ملفي للسلطات المبتكرة والسندويشات المميزة ...

[ssun2]

يسلموووووووووووووووا الايادي والله .عجبتني سلطه روبيان .شكرا دمتي لنا.

 

[جوري وبنفسج]

السلام عليكم

شلونكم يا أحلى كويتيات ... وشلون البرد معاكم ههههه

أنا البرد فتح شهيتي على الآخر وخرب الرجيم لووول

المهم صار لي أسبوع غايصة بالنت وأدور بالمواقع الأجنبية عن فناتق طبخ وطحت لكم على شغلات دمار ههه وطبعاً نسختها كلها وقعدت أترجمها وأغير فيها وأضيف لمساتي

عاد أقولكم هههه المهم قررت اليوم أجرب نوع منهم لأني بصراحة ما أقاوم الباذنجان وشفت وصفة تشوق من صورتها مبينة لذيذة فقلت خل أطبقها حق غداي اليوم وأقيمها طلعت تجننننن أستمتعت فيها لآخر لقمة

والوصفة إهداء مني لمحبين الباذنجان

* لفائف الباذنجان بالجبن وصلصة الطماط الحارة *


باذنجان يقطع شرايح بالطول ويدهن بزيت الزيتون ويشوى بالشواية


والحين نجي لصلصة الطماط الحارة نحتاج =

فص ثوم مهروس + فلفل مجروش + طماط مقشر ومفروم + شوية كتشب ( تقريباً قفشة صغيرة ) و شوية معجون الطماط المجفف ( أختياري ) وشوية ملح ( أنا حطيت ملح بالثوم )

نحط في المقلاة زيت زيتون ونحمس الثوم مع الفلفل المجروش لحد ما يصير لون الثوم ذهبي بعدها نضيف باقي المكونات ونخليه يطبخ لين يتشرب ماي الطماط ويصير صلصة متماسكة وهذا الشكل النهائي للصلصة



والحين نجي لمكونات الحشوة

نحتاج إلى جبن فيتا


جبن بارميزون


التتبيلة الإيطالية


شوية نعناع مجفف


نحتاج لريحان وبقدونس


نهرس جبن الفيتا بالشوكة (أنا أضفت لها شوية لبنة حتى يتماسك الخليط ) ونفرم أوراق الريحان ونخلط كل المكونات ( ما عدا البقدونس نخليه للتزيين النهائي )



والحين نجيب شريحة الباذنجان ونحط فيها الحشوة ونلفها وحطها بصحن التقديم ولما نخلص من لفائف الباذنجان نصب فوقها الصلصة ونرش فوقها البقدونس المفروم وشوية صنوبر محمص وهذا الشكل النهائي




وأن شاء الله تعجبكم وصحتين على قلبكم ​

 

[أم حسون]

توني اطيح على هالموضوع ماشالله فناتتتتتتتتتتتك شغلج يهبل يعطيج العافيه

 

[جوري وبنفسج]

السلام عليكم

حياج الله الغالية أم حسون نورتي موضوعي :hjy5jewf:

وأبشري بالمزيد من الفناتق _03BA:​

 

[مغيب الشمس]

تسلم ايدج علي الاكلات الاكثر من روعه

 

[جوري وبنفسج]

السلام عليكم

الغالية مغيب الشمس تسلمين يا قلبي ومرورج هو الأروع :hjy5jewf:​

 

[الصامتة]

اللة يعطيج العافية

 

[الصامتة]

يعطيج العافية

 

[اسراء205]

اختي عز الاسلام

جربت اطباقج عجيبه مشكوره وتسلم ايدج

اللهم انصر اخواننا في غزه وحسبي الله ونعم الوكيل

 

[أم حسون]

ننطر المزيد من الفناتك

 

[صدى الأفراح]

مممممممممممم الله لايحرمنا منك ما اروعك ربي يسعدك دنيا واخره بدي تعملي شي بالنقانق يكون للعشا او للفطور سجلي عندك الطلب
هههههههههههههه حرام عليكي اطباق دسمه؟؟؟؟؟؟؟؟ شوفي انا صارلي 3 ايام بستخدم قاطع الشهيه زين الأتات ولو تحطي ادامي شو ماتحطي مارح أكوووووووووووول مشااااااااان الله اتركيني أنزل شوي من وزني حرام عليكي عكل حاااااااااااال اعملي المهم عيوني تشبع من وصفاتك كأني أكلت أمري ل الله :krkrkr::krkrkr::krkrkr:

 

[ام علووي]

