خاص بأطفال التوحد

[wathoo7a]

ريحانة أهو يتكلم بس مو على عمرة
وحصيلتة الأجنبية أكثر بوايد من العربية
والدكتورة قالت يطلع منه وايد
وقالت دخلية مدارس عادية!!!!!!!!!!!

 

[najlaa]

ريحانة أهو يتكلم بس مو على عمرة
وحصيلتة الأجنبية أكثر بوايد من العربية
والدكتورة قالت يطلع منه وايد
وقالت دخلية مدارس عادية!!!!!!!!!!!

هلا اختي ممكن اعرف ولدج عمرة كام

 

[wathoo7a]

3ونصف

 

[ريحانة_14]

3ونصف

بركز انا على النصف وضوح :gathering:

وضوحه ما تودين فهودي حق أخصائي نطق وتواصل ؟؟

أفضل إن يكون التركيز يا إما على اللغه الأجنبية أو العربيه ( أمبيييييييي يايه أبي أكتب التركية مادري ليش لوووووول )

علشان لا يتشتت الولد وضوح

وإسم الله عليه مدام إنه عمره صغير ليلحين عيل راح يتعلم إستراتيجيات التخاطب والتواصل بشكل أسرع وايد

ياريت بس تعطيني فكرة وضوحه:33_1185028183:

 

[najlaa]

3ونصف

ربنا يخلية لج ودتية حق اخصائي نطق او تعديل سلوك عشان السن هذا التدخل فية بيجيب نتايج وايد حلوة
لا تتاخرين علي ولدج

اهو يدرس وين؟

 

[ENG.Nour]

واااي ودونا رحلة حقهم بالمدرسة وعليه يكسرون الخاطر بس يهبلون والحين صرت اعرف كل شي عنهم
والله حبيتهم ايننون وماشاالله عليهم يتعلمون بسرعه ومؤدبين واي فديتهم شحلاتهم الله يشفيهم
مشكورة حبيبتي عالمضوع الاكثر من رائع
والواحد لازم يقول الحمدلله
تحياتي
بنت امورة

 

[ريحانة_14]

واااي ودونا رحلة حقهم بالمدرسة وعليه يكسرون الخاطر بس يهبلون والحين صرت اعرف كل شي عنهم
والله حبيتهم ايننون وماشاالله عليهم يتعلمون بسرعه ومؤدبين واي فديتهم شحلاتهم الله يشفيهم
مشكورة حبيبتي عالمضوع الاكثر من رائع
والواحد لازم يقول الحمدلله
تحياتي
بنت امورة

مشكورة عالمرور بنوته أمورة .. ووين رحتي بالضبط ؟؟ السلوك التوحدي والا مركز التوحد ؟؟؟

قلبج يتعلق فيهم بسرعه ومستحيل تنسينهم بسهوله

كل واحد غير عن الثاني .. تحسين إنج تعرفين كل شي عنهم بس كل واحد عالم بروحه

إذا بتفهمين كل طفل توحدي بروحه لازم يكون قريب من قلبج علشان يوصلج إحساسه وبالتالي تقدرين تتواصلين معاه

سبحان الله ياربي .. كل طفل له قدره بشي معين .. صج رب العالمين ياخذ شي ويعطي شي

حياج الله حبيبتي وشرفتينا

 

[ENG.Nour]

انا رحت مركز التوحد

 

[ريحانة_14]

بالضبط .. هذا إللي كنت أشتغل فيه

وأفتخر إن خبرتي من مركز التوحد .. تعلمت منهم وايد

 

[shadona]

مو مركز التوحد اللي فيه الصبي مسكيين اللي زرط 16 حبة مغناطيس ولا درو عنه ؟ و حطوه بالجرايد و بتو الليل ؟!:eh_s(14):

 

[shadona]

و سؤال ثاني حبيبتي سامعين بال aba theraby ?

