رابطة "دودات الكتب " .. حياكم

[ناتشوو]

اي بنات اشرايكم ببنات الرياض ؟؟
.
على فكرة ترى انزلت الرواية بالانقلش هههه .. اسمها "girls of riyagh" .. ناقصين سمعة خايسة عند الاجانب ..شفتها بجرير الدمام .. صغيرة ولونها اسود ومنقطة بذهبي والكتبة فوشي .. بشي بشي والله حالة ..

توني ادري عن ترجمتها
بس بقول لكم
كل ديرة فيها الزين والشين والصح والغلط
اذا كاتب كويتي كتب قصة وفيها مدمن ولا سكير
مو معنى هذا واقع كل كويتي
انتو قوليلي لي قريتو قصة مصرية وفيها رقاصة ولا خمرة
هل حاطين ف بالكم مصر كلها جذي؟
حتى الدول برة يدرون بهالشي
مو شرط القصص ولاالمسلسلات تعكس واقع كل بيت كويتي
ولا اشرايكم؟

 

[][ الميـــــــار ][]

اي طقوسي بالقراءة لازم هدوء ما احب ليتات وايد ولا احب ابجورة بس ليت فوق راسي ولازم على فراشي ومتلحفة ما احب آكل او اسمع شي عشان اندمج عدل وبسسس :$

 

[][ الميـــــــار ][]

انا بعد بنات الرياض ما عجبتني ما فيها هدف كلش تكلمت عن رفيجاتها انزين وبعدين !!!
وايد خذت حقها الاعلامي اكثر من اللازم بس جني سمعت نزل لها كتاب يديد ؟ ولا يتراوالي

 

[ناتشوو]

شوفي قماشة العليان .. احلى شي عندها انثى العنكبوت .. قريت عيون على السماء لوووعة حتن رفيجتي لاعت جبدها وردتها .. والزوجة العذراء الوع والوع ومااتدش العقل ..عن وحدة جيكرة مايحبونها اهلها وماتصدق يخطبها واحد الا تتزوجه .. بعدين تلاحظ عليه شغلات عجيبة وانه ماقرب منها ولادخل عليها وحتن مارضى ينام معاها بغرفة وحدة .. بعدين تتطلق .. آخر شي يطلع ريلها بنت بس مسوية عملية وصارت ريال بعدين هونت وردت بنت وزارتها عقب ماسوت عملية وردت لعالم الاناث .. ههههههه والله اهيا جذي مايبت شي من مخباتي ..ههه

بصراحة قماشة العليان وخولة القزويني
مدري اشلون
مجتهدات لكن مو ممتعين ولا احرص اقرى لهم
ولا تطلعين بشي جديد

انثى العنكبوت
قاريتها من زمان
مو هي اللي ابوها كله معصب ويطقهم؟؟:eh_s(14):

 

[ناتشوو]

ليتل كوين
والله نفس شعوري انصدمت اصلا انه في بنات من عمري يقرون نفس نوعية الروايات الي اقراها
لوووول انا الوحيده بالعايله الي تقرا والكل يطالع هوايتي على انها ملاغه وسخافه
بس خالتي الوحيده الي مشجعتني

وسلمي على اممج واااااااااايد ياحليلها عكس امي
امي كل ماتشوفني ماسكه كتاب تقولي مالاعت جبدج من هالكتب لازم يحبطون :krkrkr:

تقريبا البيت كله يقرا بطريقة او باخرى
وبعدين انا القراءة عندي للمتعة
موشرط اقرا مجلدات ومقدمة بن خلدون ولا امهات الكتب
علشان اعتبر نفسي قارئة
الواحد يدور الشي اللي يحبه ويستمتع فيه ويقراه

 

[ناتشوو]

اشوف الكل الحين قاعد يتحجى عن طقوسه لما يقرا , انا بالنسبة لي ماعندي طقوس معينة , ما اشرب لا قهوة ولا جاي لاني مش تبع ال fan club , المهم يكون يمي بطلي الماي واتغطى بالكفر , لاازم اكون عالسرير , حتى لما ادرس لازم عالسرير ما اعترف بالطاولة والكرسي , اي ولما اقرا شي لازم حلجي يتحرك , علج ولا مكسرات المهم فيه اكل يمي والليتين اللي فوق سريري لازم يكونون مفتوحين, ماحب اقرا على ضوء الاباجورة .. اممم و بس thats it thats all

