هل لديكم طفل يعاني من التوحد- خلونا نتجمع

[amamr]

السلام عليكم ورحمة الله وبركاته
ممكن الاخت سنع منع تقولنا وين علاج الاكسجين بلسعودية -باي مشفى -

 

[داون سندروم]

يستاهلون أمهات التوحد هالخبر هدية مني
مركز التوحد افتتح باب التسجيل في موسمه الثقافي السنوي






اعلنت موجهة البرامج بمركز الكويت للتوحد خزنة الحضرمي عن فتح باب التسجيل في الموسم الثقافي السنوي الذي يقيمه المركز بالتعاون مع جامعة كولومبيا ومكتب هيئة الامم المتحدة.

واشارت الحضرمي في تصريح تلقته «الوطن» ان الموسم يتضمن العديد من الانشطة والبرامج التي من اهمها ورشة عمل حول اعاقة التوحد وتتكون من ثلاثة مستويات، منوهة بان المستوى الاول يستعرض فهم التوحد من منظور سلوكي والثاني حول كيفية تحليل السلوك وصعوبات الجداول (abc) وتطوير الخطط الايجابية.

اما المستوى الثالث فيتعلق بالتدخل السلوكي الايجابي للتوحد.

واوضحت الحضرمي اننا نهدف من خلال هذه الورشة الى نشر التوعية بالمجتمع وتدريب المختصين في هذه الاعاقة لافتة الى ان من يرغب في التسجيل ولمعرفة المزيد من التفاصيل مراجعة مقر المركز.




تاريخ النشر 01/02/2009

 

[سنع ومنع]

السلام عليكم ورحمة الله وبركاته
ممكن الاخت سنع منع تقولنا وين علاج الاكسجين بلسعودية -باي مشفى -

ولا يهمج يالغالية اسأل الدكتور الهندي بايميل وبس يرد علي اكتب لج التفاصيل

 

[Emanova]

السلام عليكم يا حلوات

اشلونكم و اشلون اعيالكم ان شاء الله كلكم بخير و عافيه ....حمودي عنده اجاوه نص السنه و الاخ طاقه جبده ما ينلام الصراحه

 

[كنوز78]

السلام عليكم
انا حسيت بان طفلي مختلف عندما بدأ الحبو ,كان له القدره على الحبو بشكل دائري يمين و يسار وعندما بدأ يمشي أخذ يمشي بخط مستقيم رايح جاي ,ولا كان يستطيع الاشارة باصبعة الي الشي الذي يريدهو لم يكن له القدره على منادات أحد أو أحد المناغاة الطبيعية .كان يحب تصنيف الاشياء و صفالاشياء بخط مستقيم .....والان عبودي تغير ... كيف؟ للقصة بداية

 

[سنع ومنع]

السلام عليكم
انا حسيت بان طفلي مختلف عندما بدأ الحبو ,كان له القدره على الحبو بشكل دائري يمين و يسار وعندما بدأ يمشي أخذ يمشي بخط مستقيم رايح جاي ,ولا كان يستطيع الاشارة باصبعة الي الشي الذي يريدهو لم يكن له القدره على منادات أحد أو أحد المناغاة الطبيعية .كان يحب تصنيف الاشياء و صفالاشياء بخط مستقيم .....والان عبودي تغير ... كيف؟ للقصة بداية

يسلمج كملي حدي ناااااااااطرتج ...

