من الـ 70 ـنات إلى الـ 60 ـينات ... اللي بتشارك حياها

[بـ سـ كـ وتـ ة]

وكشوخة ما عليه ان شالله ما يفرق وايد البقسماط

بس بسألج ما تحبين التونة؟ والشاورما؟

آنا إذا بسوي يوم بروتين أطلب ماعون شاورما أو تكا أو دياي عالفحم

بس بما انج مليتي من الدياي نوعي مرة تونة مرة لحم مرة بيض مرة روب أو لبنة

حتى في شاورما من امريكانا مثلجة بس تحمسينها

وهم من امريكانا في قطع شيش طاووق لذيذة بهاراتها

وتقدرين تييبين meat balls أو كباب مثلج

أول ما تشترينهم تقسمينهم وجبات عشان ما تكسلين لما اتيين تسوينهم

 

[$كشوخه$]

يلا ان شاء الله تتيسر امورج بسكوته وتفتكيين .. هاانت :eh_s(17):
ولا تتعبين عممررج خلاص ارتااحي كلشي ولا البيبي ترى مانررضى :eh_s(4):

...

اليوم تريقت كورنفلكس آول بران مع حليب خالي الدسم + بيضتين عيون وفوقها شريحة جبن

سناك لاتيه بحليب خالي الدسم

وتعشيت 4 قطع دجاج ببقسماط مع مايونيز

والحين بسويلي جاي اخضر بكموون

 

[$كشوخه$]

بسكوته

التونه ماحبها .. جربت اخلط معاها ليمون وفلفل اسود بس مادري ليش ماحبها ..

اللحم احس فيه واايد دهوون ..

جربت من قبل الشاورما احمسها ولذيذه .. شكلي بجرب الميت بولز :rerrerek:

المشكله بالشتا نجووع ع طوول

 

[! Unknown]

احم السلام عليكم :d

عادي أشارك معاكم هنا ؟

ودي أحد يهزئني على الحوسة اللي أسويها في نظامي ههههههههه

صح مسوية موضوع بس مليت وأنا لحآلي : /

 

[$كشوخه$]

^
حياااج الله بتنورين الحتتته :ggdw:

اكتبي وزنج وطولج وهدفج وابدي معانا من اليوم :rerrerek:

 

[$كشوخه$]

اليوم الحمدالله احس التزمت اكثر .. لان شكلي من النوع ما التزم الا لما اخربط النظام يومين على كيفي

المهم تريقت متأخرر كالعاده ونفس الريوق مايتغير .. حليب خالي الدسم +كورنفلكس آول بران + بيضتين عيون وفوقها شريحة جبن

وبعدها سناك سكيني كابتشينو

وبعدها سناك ثاني بعد حليب الصويا

> مشكله ريجيم البروتين ان السناكس فيه مانقدر ننوع فيه فا بس سوائل

المهم .. واخذت لي قطعتين فخذ دجاج وبهرتهم بصلصة Red Hot اللي تكلم عنها النينجا ومع بهاراتي الخاصه .. طبعاً خليتها بالثلاجه لين وقت الطبخ وبخليها عشااي .. بجربها وبقولكم

 

[$كشوخه$]

تعشيت الدجاج اللي جهزته قطعه ونص + ملعقه مايونيز + ملعقه لبنه

صج فخذ الدجاج آلذ بوايد من الصدر صج ان الفخذ اثقققل وعشان جذي ماقدرت اكمل القطعه الثانيه كامله .. بس الطعم الذ مو نفس صدر الدجاج نااشف دايماً لما اشويه

بس التبهيره صج لذيذه وانصحكم تجربونها .. ( صلصه ريد هوت + بهارات البيت + فلفل بودره شوي + ملح + ليمون + دارسين بودره )

والحمدالله :eh_s(7):

 

[$كشوخه$]

عشان ننشط الموضوع ونفيد الكل وننوع الوجبات .. بحطلكم وجبات صحيه وتغيير لآكلنا اليومي ..

الكميه لآربع اشخاص تقدرون تقسمون الكميه على 4 وتسونه لنفسكم ..

