مشكورين بنوتات عالنصايح
النشويات قررت ادخلها لوجبة الريوق فقط واللي اهوه التوست الاسمر إن شاء الله واحط معاه الجبن والخس والطماط والخيار
و الغدا انا لأن مثل ما قلت لكم مشكلتي ما آكل الا دياي من اللحوم وهم مااقدر اكثر منه يعني مرتين بالاسبوع كافي
و امدحولي المشروم و الفقع يفون بالغرض وسعراتهم زينة فبدخلهم ان شاء الله مرتين بالاسبوع
فأربع ايام كافين بالاسبوع يكون معاهم شوربة خفيفة او سلطة خضرا
والايام الثلاثة اللي مافيهم راح تكون السلطة كميتها راهية و معاها الروب او الجبن فبتكون وجبة كافية
والعشا عبدالله المطوع و في دكاترة وايد امدحوا استبدله بعصير اناناس مع كيوي لأن يحرق و هم زين لوجبة العشا
أحس جذي كافي وصحي ان شاء الله لأن فيه فواكة والخضروات مدخلتها وفيه بروتينات يوميا والفواكة فيها سكريات وهم فيه نشويات
امس اسولف مع اختي اقول لها ان وزني من آخر 3 لي اللحين حالف يعلق على أول 80 ! انا يمكن اللي مهون علي ان كان وزني قبل 95 فالحمدالله حاسة بفرق كبير بس هم تعبت ابي اشوف رقم 7 !!
قالتلي ان رفيجتها نفس حالتي كان وزني بالمية و علق عال 90 ! و هم مو راضي ينزل نفس حالتي بس تقول ان من قامت تشوي تشيل اثقال و تمارين رجع نزل وزنها فشوقتني اسوي نص ساعة باليوم عالصبح او الظهر تمارين و استعمل اثقال انا عندي اثقال
بس ما تتعدى الكيلوين << لحد يسمعج بس
بس لأن مااتحمل اشيل اكثر وبس زينة حق التمارين وان شاء الله يرجع ينزل وزني يارب
و من باجر ان شاء الله ببدي عناية بشعري وفبشرتي عشان ما يضل تفكيري بس بالرجيم لأن جد احس اللي خرب علي اكثر نفسيتي صار تفكيري بس بالرجيم !!!!
بس اللي منرفزني بنات ماكو احد بالبيت يشجع عالاكل الصحي ومااحب لما تكون الانظار كلها علي :eh_s(16):
يعني هم اهلي يبون يضعفون بس تعرفون لما احد ياكل ماشاء الله اكل دسم وبنهاية الاكل يقول احنا لازم نسوي رجيم ولي متى والخ الخ على فكرة انا من شفت ان حرام انطرهم لين يقررون متى صج يلتزمون بكلامهم قدرت انزل الحمدالله من وزني ولا قبل التزم معاهم يوم وثاني يوم يخربطون ويردون يتحلطمون وانا وياهم :eh_s(4): وهم شي يوتر لما بس تكون الانظار كلها عليج :eh_s(16):
اذكر قبل قالي الدكتور لا تقولين حق احد اذا بتسوين رجيم وفعلا ماقلت حق احد بس اكيد ببين الفرق اذا نازلة 13 كيلو و هم الرفيجات مااحب احد يركز علي جم نزلتي جم صار وزنج اللحين جم وجم يعني تحرجج بالاسألة مو اللي تشجعج اييلج احساس انج الوحيدة اللي قاعدة تسوين رجيم بهالكون :eh_s(2):
يمكن هذا اللي موترني اكثر من قبل مع ان اللحين وصلت لنص المشوار الحمدالله بس الضغط قام يزيد اكثر :eh_s(2):
اللي تعرف حل يا ليت تفيدني يعني في ناس اوكي تشجعني بين وفترة وفترة تقولي سمسم ضغفانة وايد وكيت وكيت
بس في ناس يوميااااااااااااااااااااااااااااااااااااااااا تكرهج بالرجيم يعني مرات فعلا تحتاجين ان محد يذكرج انج قاعدة تسوين رجيم كل يوم
بس للأمانة في ناس ترفع هرمون السعادة عندج لي السقف بكلمة ضعفانة
