تجمع مراجعات مستشفى رويال حياة

[سيكولوجية]

انا خذيت ملفي من دكتورتي اليوم
وحطيت لي موعد الاربعا عند نجلاء

يارب الله يكتب اللي فيه الخير

 

[baa6aa]

الله يسهل عليج ان شاء الله

انا موعدي اليوم معاها

 

[درة التاج]

مرتين اولد عندهم
و توة اختي والدة ماخذو ولا فلس زيادة
مادري ليش تصير هالمواقف مع الناس سوالف استغلال

هلا aloe vera
الناس الي يصير معاهم جذي الظاهر مو منتبهين علا الورقة مالت الدخول للمستشفى
الورقة هذي يحطون لك شنو المشمول مع عرض الولادة وشنو الي مشمول
يعني مثلا انا لما رحت أولد خذيت كاميليا
مبدئيا دفعت ألف الي هي حسبة الولادة مع الغرفة مع الإقامة يومين
أي شي غير جذي لازم يزيد بحسابه
انا طلبت اكل لامي وأختي لأنهم كانوا عندي
طلبت خدمة الضيافة عشان استقبالي
طلبت تحليل للبيبي
دفعت تقريبا 200 دينار زيادة

 

[درة التاج]

وللأمانة كانوا يسألون تبين تدفعين فلوس الشي الزائد الحين ولا نخيلها لك مع الفاتورة النهائية ؟

 

[درة التاج]

انا أتوقع ان الناس حسبالهم ان إبرة الظهر والقعدة في غرفة الولادة فوق ست ساعات والأكل الي يطلبونه للمرافقين والتحاليل هذا كله مع العرض
فهم يحطون في بالهم السعر المبدأي وينصدمون بالإضافات

 

[درة التاج]

انا خذيت ملفي من دكتورتي اليوم
وحطيت لي موعد الاربعا عند نجلاء

يارب الله يكتب اللي فيه الخير

:eh_s(17):يارب يكتب لك الي فيه الخير وتقومين انتي والبيبي بالسلامة
:eh_s(7):

 

[سيكولوجية]

حبيبتي دره التاج
جزاج الله خير وبميزان حسناتج

 

[أشبـاهـ المطـر]

على فكره احنا مادفعنا 200 وانا الحين اراجع عندهم ماطالبوني بالفلوس
اصلا شركه الخليج نفسها اكدتلي انهم ادفعوا المبلغ كامل من ضمنه حساب الدكتوره
اهما كانوا يتعذرون ان دكتورتي ماكانت موجوده وولدتني دكتوره ثانيه والدكتوره الثانيه
من نفس المستشفى


دره التاج جم السيرفيس عندهم ودي اطلب منهم عصاير اقرب
وابي هم خدمه

 

[Aloe Vera]

درة


صح كلامج
انا دفعت سعر الولادة كامل
بس لمن طلبت اكل ومصبغة و سيرفس استقبال ضافوه عالفاتورة
بس هذي شغلات اضافية انا طلبتها يعني مو استغلال و لا شي




اشباه المطر


انا اتفقت مع روز ماري خدمة استقبال بس ناسية جم بالضبط انتي كلميها و تعطيج العروض مالتهم

 

[درة التاج]

هلا أشباه المطر
السيرفس يعتمد عليك انتي وكم تتفقين مع روز ماري
كبداية قالت لي سيرفس وحدة وشاي وقهوة وعصائر وماي وقلاساتهم وفناجيل وسكانات وفطاير
علا 67 دينار تقريبا انا زدت الكمية ليمن وصل المبلغ 100 وطلبت حلو من لي روا الي بحولي ووصلوه لي لغرفتي

 

[درة التاج]

Aloe vera
دائماً كلامك يعجبني
ومثل ما قلتي مافي استغلال
ويالله ناطرين ولادتك ان شاء الله تكون ولادة حلوة وسهلة
فديت aloe ياناس

 

[Aloe Vera]

درة

الله يسلمج حبيبتي والله
و يسمع منج يا رب ولادتي تكون حلوة و ميسرة



اشباه المطر

اذكر روز ماري قالتلي ب٨٠ او شي جذي مادري نسيت لان اتفقت اول شي على ٥٠ شخص و بعدين غيرت حق ٣٠ شخص و شلت العصير لان ابي اييب من عندي
خليته بس طقم استكانات البسيط و نوعين جاي مع سكر و بسكوت مالح و قهوة عربية و موالح و ماي انا متلخبطة بالاسعار بصراحة مادري ٨٠ و لا ٦٠ حق اليوم الواحد و نسيت اسألها جم ساعة باليوم
بس اهي قالتلي ادزلها مسج اول ما ادخل ولادة عشان تكون عندي اولوية

 

[يتيمة جابر العز]

المستسفى فيها نهابه وماكو مستشفى خاص ماينهب

اللوم مو بس على رويال !!


