خاص بأطفال التوحد

[كيت كات]

موضوعج رائع
وجهدج مشكور عليه
الله يجعله بميزان اعمالج
بارك الله فيج اختي

 

[wathoo7a]

اللللللللللللللللللللللله شكثر ودي أعلمه أشياااااااااااااااء بيب البيت كله الحين التاريخ 30/6 الدوره صح؟

 

[ناني سيكرتس]

بنات في معلومه بصححها: امس رحت جمعية مشرف وشفت حليب الصويا بصراحه مو مثل الي بمركز سلكان يعني مو نفس الماركه, وبصراحه شكله ما يشوق كلش, فالي تبيه لا تاخذه من جمعية مشرف.

مركز سلطان مو بس فيه حليب الصويا فيه حليب الارز واهو بعد حلو ومفيد اكثر من حليب الصويا.

حليب الصويا فيه منه انواع حق الي ما تعرف,طبعا فيه حليب بالفانيا والكاكاو والفراوله وهذي النكهات المعروفه, الي بعلمكم عليه ان حليب الصويا العادي فيه منه انواع, فيه محلى وغير محلى, وفيه نوع فيه اوميغا 3, وفيه نوع خالي الدسم, وفي نوع فيه كالسيوم زياده, بصراحه جربت الكل بس انصحكم بالغير محلى لان الباجي وايد حلو جنه فيه السكر ماله عالي شوي. ايه بعد فيه صودا صويا يعني جنه بيبسي الصويا هم حلو..

 

[ناني سيكرتس]

ناني سيكرتس

لأ مو بس بوريكم .. بروح أشتريهم وفي بعضهم عندي منهم .. بس أبي منكم كل وحده تييب الأدوات إللي بتعلم ولدها عليهم

مثلا ناني بتعلمينه على الألوان .. أو بتعلمينه يشك خرز ,, أو بتعلمينه يعرف صور أجزاء الجسم .. أو بتعلمينه إن هذا ولد وهذي بنت وهذي أم .. أو بتعلمينه الوظايف والعاملون .. أو بتعلمينه المجموعات الغذائية

أي شي بتعلمينه عليه بس ييبي مجموعة صور له علشان نسويله أنشطه فيهم وأعلمكم طريقة التدريب عليهم والمكان وطريقة جلسة التدريب بالكااااااااامل

ماعليه بتتعبون شوي بس راح ترتاحون وتفرحون لما يتعلم الولد شلون يكتب والا شلون يطابق أو أي شي ثاني

وبنركز على المهارات الأكاديمية والعضلات الدقيقة لأنها تساعد أكثر على التركيز

=========

وضوحه .. خلاص إن شالله نثبت موعدنا ونخليها العصر بإذن الله الساعه 5 لين نخلص ما نخلص شغلنا .. وحسب الحاجه نمدد بالأيام ونتفق على موعد ثاني إذا كانت لكم رغبه

ونراكم على خير بإذن الله يابنات

حبيبتي انا ابي اعلم ولدي الضمائر وابيه يتعلم عالاشغال اليدويه, لاني ابي اقوي عضلات ايده, فشنو الي اقدر اييبه معاي..؟
اما الباجي اتعلمه مع البنات يعني كل شي بتقولينه راح اتعلمه بس انا الحين ابي اركز على الضمائر وعضلات ايده..

 

[ريحانة_14]

عضلات إيده ناني طين الصلصال وشك الخرز .. والمطرقة إللي فيها مسامير بس مخصصه للأطفال

أمممممممم .. تخافين عليه من الدبابيس ؟؟؟

في دبابيس ملونة إذا تقدرين ييبيها معاج نعلمه يسوي لوحة فنية من الفلين بالترتر والصمغ أو الغرا

وهم في بدسمان لعبه درنفيزات وبراغي بلاستيك كبار مع براويز

أهم شي ييبي طين الصلصال ماركه sas ونعلمه يلونها بألوان الديكوباج ويقصصها بعد ما يشكلها ويحط وراها مغناطيس عشان تصير مغناطيسات تتعلق عالثلاجه

وفي أحرف خشبية عدي منهم يبتهم معاي من بره نخليه يسوي منهم مثلا welcom to my sweet room وطبعا يلونهم ويلصقهم

نعلمه يسوي تحف فنية من الصحون إللي نغطيها بالمعجون .. معجون البناء في منه جاهز بلوازم العائله

