من الـ 70 ـنات إلى الـ 60 ـينات ... اللي بتشارك حياها

[بـ سـ كـ وتـ ة]

يا هلا وغلا بأم بدور

حياج الله حبيبتي

ويتابيكس هبيت فيه هبة والحين موجود فوق المكتبة ينطر أحد يعطيه ويه


العنود

ان شالله اتييبين درجات عالية وتنقبلين بالتخصص اللي تبينه يارب

اهو هذا الهدف من اليوميات إن حتى لو خربطنا نرجع نلتزم

أغلى الغاليات

الحمدلله عالسلامة، ان شالله تكونين استانستي

هذا عيب رجيمات البروتين أول ما تتكرهينها يرجع الوزن

كشوخة

عسى الله يعينج ويسهل عليج وان شالله اتييبين قريدات عالية يا رب

angel a

حبيبتي يكون في زيادة بس على قولتهم زيادة وهمية، اللي أول ما ترجعين تلتزمين يرجع الوزن ينقص

ومن تجربة الأسبوع اللي ما فيه فري ما أنقص كثر اللي فيه فري

العنود

المشويات وايد حلوة وميزتها تذكرج بشرب الماي

 

[بـ سـ كـ وتـ ة]

المنتدى وصاير واااااايد يعلق وهالشي يحبط

مادري آنا يمكن دلوعة ولازم أكتب عشان أصير خوش وحدة وألتزم

اليوم تريقت صمونة وربع بيض

طبعا الربع من بنتي ما كملته عبارة عن توست أسمر وبيض مخلوط

وكوب شاي

الظهر كليت تقريبا قفشتين ويمكن أقل كريم كراميل تصبيرة على ما يوصل زوجي من الدوام

والغدا متأخر يمكن الساعة 4ونص أو 5 راح يكون غدا وعشا

عيش بالباجلا والشبنت مقدار طاسة الروب بعدين زدت قفشتين

روب بخلطة هندية

دياي أقل من ربع، ما قدرت أكمل الصدر

وعصير برتقال

بعد شوي باكل حلو مثل محلبية العيش بس بسميد بدال العيش بجربه

ناطرته يبرد

 

[بـ سـ كـ وتـ ة]

ماريمار... هلا فيج حبيبتي

رايحة تجمعكم الحين ان شالله أطل عليكم ونشجع بعض



بنات آنا لما أدش تجمعنا لازم أطل على باجي التجمعات

أحس حتى لو صار تجمعنا نايم أتشجع من باجي البنات وأرد لكم بحماس

 

[جامعيه طموحه]

ابييي اشارك معاكم .. طبعآ الموضوع صارله شكثر وانا متأخره ادري بس توني اشوفه

عادي اشارك ولا لا؟

 

[بـ سـ كـ وتـ ة]

جامعيه يا هلا فيج

أكيد ممكن، حياج الله

بنات المنتدى ما دري اشسالفته ... يعني منتدى كبير وفيه كل هالتاجرات مثل كويتيات المفروض ما يطول فيه الخلل كل هالمدة

الصراحة شي يحر

صرت إذا ما علقت الصفحة أحس إن في شي غلط

يا رب ما أحب أتحلطم بس ضايق خلقي عالمنتدى، تخيلي مكانج المفضل اللي متعودة تروحين له مرة يفتح ومرة يسكر عالمزاج

 

[جامعيه طموحه]

جامعيه يا هلا فيج

أكيد ممكن، حياج الله

حبيبتي الله يحييج وان شاءالله توصلين للوزن الي تبينه :eh_s(7):




انا عمري : 20

طولي: 170

وزني الحالي: 70

هدفي الاول: 65

هدفي الثاني: 60

هدفي الثالث: 58

الهدف الرابع والاخير: 55,3 (الوزن المثالي)


^اهدافي وايد :krkrkr:




المهم تعلمت من موضوع unknown's diary رجيم السعرات وقريت عنه فقررت اتبع الاتي انه اكل كل الي ابيه ولكن اقلل السعرات واقلل الحلويات قدر الامكان حد الامتناع

كتلة الجسم: 24,2 >> طبيعي وصحي

والسعرات الي احتاجها يوميآ: 2009


بديت من امس وكان ريوقي خبز اسمر وجبن وشربت ماي

والغدا كان قطعة بيتزا وشربت ماي

وسويت رياضه طبعآ الرياضه الي اعتمدها هي ( cardio , insanity , رياضة حق البطن والمعده , walk at home)
سويت رياضه لمدة نص ساعه ماتحملت اكثر :weight_lift:

بالعشا قمت اخورها لان الوالده سووت امموش وماقدرت اقاوم :s141:

وكليت صحنين :eh_s(16):



بليل بكتب لكم عن اليوم الثاني الي اهوه اليوم والله يستر ما اخربها :yaaaaaarb:

 

[بـ سـ كـ وتـ ة]

