ديوانية بيت العمر

[اخت فروحه]

الله يسلمكم حبايبي والشر ما يجيكم ان شاء الله


شيوخة : انا 3 ادوار وسرداب وبالنسة للياقة شغلة وايد حلو بس بطيئ جدا لان العمال مالوته مو كل يوم يجون وسعره بزيادة شوي بس بالاخير يقولج انا خسران وعطوني زود بس للامانه شغله حلو


نونو : والله ما عندي فكرة ليما الحين ما وصلت لهالمرحلة


بنتي تبجي اكمل بعدين

 

[اخت فروحه]

نونو أذا عندخ كتالوج بلاتفورم الغانم شفتوا فى صورة الباب هوواحد ماااكو غيرة أخترتة لأبواب غرف النوم هو لونة أبيض قلت للنجار علية قالى اسوية ب 80 دينار عادى سعرة بكم
سويتوا ابوابكم الداخلية؟

سنعة

انا خذيت ابواب الغانم والفحام تقريبا الباب بشي وتسعين وعند حسن ابل اكثر بفرق بسيط

بس اذا نجار يتراوالي المفروض ارخص لان الابواب اللي قلت عنهم لها مواصفات خاصة من حيث مناعتها لماي والصوت واشياء اشكثر مو ذاكرتها بس الدور الثالث مال الاجار سويته نجارة عند واحد ووايد يمدحون شغله ارخص من 80 بس مو ذاكرة بالضبط

 

[عمار يا كويت]

:yaaaaaarb:ما تشوفون شر اخت فروحة وان شاالله تطلعون بالسلامة

 

[سنعه ومنعه]

أخت فرووحة اشلون بنيتج انشاللة بخير

أنا أخاف النجار غالبنى الباب قالى ب 80 بس قاللى شغل مخصوص مو عادى ومن ثقلة ما ينشال وخربط على وايد قلت سويلى واحد وبشوف وبعدين قال بيحط صبغ نارى ينمسح ويتظف وخصوصن انى غااامرت وبحط أبواب الغرف لونها أبيض أبى أغير عن البنى والمحروق وااللة يستر

 

[سنعه ومنعه]

وين الغانم والفحام ؟~ بروح أقارن

 

[سنعه ومنعه]

بقولكم يبت مهندسة ديكور بتسوى البيت ومشتطططة

ورايحة لغرف النوم وبتسوى المعيشة أهى تشتغل بمحل اسمة استقبال

قلت لها فيج حييل ركزى على الاستقبال من ألىى ديكور وارضيات وصبغ وغنفات وستاير وخصوصا يطلع لى عامودين بالصالة يبيلهم شغل

اللة يستر ماتصكنى

ذكرتنى بالنهندس الى يبتوة او ل ما بنيتوا فروحة

 

[اخت فروحه]

سنعة والله ذكرتيني بالمهندس اياه اللي يبيني احط سيراميك احمر وقنفات صفر لوووووووووووووول

بالنسبة للغانم والفحام بالشويخ دزي مسج حق808080 وطلبي رقمهم

ومري حسن ابل وسألي عن مواصفات ابوابهم وهم سألي الغانم والفحام
وبالنسبة للابواب البيضاء حلوين وش فكرة وتمشي مع المودرن
عليكم بالعافية

بس بالاول انتي رحتي حق محل استقبال عشان تعرفين مستوى ذوقهم ؟؟؟؟

 

[اخت فروحه]

:yaaaaaarb:ما تشوفون شر اخت فروحة وان شاالله تطلعون بالسلامة

الله يسلمج يا الغالية

بنتي الحين ان شاء الله احسن عالكمام

 

[ام وهابي]

فروحه سلامات بنتج وما تشوق شر ان شا الله
حبيبتي لا يضيق خلقج الون الابيض حلو بالحمام بس للمطبخ نو وي لا تحطينه نصيحه
حبيبتي ما قلتيلي شنو لون المطبخ اللي ناويه تفصلينه اهو الالمنيوم والا ستيل
شيوخه والله ما عندي فكره عن القراش شوفي هوم ار اس بالضجيج او اي ديزاين بالري صوب سنتر بوينت يتراوالي يمكن اتحصلين عندهم
اكسسوارات للمطبخ
نونو فيه بالسوق الايراني بالري جنب سوق الجمعه اشكال والوان واحجام من اللوحات القماش اللي تبينهم
وهم فيه محل بالرحاب السرداب فيه محلين بعدعندهم

 

[ام وهابي]

ام وهابى

هلا بالطش والرش:ada:

حبيبتي ساره هلا والله فيج شلونج وشحال الدنيا وياج

 

[ام وهابي]

بقولكم يبت مهندسة ديكور بتسوى البيت ومشتطططة

ورايحة لغرف النوم وبتسوى المعيشة أهى تشتغل بمحل اسمة استقبال

قلت لها فيج حييل ركزى على الاستقبال من ألىى ديكور وارضيات وصبغ وغنفات وستاير وخصوصا يطلع لى عامودين بالصالة يبيلهم شغل