 

[wathoo7a]

شلونكم بنات
شلوون عيالكم
قاعده أشووف وايد بنات قاعدين يتفاعلون مع الموضوع
وهذا شي يفرح ووايد يفيدنا
متابعه كل اللي كتبتوه وجزاكم الله خير جميعا
ناني و إيمان وسنوعه
لكم وحشششه

 

[Emanova]

شلونكم بنات
شلوون عيالكم
قاعده أشووف وايد بنات قاعدين يتفاعلون مع الموضوع
وهذا شي يفرح ووايد يفيدنا
متابعه كل اللي كتبتوه وجزاكم الله خير جميعا
ناني و إيمان وسنوعه
لكم وحشششه

ما تشوفيش وحش يا حبيبتي

والله انا اللي ولهانه عليكم خل يبلش الدوام و نتيمع

 

[ايمانو حلوة]

قوة بناااااااااات حبيت اضيف مشاركة

انا عندي بنت خالتي فيها توحد عمرها الحين 9 سنوات واحنا اكتشفنا ان فيها التوحد من وهي صغيرة بس خالتي كانت تكابر لان بنتها ووحيدتها وتقص على نفسها ان بنتها مافيها شي مع ان اللي فيها وااااااااضح اتسوي حركات غريبة ابايدها وماتتكلم كلامها غريب يعني جم كلمة بس اسم امها وابوها واسامينا واذا احد تكلم تلقط الكلام وماتدري اشقاعدة تقول تخيلوا توها الحين صار لها 3سنوات اموديتها مدرسة خليفة اللي بالسالمية وليلحين مافي تقدم احس هذي اهي وماتنلام خالتي مالحقت على بنتها المفروض من وهي صغيرة يعني اهي الحين عمرها 9 سنوات بس عقلها عقل 4 سنوات ومارضت اتوديها مدرسة كلللللللللللللللللش تقول انا عندي بنتي تقعد بالبيت ولا اوديها وقولون عن بنتي مينونة كانت دايما اتفكر ان بنتها مافيها شي وتقول الياهل اللي يمشي امبجر يتكلم متأخر وتقول مافيها شي اهي بس فيها دلع وتخيلوا ودتها روضة العادية ماكانت تستوعب شي وحركية بعد تدرون حالتها تختلف بس الله اسامح امها وطبعا كانت يوم تروح و10لأ وتقولنا ايييي اهي تروح وتشارك وكل شي مع ان الحقيقة غير جذي ابدا ماكانت تروح لان حالتها تختلف عن باقي الاطفال اللي معاها وبعد الروضة حولوها مدرسة حكومية عادية وهم ودتها المدرسة ونفس الشي ماداوم ومالابلات اشكره قالوا احنا مانعرف لها هذي حالة خاصة بس الله اسامح خالتي اللي ضيعت هالمسكينة ولا لو املحقة عليها من وهي صغيرة جان حالها حال اليهال العاديين والله قاعدة اشوف اطفال توحد اسم الله عليهم الله اخليهم لهلهم وخليلكم عيالكم يارب يتكلمون ويفهمون ويستوعبون عكس بنت خالتي وامي اهي اللي سعت لها وبعد حنننننننننننننة مالها اول من آخر الي قررت اللجنة ان اودونها مدرسة خليفة وقمنا نقرالها مقالات وكتب عشان تستفيد وبيني وبينكم احس اذن من طيبن واذن من عجين وهذي بنت خالتي الحين احس اشوي احسن من قبل وانشالله اتصير احسن

وسوري طولت عليكم بس حبيت اضيف هالتجربة ويارب الله ابلغكم بعيالكم

 

[ناني سيكرتس]

السلام عليكم يا حلوات

اشلونكم و اشلون اعيالكم ان شاء الله كلكم بخير و عافيه ....حمودي عنده اجاوه نص السنه و الاخ طاقه جبده ما ينلام الصراحه

امون اشلون وشخبارج, ولهنا عليج, اشلونج مع الحمال..؟

 

[ناني سيكرتس]

شلونكم بنات
شلوون عيالكم
قاعده أشووف وايد بنات قاعدين يتفاعلون مع الموضوع
وهذا شي يفرح ووايد يفيدنا
متابعه كل اللي كتبتوه وجزاكم الله خير جميعا
ناني و إيمان وسنوعه
لكم وحشششه

وضوح اشلونج وشخبارج, لج وحشه والله كبيره..؟

 

[ناني سيكرتس]

