تقرين روايات؟؟ تعالي قولي رايج ..

[مطيريه ماركه]

أحب الرويات الرومانسية وفي الفترة الأخيرة قمت أقرا روايات ألغاز مثل دافنشي كود وفي رواية ثنية بس نسيت اسمها

والروايات الرومانسية اكيد أحب اقرا الصادرة من هارلكويـن وفي رواية كذبة واحدة تكفي اموووت فيها ودايما أقاراها ولا امل منها

وماعندي أي انتقادات وتسلمين حبيبتي

 

[nor]

،

السجينة رائعة وحطيت صورة الغلاف + نبذة عنها ف هذا الموضوع ،
http://q8yat.net/showthread.php?p=4363051#post4363051

وشكراً ،،

،

 

[!! أنـثـى الـ خ ـيـالـ !!]

بشروه اني برحل قصه اثرت فيني حيييل

وقريتها يمكن 4 مرات معنها طوووويله

احب اقرا الروايات الرومانسيه

 

[^SwEeTa^]

السلام عليكم حبايبي
بصراحة ما قريت الردود بس حبيت اساعدكم انا من محبي القراءة :eh_s(22): وايد وايد طبعا كل شي قريت ممكن الخص لكم اشياء يعني للاطفال المغامرون الخمسة مو اي مغامرون الي فيها البطل تختخ و و جميع قصص المكتبة الخضراء تذكرونها لووووووووووووول و حق المراهقين روايات عبير + اجاثا كرسي على طاري اجاثا تره بوارو بطل قصص اجاثا مات في قصه اسمها الستارة :eh_s(16): و ايضا احسان عبدالقدوس عنده قصة اسمها لا انام سووها فلم مصري قديم وقت الي قريت في القصة كنت صغيرة وايد وايد تاثرة فيها وايد وايد :dddds: و حق الاكبار ههههه ما ادري انا الحين صرت كبيرة و قريت اشياء بس بصراحة ناسية اسماء الكتب الي قريتها اذا تذكرت راح اقولكم بس ودي اقولكم عن كاتب اسمه جيمس باترسون عند قصة مترجمة للعربية حلللللللللوة اسمها ماري ماري تلاقونها بمكتبة جرير و هم قريت كتاب اسمة سواليف خاثرة لاحد الكتاب السعوديين يعني يوم قريت الكتاب لووووووووول لاحظت ان اغلب السوالف الي بالكتاب مسوينها حلقات ل مسلسل طاش ما طاش و ايضا اكو كتاب اسمة الحياة السرية لصدام حسين من القصور الى الجحور للكاتب أنيس الدغيدي قريت هذا الكتاب طبعا لاني ايام الغزو كان عمري 6 سنوات و اتذكر الي صار لنا ايام الغزو و البهذله الي كنا فيها فيوم كبرت حبيت افهم الي صار و هذا الكتاب قريته عدل مدل ههههههههههه فيه اشياء تضحك عن صدام اقروه راح يفسر لكم احداث كثيره انا ما كنت فاهمته و هم امدحولي كتاب اسمة المرأة تحب المنصتين للكاتب محمد النغيمش كا هو بيدي بس للحين ما قريته و الحين اكو شي جديد تشترين مكتبة كاملة تتالف من 1500 كتاب الله اي ادري هههههههههههههه طبعا بتقولون ما عندنا مكان و ما نبي السر انها لا تحتاج الى مكان هي عبارة عن فولدرات مقسمة لكل قسم يعني فولدر حق الروايات و فولدر حق كتب الطبخ و اخر اسلاميات و اخر يختص ب قصص الاطفال و هكذا كله تحطينهم عندج على الهارد دسك مالج ببساطة هههه وناسة عندي منه و ودي احطه لكم علشان تستفيدون بس ثقيل وايد و ما اعرف اشلون انزله لكم. طريقتة تكون من ملفات PDF و تتصفحين الكتاب صفحة صفحة جنة حاطته بيدج عجيب حته الغلاف موجود و كل شي ​

ردوا علي بليز قولولي اذا استفدتوا مني !!!! اوكيك


:33_1185028183::33_1185028183:​

ما شاء الله عليج ... شكلج تحبين الكتب مثل حلاتي

ذكرتيني بأيام الغزو .. قريت كتاب اسمه (كنت إبناً للرئيس) .. هم يتكلم عن صدام و عياله .. كاتبه واحد من اللي سووا روحهم بدلاء .. الكتاب حلو .. بس هم أحس انه مو 100% صجّ!! مادري ليش!!

و بالنسبة للفولدرات منين صحلتيهم؟؟ انا أبي!!

