تجمع بداية حياة يديدة و رشاقة (نيو لوك العيد ) تعالو نشجع بعض

[بـ سـ كـ وتـ ة]

صباح الخير يا رشيقات

طبعا اليوم الميزان بس عقب خرابيط الشاليه مالي ويه أوقف عالميزان أحس بييني كف ههههه

المشكلة ما كان في أكل صحي ... كنت باخذ فواكه بس ريلي قالي لا تحاتين كل شي موجود ورحت ولا صج كل شي مو صحي موجود ههه

أخت خالتهم اي الوزن مال الخرابيط أول ما ترجعين تلتزمين ينزل أحسن شي عقب الالتزام بـ 3 أيام تقيسين

شوشو يا حيالله من يانا ... ترى وزن الحمل إذا كان في المعدل الطبيعي يعني لي 15 كيلو تنزلينه في الأربعين

أول ما تولدين بالسلامة ان شالله 10 كيلو يختفون بس أهم شي وقت الرضاعة لا تسمعين كلام الحريم حلبة ورهش وخرابيط ترى هذي اللي تتفخ

الخضار والفواكه والشوربات والسوائل اهي اللي تدر الحليب وأهم شي السوائل يبيلج بحدود 3 لتر في اليوم

وخرابيط النفاس قبوط وعصيدة ومادري شنو ترى مالها داعي ما منها فايدة حق الجسم وتتفخ عالفاضي

إذا بخاطرج التزمي بالكميات

لله دري عساج ما تفقدين غالي فيج الخير والله

سلطتج شكلها خطيرة يبيلها أجربها بث بدون بثل هههه

نوفلتي عليج بالعافية الوزن اللي نزلتيه تستاهلين تشوفين نتيجة تعبج

دانة قطر انتي صديقتي الكركية ... الشاميات يروحون عند بعض "يشربو أهوي" وآنا بعزمج نشرب شاي حليب هههه

نيووب ولكم باك يا عسل

يالله شدي حيلج خل نرجع باك أون تراك

ضماد الصورة وايد تشجع ... حتى عمرها صار يبين أصغر بالضعف

حياج معانا شاركي بيومياتج



​

 

[بـ سـ كـ وتـ ة]

اليوم كنت ناوية أبدا ريجيم السحاب مع إني ما أحب الريجيمات الجاهزة بس حسيته حلو

أولا كمية ونوعية الأكل اللي فيه معقولة

ثانيا يشجعج تشربين ماي تدريجيا ما تفاجئين جسمج من صفر لي لترين مرة وحدة هههههه

وثالثا وهو الأهم لأول مرة في التاريخ نظام مافيه ولا شي ما أحبه

أمس شريت الأغراض بس الصراحة ما فضيت أسوي الشوربة وأجهز الأكل آخذ معاي الدوام لأن رجعنا البيت متأخر وتعب الشاليه طلع علينا

اليوم تخفيف ليلحين كليت موزة ونص حليب ككاو

وباجر ان شالله أول يوم واهوا مدته 10 أيام عقبها تقدرين تعيدينه

​

 

[نوفلتي]

صباح الخير...

الريم امس ماداومت مريضه طلع عليها الاوبن داي اكثر من بيع السوووق صادها مقص وترجيع وانتو بكرامه ...

وانا ريوقي وغداي وعشاي طول هالاسبوع مابيتغير مثل ماكتبت امس...

باتريق بيضه مفيوحه وشريحة جبن لايت وشاي اخضر..

 

[لله دري]

نوفتلي

حبيبتي ماتشوف شر ان شاءالله


بسكوته

اي لذيذه جربيها وماعليه ماعليه
لازم تخبيصات وان شاءالله نازله هالاسبوع


ريوقي كان مبجر عال 7

شريحتين توست اسمر
شريحتين تيركي
قفشة لبنه
3 حبات زيتون اخضر
كوب حليب قليل الدسم + قفشة اكل عسل

السناك

كتكات اصبعين
ومعاه كوب حليب قليل الدسم مع زعتّر وقفشتين جاي شكر

وان شاءالله الغدا بيكون شريحتين برجر دجاج مشوي وسلايس لايت مع خس وقفشة كاتشب

ورياضه لعبت بحدود الساعتين منوعه

قاعده احاول اطبق ان تكون وجبة وحده نشويات
والباجي اما سلطات او مشاوي احس انزل اسرع

 

[الريم_85]