 

[ريحانة_14]

مو مركز التوحد اللي فيه الصبي مسكيين اللي زرط 16 حبة مغناطيس ولا درو عنه ؟ و حطوه بالجرايد و بتو الليل ؟!:eh_s(14):

إي هذا أهو

وهالولد أنا درسته كان ولدي 4 سنوات لما كان صغير كلش ..

وفعلا ماكان يحب يشوف أنشطة كاملة عنده .. كل نشاط نعطيه ياه بعد جم يوم نشوفه ناقص .. وبعد ما لاحظته وشفته شنو كان يسوي إتضح إنه كان ياخذ قطع من الأنشطة ويحذفهم من الدريشة .. هالكلام بالـ 2002

والحين هالولد بفترة بلوغ .. فاستجدت عنده سلوكيات بفترة البلوغ وصار يبلع قطع الأنشطة لأنه أيام قبل ماكان يبلع أي شي غير عادي ..

وبعدين حبوبة ما تقدرين تشرهين على المدرسين إللي معاه بالصف .. لازم تشرهين على الإدارة نفسها .. لأنهم من كمية الشغل إللي عطوه للمدرسين صار المدرس ما يدري هل يجابل الطلبة ويلاحظهم أو يلحق على الشغل المكتبي والإداري وشغل الأنشطة وترتيبهم

الرك على الإدارة مو على المدرسين .. الإدارة لها سلبيات كثيرة .. ولكن من إيجابياتها إننا تدربنا منهم على تدريب الطفل التوحدي على تحسين مهاراته

وللعلم فقط يا أختي

أنا طالعة من المركز من الـ 2006

وإتصلت على خالد عبدالجليل وصلحتله جم معلومة قالها

وشاكرتلج مرورج

 

[ريحانة_14]

و سؤال ثاني حبيبتي سامعين بال aba theraby ?

الــ ABA therapy تفيدج فيه الأخت سنع ومنع

بس على حسب كلامها إن يستخدمونه بره الكويت أكثر من الكويت .. مافي أخصائي محترف يستخدم الـ ABA therapy بالكويت باستمرار

 

[shadona]

إي هذا أهو

وهالولد أنا درسته كان ولدي 4 سنوات لما كان صغير كلش ..

وفعلا ماكان يحب يشوف أنشطة كاملة عنده .. كل نشاط نعطيه ياه بعد جم يوم نشوفه ناقص .. وبعد ما لاحظته وشفته شنو كان يسوي إتضح إنه كان ياخذ قطع من الأنشطة ويحذفهم من الدريشة .. هالكلام بالـ 2002

والحين هالولد بفترة بلوغ .. فاستجدت عنده سلوكيات بفترة البلوغ وصار يبلع قطع الأنشطة لأنه أيام قبل ماكان يبلع أي شي غير عادي ..

وبعدين حبوبة ما تقدرين تشرهين على المدرسين إللي معاه بالصف .. لازم تشرهين على الإدارة نفسها .. لأنهم من كمية الشغل إللي عطوه للمدرسين صار المدرس ما يدري هل يجابل الطلبة ويلاحظهم أو يلحق على الشغل المكتبي والإداري وشغل الأنشطة وترتيبهم

الرك على الإدارة مو على المدرسين .. الإدارة لها سلبيات كثيرة .. ولكن من إيجابياتها إننا تدربنا منهم على تدريب الطفل التوحدي على تحسين مهاراته

وللعلم فقط يا أختي

أنا طالعة من المركز من الـ 2006

وإتصلت على خالد عبدالجليل وصلحتله جم معلومة قالها

وشاكرتلج مرورج

هلا اختي والله ما طلعتي منه الا من رداه .. وا نا هالمعلومة يبتها من الاهل اللي لايعة جبدهم منه بس لا حول ولا قوة مساكين ..

يعني لا اولياء امور و لا اطباء كلهم يذمونه ! ولا تطور يصير حق عيالهم بالعكس تاخر لانهم يقلدون بعض !


