خاص بأطفال التوحد

[wathoo7a]

ريحانه مشكووره على هالمعلوماات وايد و فعلا أنا أحس إن ولدي كله يبي يلفت إنتباهي بالتحذف أو يطق أخوه و ليمن أعطيه ويه هم ماكو فايده أحس مهما عطيته ما يكتفي فهل طفل التوحد أناني؟

 

[ريحانة_14]

ريحانه حبيبتي : ولدي هاالسبوع هابلي اذا بجي ولا ما اعجبه شي يطلع اصوات مثل صفارة الانذهار ولا يصرخ باصوات مختلف,, اتهقين ليش هالشي صار ولا شنو فيه بالضبط..؟
وبعد في شي ثاني الحين صاير كله يكوكس ( دحرجه) ولا يسويلي الوقوف عالراس فوق الغنفه, ماني عارفه شنو وليش يسوي هالحركه..؟
انا سويت له التحاليل الي قالتلي عنهم الدكتوره عبير وطلع الحمد لله مافيه شي, واهو الحين وايد صخ عن قبل وقام يتواصل مع الكل حتى اخوانه قاعدين يساعدونه على اللعب وعلى انه يتكلم وقاموا يلعبون معاه عدل, يعني شايلينه يعد عمري, بس كنت بعرف ليش قام يطلع اصوات ويسوي هالحركات.. اذا تعرفين قوليلي وعلميني اشلون اتعامل معاه بهالحاله..

حبيبتي ناني

مثل ما قلنا .. يا إما الطفل يكون محتاج للحنان / الإنتباه / المدح والثناء / يشعر بالألم / يشعر بالحر أو البرد / أو يرغب في لعبه معينه / أي يرغب بالحصول على أي غرض موقادر يعبر عنه نظرا لضعف خاصية التواصل

بالتالي : أنصحج تسوينله تعديل سلوك ABC إهي شويه متعبه لكن نتيجتها مميزة وتخليج تفهمين ولدج وعرفين شنو محتاج بالضبط

A الخطوة الأولى : تحطينلج ورقه وقلم وتسوين جدول من ثلاث خانات .. الخانه الأولى مكتوب فيها ( قبل السلوك ) ....

B الخطوة الثانية : ( السلوك المراد تعديله ) يعني السلوك إللي صدر من الطفل

c الخطوة الثالثة : ( ردة فعل المعالج )

===============

كل مرة يصدر السلوك من ولدج تلاحظين شنو صار قبل ما يسوي هالسلوك بالضبط ( يمكن تكونين رفضتي تعطينه لعبه / يمكن أخوه يكون قاله كلمه معينه / يمكن سمع صوت عالي / يمكن يكون شم ريحة معينه إنتي متعوده تحطينها في البيت / ممكن طلع برنامج معين وأحد غير التلفزيون ) أي شي قبل ما يتوتر تكتبينه بالضبط علشان تكونين فكرة أولية عن سبب صدور السولك منه وتكتبينها بالخانة الأولى وتسجلين الوقت يمها بعد أحسن ... كلما تكونين دقيقة مع الطفل التوحدي كلما قدرتي تنجزين معاه وتفهمينه أكثر وأكثر


الخانة الثانية : تكتبين فيها السلوك إللي صدر منه بالضبط وحاولي توصفينه وصف دقيق : شنو سوا ؟؟ صرخ وايد ؟ صرخ بصوت عالي ؟ صرخ بصوت واطي ؟ صرخ ورفس ؟ صرخ وسكت على طول ؟ شكثر مدة الصراخ والتوتر ؟؟؟ تسجلين سلوكه بالضضضضضبط مع الوصف الدقيق

الخانة الثالثة : تسجلين فيها إنتي شلون تصرفتي معاه ؟؟؟ تكلمتي معاه بهدوء ؟؟؟ صرختي عليه ؟؟ مسحتي على راسه ؟؟ حضنتيه ؟؟؟

هالملاحظات كلها تسجلينها .. ولمدة إسبوع كاااااامل ... وإذا استمر سلوكه أو أحيانا يخف وأحيانا يشد وماقدرتي تكونين فكرة كاملة عن سبب سلوكه إستمري إسبوعين لين تعرفين بالضبط شنو الموقف إللي صار قبل ما ولدج يتوتر ...
هذي أهم خطوة .. لأن تالي على أساها راح تعرفين شلون تتصرفين معاه ..