بصراحه ولادتي الحمدالله كانت معاناة بالنسبه لي عند د خالده الله يجزاها خير صبرت علي بنت الحلال لمن ولدتني طبيعي


قعدت بوم ونص على ماولدت ومن باجر ولدت ولله الحمد

بخصوص الاسعار
انا كنت حاجزه الليلي مع ابره ظهر
وحجزت قاعة الجوري
وغرفة الوصع قعدت فيها يوم قبل الولاده خذوا مني زياده ١٢٠ مادري ليش !!!

المهم مفروض حسبتنا تكون
ليلي ٧٠٠ مع ابرة ظهر ١٠٠ مع قاعه الجوري ٦٠٠ وزدت عصاير ٥٠ مع غرفة الوضع ١٢٠

مفروض يكون ١٥٧٠

تدرون جم طلعنا دفعنا ٢٠٠٠ دينار

يوم سالنا جان يفولون مضادات وشفط بيبي والخ ومادري ايش مع ان غداهم ماطلبته وغرفة ليلي قعدت فيها يوم واحد ومن باجر سويت استقبالي !!!!


شفتوا النصب الي على اصوله

بس عادي شي متوقع من كل المستسفيات الخاصه هالنهب



المهم
مستشفى راقي وسيرفس اوك ونيرس من اروع مايكون

و الحمدالله على سلامتي واشوه عدت ع خير والفلوس تروح وترد اهم شي الراحه والعافيه

 

[baa6aa]

الحمدلله على سلامتج اهم شي و مبروك ماياج

والفلوس معوضة ان شاء الله

 

[حبيبة اهلهاا]

يتيمه بالعكس ماخذو شي

الابره ترا ١٥٠ مو ١٠٠

و دام انتي ولدتي شفط يعني ولاده متعسره

مايصير الباكيج ب٧٠٠

بالعكس يصير ٨٠٠

و انتي قعدتي فغرفه الولاده اكثر من ست ساعات و جنه قالولي زياده ساعه ب٦ دنانير

و الادويه و التحاليل لا تنسينهم مو من ظمن الباكيج هذول اسعارهم بروحهم

و لا تنسين خياط دكتوره خالده تجميلي تقريبا ١١٠ زياده

و انتي عليج الحسبه عاد

بس شلون ابره الظهر حسيتي بعوار الطلق ؟

 

[Aloe Vera]

يتيمة


حبيبتي مانصبو عليج
هذي الشغلات لها حسابها و مو من ضمن سعر الولادة
و ماله شغل قعدتي بالليلي يوم او يومين اهيا الحسبة وحدة
و الشفط ولادة متعسرة لها سعر اعلى من ولادة طبيعية
و ابرة الظهر ١٥٠ دينار صارت
و خياط دكتورة خالدة تجميلي اذا ماني غلطانه و له حسبة خاصة

انا ولادتي الاولى ماطولت بغرفة الولادة و بس طلبت كراسي و فلبينيات ثنتين و عشا حق امي و تحاليل و دوا دفعت ١٠٠ زيادة على سعر الغرفة اللي بالورقة بس و كلشي وااااضح بالفاتورة و ماسويت تجميل و لا اخذت ابرة الظهر
ثاني ولادة دفعت ١٦٠ تقريباً زيادة على سعر الغرفة ماخذيت ابرة ظهر و ماطولت بغرفة الوضع و التجميلي كان ٨٠ دينار و طلبت خدمات استقبال طلع هالكثر
اختي والدة نفس الشي طبيعي و بدون تجميل و بدون ابرة ظهر الحساب ١٠٠ زيادة على سعر الغرفة

 

[Aloe Vera]

و وحدة من بنات عمي ولدت بالكاميليا دفعت ٥٠ دينار زيادة بس على سعر الغرفة!

 

[tota77]

الو فيرا انا معاج ..

قريت وتمقلت بورقه الاسعار مو كل شي يشمل ..

انشالله لي الله سهل ولادتي عندهم على خير ..

مرت خالي ولدت عندهم ماخذوا منها زياده ..

لازم تجيكون عالفواتير وتسالون عن السعر عشان تكونون بالصوره وعارفين

 

[يتيمة جابر العز]

ماشاشالله عليكم بنات والله انتوا منتبهين بهالامور

انا اعترف ماني يم الفاتوره بحزتها ابي بس اطلع

والخياط يالم والله للحين صارلي ١٠ ايام وتعبت منه ان شاءالله يطيح يارب

يعني اقولكم عن خياطي بعد شهر اشوف النتيجة ان شاءالله


بس تصدقون ناويه اقرا الفاتوره من زوجي وبعرف شكثر خذوا مني وحق ليش ؟؟

 

[يتيمة جابر العز]

بنات اول شي اخذت كمام مانفع معاي جان اخذ ابره ظهر

كمامهم مو شي كلش !! والله حسيت بكل شي

شلون ماتاخذون ابرة ظهر ؟؟