رابطة "دودات الكتب " .. حياكم

[~NaZaKa~]

وناااسه في قصـــــــه

والله انكم خووووش راابطه فديييتكم والله
ليتل كوين او هنادي البلوشي

دقايق بقراهـا ولي رجعه

شكلها روعه مثل صاحبتها

دريم حبيبتي حيااج وياااانا

 

[Little_Queen]

جوجو ...


هيهيهيهيهي طحتوووو على اسميييييي هااا ؟؟

يلا يبا عليكم بالعافية

بالنسبة للأخطاء
معاج حق في كل كلمة اخطاء فاحشة

بعدلها في النسخة الاصلية للقصة ... ثانكس سوييييتيييي ... شكلج شاطرة بالعربي ماشالله عليج


بس سالفة " أطفالا تطل " .. هذي مو غلط .. انا متعمده أفرد الفعل ... و هذا ليس بشئ خاطي

اطفالا تكبر في كنف والديها ...

ازهارا تنمو على حافة الشباك ...


انما الباجي ... اصبت في تصويب الاخطاء و شكرا جزيلا لك


بس ما قلتيلي شرايج بالفكرة عموما ؟


نازاكا ... ناطرة رايج حبيبتي

 

[Little_Queen]

من ياب طاري " مرحبا أنا آكو " ؟!؟!؟!؟


يحليلها والله صج مشتاقتلها اهي ويا ريلها الطويييييييل بو قذله

و ولدهم " تارو " ..... الي يحب ال"بطييييييييخه " ... و بنتهم الي نسيت اسمها


جني بسوي بعد رابطة " محبي مرحبا انا آكو "

هيهيهيهيهيهيهيه

 

[L a w y e R]

ممكن انضم لكم ؟

لي عودة مع محتويات مكتبتي المتواضعة

 

[camilia]

قوة بنات انا توني اشووف هالموضوع
شلون طافني !
انا معاكم بصير دودة كتب خخخ
القراءة بالنسبة لي يبيلها مزاج وانا الحين من جم اسبوع ومزاجي كله قراءة , ودايما اقرا لروائيين وكتاب أجانب اما العرب فنادر جدا , خل اسولفلكم عن الكتب اللي أثرت فيني حيل ومازالت تأثر فيني لما اقراها مرة ثانية

( قصة مدينتين )



رائعة شارلز ديكينز .

هالقصة دايما تتربع على عرش أفضل الروايات العالمية , لان قصتها تاريخية في زمن الثوار الفرنسيين الفقارة ضد الاغنيا وشكثر ناس طاحوا ضحية لهالثورة , البطلة اهني اسمها لوسي ... ببدايه القصه لوسي تدور على الدكتور ابوها وتلقاه في فرنسا بحالة مزرية بعدها ترجع معاه لديرتهم انجلترا , واهناك تتعرف على فرنسي متهمينه بالخيانة واهو مسكين , المهم انا مابي احرق القصه عليكم وسردي للروايه بهالطريقه المرثية راح يظلمها واااايد , القصة ترا تبجيي لان فيها تضحية كبيرة وظلم في زمن الحرب .. فيها رومانسية والرومانسية هذي أدت للتضحية ..

 

[Anastasia]

قصة مدينتين مالت تشارلز دكنز ؟؟
.
وايد حلوة .. بس حبيت اوليفر تويست لنفس الكاتب اكثر ..
.
هههههه .. انزين تعالي ليتل .. مو جنه القصة مو كاملة ؟ولايتراوالي ؟

 

[Anastasia]

والله تذكرينها ليتل ..!!
.
انا ماذكرها عدل لاني كنت صغييرةحيل حزتها ..بس ماذكر الا يوم تهاوش مع ريلها لمن شافت عنده صورة قديمة اهوا ووياه وحدة شعرها طويل ..وتسال ريلها مني هاذي يقول مادري ناسي عقب عصبت وزعلت .. آخر شي طلعت اهيا لوول ..:d ..
.

 

[camilia]

موضوع الكتب والروايات دايما يخليني اتحمس واقرق فتحملوني ...



