الصبح ومادري شنو بيقولي
الله كريم

والله خايفه مااتحرك كلش وقلبي يعورني من الصلبه

ياذا الجلال والاكرام تثبته :eh_s(2):

هلاااا فيييييج

الحمدلله ع سلاااامتج يا قلبي

الحمدلله انج سويتيها

وباذن الله وضعج زيييين وميه ميه الحين


بس سوي مثل ماقلتلج

داري ع نفسج حيييييييل مو شوي ..

انا ما اذكر اذا دكتورتي مرت علي بعد العمليه او لا !!!!

چنه ما مرت !!

بس كلمت زوجي عن وضعي اول ماخلصت من العمليه ..

انتي شلونج الحين؟

معاج عوار؟ شنو تحسين فيه ؟



ماقلتيلي منوووو دكتورج ؟ والمستشفى؟



سويتلج تحقييييق وانتي تعباااااانه سوري

 

[روزماري]

قمر الكويت


إلحمدلله على السلامه
و ما عليج شر أن شاء الله

بس أهم شيء ريحي لا تجهدين نفسج


أنا الأسبوع اللي طاف سويتها و قبل أمس نزل معاي دم خرعني
رحت الطوارئ بالليل قالو كل شيء تمام
و ثاني يوم رحت لدكتورتي سوت فحص و قالت الدم من الربط

يعني إذا شفتي دم لا تخترعين نفسي
بس ديري بالج على نفسج
و آخذي المضاد و تحاميل التثبيت مهمه بعد

الله يهون عليج

 

[sverige]

الف شكر قمرهم وحوريه على الرد والاهتمام وكل الي كتبولي اشكركم من كل قلبي
اني الصراحه ساكنه ببيت ارضي ولااصعد درج ابدا
ومن اول حملي وممنوع الجماع اصلا
وصارلي اليوم 10 ايام بالمستشفى بالبدايه بسبب الافلاونزا بعدين بالفحص الدوري اكتشفوا انو احتمال تكون الفلاونزا السبب بانو تصير عندي تقلصات بالرحم وتدفع الجنين واخر مره قاسوا عنق الرحم جان 1،4 سم من يومين

والدوا الي اخذته تراكتوسيل بالدم مثل المغذي حتى ياخر الولاده لحد مياخذ الكورتزون (لرئه الجنين) مفعوله
بقى يومين والفجر اليوم ساعه 1 ونص شالوه

حسيت باوجاع الفجر وجنت خايفه
والظهر صار عندي الم بالضبط اول يوم الدوره الله يستر

رح ابقى بالمستشفى بعد اسبوع تحسب لاي طارى او ولاده مبكره

بس بعد مفحصوا عنق الرحم من ناحيه طوله بس تاكدوا انو لحد الان مغلوق
ولااتصور رح يفحصون الطول لانو ميفكرون بتوقيف الولاده اذا بلشت
الله الحافظ

هسه اريد انام وحاسه بالام والطفل يتحرك ان شاء الله خير
ادعولي والله يسترها ويانا كلنا


والله ييسر عليج قمر الكويت ولتكولين انو الدكتور معطاج امل لانو كاللج الامل بالله وهذه الحقيقه محد بيده شي غير رب العالمين هو الرازق والحافظ اكتبيلنا اخبارج

 

[gmar al-kuwait]

مشكورين بنات حبايبي على مواساتكم لي

وبالنسبه لدكتوري قمرهم اهو ناهض حماديه بالمواساه كلفتني ٦٣٠ دينار حده غالي وصلخنا

واحس بضغط من تحت مادري من شنو


روز ماري
حبيبتي المضاد جم يوم اكله ترا من التعب مانتبهت لهم متى اوقفه

وسيفرج حبيبتي مشكوره يقلبي واكيد الامل بالله

اي صح الدكتور عطاني ابر مرتين بالاسبوع لمدة اسبوعين وتالي اوقفها

 

[gmar al-kuwait]

بنات احس بصداع مايخالف اكل بندول مال المستوصف ؟؟

 

[روزماري]

هلا قمر

ها شلونج الحين

المضاد انا قالتلي جنه عشر ايام
بس الأكيد انه مرتين باليوم بعد الأكل
انا الصراحة خذيته اول يوم بس لان جبدي كلش ما تستحمله و الله يستر لا يكون معاي التهابات لان هو مضاد للبكتيريا و الالتهابات
و بندول المستوصف عادي من بدايه حملي اذا حسيت بصداع خذيته
لا تحاتين عادي

 

[قـــمـــرهم]

هلا قمر الكويت


الضغط انا كنت جذي اول ماسويت العمليه احس بضغط
تحت وقالولي عادي من العمليه ..