سنوعه ياعمري اشلونج, واشلن احمداني وشنو اخر التطورات الي صارت له ..؟

 

[ناني سيكرتس]

بقولكم اخر التطورات الي صارت ليوسف..
رحنا حق الدكتوره عبير وكانت مستانسه من التغيير الي حصل ليسوفي, تخيوا كل شي تمام وياه بس ليما الحين ما يستوعب بعض الاسئله, سالتها لي متى بياخذ هالفيتامينات جان تقولي لمدة سنتين..
المهم سالتها ولدي شنو في تشخيصه بالضبط..؟ ردت علي والله ليما الحين انا مستغربه ولدج من اي فئه, بس قالتلي بطرشج عند الدكتوره ليلى اشكناني بمركز الوراثه وخليها تسويله تحليل كروموسومات عشان نشوف اشفيه بالضبط, لان ولدج حالته تحير..
قالتلي يمكن فيه شي اسمه ماني عارفته بالضبط بس جنه فراجو اكس ساندروم او شي جذيه.. تعرفون شنو اهو بالضبط واذا في معلومات عن هالشي..؟

 

[Emanova]

امون اشلون وشخبارج, ولهنا عليج, اشلونج مع الحمال..؟

انا الحمدالله ... بس تعبانه من سكر الحمل و ابر الانسولين الله لا يوري احد

... خوش ابشاره عن يسافي ...بس صار لج سنه تراجعين عندها ليش من اول ما فكرت بالتحليل ؟!؟!؟

و انتي لما سويتي للمحلس الاعلى اختبار الوراثه ما قالوا لج شيء ؟

لان صديقتي سوت حق ولدها علشان المجلس جان يطلبون منها و من الابو تحاليل

 

[سنع ومنع]

وضوحة : لج وحشششششة أنت بعد ..
ناني : آخر تطورات حمود ان مستخف وقاااااعد من الشطانة .. الحمدلله الeye contact أحسن من أول بوايد .. استجابته للأوامر أفضل .. بس الكلام :lkmnkl::eh_s(11): مو راضي يتطور .. الله كريم إن شاء الله
استانست وايد لما قريت عن يسافي حبيبي الله يطمن قلبج عليه يا رب ..

 

[Miss_Hopless]

مرحبا بنات اشلونكم شخباركم؟؟
حبيت اقولكم اني ضبطت كل شغلي حق سفره الهند وان شاء الله 22-2 راح نطير ولما نرجع راح اقولكم عن رحلتي
ادعولنا بنات

 

[amamr]

السلام عليكم ورحمة الله وبركاته
موفقة اختي وبانتظار عودتك سالمة غانمة

 

[سنع ومنع]

حبيبتي miss hopeless قلوبنا معاج .. الله يوفقج وييسر أمرج ..
وأول شي تسويينه لما ترجعين تغيريين اسمج

 

[سنع ومنع]

الا بنات أم عبودي اللي تغير وكانت بتقول لنا قصة لا حس ولا خير :bbbiu:
نبي نعرف القصة :eh_s(10):

 

[AusSi_Girl]

سلام عليكم
شلونكم ؟ ؟
صج ما تتصورون كثر احترامي وتقديري للأمهات اللي عندهم طفل احتياجات خاصه وخصوصا التوحد
لأن اخووي الصغير فييه توحد واشوف كل يوم امي تعاني وياه ومتحمله شطانته :tomato2:
وايد شيطان بس صج لمن يروح مدرسة أو نادي صج مكاااانه فاضي نحس فيه بالبيت ههههههههه:eh_s(6):
بس ما تحسون ان ماكو توعية بخصوص التوحد وخصوصا عندنا بالكويت؟؟ يعني مادري احس وايد ناس ليلحين مايعرفون التوحد شنو يعني ولا انا بس احس جذي ؟
انشالله ماثقلت عليكم والله يخليلكم عيالكم وانشالله كل اللي فيهم توحد يتطورون للأفضل ..
تقبلوو مروري اخواتي