و تختارين الكتب اللي تبينها و لا فيه كتب معينة ؟؟ طيب الكتب قديمة و لا حديثة؟؟

أذيتج بالحجي و القرقة .. سوووووري :tek:

 

[هواي كويتي]

انا احب نبيل فاروق و اغاثا كريستي
قصص رجل المستحيل و قصص رومنسية <<<<<<<<<<<<<اعيش بعالم ثاني اذا قريتها

 

[الدر المثور]

أنا ما أقرأ روايات بشكل كبير بس قريت بنات الرياض للكاتبه السعوديه أهي بنت الصانع بس ما يحضرني أسمها ألحين

 

[^SwEeTa^]

انا احب نبيل فاروق و اغاثا كريستي
قصص رجل المستحيل و قصص رومنسية <<<<<<<<<<<<<اعيش بعالم ثاني اذا قريتها

تصدقين توهم الاسبوع اللي طاف

ناشرين خبر في بجريدة الوطن

يقولون بيحولون سلسلة رجل المستحيل حق أفلام :ggdw:

ذكرتيني بأيام المراهقة .. كنت أحب أقراهم

 

[تفاخيه مبطوطه]

f6oooma .. لا والله ماعندي السقا مات بس جني شايفه الفلم؟ وكان اكتئاب :0bee2e8d89:

وما قريت حق ليلى العثمان .. مو وايد مع الحريم مادري شفيني؟


^^نـــواره^^ ... شوقتييييييييييني .. احب سوالف الرومانسيه


BaBy mOOn .... حركتج خطيره مالت اللي تشوفين النهايه .. لو شنو ما اسويهااااااا .. حرام حرقتي الأحداث؟؟؟؟؟؟؟؟

لامــــــار ... ردج ماشاء الله دســــم وكله اسامي روايات ... حيل شوقتيني على ذات الرداء الأبيض .. وانا ما اقرى روايات اجنبيه بس الوحيده يمكن اللي قريتها نساء صغيرات .. وتهبـــــــــل


o.magic.o ... انتي ولامار توالمتو ماشاء الله كله روايات اجنبيه ... اطلع انا منها :dddds:

 

[تفاخيه مبطوطه]

الكلثوم ..... سوري بس مافهمت شنو يعني احلى كاتبه : تحفه فنيه ؟؟ هذا اسمها يعني؟؟؟؟؟


وحياج الله


عـــذوووب ... الفلم اللي قلتي عنه عيزت احاول احصله مو محصلته :0bee2e8d89:


مشكوره على مروورج



yuyu-geek اما المكتبه اللي تقولين عنها شكلها رووووووووووووووووعه من وين هذي؟؟؟؟؟؟؟


مطيريه ماركه حياج الله


nor .. مادري شفيني على هالسجينه شاريتها من سنين ولما الحين مافتحتها


!! أنـثـى الـ خ ـيـالـ !! ... اي قاريتها بشروه اني ابرحل وحييييييييييييييل تأثرت وقمت العي واصيح على نهايتها ماتخيلت اني بتأثر فيها جذي ... شكلي برد اقراها ههههه ياحبي حق الغثى

 

[تفاخيه مبطوطه]

هواي كويتي ... انا رجل المستحيل هذا اللي ماطحت فيه مادري ليش .. خواتي الكبار يحبوووووووونه



الدر المثور ... اي قريتها بنات الرياض .. حلوه


^SwEeTa^ ... الله يافرحة خواتي اذا صج بيسوون رجل المستحيل افلام :ggdw:

 

[C'est La Vie]

Bon Jour BanaT
الحين بعرض عليكم جم رواية قريتها
Tuesday with Morrie by Mitch Albom
قصة واحد بعد فترة طويلة يلاقي دكتوره المفضل بالجامعة ويكون مريض على فراش الموت فيقعد ينصحه عن الحياة
For One More Day by Mitch Albom
واحد يشوف امه اللي متوفية من سنين فيقولها كل اللي بخاطره ويسألها عن الاشياء اللي ما كان فاهمها يعيش معاها يوم كامل تعرض عليه حياته وتقوله شصار
The No.1 Ladies' Detective Agency by Alexander McCall Smith
وحدة عايشة في بوتسوانا تفتح اول private detective agency حق الحريم
Love in The Time of Cholera by Gabriel Garcia Marquez
اوبرا تكلمت عنها تقول عنها the greatest love story ever بس يوم قريتها لقيتها وايد صعبة فراح انطر الفيلم ينزل عشان اشوفه يمكن يطلع اسهل p:
Aur Voir

 

[D A N G E R]

أحب الروايات البوليسية ..


أفضل روائية بالنسبة لي آغاثا كريستي ..

أكثر رواية أقراءها ولا أمل منها :

1- تحريات باركر باين
2-شركاء في الجريمة
3-اللغز المثير
4- غادة طيبة
5-القصر الرهيب

وهاذي كلها لآغاثا كريستي

وفي رواية أسمها (( ولد اسمه هو - للرواءي دافيد اممممممممممممممم والله نسيت العايلة بس اتذكر
بأرجع ))

وحابة اقووول ان الروايات الرومانسية والحب والغرام كلها سخافة وخرابيط

هذا رأي كقارءة

واتمنى تحترمون رأي ..