والمضااااد انا اخذته لمدة 10 اياااام على كلام دكتورتي..

والبنادول دكتورتي قالتلي اذا معاج صداع اخذي النوع العادي الازرق

بس انا وحده خوافه يمكن طول حمالي اخذته مرتين بس

اخاف مو زييييين. !؟


بس ديري بالج اذا حسيتي بعوار لا تسكتين عن نفسج ابداااا ع طول روحي لدكتورتج

وبعدين امبيييييه ليش جذي غاااالي@@

جم ليله نمتي عندهم؟


انا نمت ليله وكلفتني العمليه مع الغرفه والادويه وكل شي
بحدود ال520 دك

بصراحه انا بعد غاااالي وانتي اغلى حييييييل

يالله اهم شي نقوم بالسلامه الله لا يخسر تعبنا ياااارب

 

[قـــمـــرهم]

قمر الكويت


الابر اللي كتبهم لج الدكتور

سوي نفسي اريحلج

انا شريت الابر من صيدلية المواساة
وحطيتهم عندي بالثلاجه

وكل مابغيت اطق ابره اخذها مع الوصفه
واروح اطقها بالمستوصف واخليهم يكتبون ع الورقه
التاريخ دليل اني طقيتها


ارييييح حيل بدال لا اتعنين للمواساة عشان ابره ..

وانا كنت اخذ ابر مثبته بس ما اذكر لي متى اخذتهم !!

 

[Ranoon]

حبيت اسأل يا حوامل


شفتوا عنق الرحم زين ؟




انا يوم سويت سونار سالت دكتورة عن عنق رحم
قالت ليش خواتك يسوا ربط ؟ قلت لا بس حبيت
اتطمن قالت يبين أسبوع جاي وسونار ثاني بمختبر
تسوينه ! وكتبت لي قالت روحي وسوي أسبوع جاي
يبين أكثر !!!




شرايكم انتم يا حوامل ....؟
​

 

[gmar al-kuwait]

هلا روز ماري

انا الحمدلله زينه انتي شلونج بشريني عنج
والمضاد وصفلي ياه 3 مرات باليوم كل 8 ساعات بدق ع السيستر واسالها تجيك على ملفي لمدة عشر ايام مثلكم والا غير

قمرهم

هلا حبيبتي انا نمت يوم واحد بس مادري ليش جذي غالي
يمكن لانهم مرتين ركبولي درب مسكن لاني كنت احس بالام الدوره وضغط من تحت

وانا ذبحني الصداع امس سميت بالرحمن وكليت بندول المستوصف والحين الحمدلله
والله يكتب الي فيه الخير

وانا ماشريت الابر للحين لاني كنت ناطره المعاش والحمدلله نزل وبشتريهم من المواساه واطقهم بالمستوصف اقرب لي
زين نبهتيني خاصة ان بيتي بعيد وماتسوى كل شوي ماسكه طريج علشان الابره


والابر اي تثبيت والمثبت الله سبحانه

 

[gmar al-kuwait]

حبيت اسأل يا حوامل


شفتوا عنق الرحم زين ؟




انا يوم سويت سونار سالت دكتورة عن عنق رحم
قالت ليش خواتك يسوا ربط ؟ قلت لا بس حبيت
اتطمن قالت يبين أسبوع جاي وسونار ثاني بمختبر
تسوينه ! وكتبت لي قالت روحي وسوي أسبوع جاي
يبين أكثر !!!




شرايكم انتم يا حوامل ....؟
​

رنون انتي اي اسبوع ولازم تسوين سونار داخلي لقياس طول عنق الرحم
ومنها يقررون اذا تحتاجين ربط
بس تلاحقي على عمرج ضروري بالاسبوع 12 الى 14 تكونين قايسه طوله ومسويه الربط وخالصه
لاتصيرين مثلي تاخرت لين انفتح الرحم

وان شاء الله ماتحتاجين ربط

 

[حوريه ...]

قمر حمدالله ع السلامه

والله يثبت جنينج وتشوفينه بصحه وعافيه


والحمدالله سويتي عمليه وخلصتي

ارررررررررررررررررررررررتاحي قد ماتقدرين

وهانت كم شهر الا انتي والده ان شاءالله طبيعي وضناج بحضنج ياااارب