ونخليه يسوي مع فرش الإسفنج والمعجون لوحات فنية من الصحون

أحلى شي التلطخ بالألوان والمعجون راح يستانسون وايد

أما الضمائر مثل ماقتلج خندبر كتاب لغه عربيه أولى ابتدائي علشان نبدي معاه صح

ماشي ؟؟

وضوحه ... إنتي معانا إن شالله ؟؟

تواصلي معاي عالخاص حبيبتي وإن شالله الدورة 30/6/2008م الساعه 5 العصر .. أوكي بنات

 

[ريحانة_14]

ياحبيبتي والله يا أم هيا

أتمنى إنج تلقين غرضج بأقرررررررررررب وقت ... لو سايقنا الأثول يفهم جان خليته يفرفر الكويت يدرلج بس مخه قوطي قطيعه تقطعه

ماعليه ياقلبي يهون عشان خاطر وليدج الله يخليه

 

[nono78]

--------------------------------------------------------------------------------

اشلونكم بنات شخباركم

انا اول مره ادش الموضوع

وخليتوني اشك بولدي


انا ولدت بولدي بالثامن

تاخر بالحبي والمشي

مشى عمره سنه و5 اشهر

وبالكلام تاخر بعد لحين شهر 7 بيكمل 4 سنوات


يتكلم بس مونفس الي بعمره الأحرف شوي غلط

بس اذا يوعان يقولي ماما ابي اكل

وصج توني اعلمه تكرمون عالحمام

اذا تكرمون حصران يناديني يقولي ماما حمااااااام

بس تكرمون الثانيه للحين مايقولي بس لمن يخلص يقولي ماما علي سوا كاكا على زوليه

مايقول ماما سويت كاكا يذكر اسمه

بس شاطر

بل اشكال يعرف المربع والمستطيل والدائره والمثلث

والألوان بعد يعرفها كلها

والأرقام بالعربي ولأنجليزي

واحرف الهجاء

بس الي متعبني اشوي كلامه مو ذاك الزود

بس بل البيت شيطان حده وبره عاااااجل لاصق فيني

ويموت عالتلفزيون والكمبيوتر

وطول ما يشوف ربعه بارني وتلتبيز ونيمو وتوم اند جيري

حركه ومناقز وياهم

بنات طبيعي ولا في شي ؟؟؟؟؟


بس بالنسبه حق العين عادي يطالعني مافيهم شي

بس مادري ليش حاسه انه في شي

يمكن عشان كلامه ؟؟؟؟


وصج سجلته يمكن 5 اشهر بحضانه

كان يعرف ربعه الي بالحضانه

يوم عطوني صوره يقولي اساميهم


بس احس وايد حركييييييييييييييييييييييييييي


واييي تذكرت شغله فتره

كان يحرك صبع ايده اليمين واليسار

ويوديهم يمين يسار يمين يسار يقولي مشاشه

يعني مساحة السياره

ولمن نركب السياره يحن بطلوا المشاشه

بس الحين هد هالعاده منه

حركة ايده


اشرايكم تحسون في شي ؟؟؟

 

[wathoo7a]

نونو ما أدري جنه فيه شي بس يمكن مو توحد ما أدري أحسن عرضيه على دكتور و يمكن البنات بعد يساعدونج

 

[ناني سيكرتس]

ناني سكريت

أمس رحت جمعية الروضة .. طلعت مسكرة

ورحت الفرع ومالقيت خبز الصويا

ورحت فرع الروضة إللي مجابل حولي بارك ومالقيت خبز الصويا ولا منتجات شارل إللي قالت عنها د.عبير

آخر شي مليت ورحت كار فور لقيت بس جيس واحد خبز الصويا .. وعلى حظي مافيه غيره خذيته

الحليب مو مشكلة متوفر بمركز سلطان .. بس خبز وبسكوت وكيك تعبت أدور مالقيت:cxxxp:

ألحين ألحين وين متوفر علشان أروح أشتري

بس تأكدوا يابنات الممحليات إللي بالحليب مو سكر عادي

والأجبان .. ترى قالت لي الدكتورة أي شي مكتوب مستحلب يعني حليب

الله المستعان والله أمس رديت تالي الليل دااااااااايخة من الدوارة

شوفي حبيبتي انا ما شريت ولا مره من جمعية الروضه بس لما رحت بشتري ولا لقيتها مسكره بعد, سنع اهي تاخذ من هناك, انا اشتري اغراضي من مركز سلطان عندهم صمون وتوست الصويا, والحليب والجبن هم من هناك, امس رحت مخبز الشاميه وما لقيت خبز صويا بس لقيت صمون والله حلو ولذيذ, خذيت منه حق ولدي بجربه له..

