تجمع بداية حياة يديدة و رشاقة (نيو لوك العيد ) تعالو نشجع بعض

[نوفلتي]

مساء الخير ،، شخباركم

مبروك دانة قطر وعووشه على النزول عقبال الباقي

انا وزنت امس صرت 70.00 بالضبط يعني اللي نزلته في اسبوع 900 جرام بس

وتريقت اليوم 3 تمرات ولبن اكتيفيا لايت
وباتغدا بعد شوي سلطة كودو بالدجاج المشوي
والعشا بإذن الله بيكون صنفين من الفواكه

 

[بـ سـ كـ وتـ ة]

صباح الخير بنات

هالجم يوم كنت تعبانة ونفسي مسدودة أكلي نص أكلي وما كان لي مزاج أكتب يومياتي هههه

وأمس على أساس أخليه فري بس هم ماكان لي نفس إلا وحبة وحدة فري اللي اهي العشا كليت شريحتين بيتزا شغل بيت

وشوية حمسة همبرجر دياي

اليوم أول يوم أسبوع المرور

خذيت سناك قبل الريوق حليب كي دي دي ككاو 200 كالوري وايد على سناك

تريقت يمكن 3 قفاش عصيدة وبيضة وحدة ما كملتها

وشربت ليلحين 3 قلاصات ماي

ويمكن ثلث كوب قهوة فرنسية مادري شطاري على بالي

وحلاوة وحدة من هذي



وحبة كوجا وحدة

ولي آخر الدوام راح أكتفي بالماي والفواكه لأن بنطلع نتغدى آنا وريلي اليوم ان شالله بخليه غدا وعشا

 

[بـ سـ كـ وتـ ة]

اي صح نسيت أقولكم

عندي جنز شاريته قبل ما أحمل كان قدي بالضبط

اليوم أول مرة ألبسه من 3 سنين خااااااب علي :eh_s(*): أمشي وأحسه بيطيح

شعور لا يوصف

ولله دري

عليج بالعافية حبيبتي

الصمونة فيها تقريبا 200 كالوري والدياي هم تقريبا 200

المايونيز تقريبا 90 كالوري في القفشة والحسابة بتحسب هههه

يعني بحدود 500 إلى 600 كالوري

أول مرة أدري ... من زمان أقول بخاطري صمونة مسحب بس اليوم قررت إن مو بخاطري ولا شي ههههه

 

[Dana.Qtr]

هلا بننات ..
الله دري موفقه حياتي .. حتى انا امتحانات وضغغط اف
نوفلتي مبروك النزول .. كيب قوينق

 

[Dana.Qtr]

الله وناسه بسكوته .. ماشاءالله عليج
شدي حيلج اكثرر بعد

 

[Dana.Qtr]

اليوم تريقت بيضه مخفوقة بحليب وملح وفلفل اسود
مع مشروم وفلفل بارد مع شوية جبن لايت
وحبتين توست اسمر
مع كرك بحليب لايت

**اليوم جدولي شبه فري دي، ﻻن نسيت اخذ فري فقلت باتغدى برجر جوني روكتس ..
والجمعه عندي عرس ولد عمي فاكيد باكل وبخربط فبيكون بعد فري

بناات انا فيني الدورة وعزكم الله تنزل بزياده
قلت يمكن لان كانت متاخره !
وامس حسيت بهبوط
مع ان دمي وايد زين مافيني فقر دم
امي قالت لي لان بوقت امتحانات وتنهكين نفسج بالدراسة فتخسرين كالوريز بدون ماتحسين
ولازم تتغذين اكثر بهالوقت .. وانا قللبي معورني مابي اخرب رجيمي!

فانتوا شرايكم ؟

 

[اخت خالتهم]

السلام عليكم

مافقدتوني


انا رديت و زايده ٩٠٠ جرام اهئ اهئ

كان عندي مناسبه وعزايم وبدعت


بس والله راده بقوه
قعدت اليوم ريوقي عصير برتقال فريش


و اللحين اشرب قهوه و غداي ما قررت للحين

 

[Dana.Qtr]

اخت خالتهم، الا سألت عنج وعن البنات
الكل مختفي
وتنزلينهم بالعافية، اجرمتي بحق نفسج ههههههه

 

[سماء الاحساء]

هلا فيكم يا غاليات اشتقت لكم ان شالله مانفقد بعض من شر والله يوفقكم في الاختبارات وان شالله من الناجحين انا بصراحه مخربه في اكلي وزني ٧١ ان شالله مايرجع لان اول ٧٣