صباح الخير

جامعية طولج مناسب لوزنج وإذا تبين تضعفين أعتقد لي 65 كافي

يوم الأحد تريقت أومليت بالمرتديلا والجبن مع ويه واحد خبز لبناني وكوب جاي وحليب

ما تغديت

والعشا كان الويه الثاني من خبزة الصبح مع جبن كرافت وكليت عقبها بعد شي بس مو ذاكرة شنو


الاثنين

تريقت توست وصلصة جتني طماط بالفلفل ... واحم كان فيها قطع لحم مثل الكباب من صباح الله خير

لأن قاعدة آخذ مضاد حيوي يتعب معدتي والدكتور قالي لازم تاكلي معاه لحمة أو فراخ هههه

ما تغديت

تعشيت عرايس ودياي عالفحم

 

[جامعيه طموحه]

صبـاح النور ..

اي بسكوته صح انه مناسب لوزني

بس المشكله انه احس جسمي مو متناسق ولما كان وزني 58 كنت احس نفسي اطول وجسمي احلى الحين احس نفسي قصيره

ويوم دشيت على موقع طلعلي انه 55,3 مثالي بالنسبه للطول وكتلة الدهون وجذي

المهم ان شاءالله انزل ل 65-60

وعقبها اشوف شكل الجسم شلون صار


امس


الريوق كان خبز وجبن وقلاص ماي


والسناك بسكوت مع قلاص جاي

سويت رياضه

الغدا كان عيش وسمج مشوي وسلطه وما كليت وايد

وشربت ماي حوالي 3 قلاصات على فترات

والعشا كان روب لايت


والسعرات الي كانت باقيتلي بهاليوم حوالي 1500 من الاجمالي الي انا محتاجته


بليل اكتب عن اليوم

 

[$كشوخه$]

بنااات وحشتوووني و وحشتني سووالفكم

انا الحمدالله صح اخربط بس ماقررب صوب الحوكلت والبطاط لان هي اللي تنفخ .. واستبدلهم بفواكه

ما بقى الا القليل وارد لكم حبايبي

بس قلت لازم اطل عليكم وأسأل عنكم

التزموووا وان شاء الله تكونون نازلين ..

انا اذا خلصت امتحانات ان شاء الله برد لنظام البروتين 3 ايام

 

[بـ سـ كـ وتـ ة]

جامعية يومج كان حلو

استمري وان شالله توصلين الجسم اللي تبينه

كشوخة

موفقة ان شالله

وزين تسوين بدلتي الخرابيط بأشياء مفيدة



آنا هالجم يوم راح أكون لاهية بطلع من شقتي بروح شقة يديدة فراح نوعا ما يخترب نظامي لأني قررت ما أطبخ ولا أروح جمعية

بحاول أطلع من هني خفيفة بأقل قدر ممكن من الأغراض ومن بينها الأكل

راح يكون اعتمادنا عالمطاعم للأسف لأن حتى مواعيني بشيلها خلاص ماني مخلية شي

كافي نقلتي صارت بوقت ماني قادرة آخذ إجازة خصوصا إني بروحي ما عندي أحد يساعدني

بتابعكم وبحرص على الالتزام بالكميات المعقولة أو مثل ما يقولون الـ portion control

 

[$كشوخه$]

الله يعينج بسكوته وان شاء الله بتترتب الامور :eh_s(17):

ماحسها حيل صعبه سالفة الاكل .. اكليلج مشاوي ولا تخربطين وابتعدي عن الغازيات اشربي ماي او عصير فريش .. اهم شي لا تاكلين فاست فوود

 

[$كشوخه$]

العنود ..

اللي تكلمت عنهم وقلت انه يشبعون .. هم ال weetabix و كورنفلكس ال all bran

all bran

حييل مفيد لان غني بالالياف ويساعد على النزول .. اذا ماعجبج قطعيه عليه فواكه مثل فراوله وتوت يطلع شي لذيذ ومشبع :rerrerek:

آما الـ Weetabix

هذا هوو .. نفس الاقراص تذوبينها بالحليب والحبه اتوقع فيها 138 كالوريز اول اقل .. ومافيها نسبة دهون وسكريات فا ممتاز

طعمه يمكن اكون اخف من الاول بس انا انصحج بالاول وبجداره لان ارتحت معاه اكثر واحسه صج يشبع لفتره طويله ..

