تجمع مراجعات مستشفى رويال حياة

[tota77]

يتيمه التساهيل من الله ..

في ناس كلش ماتحس بالولاده يعني عادي لو تقولج ماخذت لا كمام ولا ابره ..

وفي ناس ماتحمل تاخذ الابره..


انا كلش مو مفكره بابره الظهر .. عسى الله يسهلها علي وبس اتم عالكمام .. بس بالميزانيه حاسبه كل شي احتياط مادري لي وقتها شنو يكون الوضع ..


...

وجيكي عالفاتوره عشان تعرفين الي لج والي عليج احسن حق الولادات اليايه على خير

 

[tota77]

اي ويقولج الي تشرب قهوه وهالسوالف المنبهات يعني .. مفعول الكمام او الابره يكون اقل ..

رفيجتي راعية هالسوالف ولمن رحتلها قالت اخذت ابره وهم حسيت ! استغربت منها بس طلعت من ربع القهوه والجاي وهالاشياء لها تأثيرها بالمخدر

 

[حبيبة اهلهاا]

يتيمه حبيبتي شلون الابره عندهم ؟

 

[ريميـــه]

يتيمه شلون ولاده الدكتوره خالده بكل صراحه ؟

 

[درة التاج]

سلام عليكم
انا جربت كمام رويال وكان حده حلوووو
لدرجة انه ما احتجت إبرة ظهر
حسيت بالألم حطوا لي مسكن وكمام ونمت ماقمت إلا علا طلعة راس البيبي ونمت مرة ثانية
يتيمة انتي يمكن تشرين قهوة وايد
عشان جذي ما نفع معاك الكمام
انا انصح أي وحدة تبي تولد في رويال تأخذ ورقة الدخول وتشوف شنو المشمول والي مو مشمول عشان ما تنصدم بالسعر
الحمد لله علا سلامتك يتيمة ومبروك ماياك:eh_s(7):

 

[درة التاج]

انا جربت ولادة في مستشفى غير رويال قبل هالمرة والكمام اعتبره هو والهواء واحد
وحسبت بكل شي

أما رويال ماشاء الله بس يحمي الطلق والألم يزيد يعطونك مسكن والكمام ولا اروع

 

[Aloe Vera]

يتيمة


صح يمكن انتي تشربين قهوة و جذي

انا موقفة هالسوالف من دخلت التاسع
اخاف تاثر
معني مو ناوية اخذ كمام ولا ابرة ظهر اذا الله قدرني
بس احتياطاً الله يعلم يمكن احتاج

 

[baa6aa]

صج القهوة و الشاي تعتبر من المنبهات اللي تخلي الكمام والابره مفعولهم مو وايد قوي .. المفروض من اول الحمال نبلش نخفف منهم عشان حزة الولاده ما نتعب من العوار و يبين مفعول البنج

 

[البرنسيسة غلا]

_




يتيمةة جآبر شوفي بفآتورتچ شنو آلشغلآت آلزيآده وحسآبہم !!
وترآ عآدي أخذوآ منچ زيآده ..


أنآ ولدت على حسآب آلتأمين لأن زوجي موظف بشرگةة آلبترول وطلعت من آلمستشفى دآفعہ زيآده 400 دينآر لي لأن مآبقى شي مآخذيتہ و ولآدتي گآنت متعسره حيل و 200 دينآر زيآده لولدي ..

وصح گلآمچ خيآط د.خآلده يعور حيـــل عشت أول آلأيآم منسدحہ لحد مآ طآح آلخيآط بس ممتآز خيآطہآ ..

وبآلنسبہ للي تسأل عن ولآدةة آلدگتوره خآلده .. تہبــــــــــل و صبـــــوره حيــــــــــل لأبعـــــد درجــــہ ..
مآ آفگر أغيرهآ بولآدآتي آلجآيہ إن شآء آللہ ..





_

 

[baa6aa]

الحمدلله على سلامتج و مبروك ما ياج .. و الله يسهل عالباقي ان شاء الله

 

[cute808]

الحمد الله علي سلامتكم و الله يسهل للحوامل يااااااارب ولاده سهله و بدون الم

 

[أشبـاهـ المطـر]

التامين يدفع للولاده المتعسره
ليش خذوا زياده ؟ انتي ماخذه غير الليلي
الليلي يشملها بكج التامين

احنا دفعنا بس لابره الظهر وفحص السمع
والباجي انا كنت احاسبهم اول باول واخذ الفواتير

الله يستر بس عاد انا وزوجي حاليا مفلسين

 

[سمسومة ام عبودي]

البرنسيسة غلا

اي غرفه خذيتي ؟؟؟؟

 

[البرنسيسة غلا]

التامين يدفع للولاده المتعسره
ليش خذوا زياده ؟ انتي ماخذه غير الليلي
الليلي يشملها بكج التامين

احنا دفعنا بس لابره الظهر وفحص السمع
والباجي انا كنت احاسبهم اول باول واخذ الفواتير

الله يستر بس عاد انا وزوجي حاليا مفلسين

انا ولادتي تعسرت حيييييييل
وخلوني بغرفةة الولاده لثاني يوم
وعطوني ابرة الظهر و يوم طلع ولدي تعبت زياده و خدروني بنج كامل
وولدي تعب وتحاليل واشعه اخذت مبلغ بعد


التأمين بس دفع 800 دينار

 

[البرنسيسة غلا]

البرنسيسة غلا

اي غرفه خذيتي ؟؟؟؟

غرفتي الليلي

 

[baa6aa]

بنات سؤال سريع ..

اذا حق الولاده بقعد بغرفه كاميليا بعدين ابي اروح اخر يوم حق ياسمين عشان الاستقبال عادي او لا ؟

لان في وحده قالتلي ما يعطون الا الجوري او اوركد

صج ؟

انا بخاطري ياسمين

 

[Aloe Vera]

بطة


انا قالولي ان ممنوعة هالحركة
و لازم عالاقل اقعدين يومين بالغرفة يعني حسب الباكج اللي تبينه
او تاخذين قاعة

 

[baa6aa]

اي يعني اخذ كاميليا البكج اللي يومين و الثالث اخذ غرفه كبيره ما يصير ؟

 

[Aloe Vera]

انا قالولي مايصير
الا في حالة ان انتي تبين غرفة و اهي مو متوفرة فا تنطرين علما تفضى بغرفة ثانية
بس هذا اللي اعرفة

 

[baa6aa]

ماكو الا بموعدي اروح اسال اتاكد