مخبز امير الامراء عندهم سوالف الصويا اختي شرتيل حق ولدي بس انا ماذقته بصراحه, بعدين انا ولدي عادي يقدر ياكل قمح ومعكرونه وعيش وخبز لبناني وايراني, بس التوست والصمون العادي والكرواسان والبسكوت العادي ما يصير ياكله, لان ولدي فيه صفات توحديه مو توحد , فعشان جذيه احنا الحين مكملين عالفيتامينات والحمد لله الوضع ماشي تمام..

 

[ناني سيكرتس]

ابيه بنات ما ادري اشفيه ولدي اول كان بس ينط بالبيت ينط عالطاولات وعالكراسي , الحين ما ادري اشفيه بس يكوكس ( دحرجه) ولا يسوي الوقوف عالراس , وايد قام يحط راسه تحت وريوله فوق , ما ادري عادي هالوضع ولا فيه شي..؟

 

[ريحانة_14]

حبيبتي نونو78

ولدج مافيه ولاااااااا شي صدقيني

مسألة النطق المتأخر عادية جدا .. إذا سأل أي سؤال جاوبي عليه وقوليله واااااااااايد قصص .. لو تقدرين كل إجابه على سؤال ردي عليه بقصه لأنه يثري الألفاظ اللغوية عنده .. وكثرة الأسئلة والإستفسارات عند الطفل معناها قاعد يحاول يستكشف إللي حوالينه وردي عليه بدون ملل

ولد خالتي كنا نسميه الأطرم .. ما تكلم إلا لما كمل 7 سنوات

تخيلي 7 سنوات ولااااااا كلمة إحنا علبالنا صج أطرم فقير .. بس بعدين مادري شصار إللي مررررررة وحده فلت وقام يتكلم ويسب بعد لووووووول

لا تحاتين مافيه إلا العافيه إن شالله ياقلبي

 

[nono78]

حبيبتي نونو78

ولدج مافيه ولاااااااا شي صدقيني

مسألة النطق المتأخر عادية جدا .. إذا سأل أي سؤال جاوبي عليه وقوليله واااااااااايد قصص .. لو تقدرين كل إجابه على سؤال ردي عليه بقصه لأنه يثري الألفاظ اللغوية عنده .. وكثرة الأسئلة والإستفسارات عند الطفل معناها قاعد يحاول يستكشف إللي حوالينه وردي عليه بدون ملل

ولد خالتي كنا نسميه الأطرم .. ما تكلم إلا لما كمل 7 سنوات

تخيلي 7 سنوات ولااااااا كلمة إحنا علبالنا صج أطرم فقير .. بس بعدين مادري شصار إللي مررررررة وحده فلت وقام يتكلم ويسب بعد لووووووول

لا تحاتين مافيه إلا العافيه إن شالله ياقلبي

حبيبتي ريحانه طمنتيني

ولدي بالسوالف احسه ما يسولف مثل اليهال

بس بالكلمات كل شي يقول

شاريتله لعبه فيه احرف ويكون منها كلمات

يعني مثلا تقوله كلمة كون كلمة رمل

يقول راء ميم لام مع ضغط على كل حرف مع اللعبه انا ادري ان حافظ حفظ

بس حيل حيل طمنتيني

والله يعطيج الصحه والعافيه يارب

 

[ريحانة_14]

أدري حبوبه خليناج توسوسين بسبب طرحنا لموضوع إعاقة التوحد

لكن إعاقة التوحد حاولي ترجعين لأول صفحة وبتشوفين إن الصفات التوحديه إللي حطيناها بالموضوع كا تنطبق مع صفات ولدج لا من قريب لا من بعيد

والله يحفظج ويريح بالج يارب

 

[ناني سيكرتس]

حبيبتي ريحانه طمنتيني

ولدي بالسوالف احسه ما يسولف مثل اليهال

بس بالكلمات كل شي يقول

شاريتله لعبه فيه احرف ويكون منها كلمات

يعني مثلا تقوله كلمة كون كلمة رمل

يقول راء ميم لام مع ضغط على كل حرف مع اللعبه انا ادري ان حافظ حفظ

بس حيل حيل طمنتيني

والله يعطيج الصحه والعافيه يارب

نونو ترا حالة ولدي نفس ولدج بس الحروف بالانجليزي, الحين الحمد لله اشوي انطلق بالحجي من كمل 6 سنين, لا تحاتين ترا بالصبر عليه واهو يتكلم راح يفيد معاه, بالج بالج بالج اتسكتينه ولا تقاطينه ولا تكملين الجمله عنه خليه ياخ وقته بالحجي حتى لو طول نطريه ليما يخلص وابتسمي بويه واهو يتكلم..

