شنو و متى اوكل ولدي/ بنتي ؟ تم دمج جميع استفساراتكم هنا

[العطر 87]

رد: امهات شنو تعطون عيالكم عشا غير شوربه خضار

انابنتي بتكمل سنه بس ما عودتها على الاكل حيل والحين مجننتني ماترضى تاكل ودي اعرف شنو المفيد اني اعطيها

 

["عيون الملاك"]

رد: امهات شنو تعطون عيالكم عشا غير شوربه خضار

انا ولدي عمره 6شهور وسلق له تفاحه مع 4 تمرات بعدن اهرسهم وعطيه اياه احس انه حبه

 

[SweeTa_4ever]

رد: امهات شنو تعطون عيالكم عشا غير شوربه خضار

ولدي كبر ولدج العشااا ياا بسكوووت فارليز او روب دانوو الاطفال او سيريلاك ما اكثر على بليل عشان ماينام مغثوث وساعات بس حليب وسوالف خضار وعيش وعدل ودياي على الغداا ما اعطي عشاا ثقيل

 

[hneen2]

رد: امهات شنو تعطون عيالكم عشا غير شوربه خضار

انزين حبيايبي تعطون عيالكم صفار بيض ذاك اليوم الدكتور قال عطي صفار بيض شرايكم انتوا تروالي يغص من البيض يامد شوي عليه

 

[SweeTa_4ever]

رد: امهات شنو تعطون عيالكم عشا غير شوربه خضار

انزين حبيايبي تعطون عيالكم صفار بيض ذاك اليوم الدكتور قال عطي صفار بيض شرايكم انتوا تروالي يغص من البيض يامد شوي عليه

انا احط جبن كيري مع صفار البيض يصير ليين

 

[hneen2]

رد: امهات شنو تعطون عيالكم عشا غير شوربه خضار

صج والله
خل اجرب باجر اخلطله جبن كيري مع البيض مشكوره علي المعلومه حبيبتي بعد عطوني اكلات حق البييات

 

["عيون الملاك"]

رد: امهات شنو تعطون عيالكم عشا غير شوربه خضار

كم وجبه تعطون اعيالكم في اليوم

 

[LA TROO7]

رد: امهات شنو تعطون عيالكم عشا غير شوربه خضار

انا سيريلاك مرة ومرة خضار والباقي حليب ووودي اغير بس موووعارفه

والصفار مع الجبن بجربه ان شاءالله

 

[كوكا كولا زيرو]

رد: امهات شنو تعطون عيالكم عشا غير شوربه خضار

كنت اعطي بننتي من عمرها 6 شهور الريوق بسكوت مع جاي وبعدين اعطيها تفاح والظهر اخلط لها جزر مع كوسه وبطاط وسويه عيش واعطبها ماب تنام عقبها واول ما تقعد اعطيها سيريلاك او فاكهة موز او تفاح وبالليل اعطيها جبن مع بيض او معكرونه الينها معاها جزر

وشويه علشان ما تنام وهي مغثوثه وراها حليب وبعض الساعات احطلها عصير المغرب

 

[بعثرة محبره]

رد: امهات شنو تعطون عيالكم عشا غير شوربه خضار

انا اغديها عيش مع زبادي

والمغرب سيرلاك

والعشاء بطاط وجزر مسلوق مع زبادي...

هذا نظامها يوميآ

ودي اعطيها شي جديد ..

 

[الريشة]

رد: امهات شنو تعطون عيالكم عشا غير شوربه خضار

تقريباً الطفل بهالعمر لازم ياكل 3 مرات و يشرب 3 مرات حليب
بالعشاء ممكن تسوين:
* عيش مع مرق خضار أو خضار مسلوقة.
* شوربة عدس مع خضار.
* بيض مع سيريلاك
* توست و قيمر و مربى
* معكرونة مع خضار و باشاميل
* هريس أو جريش
* بلاليط و بيض
* بطاط بالكريمة
ممكن تطحين هالأكل بالخلاط

 

[الاستاذة]

رد: امهات شنو تعطون عيالكم عشا غير شوربه خضار

عطيه نفس اكلكم بس خلطيه

وبالعشا انا ساعات اسوي عيش وافوكادو او عيش مع حليب او هريس او يريش الموجود

 

[hneen2]

رد: امهات شنو تعطون عيالكم عشا غير شوربه خضار

تسلمون ياقلبي بس تصدقون هذيك المره وكلته توست بالحليب قام يغاصص حسيت موقادر عليه فمن جذي ماني قادره انوعله اخاف يغص ولا تهقون احاول وياه شوي شوي علشان يتعود

