تجمع مراجعات مستشفى رويال حياة

[al7noona]

الدكتوره خالده تاخذ اكثر
مراجتعها مع السونار تقريبا 50 دينار
ومره اطلبت مني تحاليل رحت بره سويتهم ب130 دينار
مره ثانيه اطلبتهم مني ماسويتهم هههه نهييبه


بس انا وايد حبيت المستشفى لان شرح وكلش ماتحسين انج بمستشفى جنج بفندق هذا الحلو الي فيه
حتى السسترات على طول عندي ومن ادق عليهم اييون لي بسرعه

 

[al7noona]

بنات انا سالتهم ومافهمت عدل قلتلهم ابي اولد بغرفه خاصه قالولي كل الغرف خاصه قلتلهم بدخل معاي ريلي عادي قالو عادي ريلج او امج

يعني مايصير اثنينهم ولازم اطلب غرفه خاصه ولا خلاص بدون ما اقول خاصه

انا اول شي حطوني بغرفه تجهيز الولاده حطولي تخطيط والغرفه حجمها حلو وفيها تكرمين حمام وسيع وعقب جم ساعه ودوني جناح بروحه حق غرف الولاده الغرفه اكبر وكبيره حيل ويدخلون معاج بس اثنين وكل غرفهم خاصه ومن كثر ما الغرفه كبيره حتى الي يولدون مااسمعهم يصرخون احسن شي

 

[عسوله شقره]

السلام عليكم بنات

الي يسألون عن فتح الملف فري عندهم والدكتوره خالده أنا أراجع عندها الحين المراجعة مع السونار ب٣٨ والتحاليل علي حسب شون نوع التحليل وجم واحد بتسوين وقبل سويت عمليه عندهم عنا أدائه روعه واهتمام الصراحة ما عليه كلام وبأذن الله ناويه أولد عندهم

 

[عسوله شقره]

أي صح الغرف عندهم كلها خااااااصه واقل وحده الليلي وما عليها كلام حلوه

 

[noufb]

انا بعد ٣٨بس يمكن عشان المسحه

يارب يطلع خوش مستشفى وما اتحسف

 

[عسوله شقره]

انا بعد 38بس يمكن عشان المسحه

يارب يطلع خوش مستشفى وما اتحسف

أي صح بس تقرا ضرورية المسحة عشان الالتهابات لا سمح الله أنا طنشتها ما سويتها بس للأسف طلع عندي الالتهاب وسبب لي تقلصات بالرحم وطول وق وزين لحقت عليهم ولا جان مسببلي ولادة مبكرة بس الحمدلله

والمستشفى روعه روحي وان شاء الله ما اتحسفين
وبالنسبة للتحاليل أنا دائم أسلوبهم بالحكومة وأوديهم لها

 

[عسوله شقره]

سوري عالبدليااات كله من المصحح الإملائي خخخخخخ

 

[حبيبة اهلهاا]

هههه اقولكم شي ترا زادو سعر ابره الظهر وصارت ب١٥٠

 

[noufb]

هههه بعد زادو ههههه يالله ان شاءالله الله يقومنه بالسلامه وفدوه الفلوس

 

[Aloe Vera]

الظاهر زايدين الاسعار عشان يخففون الضغط
الزحمة مو حلوة شحلاته اول فااااضي

 

[حبيبة اهلهاا]

اي والله حيل زحمممه

يلا بنااات تنااااازلوووووو عن المستشفا عشان بولد فيه هههههههههههههههه

 

[أشبـاهـ المطـر]

اي زحمه صراحه استغلالين شدعوه ب150
لايكون الي بيعطيني اياها استشاري انا عادي اي احد
موجود ان شاء الله سستر اصلا انا مستغربه من شي جد
الحين انا مو اراجع عندهم ويعرفون اني قبل ثلاث اسنين والده عندهم
مايابو لي طاري الفلوس الي كانوا يبون ياخذونها مني ولافتحوا الموضوع
وووو لا شكتم بكتم تامين دافع لهم 990 دينار واحتا دفعنا 30 فحص السمع
وابره الظهر ب100 والباجي انا محاسبتهم الكراسي الزايده اللاندري وعندي فواتيري
يبون 200 زياده يعني تخيلوا كانوا بياخذون 1320 حق ليش مادري

 

[أشبـاهـ المطـر]

انا ماراح اقول لزوجي خل ينصدم من السعر بعد اقوله بيعطيني محاضره عن مضاعفاتها هههههههه
ويارب اولد هالاسبوع يالله شدي حيلج الوفيرا انا بقولهم يفحصوني هالاسبوع ان شاء الله

 

[حبيبة اهلهاا]

اشباه اتراجعين عند منو

 

[أشبـاهـ المطـر]

مره راجعت عند نجلا ومره عند زينب
صليت الاستخاره وبكمل عند نجلا الله يكتب الي فيه الخير
ان شاء الله

 

[أشبـاهـ المطـر]

بس توووبه اراجع بالثامن حسيت نفسي ضايعه المره الجايه بجيهم من السادس
او السابع اذا ربي سهل

 

[حبيبة اهلهاا]

ليش اشبااه ؟؟

 

[أشبـاهـ المطـر]

رمضان ماقدرت اروح بعدين السابع كله ماراجع
واخر مراجعه لي باول سادس بالمستوصف مو حلو توقيت حمالي
شكلي بحول على توقيتي القديم احمل بصيف واولد بشتا هالمره انا حامل من شهر واحد
ولالحين ماولدت هههههههه


ليش لان الحمل مابين الا تاريخ 2/2 واخر دوره 13/12
وحسيتهم ضايعين معاي مع ان اخر سونار الخميس
عطاني موعد الولاده 26/9 ويارررب اولد قبل الدوامات
لا ماني مستوعبه اني بداوم وانا موصله ههههههه

 

[Aloe Vera]

اشباه المطر


انا قبل الحمل بسنة و اربع شهور و اراجع عندهم حق تحالليل و مانع حمل و حبوب تاخير الدورة كله اروح حق دكتورة منى لان ماعليها زحمة
عاد يوم استوعبت ان الدورة متاخرة وااايد رحت لها و كملت معاها مراجعات حمل
صج صج راحة معاها
اول شي انا مستفيدة من التامين
ثاني شي مواعيدها خفيفة مافي زحمة و لا نطرة و عادي بنفس اليوم ادخل عندها بدون موعد
و يا رب تكون ولادتي حلوة معاها

ولاداتي البجر و الثانية برويال حياة بس دكتورة كويتية عيادة خاصة
المراجعة برويال وايد اريح

 

[Aloe Vera]

مرتين اولد عندهم
و توة اختي والدة ماخذو ولا فلس زيادة
مادري ليش تصير هالمواقف مع الناس سوالف استغلال