يعني شنو :
مش تبع ال fan club

مافهمت الكلمة

 

[ناتشوو]

شدرااني .. اول مرة اشوف مطلقة سوقها ماشي ههههه

لووووووووووووووووووووووول
حلوة ياجوجو
احب ذوات الدم الخفيف

 

[أميرة الحور]

حطيتوا رابطة دودات الكتب وشوقتوني ..... لكن

أنا ما أعرف للروايات كلش .... أحب أشوفها أفلام أحسن من اني اقرأها

الأخت ام مناف أنا من رابطتج >>>>>>>> خل نحط رابطة جديدة نسميها دودات الكتب الثقافية أو العلمية :ggdw:
أنا أحب مواضيع التنمية الذاتية وعلوم الطاقة الحيوية وفهم الكون
خليني أكتب كل الكتب اللي الحين جدامي
جدامي كتاب ( الشفاء الذاتي) ( مترجم لأندرو ويل )
وكتاب( طاقة الحياة) لغاي براون وتعريب أحمد العمري يتكلم عن طاقات الجسم البشري وطاقته في جميع حالاته لكن بصراحة حسيت بملل من قرائته للحين ما ركزت عليه

أما الكتاب اللي اعتبره خطيير صج وحاليا قاعدة أقرأه هو كتاب ( لا تطعن نفسك في ظهرك ) يتكلم عن أفكار أو تصرفات يسويها الإنسان ويظن إنها عادية وهي نوع من خداع النفس ويتضرر منها والمؤلفة لانها مراة ركزت على النساء
تأليف :د جوديث برايلز

اما الرواية اللي ممكن أكون قرأتها مع اني ما اعتبرتها رواية لكن مؤلفها اعتبرها رواية وهي راح تكون سلسلة منها
رواية ( على أبواب الملحمة ) للدكتور صلاح الراشد
إهديها لدودوات الكتب أصحاب الروايات :eh_s(6):

 

[*أم*خالد*]

أميره الحور حياج حبيبببتييييي

عجبني كتاب لاتطعن نفسك في ظهرك من وين شاريته ؟

 

[ناتشوو]

أميره الحور حياج حبيبببتييييي

عجبني كتاب لاتطعن نفسك في ظهرك من وين شاريته ؟

وانا بعد وياكم
:gathering:
شكله كتاب يشوق
ياليت لو تحطين صورة الغلاف
ودار النشر_03BA:
انا اقرا بكل المجالات دام كتاب يسوى وممتع
يغني اشاركم نفس الاهتمامات بعد

 

[Anastasia]

ها بنااات .. شلونكم مع تخسبق العيد ههههه ..
.
مابقى بيت مارحتله .. وناس ماشفتهم الا العيد اللي طاف .. يختي مادري ليش صرنا جذي .. يحلونا اول كل خميسين نيمع كل ابو العايلة ونقزقز لب هههههه ..
.
وااي مااقدر اقرى كتب عادية خير شر .. بس على قولتهم العمر قدامي وحلوة ايامي ..عسى الله يعطينا طولة العمر بالصلاح والطاعة ..

 

[Anastasia]

انا ماحب سوالف الطاقات والخرابيط هذي .. احسها علوم شركية ممكن تخدش العقيدة
.
احب سوالف .. الخريطة الذهنية .. كيف وكيف .. وهلم جرا .. وحلو الكتاب اللي قلتيه "كيف تطعن نفسك.." احس احنا بالذات الحريم نحتاجه ..لانه فعلا ساعات متعرفين شتفسرين تصرفاتج .. وليش قاعد تاذين نفسج بس منتي حاسة ..
.
بس طاقة وعقائد كوونفوشوية >>بالله شلون تنقري هذي ههههه .. ومريم نور وانتوني .. ماحب ..