السلام عليكم صبايا ​

شخباركم ؟؟​

عدت من عقب تعب الاوبن داااي .. رحت عن خاطري السينما وكلت الناتشوز بالهلبينوووو :eh_s(11):وجان تتفاجيء معدتي المسكينه واتم ارررجع واسهال ياااااااربي تعبت ​

والحمدلله ضعفت كيلو ونص .. صرت 72.6 .. ربي لك الحمد ​

لله دري
مشكوووره حبيبتي ع السؤال .. :eh_s(7):​

 

[Dana.Qtr]

ههههههه بسكوته اانا عازمتجج حياج كركنا مايتطوف ♡.♡

واليوم كان اخر يوم امتحان الحمدلله
تريقت حلوم مشوي وخيار و "كرك" ههههههه
وتغديت معكرونة شوي ثقيله تقريبا 400/500 سعره
بعد شوي بتعشا كرك وتوست بينات
ووزني مب عاجبني الحمدلله ع كل حال
صار 70.1

 

[Dana.Qtr]

انا قاعده اعاني مع الخبز والتوست
انحرم من العيش بس مانحرم منه
لو اهده متاكده بينزل وزني اسرع

 

[((shoOoshoOo))]

سلاااااااااااااااااااااااااااااااام


يومياتي


امس الفجر حسيت بجوووع مو صصصصج لاني قبلها متعشيه الساعه 7

فسويتلي خبزه بطماطه وجبن :$







والغدا : بيضه مسلوقه وتوستتين + جاي حليبه


السناك : تمره معفوووسه



العشا : برجر + همبرغر * مشوي + عصير مانقوووو



السناك " حبه فيريه رووووشيه :$

 

[لله دري]

صباااااااح التخبييييص
حدددده احباط بداية يومي الثلاثا
مع اني نزلت الحين 65.5 الحمدلله

بس حسافه لعبت لعب مواااصله انااا وبنات عمي سهرانين اليوم كله معااي معطلين ف تخبييييص عالآخر علساس ملتزمه قلت بتريق عدددل وماسكه نفسي عن خرابيطهم وعقب ريوقي السنع بدعت حدددي بخليه فري اليوم بدال الجمعه احسن لي d;


شوشو عليييج بالعافيه حبيبتي
واشوفكم باجر ان شاءالله ياحلوين

 

[صمت شفايف]

صباح الخير بنات

اخباركم واخبار الدايت معاكم ؟؟
الحمدالله انا مواصله دايت وطريقة اكلي تغيرت حيل حتى ماقمت احس بالجوع القوي ولا بالكسل والخمول الحمدالله

سي يووو قيرررز​

 

[نوفلتي]

صباح الخير ..

لله دري مبروك النزول .. وخلج صامده لايغرونج بالاكل خخخخخخخ

تريقت شريحة تركي مدخن مع شريحه جبن لايت وشاي اخضر

صمت الشفايف ..الحمدلله الدايت ماشيين فيه بس هالناس مايخلونج في حالج ان متنتي قالو لج صرتي متينه وان ضعفتي قالو لج خلاص لاتواصلين مب حلو عليج الضعف .. ناس عجيبه

 

[بـ سـ كـ وتـ ة]

الريم_85 ما تشوفين شر ان شالله وعليج بالعافية

دانة قطر عاد على فكرة العيش ما يتفخ كثر التوست والخبز والصمون

بس إذا ما تستغنين عنهم قللي الكمية

يعني بدال ما تسوين صمونة بتوستتين سويها بتوستة وحدة أو اكليها بوجبة وحدة وتكون الصبح عشان تحرقينها

ويبيله جاي حليب والله بس اليوم قررت ما أشرب عشان ما أحط شكر

أمس تريقت موزة ونص حليب ككاو وبعدها بساعتين تقريبا صمونة جبن

وبين الوجبات كليت تفاحة وحدة وحبة كوجا

والغدا صمونة ونص اسكالوب دياي بالخبز مع بطاط وعليها لي اليوم

 

[بـ سـ كـ وتـ ة]

شوشو ولله دري عليكم بالعافية

لله دري آنا مثلج إذا يوم خبصت أبدله مع بوم الفري

صمت الشفايف تمام ان شالله دوم يا رب

نوفلتي الناس يقولون اللي يقولونه إذا حاسة إنج بتوقفين وقفي حق نفسج

وإذا حاسة إن هالتغيير بالعكس إيجابي وشكلج عاجبج استمري

المقياس ذوقج انتي وبس ... أهم شي تكونين راضية عن نفسج

ولا الناس ما يعجبهم شي

وغالبا اللي تقولج بس لا تضعفين تكون اهي ودها تضعف ومو قادرة

 