 

[تفاخيه مبطوطه]

dalal_111 ....رواية For One More Day مسوينها فلم واوبرا قابلت البطل ... انا لما الحين ماشفته بس شكله حلو .. دام اوبرا مدحته؟


D A N G E R ... محترمين رايج وحياج الله بأي وقت .. انا مكوده عندي جم روايه حق اجاثا كريستي بس ماذكر ختمت منهم الا وحده يمكن؟ جنه اسمها سكن الطالبات شي جذي؟؟

ومبلشه بجزيرة الموت اذا خلصت منها اقول لكم

 

[طوق البنفسج]

Bon Jour BanaT
Love in The Time of Cholera by Gabriel Garcia Marquez
اوبرا تكلمت عنها تقول عنها the greatest love story ever بس يوم قريتها لقيتها وايد صعبة فراح انطر الفيلم ينزل عشان اشوفه يمكن يطلع اسهل p:
Aur Voir

غابريل غارسيا ماركيز .. كل رواياته دسمه و فلسفيه .. قريت له مئه عام بالعزله .. اتفر الراس ولا تطلعين بزبده فقررت ما اقراله شي بعد .. اسلوبه معقد

حاليا عندي قصه thousand splended sun لكاتب افغاني و اتكلم عن الحياه بافغانستان بس مابديت فيها

و حاليا قاعده اقرى My Sister`s keeper`عن بنت عمرها 13 سنه ترفع قضيه على اهلها ترفض فيها اتبرع بكليتها و كريات دمها حق اختها المصابه بنوع نادر من اللوكيميا و تطلب من القاضي حق الاحتفاظ بجسدها و حاليا واصله ربعها بس القصه فكره حلوه و ما فيها رومانسيه للباحثين عن الرومانسيه

 

[طوق البنفسج]

اكثر شي احب اقراله يوسف السباعي امووت عليه..منو تعرفه وشرايكم فيه؟؟ و أحب مترجمات المنفلوطي ماجدولين والفضيلة وايد حلوين...

لي رجعة ان شاء الله

ماجدولين على كثر ما قريت عنها و شفت لها ريفيوز بالنت توقعتها شي فوق الخيال .. بس طلعت عاديه .. حلوه كروايه و قصه واقعيه .. بس براي انها خذت اكبر من حجمها بالمديح و وصلوها لمقام مو مقامها في وايد روايات تستاهل انها تاخذ شهره ماجدولين و ماخذتها

مثل السجينه ..

مدن الرماد

 

[تفاخيه مبطوطه]

نوووووووور الموضوع طواقه

 

[^SwEeTa^]

انا توني خالصة من مجموعة قصصية اسمها (السيدة كانت) للكاتبة الكويتية بزة الباطني

و توني بادية برواية (شرق الوادي) حق تركي الحمد .. وصلت ربعها و مالي خلق أكملها

و عندي جم روايه حاطتهم .. أخزهم و يخزوني .. من بداية العطله ليلحين .. ودي أقرى بس صاير مالي واهس على القرايه مادري ليش

الروايات اللي على الويتنق (الواد و العم .. للكاتب مفيد نويصر)، السحابة السوداء(مذكرات خادم) .. للكاتبة طيبة الابراهيم)

(الجنة العذراء، الباحث عن الحقيقة ... روايتين للكاتب محمد عبدالحليم)

 

[f6oooma]

ماجدولين على كثر ما قريت عنها و شفت لها ريفيوز بالنت توقعتها شي فوق الخيال .. بس طلعت عاديه .. حلوه كروايه و قصه واقعيه .. بس براي انها خذت اكبر من حجمها بالمديح و وصلوها لمقام مو مقامها في وايد روايات تستاهل انها تاخذ شهره ماجدولين و ماخذتها

مثل السجينه ..

مدن الرماد

صاجة هي حلوة كرواية وقصة بس فيها وصف وايد يمكن عشان جذي ما عجبتج وايد صاجة مو بمستوى السجينة السجينة روعة خصوصا لما تفكرين انها قصة صجية والأبطال عانوا معاناة مو طبيعية



مدن الرماد ما اعرفها

 

[f6oooma]

الحين انا قاعدة اقرا رأفت الهجان اللي سوو مسلسل في محمود عبدالعزيز ويسرا حلوة وعجيبة انصح اللي يحب الروايات السياسية يقراها حق صالح مرسي اهو كاتب بعد الصعود الى الهاوية سووها فلم


رأفت الهجان جاسوس مصري في اسرائيل يعيش هناك يمكن 7 سنين ويتزوج لما يموت مرته ما تدري ان اهو مصري ومسلم صجص صج عجيبة وقصة حقيقية

 

[C'est La Vie]

dalal_111 ....رواية For One More Day مسوينها فلم واوبرا قابلت البطل ... انا لما الحين ماشفته بس شكله حلو .. دام اوبرا مدحته؟


D A N G E R ... محترمين رايج وحياج الله بأي وقت .. انا مكوده عندي جم روايه حق اجاثا كريستي بس ماذكر ختمت منهم الا وحده يمكن؟ جنه اسمها سكن الطالبات شي جذي؟؟

ومبلشه بجزيرة الموت اذا خلصت منها اقول لكم

الله يبشرج بالخير :ggdw:
الحين بشوفه