طبعا اغلبنا بدا القراءة بمجلات الcomics (لما كنا صغار )
كانت امي تشترلي قصص betty و الصبي اللي معاها archie عشان عشتو انجليزيتي تتقوى , بس هالقصص مرات فيها كلام وصور يمكن ما يصلحون لليهال , قصص بيتي الحين كلهم اختفوا مني بطريقة ما بس اللي ليلحن موجود عندي اهو صفحات انا شاقتهم من القصة والله لا يورييكم ليش شاقتهم هههه صج مخ طفوولي ,, عشان لبس فيرونيكا ولا بيتي مال السهرة حلو هههههه لاتعليق .

ومن مجلات الcomics الي كنت اقراهم اهي مجلة ماجد الاماراتية



شخباري شمس ودانة والمباحث الثلاثة مادري شسمهم وموزة الحبوبة والابليسة بيبي وفضوولي .. اذكر مرة شاركت بمسابقة ابحث عن فضولي وفزت بدينار هههه, بعد عندكم مجلة فراس , اييي واهم شي مغامرات بطوط وعم ذهب عاد هذوول ليلحن اقرالهم وأمس الصبح شفت كرتون عم ذهب بلتلفزيون بس بالمصري ,, ابداااع ههه

 

[Anastasia]

واااي امبييي نفسي كاميلياااا ..
.
أرتشي ليلحين اشتريهم بس مو العربي وييع .. العربي مال تشكيل كومكس مو حلو شوووية ثلاث قصص مصورة بس الانقلش احلى بوايد ومتييينه صايرة كتيب .. كلله اشتريهم من جرير >>>ياادي الجرير هههه

 

[camilia]

الرواية الثانية اللي بتحجى عنها واهي بعد من احلى الرواايات اللي قريتهم

( غادة الكاميليا )



هالرواية مو صج

البطلة اهني بائعة هوى بس الكسندر (الكاتب) ركز على حالة مارجريت البطلة بطريقة انسانية بغض النظر عن طريقة حياتها الماجنة , بينلنا شلون لما المرض قعد ينهش بجسمها شلون محد وقف يمها وعطاها اعتبار ( يعني كانوا يونلهابس حق مصلحة عابرة وبس )
الصراحة مارجريت بالقصة وايد اكسرت خاطري يعني الكاتب وايد ابدع اللي خلاني اتعاطف مع وحدة تبيع جسمها مقابل جم فلس .

هذي القصة تقدرون تنزلونها عن طريق النت انشالله عاد تضبط معاكم

http://www.4shared.com/get/18776971/1366e226/__online.html

 

[camilia]

واااي امبييي نفسي كاميلياااا ..
.
أرتشي ليلحين اشتريهم بس مو العربي وييع .. العربي مال تشكيل كومكس مو حلو شوووية ثلاث قصص مصورة بس الانقلش احلى بوايد ومتييينه صايرة كتيب .. كلله اشتريهم من جرير >>>ياادي الجرير هههه

توني ادري ان فيه منهم بالعربي ! عاد مو شي اذا جذي هالعرب كل شي صاروا يترجمون وغالبا ما تخرب السياق النصي للكاتب الاصلي هالترجمة .

والله شوقتيني اروح اشتري قصص بيتي وربعها بس المشكله عندي الحين فوق ال7 قصص ناطريني اقراهم , انا الحين قاعده اقرا قصة اسمها the host اهي خيال علمي على رومانسية حق نفس الكاتبة اللي اكتبت twilight اللي مسوي ضجة بين اوساط المراهقين , عندي بعد الجزء الاول والثاني من سلسلة توالايت بس خل اخلص ذي هوست , عشان جذي اقولج شكثر فيه روايات ناطريني وماقدر اشتت نفسي اكثر

 

[camilia]

يا هلا والله باحلى دودات كتب
و انا بعد وياكم
انا والله مو دودة كتب الا مينونة كتب
و بالنسبة حق الكتور احمد خالد توفيق فهو عشششششششقي الاول في القراءة
جوجو مشكووووووووووورة الوافي حق سلسلة فانتازيا
الله يعطيج العافية

هههههههههه عاد اختي حدها متأثرة بال د.احمد خالد توفيق وااااي تقعد تسوي افلام رعب فوق راااسنا وكلهم مقتبسين من رواياته ,, اذكر اسطورة الجاثوم واسطورة اخر الليل واسااطير واايد هههههه