وبعدين اذا الادارة فاشلة .. عيل شنو تترجين من المدرسين ؟! هل راح يشتغلون بحماس ؟ و الاهم بضميييير ؟!! اشك


و نصيييحة حبيبتي انتي معالجة شلون ما تعرفين عن ال aba theraby ? اللي صار له 10 سنين واكثر بره


يستخدمونه !و بين النتيجة الايجابية و تطور ملحوظ على اطفالهم ؟!


وعيالنا شنسوي فيهم ؟ ليش ما تقلدونهم ؟! لا تبتكرون بس قلدوووووووا الطرق الصحيحة لحل هالامراض الخبيثة اللي


قاعدة تزيد بشكل خيالي !!


يا ريت يكون في ورش عمل و تدريب مستمرر للاخصائيين و العاملين في مدارس الاحتياجات الخاصة بالدرجة الاولي على


هال aba theraby اجبااااااااري و لا ما يستاهلون اجر مدرس خاص و يروح مع اطفال عادين و يفتك !


من ثم توعية و تدريب اولياء الامور .. نبي احد متخصصص يفهم و يستوعب و يجيب على اسئلتنا و يخبرنا اخر التطورات

في هالمجال ! بدال ما نحتار و ندور كل شي بالنت غيرنا ما يقدر او ما يعرف اصلا !!! يضيعون خلاص !:0bee2e8d89:


عسى الله يعيينا و ياجرنا و يصبرنا و يشفي عيالنا اللهم ااامين

 

[ريحانة_14]

الله يصبر قلبج حبيبتي ويعينا ويعينج بعد ..

وصاجة أنا طلعت من ردى الإدارة الله يهديهم بس لكن شغلي مع الأطفال كان في قمة الروعة .. وايد ناس يحسبوني من ضغط الأطفال طلعت لكن بالعكس والله ..

هذي شغله .. أما الشغلة الثانية بخصوص الـ ABA therapy

إنتي شايفة بجامعة الكويت في تخصص توحد ؟؟
في تخصص علاج نطق وتخاطب ؟
في تخصص للدراسة يعلمنا كيفية العلاج بالسمع أو كيفية استخدام أي خطط للتواصل مع الأطفال ؟؟

هذي كلها ناخذها بدورات .. ولو في أي مكان يعلمنا ويأهلنا أكثر من مركز التوحد بشلون نتعامل مع أطفال التوحد بأكثر من تخصص راح نتعلم وننتج مع عيالنا ماراح نقصر إن شالله ..

شوفي الله يسلمج .. مدارس الإحتياجات الخاصة بالكويت قليلة حييييل .. وحتى مدارس التربية الخاصة بحولي اللــــــــــــــــه بالخير من ناحية التدريب إللي يدربونه حق الطلبة .. تقدرين تقولين عنهم رعاية وبس
والتوحد بالذات محتاج أخصائي بكذا شغله علشان ينجز مع الطفل مو بس معلم ..
ولو تقرين سيرتي الذاتية بأول الموضوع راح تشوفين إني كاتبة إني معلمة لإعاقة التوحد .. ومعالجة نفسية .. لكن مو معالجة للتوحد .. أحط خطط إيي .. أدرب أطفال توحد إيييي .. أساعد أمهات في كيفية تدريب أطفالهم على إللي يبونه .. لكن مو معالجة لمرض التوحد

إذا تبين أقدر أحطلج خطة تدريبية كاملة لتدريب ولدج أو بنتج الله يخليهم على 7 مهارات
وأعلمج شلون تدربينه خطوة بخطوة .. بس الموضوع مو كلام وبس .. يبيلة صبر وطولة بال وإرادة

إذا عندج استعداد حياج الله

 

[wathoo7a]

ريحانه شلوووونج
شخبارج؟؟؟؟؟؟؟؟؟؟؟؟؟؟؟؟
شنو هلغيبه الطويلة؟
ترا مسجج العيد وصل وعساج من العايديين الفايزيين بس أنا تلفوني يشكل مرة أقدر أدز ومرة يكتبلي retry ?
وأنا كنت بالشاليه حدي مشغووولة ما مداني أدق
سامحيني على القصور
شلونج وشلوون سارونه؟
قطعتي الموضوع مرة وحدة
عسى المانع خيير
وشصار على مشروعج وكتابج
ناطرة أخبارج