 

[Dana.Qtr]

اليوم تغديت برجر وفرايز جوني روكتس وانصدمت المعده ><
والحين اشرب كرك وبحاول اكثر ماي

 

[بـ سـ كـ وتـ ة]

يا صباح الرشاقة

اليوم وزنت عالوعد

الميزان الأول 79.4

الميزان الثاني 78.4

الميزان الثالث 78 بالضبط

الميزان الرابع 77.* نازلة 800 جرام وأتوقع أكثر لأن وانتو بكرامة فيني إمساك من المضاد الحيوي

 

[بـ سـ كـ وتـ ة]

أخت خالتهم اشلون ما فقدناج

ترى الـ 900 إذا التزمتي قبلها وبعدها تكون زيادة وهمية أول ما تخففين تنقصينها وتنقصين زيادة ان شالله

دانة قطر وقت الدورة وانتي بكرامة تحرقين 300 - 400 كالوري زيادة عن المعدل عادي

يعني اصبعين ككاو ولا شبس ولا هالسوالف ما راح تفرق وايد

بس احنا الغلط اللي نسويه إنا نبالغ بالزيادة

خلج بحدود 400 كالوري بتكونين عالسيف سايد

تكملة يومي أمس

كليت تفاحة زيادة

بعدين رحنا أبل بيز طلبت ستيك كليت 4 - 5حبات من البطاط اللي معاه

وشربت ماي

كان غدا وعشا والحمدلله عالنعمة

مجموع الماي أمس 1.750 كان ناقصني كوب واحد وأكمل لترين ههههه

وسويت 60 ضغط و70 squat

 

[بـ سـ كـ وتـ ة]

اليوم بخليه مفتوح وأتوقع من الخميس لي السبت راح يكون فيه خرابيط لأن بنروح الشاليه ان شالله ومو عارفة اشلون راح يكون الوضع

 

[نوفلتي]

صباح الخير ،،

دانة قطر .. اذا حسيتي بهبوط اكلي تمره انا ساعات احس بدوره او يمكن هبوط الصراحه ماعرف شنو يصيدني فدكتور اختي نصحها اذا صار لج جدي ياتاكلين قطعة الكاكو اللي يعطيها في الرجيم او تمره وحده..

اخت خالتهم .. معليه ان شاءالله هالتسعميه تنقصينهم هالاسبوع

بسكوته .. مبروك النزوول

سماء الاحساء .. لاتخربطين وايد عشان ماتردين الكيلوات اللي نزلتيهم

 

[كستنائيـة ع ـسل]

صباح الخير عادي اشترك وياكم ههههه

تو اشوووفه

 

[Dana.Qtr]

بسكوته .. توني اعرف هالشي زين والله بس بعد مابي اخربط
نوفلتي .. اي احب التمر بس الفتره الاخيره انمنعت عنه عشان تنزل الدورة، الحين لو حسيت بارد له

واليوم وزنت صار وزني 70.5 الحمدلله

 

[Dana.Qtr]

تريقت توستين سمر مع مرتديلا زيتون وجبن وشربت كرك ..

 

[لله دري]

مساء الخيرر

اخت خالتهم
فاقدينج اككيد ززين رديتي :$
وفاقدين باجي البنات من غير شر

انا ايامي اللي فاتت زينه بس اليوم نص ونص
وطبعا رياضه اكس كلش ماكو وقت ان شاءالله الخميس ابلش رياضه عددله

وان شاءالله الاثنين اقيس وزني ويارب نازله


ولي عوده 

 

[لله دري]

دانة قطر

انا نفسج ذابحة عمري دراسة ورجيم بهالوقت
و يأنبني ضميري اخربط
ف احس بهبوووط وادوخ ومافيني فقر دم ولا شي
سليم كل شي

بس اول ماتحسين جذي اكلي سيدا انا لمن اكل يروح عني
ولا تحاتين مو خربطة سوي شي خفيف

 

[الريم_85]

السلام عليكم ​

وزنت يوم الخميس اللي راح وكنت نازله
800 غرام بس:eh_s(4):
.. الحمدلله
صار وزني 74.1 كبلو ​

هدفي القااااادم 69.99999
ابي انزلهم خلال شهررررررر :eh_s(1):​

ياااااااارب اضعف وانا بصحه وعافيه:yaaaaaarb:​