 

[0(مـــســـ(مطير)ــــــك)0]

اميرة الحور ... نفسي انا مو مال روايات بس من البنات .. شكلي بشتري جم روايه .. خربوني هههههههههههه

عندي شكثر كتب من هالسوالف الطاقه .. اللي تحبها جوجو ههههههه

 

[Anastasia]

هههههههه اي اي اموووت عليها .. فديتج يابنت عمي ههههههه

 

[أميرة الحور]

ماشاء الله عليكم بنات طلعتم دودات فعلا هع هع
حياكم الله حبيباتي
بالنسبة للكتاب اللي ذكرته اشتريته من معرض الكتاب وتلقونه في العبيكان

~ j o j o ~ حبيبتي أحترم وجهة نظرج وهذا يدل على نوعية ومستوى الفكر الواعي اللي انا أتعامل معاه
وأسعدني فعلا كلامج
بالنسبة لعلوم الطاقة فيها وفيها وانا عندي نفس الحذر لكن اذا حسيت ان الأمر يمس العقيدة أو ارتبت فيها ابتعد عنه من غير ما أحرمه أو أحلله بس أقول إني جاهلة فيه والله العالم لكني بصراحة حاسة إن علوم الطاقة لها أفاق واسعة وما أقدر أربطها في ديانة معينة بدون علم
لأن البعض حرم أشياء بسبب إن ناس من ديانة معينة يسوونها وما عرف أصولها هل تنسب لدنهم أو لا
لكن مع هذا أنا ما أحرم ولا أحلل وأقول الله أعلم

هلا بالمطيريات شرايكم نسوي رابطة دودوات الكتب المطيريات هههههههه
مسك علميني شنو عندج من كتب وشنو الكتاب اللي قريتيه وما نسيتيه ؟

 

[Anastasia]

انا نفسج .. اهم شي يكون عندج مشخاله ذاتية >>هههههه
.
يعني الزين تاخذينه والشين تصفينه وتقطينه بحر ..فهمتي ..
.
يعني الحين الروايات هاللي نقراها مافيها افكار ليبرالية علمانية؟ .. واحيانا الحادية تكفيرية؟ .. وغااالبا غير اخلاقية وسياسية ..تخدش الحياء والاخلاق؟
.
لكن مثل ماقتلج الواحد لازم يكون عنده ديباجة دينية .. ووعي ووازع ديني .. لاشفت شي يتعارض مع اعتقاداتي .. يرن جرس الانذار عندي ..اعرف ..ان هذا مايناسبني فاطوفهاشوف اللي وراه ..
.
انا بس حبيت انبهج .. بس ماشاالله طلعتي مابدهااش هههههه .. ترى الدين مرن .. وسمح .. موكل شي يحرمه ..اهم شي انج تكونين عارفة الصح من الغلط .. كاهم اول شحلييلهم .. المسلمين الاوائل ..شلون وصلو لاعلى مراتب العلم اللي لدرجة ليييلحين الغرب يقتبسون منهم .. لانهم زهبو مشخالتهم الذاتية مثل مااحب اسميها .. واندفعو بالثقافات الخارجية ..الزين خذوه والشين قطوه ..
ولا الفلسفة والمنطق ترى اغلبه امور تتعارض مع العقيدة ..لكن مامنع ان يطلع عندنا فلاسفة مثل ابن خلدون وغيره وغيره ..
.
هههههه عجبتني رابطة دوادات الكتب المطيريات ..اي والله .. خن نسوي ..

 

[Anastasia]

اهوا التحريم اتى من ان الناس الجاهلة والعوام اللي ماعندهم ثقافة وذهنهم خالي وماانغرس فيهم الدين عدل ..ممكن يتاثرون بالعقائد الشركية ,,
.
لكن الحمدلله مانزكي روحنا على الله لكن ان شاالله ماعلينا خوف ...

 

[Anastasia]

بنااات ليش تحطون الرد وتغطووون ؟؟؟
.
نبي فرفشة نبي حركات بركات ..
.
انا وحدة مخلصة تسلم وتلملم .. ماخلينا بيت اليوم ما زرناه وسلمنا على اهله .. والحين تفرغت .. قمت اتلفت ماعندي شي اسويه مغير اقزقز لب ولبان ههههههه

 

[Betty]

اهلين بنات شلونكم شخباركم ؟
توني مخلصه روايه سعار مالت بثينه العيسى و الله ماتوقعت النهايه تكون هيك بس حلوه عجبتني
شنو مستجداتكم ؟

 

[Anastasia]

الــله ..
اسمها يشوق .. سعار ..

.
ها بتبت .. شسويتي بالعيد >>هههه اهم شي