يعني تخيلي مثلاً تجوعين بآخر الليل مستحيل تخربطين بالاكل عشان لا يأثر على النزول .. فا اشوف هاذي افضل الخيارات

 

[آلعنـود]

السسلام عليكم بنآآت واخيرنن خلصصتت امتحاناتي من الثلاثاء
وقلت اخذ استرااحه واليوم فري وجددت في الجيم سو بكرآ بأذن الله ببدى

كشوخه كأنس اياي خربطتت واجد بس الحمدلله ع هاللخبطه كلها بس زدت كيلوين
وبسكوته صصح المنتدى قامم يررفع ابو ضغطي عشان كذا قطعته كم يوم وهاذاني عودت ولله الحمد
والله يعينس بالنقل وييسر امورس اخس شي

ويمكن اشتريهم هاذول الاثنين اليوم ان شاءالله لانني بروح الجمعيه بشتري لي باكيتات عشان اعبي فيها خلطات عنايه
ببدى خخلاص نظام كآممله دعواتكم اكمل فيها بس

 

[بـ سـ كـ وتـ ة]

كشوخة

عدل كلامج المفروض أعتمد عالمشويات

العنود

يالله عالبركة وزين تسوين جددتي اشتراكج

قبل ما أتزوج كنت دايما أهتم بشعري وبشرتي ومع ان الحين أهم بس سبحان الله الوقت صار ما يكفي



بنات الحلوة متأخرة علي أسبوع

بروح أحلل عشان أعرف شسوي بعمري

بس سواء حامل ولا لأ بستمر معاكم ان شالله

أثناء الحمل الاهتمام بالأكل ضروري

ادعولي الله يكتب اللي فيه الخير

بصراحة متخوفة بسبة عدة مشاكل

أولا ماخذة كورسين مضاد حيوي هالشهر

ثانيا وضعي في دوامي مو مستقر عطوني وظيفة تستمر حتى بعد الدوام لي 10 بالليل وحتى في الويكند

ثالثا وراي نقلة أغراض ومجابل وتنظيف وترتيب

اللهم لا اعتراض اللي ايي من الله حياه الله ويا رب اكتب لي اللي فيه الخير

 

[بـ سـ كـ وتـ ة]

صباح الخير

بكتب البوست وخليها على الله ينزل ولا لأ لأن المنتدى قاعد يعلق

اليوم تريقت كوب حليب سادة وخبزة خفيفة حشيتها بيض وطماط ولفيتها

ومثل الشاطرة خذيت حبة الفوليك أسيد عشان إذا طلعت حامل ما أكون بديت آخذها متأخر

اليوم ان شالله بروح أحلل والله يكتب اللي فيه الخير يا رب

 

[بـ سـ كـ وتـ ة]

بين الريوق والغدا كليت سناك مفن باللوز صغيرة

والغدا صمونة بيض مفيوح مع توست بالحبوب وحسيت نفسي ما شبعت

فسويت لي كوب شاي وحليب عشان ما أتهور وآكل زيادة ما شربت إلا نصه وبرد مو قادرة أكمله

وشربت نص كوب ماي مو قادرة أشرب أكثر لازم أشرب ماي أكثر ان شالله بالليل أشرب اللي أقدر عليه قبل ما أنام

احتياط باجر ماني مسوية رياضة لما أتأكد من وضعي

 

[بـ سـ كـ وتـ ة]

صباح الخير والورد والنوير

تكملة يومي أمس

تعشيت شاورما لحم وحدة وعرايس

وما شربت ماي لأني مو خوش وحدة

وشسمه

شسيمونه

حللت وطلعت حامل ههههه

الحمدلله يا رب

أمس بدينا بكبت الملابس فرزنا الملابس اللي نبيها واللي ما نبيها بس بقالي كبت التعليق ما قدرت أكمله نعست وملابس بنتي

ان شالله اليوم أخلصه وأبدا بالمطبخ

هذي رياضتي في الفترة الحالية

 

[$كشوخه$]

الللف مبروووك حبيبتي :eh_s(17)::eh_s(17):

الله يثبت حملج يارب ونفرح بوالدتج بالسلامه ان شاء الله :ggdw:

يا حلو هالخبر وانا اليوم راده للقروب :eh_s(9):

من بكرررآ ان شاء الله ببدا نظامي

 

[بـ سـ كـ وتـ ة]

كشوخة Welcome back

اشتقت لج واشتقت حق كل البنات

الله يبارك فيج يا عمري وان شالله نفرح فيج وفي الكل قبل نهاية السنة

أمس كان يومي زين من ناحية الكميات بس مو صحي الصراحة

تريقت كوب شاي وحليب وعقبه شربت حليب سادة مع شوية كيك كبر كف الايد

تغديت صمونة كباب عالطريقة الهندية يكون مثل الكفتة صغار ومتروس فلفل بتوست أسمر بالحبوب وجبن كرافت

المغرب كليت عرايس نص خبزة

والعشا اشتهيت معكرونة بالكريمة والدياي طلبنا آنا وبنتي تشاركنا فيه

ماي شربت أمس كوب ونص تقريبا صايرة أتغصبه

اليوم أعوض ان شالله

 

[بـ سـ كـ وتـ ة]

اليوم قمت من النوم عطشانة وشربت تقريبا كوب ماي

كليت فطيرة جبن وحليب ككاو بس مع النساة ما تم شي في بطني

والحين قاعدة اشرب حليب سادة بارد