 

[عبق البنفسج]

رد: امهات شنو تعطون عيالكم عشا غير شوربه خضار

أي شي يخطر على بالج حطيه بالخلاط وعطيه .. ولا تهرسين الأكل وايد خليه شوية حب عشان يتعود
وبقولج على أكلات أسويها

1- هرسي موزة وعصري عليها عصير برتقالة
2- فوحي عيش وجزر وبطاط وشوية ملح وعقب ماتفوحينهم حطيهم بالخلاط
3- حطي عيش مطبوخ جاهز بالخلاط مع أي شوربة عندج
4- سلقي شوية دياي وجزر وبطاط وشوية بزاليا وعيش وشبنت وشوية ملح .. وعقب حطيهم بالخلاط
5- فوحي بيضة وهرسيها عدل وعطيها .. وتقدرين تخلطين مع البيضة شوية عسل
6- بيض مخلوط
7- شوربة عدس
8- محلبية
9 كستر
10- نقعي ثلاث قفاش كبيرة شوفان بكوب ماي لمدة ساعة ونص وعقب حطي عليه قفشتين كبار الحليب الي تستخدمينه حق ولدج وحطي عالنار لي يتماسك
11- فوحي كوسا وبطاط وعيش وجزر وقرع وتقدرين تحطين شكر بدال الملح عشان يتعود على الشكر بعد .. وعقب حطيهم بالخلاط
12- حطي مجموعة فواكة بالخلاط وزيدي عليهم عصير برتقال وخلطيهم
13- حطي مجموعة خضار بالخلاط وزيدي عليهم شوربة ماجي بالدجاج أو أي نوع ثاني
14- فوحي معكرونية لحد ماتحسين انها ذابت وعقب هرسيها بالشوكة وحطي عليها شوية كاتشب
15- هرسيله طماط وحطي فيه شوية شوفان
16-قصقصي خبز مكعبات صغيرة حيل وزيدي عليهم شاي بس لا تسوينه ثقيل "الماء الحار تحطي فيه الشاي وبسرعة طلعيه يعني أول ماتحسين ان لون الماء بدا يقلب طلعيه وحطي شوية شكر" هالأكلة وايد يحبونها بناتي لما كانو صغار
17- هرسي أفوكادو وعطيه
18- فوحي تفاحة وعقب هرسيها
19- فوحي تفاحة ومعاها خوخ وعقب هرسيهم

 

[برميتا]

رد: امهات شنو تعطون عيالكم عشا غير شوربه خضار

الهريس وايد مفيد للبيبي
شوربات (شوربة عدس وحطي معاها نتفة كمون عشان الغازات-شوربة بطاط وقرع وجزر وكويكر)
عيش وروب
بطاط وروب
بيض سويه مع حليب عشان يقدر يبلعه مايصير ناشف
موز وأفوكادو هرسيهم مع بعض وتقدرين تضيفين معاهم شوية حليب

 

[hneen2]

رد: امهات شنو تعطون عيالكم عشا غير شوربه خضار

فديدكم ياقلبي والله ماقصرتوا مشكوره عبق البنفسج كل يوم بطبق شي والله عطيتيني خوووش افكار والله

 

[redfrawlah]

رد: امهات شنو تعطون عيالكم عشا غير شوربه خضار

مشكووورة يعطيج العافيه

 

[ام عمار]

رد: امهات شنو تعطون عيالكم عشا غير شوربه خضار

اكليه موز وتفاح مفيدين وايد للأطفال
وشوربة خضار
ممكن جزر مهروس
صفار البيضة (لا تأكلبه البياض الا بعد السنة)
ولا تأكليه بقوليات الا بعد السنة
ولا العسل الا بعد سنة
ممكن تأكليه عيش

 

[hneen2]

رد: امهات شنو تعطون عيالكم عشا غير شوربه خضار

مشكوره ام عمار حبيبتي بس غريبه هذيك المره الدكتور قال عطي بيض لان ولدج 9 شهور ويحتاج بروتين مادري والله وعطيته مادري تهقين يأثر

 

[nazek_q8]

رد: امهات شنو تعطون عيالكم عشا غير شوربه خضار

البيض بس الصفار لاقل من عمر السنه لا توكلونه البياض ديروبالكم

ابي اعرف متى نوكله لحم وشلون اطبخه يعني بس فوح ابي اكلات فيها لحوم