 

[ريحانة_14]

ريحانه شلوووونج
شخبارج؟؟؟؟؟؟؟؟؟؟؟؟؟؟؟؟
شنو هلغيبه الطويلة؟
ترا مسجج العيد وصل وعساج من العايديين الفايزيين بس أنا تلفوني يشكل مرة أقدر أدز ومرة يكتبلي retry ?
وأنا كنت بالشاليه حدي مشغووولة ما مداني أدق
سامحيني على القصور
شلونج وشلوون سارونه؟
قطعتي الموضوع مرة وحدة
عسى المانع خيير
وشصار على مشروعج وكتابج
ناطرة أخبارج

هلا وغلا بعد جبدي وضوحة .. تمونين ياعسل وصلت معايدتج أدري فيج راعية واجب ماتقصرين
كتابي إن شالله تعالى ماشية فيه
وسارونة إسم الله عليها هاااااده حيلي وصايرة أم لسانين .. تروح حق يدها وتحرك حواجبها ترفع حاجب وتنزل حاجب .. يقولها من معلمج ؟؟ تقوله أمي :eh_s(1):
بالله هذي حاله .. أدري عنها وعن دوابيرها أنا ؟؟؟

وساعات أقص على ريلي أقوله عالغدا شرايك بطباخي اليوم ؟؟ تقولي جدامه أصلا مو إنتي طابخة هذي سوسي وي يااااربي شسوي فيها مادري أم لسانين

المشروع إن شالله الجماعة أجلنا ييتهم لي شهر 6 الياي لأنهم كانوا ناوين يقعدون عندنا إسبوع فلو يوا بعطلة الربيع بياخذون نص العطلة وماراح نستانس فيها .. قلنالهم عاد تعالوا شهر 6 ... والله يستر لا يفنقش واحد منهم بسبة الحر لوووووووووووول

ومااااااااا من قصور ياعسل

قوليلي فهود شخباره ؟؟؟؟ رحتي شريتيله ألعاب ؟؟؟؟

وسويتيله تقييم عليهم ؟؟؟؟

 

[wathoo7a]

يحلو ساروونه الله يحفظها
وفهوود مابقى لعبة ما شريتها له
بس مااااااااااااااااااااايقعد إسم الله عليه
ويحذفهم بويهي
بس اللغة عنده تحسنت ولله الحمد
وشنو تقييمه قصدج؟

 

[ريحانة_14]

قصدي إنج توضحينله طريقة اللعبه مثل ما علمتج .. يعني إذا لعبتج كانت مثل لعبة سنوعه توضحين طريقة اللعب فيها .. يعني يا إما تحطينله دليل بصري وتسوينها على مراحل .. تبسطينها له

وبعدين تقعدين معاه تعطينه اللعبه وتلاحظين بس شنو يسوي فيها .. تقييم .. من غير ماتساعدينه فيها .. إذا كان له متقبلها وقاعد يحاول يلعب فيها معناته إنج تقدرين تستمرين معاه بهالنشاط بس همتج مع تبسيط اللعبه حقه

أو يحذف الألعاب لعدة أسباب :

يا إما مايعرف يلعب فيها أصلا ومو فاهمها
أو إهيا مملة بالنسبة له
أو إنها أكبر من قدراته
أو في مشتتات ثانيه بالغرفة تجذبه علشان جذي أهو مو صوب اللعبه ( روايح مثلا / ألوان / أصوات )

عرفتي وضوح ؟؟

إذا تبين دقي علي وأعلمج بالتفصيل حياتي إنتي

 

[wathoo7a]

ماقصرتي خووووووووووووووووووووشششششششششش معلومات
بحاول أراجع طريقتي وياه وأعطيج خبر