وسوي هذي بالبداية وكونيلي فكرة عن الموقف إللي صار وعن سلوكه وعن ردة فعلج ناحية سلوكه وراح أعطيج إن شالله طريقة علاج وخطة تدريبيه ممتازة إذا قدرتي تعطيني هالمعلومات

-----------------------

 

[ريحانة_14]

ريحانه مشكووره على هالمعلوماات وايد و فعلا أنا أحس إن ولدي كله يبي يلفت إنتباهي بالتحذف أو يطق أخوه و ليمن أعطيه ويه هم ماكو فايده أحس مهما عطيته ما يكتفي فهل طفل التوحد أناني؟

الطفل التوحدي مو إناني .. لكنه ذكي جدددددا وبطريقة ما تتصورينها .. أهو يختبرج قبل ما إنتي تختبرينه من ملامح ويهج يعرف إذا منعتيه من شغله مثلا وبجى شوي .. فمن ملامح ويهج إنكسر خاطرج عليه وجنج رديتي بكلامج وبتعطينه .. أهو يلاحظ ملامح ويهج فيقرر إنه يزيد بجي لأن عنده أمل إنه ياخذ منج إللي يبي عن طريق البكاء .

وبحالة ولدج وضوحه لازم تحددينله وتخصصينله وقت له ولأخوانه وتفهمينه هالشي بالصور وبجدول معين يتعلق بمكان واضح بحيث إنه يشوفها بكل وقت .. وإذا ييتيني راح نسوي الجدول مع بعض بس حاولي تييبينلي صورتج وصورة أخواه وصورته أهو فوتوغرافيه صغيره .. لأن كلما كانت الوسائل بصرية ومرئية بالنسبه للطفل التوحدي زاد تركيزه وفهمه للمعلومة

بالإضافه إلى إنه يحس بالنقص ويحس إنه غير قادر على لتعبير وإنه مايتمتع بالمميزات إللي يتمتعون فيها إخوانه فطبيعي يكون بحاجه للتشجيع المبالغ فيه على أقل شي يسويه .. فكثري من المديح له والثناء عليه علشان يحس إنه مساوي لأخوانه ومو أقل منهم

وبدورتنا راح نتكلم إكثر بإذن الله تعالى

 

[ناني سيكرتس]

مشكوره ريحانه..
شوفي ولدي اذا مستانس ويلعب سواء بروحه ولا مع اخوانه الاحظ انه يكوكس ولا يسوي الوقوف عالراس, ما ادري ليش بس احس انه هالشي يفرحه حيل.. وساعات اقول يمكن يبي ينزل الدم حق راسه.. ما ادري..

وبالنسبه حق حاله الصراخ والاصوات الي يطلعها تكون اذا تضايق من شي ولا صارله شي مو عاجبه ولا منعت عنه شي, يبدا يصارخ ويطلع اصوات متعدده, عاد انا ساعات اهديه وساعات يبط جبدي على هالحركه, اذا صارخ اهديه شوي شوي بس اهو يزيد بالصراخ وساعات اصرخ عليه عشان يسمعني وفعلا يسكت وبعدين اكلمه بهدوء صارم.. حلوه هدوء صارم..

 

[ريحانة_14]

إذا إنتي عارفه بالضبط ومحدده سبب صراخه وعندج وجهة نظر بتوصلينها له وصليها له بطريقته لأنه أحيانا ما يقدر يفهم إسلوبج ... التواصل يصير بصور .. على كل شي ترفضين تعطينه ياه لازم توضحينله هالشي بصورة أو قصه مصورة

مثلا .. يبي بيبسي .. ترسمين صورة بيبسي إذا قام يصراخ ويرافس تراوينه صورة البيبسي وعليها علامة X بالأحمر .. وهم لازم تفهمينه السبب .. تييبينله صورة ولد بطنه يعوره أو تصورين واحد من أخوانه وأهو عافس ويهه وحاط إيده على بطنه ويمه بيبسي .. علشا توضحينله إن البيبسي يعور البطن .. وعشان جذي أنا رافضته

وراح يربط أهو بذاكرته البصرية ومع الوقت راح يتفهم وراح ينقطع منه سلوك الصراخ لطلب البيبسي

فهمتي قصدي ناني ؟؟؟

هم علشان تعوضينه تييبينله صورة عصير ,, مثلا وصورة ولد شرب عصير وعضلاته كبروا وصار قوي ويلعب ... علشان يتعزز عنده مفهوم إن البيبسي ضار العصير نافع

عرفتي شلون ؟؟؟

فهمتيني ناني ؟؟

 

[ناني سيكرتس]

ايه فهمتج, اوكي بجرب هالطريقه معاه بس بالنبه حق الاصوات الي يطلعها اشلون اعلمه ان هالشي غلط وان هالشي مو زين..؟

بعدبن ماقلتيلي ليش يكوكس الولد..؟ فرط نشاط ولا حركه عاديه..

