السلام عليكم ورحمة الله وبركاته
طبعا مو أول مرة أنزل موضوع بس دايما ما يكون في تشجيع وأمل وأحس إنه مالي خلق أنزل يومياتي هههه
بس هالمرة قررت ما أنطر تشجيع قررت أدخل تحدي يديد مع نفسي
أشرب لتر ماي يوميا
أسوي رياضة عالأقل 10 دقايق 3 مرات في الأسبوع
ألتزم بالريوق يوميا
أسوي غداي في البيت وآخذه معاي وإذا ما قدرت آكل شي خفيف في الدوام
كل الأكل مسموح ما عندي ولا شي ممنوع ... أهم شي الكمية تكون معقولة
العشا خفيف وقبل النوم عالأقل بساعة
وبما إن عندي مشكلة في كمية السكر اللي أضيفها حق الشاي والحليب وهالسوالف راح أحدد نفسي بكوب واحد في اليوم وعالأغلب راح يكون أي وقت قبل الغدا
وفي نقطة مهمة جدا جدا ... أبي أخلي الميزان مرة في الأسبوع مو كل خمس ثواني ههههه
هدفي اللياقة والصحة مو مهم الوزن ينزل
أبي أتحرك بخفة وما ينقطع نفسي وأدوخ
أبي قومتي الصبح تكون خفيفة وكلها نشاط ماي أضبط المنبه على آخر لحظة عشان أنام لي 5 دقايق زيادة ههههه
هالأيام ما علي صلاة بس ان شالله من الأحد لما أطهر بحاول ما أرجع أنام عقب صلاة الفجر
صار لي يومين بادية
اللي بتشاركني حياها الله ... باجي 28 يوم مع اليوم وعقبها ان شالله أرجع أجدد التحدي
وزني لمتابعة التطور فقط لا غير