 

[ريحانة_14]

سلام عليكم يابنات

شلونكم وشخباركم

راح أنزل لكم بين فترة وفتره حقائق عن أطفال التوحد والمشاكل إللي تصادف الأبوين في المنزل و طرق التعامل مع الطفل التوحدي أثناء جلسات التدريب وأثناء توتر الطفل لأسباب مجهولة ومواضيع أخرى

فترقبوا


أختكم

ريحانة_14

 

[ريحانة_14]

سؤال : ماهو السبب في ضعف التفاعل الإجتماعي لدى الطفل المصاب بالتوحد ؟؟


1- لا يعرف ما المطلوب منه لهذا الغرض

2- التواصل لديه فقط للطلب وليس لوظائف أخرى ( مع مراعاة إختلاف كل طفل عن الآخر )

3- لدى البعض منهم صعوبه في تقبل قرب الآخرين منهم .

4- التحدث في مواضيع بعيده عن ما يدور في الوقت الحالي

5- يتحدث البعض منهم في مواضيع تهمه هو بغض النظر عن حديث الطرف الآخر .منقول


أختكم
ريحانة_14

 

[ريحانة_14]

سؤال : ماهي أسباب المشاكل السلوكية التي تظهر على الطفل التوحدي فجأة من غير سبب محدد ؟


- تظهر المشاكل السلوكية التي تتمثل في :-

1- قذف الأشياء من حوله
2- عض نفسه ، وعض الآخرين
3- الرفس الموجه للآخرين
4- الصراخ والبكاء
5- التوتر بشكل عام

وتظهر هذه المشاكل على الطفل التوحدي للأسباب التاليه :-

1- قلة تنظيم البيئة المحيطة بالطفل
2- كثرة المثيرات الخارجية ( الأصوات / الروائح / زيادة عدد الأفراد من حوله ... إلخ )
3- المشاكل الصحية مثل إحساس الطفل بالألم ونتيجة لضعف التواصل لديه لا يستطيع التعبير عن الألم
4- العوامل الخارجية مثل ( الحر الشديد / البرد الشديد )
5- ممكن أن يكون سلوكه وسيلة لشد الإنتباه
6- تغيير مفاجيء في روتين حياته من غير تهيئه مسبقه للطفل لتقبل هذا التغيير
7- اللعب العنيف من من حوله والدغدغه التي من الممكن أن لا تلقى قبولا لدى الطفل التوحدي
8- رغبته في التشجيع والشعور بالحنان من من حوله ( الأب / الأم / الأخوه الأكبر سناّ / المعلم )


هذه هي الأسباب المحتمله لظهور المشاكل السلوكية لدى الطفل التوحدي
منقول



وترقبوا المزيد


أختكم

ريحانة_14

 

[ناني سيكرتس]

مشكوره ريحانه, زيدينا علما..

 

[ريحانة_14]

غالي والطلب رخيص يا ناني

 

[ناني سيكرتس]

ريحانه حبيبتي : ولدي هاالسبوع هابلي اذا بجي ولا ما اعجبه شي يطلع اصوات مثل صفارة الانذهار ولا يصرخ باصوات مختلف,, اتهقين ليش هالشي صار ولا شنو فيه بالضبط..؟
وبعد في شي ثاني الحين صاير كله يكوكس ( دحرجه) ولا يسويلي الوقوف عالراس فوق الغنفه, ماني عارفه شنو وليش يسوي هالحركه..؟
انا سويت له التحاليل الي قالتلي عنهم الدكتوره عبير وطلع الحمد لله مافيه شي, واهو الحين وايد صخ عن قبل وقام يتواصل مع الكل حتى اخوانه قاعدين يساعدونه على اللعب وعلى انه يتكلم وقاموا يلعبون معاه عدل, يعني شايلينه يعد عمري, بس كنت بعرف ليش قام يطلع اصوات ويسوي هالحركات.. اذا تعرفين قوليلي وعلميني اشلون اتعامل معاه بهالحاله..