بجدر حطي 100 قرام شوفان + 4 ملاعق صغيره سكر ستيفيانا او اي سكر ريجيم ( افضل تقليل الكميه) + 450 مل حليب خالي الدسم + نص موزه مقطعه .. خليه لين ما يغلي بعدها ع طول قللي الحراره وخليه تقريباً خمس دقايق وحركيه ع طوول

وبعدها قسميه على 4 صحون وزينيه بالنص الثاني اللي بقى من الموز + فراوله + رشة دارسين + وملعقه روب اذا حبيتي ..

الكميه لكل شخص فيها 266 كالورري
2 قرام فات >> ممتاز :rerrerek:
5 قرام فايبر

طبعاً الشوفان معروف بفوائده وفي ناس ماتحبه فا هاذي وصفه تغير من طعمه

 

[! Unknown]

^
حياااج الله بتنورين الحتتته :ggdw:

اكتبي وزنج وطولج وهدفج وابدي معانا من اليوم :rerrerek:

النور نورك يابطلة

~

وزني : 75,4

طولي : 166

هدفي : مابين 60 و 55

-

ببدأ من اليوم إن شاء الله

الفطور :

ما فطرت كنت نايمة

الغدآء : لسه عشآن توي خلصت تمرين

البرنامج اللي بديت فيه اليوم اسمه :

Jillian Michaels 30 Day Sherd

مقسم ع 3 مراحل كل مرحلة 10 أيام ، وأنا توي ف أول يوم للمرحلة الأولى

كان المفروض أتمرن الصبح بس نمت فعوضت الحين

بصراحة ممتاز ، عرقت بشكل كبير :ggdw:

وإن شاء الله ع العصر بعد بروح للنادي :eh_s(1):

 

[! Unknown]

الغداء :

خبز الفلافل الصغيير .. ما أعرف لو له اسم :$

ملعقة جبن

نص ملعقة عسل

كآس لبن

= حوالي 292 س

< رجيمي يعتمد ع السعرات فعشان كذا أحسب :d

 

[! Unknown]

أكلت قبل ما أروح النادي بساعة ،

عشآني دايمًا أتعب مرة إذا رحت مو ماكلة قبل بفترة بسيطة

صمون بر + تونة معلبة بالزيت

= 291

~

طبعًا رحت النادي ورقصت نص ساعة : ( لأني تأخرت والمشوار طويل شوي

يلا إن شاء الله بكرا أعوضها وأروح بدري

 

[$كشوخه$]

Unknown

زين اهم شي تحركتي حتى لو فتره بسيطه ومعليه اول يوم لازم يكون عكس المتوقع دايما

حلو جدولج فيه تعديل للسابق وتطور استمرري :rerrerek:

وتمارين جيليان مشهوره بالشد وتراها تزيد عضل فا يمكن تشوفين معدل نزولج قل او شي .. انا كنت اسويه قبل ووقفته قلت اوصل للخمسين قبل وبعدها انظم اكلي واسوي التمارين واشد جسمي وانزل بهداوه لين ما اوصل للهدف ان شاء الله

 

[$كشوخه$]

اليوم قمت بدري ومانمت عدل بس شكلي تعودت اتريق متأخر

تريقت بيضتين عيون + ملعقه حمص + كورنفلكس العادي مع حليب خالي الدسم

وبعدها خذتلي غفوه وقمت شربت نسكافيه

ولحد آلحين ما فكرت شنو اتعشي

 

[! Unknown]

Unknown

زين اهم شي تحركتي حتى لو فتره بسيطه ومعليه اول يوم لازم يكون عكس المتوقع دايما

حلو جدولج فيه تعديل للسابق وتطور استمرري :rerrerek:

وتمارين جيليان مشهوره بالشد وتراها تزيد عضل فا يمكن تشوفين معدل نزولج قل او شي .. انا كنت اسويه قبل ووقفته قلت اوصل للخمسين قبل وبعدها انظم اكلي واسوي التمارين واشد جسمي وانزل بهداوه لين ما اوصل للهدف ان شاء الله

يس يس

ايييه ، إن شاء الله بالتدريج يتغير ويصير صحي أكثر ،

تعبني نظامي اللي قبل كلللله أكل خربوطي ، شعري صار يطيح =="

وحتى نفسيًا مو راضية به :eh_s(2):

يعني إن شاء الله بنوّع مابين صحي وخربوطي " شوي " بس حق النفسية

اوووه زين قلتي لي عشان ما اتحطم .. ماكنت أدري والله :eh_s(10): !

