تجمع بداية حياة يديدة و رشاقة (نيو لوك العيد ) تعالو نشجع بعض

[Dana.Qtr]

دانة قطر

انا نفسج ذابحة عمري دراسة ورجيم بهالوقت
و يأنبني ضميري اخربط
ف احس بهبوووط وادوخ ومافيني فقر دم ولا شي
سليم كل شي

بس اول ماتحسين جذي اكلي سيدا انا لمن اكل يروح عني
ولا تحاتين مو خربطة سوي شي خفيف

ايي حده يلوع الجبد هالشعور ..
الحين اشوا الحمدلله
بس اخلص هالاثنين بفتتتك اخخ

 

[Aousha]

هلا حبايبي

وزني سيم سيم بعدني على 60

من فرحتي أني نزلت خصبت يومين ولا بعد ما لعبت رياضه من مده

بس اليوم برجع العب رياضه وبشد على نفسي .... شجعوني بليز هاع

 

[سماء الاحساء]

مساء الخير جميعا وهلا بأحلى يوميات أخباركم شو الجديد

 

[سماء الاحساء]

صباح القوه هلا فيكم بدات صباحي طبعا بالصلاة شربت ماي والحين بدات قهوه جاي بخاطري اكل كبده

 

[سماء الاحساء]

بنات بسالكم أنتو مع الرجيم او النظام الغذائي والرياضة تستخدمون كريمات تنحيف للبطن او للتقليل من حجمه بالسانتي واللي تستخدم شنو افضل شي او شنو اللي تستخدمه هل بانت النتيجه لأني انا شرائه كريم من امرأه تسويه واستخدمه بس مش بانتظام

 

[لله دري]

صباح الخير

سماء الإحساء مع النظام الغذائي والرياضه
مافي تعب وشي صحي الحمدلله

الكريمات ماستخدم خلطات وهالسوالف
الا زبدة الككاو عندي هذا توب رقم 1
يوميا ادهن جسمي فيه صج وحده بوحده
واهو معروف يشد وزين حق اللي تتبع رجيم تحطه كل يوم عشان ما تطلع خطوط لمن تضعف وهم مايترهل البطن

 

[لله دري]

قبل شوي تريقت
طالبين فطاير بس ماخبصت

فطيرة لبنه بالزعتر
وقطعة بيتزا المثلثه صغيييره
وكوب عصير برتقال طبيعي

ولعبت 10 دقايق اوربتراك
و5 دقايق تمارين البطن والخصر

 

[نوفلتي]

صباح الخير،،

سماء الاحساء... دكتور اختي عطاها وياالاشتراك كريم حق البطن ينحف ويشد وعطاها اثنين عطتني واحد استخدمته يوم كنت في النفاس بس ولا غير شي ..

تريقت اليوم 3 تمرات وروب قليل الدسم

والغدا اليوم باغير باخذ سلطة كودو خاليه وباحط عليها تونه

والعشا كالعاده صنفين من الفواكه

وبين الوجبات خياره

 

[سماء الاحساء]

هلا فيكم عوااافي مااكلتوو وان شالله نوصل للي نبيه يارب

 

[ام محمد المسري]

بنات اهنيكم وان شاء تضعفون بصحة وعافية ودي ابدي معاكم قبل العيد ابي أضعف ينفع والا لا ������

 

[دلوعه كندا]

موفقيين يا حلويين ^_^

 

[نوفلتي]

صباح الخير،،،

ام محمد المسري .. اي ينفع باقي للعيد تقريبا شهرين في هالشهرين تقدرين تضعفين 6 او 7 او حتى 10 كيلوووو

 

[صمت شفايف]

صباح الخير بنات

اخباركم ان شاءالله بخير

اليوم يوم الوزن متوتره امس خبصت في العشى كنت معزومه ان شاءالله اكون نازله كيلو على الاقل

يلا سي يووو ​

 

[الريم_85]

صباح الخير

لله دري + خالة خالتهم

مكانكم مبين ​

 

[Dana.Qtr]

وحشتوونيي ..
اليوم شوي خبصت تريقت لبنه لايت وعسل مع خبزة بنية
وتغديت بيض بخظار وتوستين سمر
عشاي كان 10 قفشات عيش مع لحم
لان كنت فحفلة حنا

 

[لله دري]

صباحج ورد
الرريم
اي والله فاقدين البنات
وللاسف صارلي يومين قمت اخورها بليل مادري شفيني

ادعووولي ):
بعد شوي اخر امتحان ليييي
واجابل نفسي عدل عقبه يارب

 

[لله دري]

تريقت توني مبجر بس جوعانه ولازم يعني مع المراجعه ابلع

شريحتين توست اسمر
قفشة لبنه ومعاها خضار

كوب صغير جاي حليب
قفشة جاي شكر + قفشة اكل حليب كامل الدسم

بس ماشربت الا ربع الكوب

ريوقي بحدود 200
وان شاءالله قبل امتحاني بشرب ستروبري فريز 160 كالوري
محتاجة شي بارد يبرد على جبدي 

 

[نوفلتي]

صباااح الويكند والاوبن دااااي

ريوقي اليوم شريحتين توست عادي وجبن لايت وشاي اخضر بدون سكر

المفروض اليوم اوزن بس باجلها لي باجر لانه الميزان مب عندي وصديقتي ماشاءالله وزنت ونازله كيلو و400 جرام

 

[سماء الاحساء]

صباح السعد ياهلا فيكم منورات بمشاركاتكم الله يوفقكم يارب وان شالله نوصل للي نبيه جميعا يارب اليوم فطوري قهوه وخبر اسمر وحبه طماطه وبيض مقلي واهم شي مع نظام الأكل رياضه وانا بصراحه ما عملت رياضه ولا حتى مشي اهئ اهئ ما تشجع لوحدي وبالبيت أتكاسل قلت بدخل نادي ما نصحوني يقولون لازم تاخذين ست شهور ع الاقل من الولاده الرحم بعده رطب شرايكم صحيح ؟؟ وانا توني داخله الشهر الثالث مابعد اكمله. والمفروض الدوره جايه بس مدري احس بآلام وتعب وو توتر موجايه تنزل لان دم الأربعين جاني مدري شهر تجئ وشهر لا !!!مين مثلي عذرا عالاطاله قلت قصه حياتي مؤ يومياتي ههههه حبيت أفض فض لكم والله يوفقكم يارب جميعا لما يحبه ويرضاه

 

[سماء الاحساء]

لله دري /// الله يوفقك ويسهل عليك اختبارا تك وكل الي معهم اختبارات. في اي مرحلة دراسيه انتي ؟؟؟