[صمت شفايف]

نوفه حبيبتي ماعليج من كلام الناس انتي شوفي نفسج مرتاحه مع نفسج و كملي الدايت لان صحي ويفيد الجسم لاتوقفينه ابداا
الله يوفقج حبوبه​

 

[بـ سـ كـ وتـ ة]

اليوم أول يوم في ريجيم السحاب

الريوق:

كوب ماي
بعده بساعة
بيضة مفيوحة + توستة سمرة

الغدا :
كوبين ماي
بعدهم بساعة
شوربة خضار ... ما فضيت أسويها أمس فيبت معاي ظرف شوربة فطر
قطعتين لحم ... هم ما فضيت أطبخ فبدالهم شويت قطعتين كباب أمريكانا
وبعده بساعة حبة فاكهة ... يبت معاي تفاحة وحدة جالا

العشا ان شالله
كوب عصير برتقال يبت أوال لأنه مافيه سكر إضافي
وعلبة روب المفروض قليل الدسم بس آنا يبت كي دي د ي ما في إلا خالي الدسم


وان شالله ألتزم ويعدي اليوم على خير

​

 

[بـ سـ كـ وتـ ة]

اليوم أول يوم في ريجيم السحاب

الريوق:

كوب ماي
بعده بساعة
بيضة مفيوحة + توستة سمرة

الغدا :

كوبين ماي
بعدهم بساعة
شوربة خضار ... ما فضيت أسويها أمس فيبت معاي ظرف شوربة فطر
قطعتين لحم ... هم ما فضيت أطبخ فبدالهم شويت قطعتين كباب أمريكانا
وبعده بساعة حبة فاكهة ... يبت معاي تفاحة وحدة جالا

العشا ان شالله

كوب عصير برتقال يبت أوال لأنه مافيه سكر إضافي
وعلبة روب المفروض قليل الدسم بس آنا يبت كي دي د ي ما في إلا خالي الدسم


وان شالله ألتزم ويعدي اليوم على خير لأن حاسة إن الأكل يشبع ما راح أخربط بين الوجبات

​

 

[نوفلتي]

صمت الشفايف وبسكوته .. اي اكيد انا ماعلي منهم اسمع من اذن واطلعه من الاذن الثانيه لاني انا بعد باقي لي على الهدف 5 كيلو ونص :yaaaaaarb:
بس اتعرفون احساس الوحده البايخه الضعيفه اللي تسوي رجيم واهيه مافيها شي زايد جذي محسسيني ..بس انا ماعلي منهم :bbbiu:

وشكله حلووو الرجيم جربيه وقولي لنا شلون؟

 

[Dana.Qtr]

واي صج التوست اخس من العيش!
عموما انا اليوم قمت المغرب 'إجازه ياحبيبي'
وحدي مصدعه فشربت كرك مع سكر دايت
وكلت صمونة مع موزاريلا وكرافت شيدر ورشة بارميزان ومشروم

ومن شوي تغديت او تعشيت المهم كلت كفتتين دجاج وسلطة ولبن لايت
وناوية إني اسهر فشتقترحون اكل لو جعت ؟

 

[Dana.Qtr]

بنات احسن دايت عن تجربة رجيم السعرات
شوفي احتياج جسمج كم سعرة باليوم
ومافيه حرمان مجرد ترتيب وجبات
عموما الي يحتاجون يضعفون لازم فاليوم بين 1200 و 1500 سعر للناس الكسولة مثلي
وبالصفحات الي فاتت حطيت اسم برنامج يحسب السعرات واذا مالقيتوا صنف من اصناف الاكل دخلوا قوقل سوو سيرج وتلاقونه

وانا حاليا متبعه نظام السعرات
واليوم قست وزني لقيته 69.* مع ان امس كان 70.*

 

[لله دري]

دااانه مبرررروك النزول

احلى نظام السعرات اصلا مريح

واليوم تمام يومي
اول ماقمت كوبين ماي دافي
بعدها جاي اخضر

وتريقت نص خبزه سمرا لبنه تيركي اناناس كي دي دي
والحين سناك سويت قهوه تركيه بدون شكر وباخذ 8 حبات ملتيزر يعني مجموع ريوقي وسناكي 284

ومادري شتغدا بعد d;
لي عوده