بعدين طحت على واحد روووووعة امريكي ( مو مثل روعة ستيفين كينج طبعا ) بس هم رواياته كانت مناسبة حق عمري ذيج الحزة واذكر شي واحد متشابه بنهاية كل قصصه ,, الخاتمه ملوت كل قصصه تقققققهر , يعني وااااااي شنو تنبط جبدي لما ينظلم البطل المسكين ويضيع في دهاليز الليل والظلااام هههههههههههههههه

 

[Anastasia]

لا وابشرج بعد .. مترجمين سبايدرمان واكس من ملوت مارفل .. وييع ..
.
الـــــــــلــه .. twilight اينن .. شفت التريلر ماله بيوتوب امس .. ومن امس وانا قاعد انزله تورينت ونااسة ..
.
صرخة الرعب .. وااااي ذكرياااات .. كنت اشتريهم من الظمني بعد .. ايننووون ..
بس الحين كبرت وماقمت اقراهم .. فورثتهم حق اختي ..
.
اللي ماعجبني بصرخة الرعب مالت ر.ل.شتاين .. ان كللل القصص على نمط وااحد ..
.
1-دايما البطل عمره 12 ولا 13 .. ويحتجى عن نفسه ..
2-دايما يصيرله شي .. ومحد يصدقه ..
3- النهاية دااااايما خااايسة ومفتوحة .. عااد انا من عشااق النهايات السعيدة وضدددد النهايات الحزينة المفتوحة ..!!
.
اسطورة الجاثوم كلللش ما عجبتني ولوعت جبدي .. خصوصا لمن ايي يتحجى عن الاكلومنسي اللي اهوا اكل الموتى بالتالي تعرفين تاريخهم وذكرياتهم ..!!

 

[Anastasia]

وااي امبي لااا كاميليا نفس تفكيييري .. دايما النهايات تعيسة .. عاد والله ماشفت اللي كاتبته يوم كتبت ردي بس شفت صورة الروايات صرخة الرعب بردج ورديت على طوول ..
اففف الديأسإل صاير عنديي بطيييئ بسبة التورنت ماسوت علي هالفلم ههههه

 

[camilia]

كتب عايلة اوفقير كللهم بجرير ..
.
رونة .. المنتظرمالت المضف ؟.. وييييع .. صراحة مووشي كلش لدرجة انه قطيتها حتى قبل ما اخلصها .. وصصصخة عالفاضي !!! يعني عندج مصور الملتزمين سوالف من تحت لي تحت وفلبينيات وخرابيط .. واليبراليين شذووذ وخمور وخياس .. والاخوان مكوشيين على جامعة الكويت .. ماكوو احد زين .. انا ما اقول اهما زينين بس اسلوب طرحه مو حلو .. ومايتحجى الا عن النشوة والجنس واللواط ويع ويع ويييع.. بعدين حاشي الرواية حشوو بالسيااسة ..و اشراط الساعة الانجيل وسدوم وقوم لوط .. وخطط امريكا عشان تسوي حرب وتذبح المسلمين وحرب هرمجدون اللي اهيا حرب نهاية العالم بين الخير والشر .. يعني باختصار تلوع جبدج وتضيق خلقج وتكرهج بالدنيا .. وتخيلو .. كذا مرة اشوف بجرير وفيرجن بنات صغااار سادس سابع يشترونها .. يعني موحرام يخرب افكارهم !! بس اهوا ميزته انه حاز على دعاية قوية .. تلفزيون وجرايد وسمعة .. عشان جذي مشت ولا مافيها من زود شوفو دعايتها باليوتوب شوفو التعليقات تحت كلهم يسبونه سب .. ماعرف احد قلااها مدحها .. تركيبتها وتكوينتها موشي ..
انا حق المضف روايته الاولى مادري تعرفونها ولا لا قديمة شوي .. عاشق مهزوم .. ابدد ياهل يكتب ..و البطلة عيونها زرق وشقرا .. والنهاية خايسة ..
.
.
الــــــــــــــــــــــلــــــــــــــــــــــه .. يشووووق الشعااااااار .. طيااارة بحطه بتوقيعي !!!!