يلا ماهي مشكلة ، حتى لو أنزل شوي أهم شي وزني ينزل ما يزيد

وبعد فيه فايدة إن الجسم ينشد فإن شاء الله رح يكون فيه تغير في المظهر وذا المطلوب

~

سناك :

قطعتين صغار مدري وش هم بالضبط بس يشبهوا الشابورة !

والعشآء :

علبة آيسكريم كراميل كرانش من لندن صغننة

= 239

السعرات المتبقية =

78 من أصل 900

-

وبكذا ننهي اليوم ع خير " بإذن الله "

 

[$كشوخه$]

تقدرين تاخذين حبوب الفيتامينات اسمها multi-vitamins تعوضج عن اللي ناقصج

بس انصحج كثري فواكه وخضار ورقيه مثل السبانخ والجرجير والخس

..
.
،

تكملة يومي :

خذيتلي سناك كورنفلكس + حليب خالي الدسم

اكلت تقريباً 5 قطع صغار دجاج مشوي + بطاطا ويدجز + مايونيز

 

[بـ سـ كـ وتـ ة]

وناسة

رد الحماس شوي

Unknown يا هلا فيج، خلج معانا نشجع بعض

كشوخة

حدي دايرة بالي عالبيبي لأن اسم الله عليج من سنة كنت حامل وما تم الحمل سبحان الله

ولي يومج أحس بالذنب

الحمدلله على كل حال

التونة آنا كنت كلش ما أحبها

الحين أحبها بس بطقوس ... لازم كل الإضافات تكون فريش الليمون والفلفل الأسود والخبز، والخبز لازم أسخنه

وأحبها إذا حمستها مع بصل وبهارات ولومي أسود بودرة ومرات أضيف طماط ومعجون شوية

بس الطريقة المفضلة عندي أقصص معاها طماط وخيار وبيضة مفيوحة والمكون الأهم مخلل خيار الصغار اللي يقرمش

وبعدين أخلط معاهم خردل ونتفة مايونيز ودقوس فلفل

بس تصير الكمية راهية تكفي من 3 إلى 4 وجبات

 

[بـ سـ كـ وتـ ة]

أمس قست وزني 76 بالضبط

نقصت أكثر من كيلو بشوية

هالأيام نساة وما في شي يقعد في البطن

للأسف الماي ما أقدر أتحمله

أمس ما تريقت

الضحى شربت لبن

الغدا صمونة دياي صغيرة

العشا تخبيص كنا معزومين وكل شوي أطباق تفتر علينا بس ما تم في بطني شي

 

[! Unknown]

تقدرين تاخذين حبوب الفيتامينات اسمها multi-vitamins تعوضج عن اللي ناقصج

بس انصحج كثري فواكه وخضار ورقيه مثل السبانخ والجرجير والخس

..
.
،

أفكر أروح لدكتور جلدية ، بس لو ما رحت إن شاء الله بشتريها

إن شاااء الله :eh_s(17):

~

وناسة

رد الحماس شوي

Unknown يا هلا فيج، خلج معانا نشجع بعض

يا هلا فيك زووود ، إن شاء الله :ggdw:

بدآل النسخ واللصق أو مشوار الكتابة والتحويل انجلش .. قولوا مجهولة " المعنى بالعربي "

 

[! Unknown]

اليوم أول م صحيت أكلت 4 حبات لوز = 28 س

بعدها سويت تمارين مدة نص ساعة تقريبًا

اليوم م بقدر أروح للنادي للأسف لأن وراي مشاوير :d

بس إن شاء الله بعوّض بالمشي ولو شوي

~

 

[$كشوخه$]

بسكوته

يلا معليه ايام وتعدي الله يعينج وييسر لج ياررب :eh_s(17):

..

امس بالليل غشيت اعترف كليت كم ملعقه باستا صج حسيت بالذنب بس ماكثرت .. وشربت 500 مل ماي بعده ع طول ..

اليوم تريقت بيضتين عيون مع كورنفلكس مع حليب خالي الدسم