ما شاءالله لا قوة الا بالله.........الله يعطيج الصحة والعافية

 

[جوري وبنفسج]

السلام عليكم

صباح الفل والجوري وأغلى أنواع البخور لأحلى كويتيات

شلونكم مع البرد هههههه أكيد نفسي الشهية مفتوحة :krkrkr:

هو في شئ أحلى من الأكل وخصوصاً بالبرد نصيحة أكلوا اللي بخاطركم وأحرقوه بالمشي


الغالية الصامتة يعافيج يا قلبي وتسلمين على المرور الحلو :hjy5jewf:

الغالية اسراء205 تسلمين يا قلبي وجعلها مداخيل العافية وترقبي المزيد من الأطباق الفنتوقية :hjy5jewf:واللهم آمين ينصر أخواننا في غزة :yaaaaaarb:

الغالية أم حسون تسلمين يا قلبي :hjy5jewf: وأبشري بالمزيد من الأطباق الفنوقية بإذن الله على آخر الأسبوع بحط طبق يجنن لمحبين الروبيان


حبيبتي الغالية صدى الأفراح ربي ما يحرمني من طلتج الحلوة يا عسل :hjy5jewf: هههه وبالنسبة للنقانق أبشري راح أدور لج وصفة فنوقية لعيونج الحلوة . والله يعينج على الرجيم أنا عن نفسي مآخذة إجازة من الرجيم وماراح أعمل رجيم إلى الصيف لأن البرد يحب الأكل _03BA: شوفي لا تحرمي حالك من الأكل متعي عمرك بس قللي الكمية وكلي الفطور والغدا بس خلي عشاك كوب حليب وأعملي رياضة وأحلى شيء المشي :ada:

الغالية ام علووي تسلمين يا قلبي على مرورج الحلو :hjy5jewf: والله يعافيج يا قلبي وأبشري بالمزيد من الأطباق _03BA:​

 

[فوق الخيال]

يعطيج العافية عز الأسلام ماعليج أمر أبي طريقة سلطة الفته

 

[جوري وبنفسج]

السلام عليكم

والحين موعدنا مع طبق جديد حلو ويصلح طبق جانبي مع الستيك أو الدجاج المشوي

* بيبي بوتيتو بمايونز الثوم والأعشاب *

هذا الطبق أخذته من موقع أجنبي وغيرت فيه شوي هم حاطين روزماري بس أنا ما كان عندي فأستبدلته بالأعشاب الأيطالية

نحتاج إلى بطاط صغار( واذا ما عندك ممكن تحطين بداله بطاطا كبيرة بس تقعينها إلى قطع متوسطة )


ليمون نقطعه أرباع وثوم نخليه بقشره


تتبيلة الأعشاب الأيطالية


ملح بالثوم


نقشر بالبطاط ونضيف له الثوم بقشوره والليمون والأعشاب الإيطالية وزيت زيتون ونحطه بفرن درجة حرارته 200 لمدة 50 دقيقة . وبنص الدة (25 دقيقة ) نطلع الثوم واليمون . ونزيل قشرة الثوم ونضيفه على مايونز ونخلطه بالخلاط .

وأذا أستوى البطاط نطلعه من الفرن ونضيف له المايونيز بالثوم وهذا الشكل النهائي


وأتمى أن يعجبكم الطبق وصحتين على قلبكم :hjy5jewf:
​

 

[جوري وبنفسج]

يعطيج العافية عز الأسلام ماعليج أمر أبي طريقة سلطة الفته

الغالية فوق الخيال يعافيج يا قلبي

بصراحة أحلى طبق فتة جربت وصفته لأختنا الغالية والمميزة ريمه الكويت موجود على الرابط التالي
http://q8yat.net/showthread.php?t=66629

​

 

[صدى الأفراح]

ممممممممممممممممممم شو بتشهي وبتدفي مممممممممم رح اعملها ورح اكووووووووووووووووول منها مممم ربي يحميكي

 

[roz22]

السلام عليكم
تسلم ايدج اكلات روعة روعة روعة
الله جزاك الفالفالف الف خير

 

[أم حسون]

سهل وشكله يشوووق تسلم الايادي

 

[ام سلومd]

اشلونج اختي عز الاسلام ماعليج امر ممكن اعرف وين القى الصلصات و البهارات مثل الاعشاب الايطالية رحت مركزسلطان شويخ مالقيتة و مشكورة خوش سلطات انشاء الله راح اجرب وحدة باجر و اقولج النتيجة