شوفي انا مو انتقاص من موهبة اي شخص او شي بس اغلب ( مو كل بل اغلب ) الروائيين المبتدئين العرب اذا يبون ينزلون رواية لاااازم يدخلون الجنس واشياء مال امها دااعييي , يمكن بمنظورهم sex sells ولا كون مثير للجدل عشان الكل يتحجى عن روايتك وبجذي تنشهر !! احس هذا تفكيرهم , وهالتفكير عمره ماراح يصنع قلم عظيم وكاتب اعظم , انا اصلا مو مفكرة اقرا روايته من الاساس حتى عاشق مهزوم الكل قالي اقريها روعة ومادري ايش , اقولهم شنو الروعة فيها ؟ الحب من منظور شاب كويتي ؟ لا شكرا مابي , انا فتحت عيني على روميو وجولييت و آنا كارنينا وغيرهم وهذي اهي الشخصيات بنظري اللي تقدر تأثر على نفسيتي عدل بما ان الكاتب يتناول ابطاله بجميع حالتهم النفسية والانسانية والاجتماعية وحتى حالة الديرة اللي اهم فيها , مو مثل بعض الكتاب اهني يتحجى عن عيون زرق واشياء سطحيه اخرى !

 

[camilia]

وااي امبي لااا كاميليا نفس تفكيييري .. دايما النهايات تعيسة .. عاد والله ماشفت اللي كاتبته يوم كتبت ردي بس شفت صورة الروايات صرخة الرعب بردج ورديت على طوول ..
اففف الديأسإل صاير عنديي بطيييئ بسبة التورنت ماسوت علي هالفلم ههههه

هههه اي اعرف سوالفه التورينت يمص سرعه الكونيكشن جنه مصاص دماء ( متأثرة اب twillight ) هههه

عاد اختي جذي تقعد تنزل مسلسلات امريكية واحنا نبتلش بسرعه الكونكشن .

 

[Anastasia]

صااااجة ..
.
وااي وين الروعة بعاشق مهزووم .. لووووووعة تعرفين يعني شنو لوووعة لووعة وااي ..
.
تخيلي مدرسة خاصة امريكية .. والابطال يدرسون فيها .. ووحدة امها امريكية وابوها مايحبها .. واكو صبي شرير يستغلها .. وهذا ينقذها ومعرفش ايش .. فلم فلمم هههه .. واخر شي يزوجها ابوها واحد ثاني غيره .. بعدين جنه جنه تمووت ماذكر ..يعني تحسين الرواية كويتية متأمركة ههههه.. والمصيبة فؤاد الهاشم مااادحها حيييل من ورا الغلاف .. اثاري عشان كلهم بالوطن والرواية من اصدارات الوطن لول ..!!

 

[camilia]

pshhh
انزين سمعي بس بعلق على شي قلتيه وبطلع
بخصوص نهاية القصة , انا كنت مثلج اكره شي بالوجود فلم او قصة نهايتهم تعيسة , بس الحين مادري ليش اذا الرواية ما مات فيها البطل او تعوق او اذا ما صارتله اي مصيبه شنو اتنرفز واقول هذي رواية يعني ! سخافه ومالها قصه وما أثرت فيني واقعد اتحلطم ههههه , لازم تصير النهاية درامية عشان استانس مادري ليش معني ماكنت جذي قبل !
يلا عيل اكمل باجر سي يو

 

[dream]

انزين يا حبيبتاي انتوا تتفقون على كتاب وتقرونه ولا شنو طريقتكم ..؟!

 

[0(مـــســـ(مطير)ــــــك)0]

قوه بنوتات شخباركم

انتم ليلحينكم عالروايااات ))))):

المهم امس اخوي جاب قصة ( ضحية رأي ) المؤلف كويتي .. تقريبا 120 صفحه .

بس شنو بنات ملييييييييييييييييييييييييييييييييييييييييييييييييييييييييييييغه اووووووووووووف زهقت وانا اقراها

بس قلت لازم اكملها اكيد في احداث والله خلصتها ومافي بالقصه كلها الا 5 احداث

1.. ناصر قبل بجامعة الكويت وتخصص اعلام

2 .. تناقش مع ربعه عن الحب وقال مافي شي اسمه حب .

3 .. حب وحده وخانته ..

4 .. اعتذر لأصدقائه على رفضه رايهم وانه ضد الحب

5 صار مشهور بليله وضحاها .. وقعد يكتب ارائه .. وماعجبت الناس .. وطقوه ومات .. وصار ضحية راي .

وبس..