 

[ريحانة_14]

حركه عاديه تعيد التوازن إلى جهازه العصبي نظرا لأختلاف جهازه العصبي عن أجهزة باقي الأطفال العاديين ولا تمنعينه في الوقت الحالي عن التكوكس خليه شوي ياخذ راحته طول ما إن هالحركة ما تتسببله بضرر

نفس الشي ... تيبين صورتين ... ( هالصور كنا نرسمهم أو نعطيهم حق رسام يرسمهم لنا حسب وصفنا )

تييبين صورة ولد قاعد يصرررررخ وترسمين مثل خطوط طالعه من حلجه ( كنايه عن الصراخ والإزعاج ) ويكون مقابله ولد وبنت مثلا مسكرين أذونهم ومتضايقين وعافسين ويههم

وبالمقابل .. ترسمين صوره ثانيه طفل مبتسم مثلا أو طفل يعطي شي حق أخوه أو أخته أو أي فعل بديل عن الصراخ .. وأخته ملامجها سعيده معاه


وبعلمج إن شالله طريقه لتعديل السلوك بالدورة إن شالله تعالى

 

[wathoo7a]

ريحانه يا عزيزتي و الله ما قصرتي أذيناج بأسإلتنا و ما ندري شنسوي بدون صدرج الرحب للأستفساراتنا مآجوره ياختي

 

[ريحانة_14]

إخذي راحتج حبيبتي وضوحه ونحن بالخدمه

في بعد أم عندها طفل توحدي إحتمال تنضم معاكم بالدورة

 

[ناني سيكرتس]

حياها الله معانا..

 

[ريحانة_14]

صباح الخير يابنات

بس حبيت أتأكد من رغبتكم بالدورة علشان راح أبتدي أزهب الأغراض حبايبي ؟؟

أكيد إن شالله وضوحه وناني ؟؟؟


وما يشوف شر ولدج يا ناني في عدوينج ولا فيه

 

[ناني سيكرتس]

ميرسيه اوي يريحانه, بس خل نتاكد اي يوم الدوره والساعه جم ..؟

 

[wathoo7a]

أنا مستعده بإذن الله بس قولي لنا جم يوم بلإسبوع و من الساعه جم لي جم و شنو نييب معانا

 

[wathoo7a]

حياها الله اللي بتيي معانا زيادة الخير خيرين

 

[ريحانة_14]

مشكورين يابنات

إن شالله الدورة تاريخ 30 / 6

الساعه 5 العصر

وإن شالله يكون مناسب لكم وإن شالله بعد نقدر نسوي شي يفيد عيالنا يارب

 

[الريادة]

يزاج الله خير ريحانه, بس ما قلتي وين مكان الدورة و رسومها؟

 

[ريحانة_14]

أهلا وسهلا فيج أختي الرياده

الدورة راح تكون عندي في البيت إن شالله وراسليني عالخاص علشان أعطيج المعلومات كامله

وراح تكون بدون رسوم ما عدا الأدوات إللي تجيبينهم معاج علشان تحضير الأنشطه وإللي حطيتهم بالصفحات إللي قبل .. ومو شرط تجيبينهم كلهم لأني هم راح أييب معاي مجموعه أدوات مثل الصمغ الحراري .. بس أهم شي الفلين واللزاق الشفاف ( تيب ) عريض / التيب الضعيف الملون / وأي شي تين تدربين ولدج عليه ( صور ) ( خرز ) أي شي

وتحياتي لج حبيبتي

 

[ناني سيكرتس]

ريحانه حبيبتي توني جيكت عالتاريخ لقيته يوم الاثنين , وانا اصلا عندي دوره يومي الاثنين والخميس فتقدرين اتاجلينها لي يوم الثلاثاء, يعني اليوم الي وراه..؟

 

[wathoo7a]

ريحانه خمس مو جنه مبجر؟ يعني أنا لازم أطلع من بيتي 4:30 تقدرين تكون خمس و نصف؟ إذا ماتقدرين عادي و بعدين شنقولج أم منو؟ و عنوانج على الخاص لو سمحتي و جزاج الله خير

 

[ريحانة_14]

يوم الثلاثاء عندي جلسة مساج بدلع نفسي شوي

الأربعاء مافي مشكلة .. شرايكم ؟؟ الأربعاء مناسب ؟؟؟؟

وإذا ساعه 5 مبجر خلاص خلوها على الست ونص .. شرايكم بنات ؟

وضوحه ياقلبي .. دزيتلج رقم تلفوني عالخاص

دقي علي