اللة يستر ماتصكنى

ذكرتنى بالنهندس الى يبتوة او ل ما بنيتوا فروحة

مادري حبيت اقول رايي انا بيتي ما حبيت ادخل لا مهندس ديكور ولا غيره احب يكون كل اثاثي وديكوري من تصميمي انا
وذوقي لان البيت العمر ودج يكون لج بصمه فيه بكل شي حتى لو كان ذوقج بسيط كافي انج انت اخترتيه وذوقج مو مفروض عليج وما يناسبج بس علشان البرستيج >ذبحتنا البريستيجات والكشخات خلينا بيوتنا من كثر الاثاث والخرابيط جنها متاحف
احساس حلو لما تمشين بيتج وتحسين بالفخر ان كل هذا انتي اللي سويته مو احد ثاني
على فكره انا كل اثاثي من ذوقي انا وزوجي وما خليت لا خواتي ولا امي ولا اي احد يتدخل ولا استشرت احد
لاني ابي اعتمد على ذوقي والاشياء اللي انا احبها انا وزوجي والحمد الله الكل ابدى اعجابه بالبيت من اثاث وغيره
وطبعا ارضاء الناس غايه لا تدرك لازم من بعض الناس تسمعين تعليقات ما تعجبج حتى لو جايبه مهندس مثلا هذا حلو بس لو مسويين جذي جان احسن يبينون ان عندهم رايي وشخصيه وذوق بس وربك ما همني ابد لان هذا ذوقي انا والناس اذواق ومستويات

لا تزعلين عليه بس هذا رايي مثل ما قلت

 

[اخت فروحه]

اهلين ام وهابي الشر ما يجيج

ولا يهمج ما راح احط ارضية المبخ ابيض الحمدلله استفدنا من خبرتج وتجربتج


وبالنسبة لمطبخي الومنيوم لونه سلفر مثل الستيل وبدخل معاه لون احمر خفيييييييييف بس تحديد للكبتات وهوا مو احمر بالضبظ مايل عالوردي
ومفكرة احط السيراميك ابيض مع رمادي فاتح لاني ما ابي كل اللون رمادي يقولون هاللون يسبب اليأس والكآبة (مهتمة بعلم النفس لوووووول)
والارضية طبعا رمادي فاتح
اشرايكم محتارة بلون السيراميك

 

[اخت فروحه]

اليوم معلم السيراميك بلش يركب سيراميك حمام الضيوف وقالي ريلي امرج تشيكين عليه بس قلتله ما اقدر اهد بنتي بروحها مع الشغالة بالطبيب والله يستر لايخترب عاد مكلف علي حيل

 

[اخت فروحه]

ام وهابي بالنسبة لمصممين الديكور في ناس عندهم ذوق بالاختيار بس مايقدرون يطلعون افكار وانا وحدة منهم وعشان جذي استعنت بالمصمم وتووووووووووووبة من دي النوبه من بعد الاصفر والاحمر (( ماكدونالدز لوووووول ))
بس والله من كثر فرارتي بالنت والبيوت مالتوت ربع ريلي وخبرة المعلمين وافكارهم الحمدلله اكتملت الصورة عندي وهونت عن المصممين
بس ما يمنع الواحد يستعين بس ما ياخذ كل شي منهم المفروض الواحد ياخذ منهم اكثر من خيار ويحدد اللي يناسبه

 

[سنعه ومنعه]

مساء الخيرات

 

[شيخة الزين 80]

مرحبا ...خواتي.....

شخباركم....بغيت خدمه......
أبي رقم معلم ديكور شاطر......
ورقم صباغ فنتك.......
لو على الخاص......
وبسألكم وين أحصل شور بوكس سعره مناسب..؟؟؟؟؟

ولكم مني دعوه في ظهر الغيب......

 

[اخت فروحه]

مرحبا ...خواتي.....

شخباركم....بغيت خدمه......
أبي رقم معلم ديكور شاطر......
ورقم صباغ فنتك.......
لو على الخاص......
وبسألكم وين أحصل شور بوكس سعره مناسب..؟؟؟؟؟

ولكم مني دعوه في ظهر الغيب......

اهلين شيخة الزين:

بالنسبة للديكور تونا متعاقدين معاه ما ابدي امدحه لج واحنا ماشفنا شغله ولا اخلاقة
الصبغ تو الناس عليه بس في هني بقسم الديكور اشكثر مدحوا واحد مصري يمكن نونو تعطيج تفاصيل اكثر
الشور بوكس اذا تبين سعر مناسب عندج ابيات بس مادري عن الجودة ماجربت وعندج الحين كل المحلات مسوين خصومات شوفي الهلالي والشايع واخذي فره بالشويخ :RoadRunner:

 

[اخت فروحه]

شيوخة ونستيني عاد انا اشوف انه عادي ((قمت اتشيحط))
بس تدرين الموقع ما يساعد نتفنتق اكثر وهم المساحه حده حده
بالنسبة للتفاصيل خل اسأل ريلي وأقولج لان اهوا طلب زيادة مرتين وبالنسبة للشغل بدون مبالغة شهرين ومع انه مايستاهل كل هالوقت بس عماله مو كل يوم يجون

 

[dema]

هلابنات
خلصت من غرفة الملابس
الحين صلحت ارضية غرفة النوم باركيه
مادري وش اسوي الجدران
باشتري مرتبة سليب هاي طبية
حابة تكون غرفتي مودرن
مادري ماحب الورق موعملي...الصبغ المقلم اعجني الذهبي مع الفضي المطفي لكن احس مايمشي مع المودرن كثير
صبغ الفولفيت مادري بعد ماحس نقشته تنفع مع المودرن عطوني صور او افكار
زوجي زهق لنا اسبوعين ننام عالارض وانا مشوشة

 

[صاحبة المعالي]

مرحبا ..
بلشوا بالحمام ( وانتوا بكرامه)
خذيته من الشايع نفس طريقة للي قلت لكم عنه في ابيات
لونين .. اللي راحت الشايع اكيد شافته اصفر و ازرق
و شفت صبغ للغرف .. الصاله اوف وايت و غرفتي يمكن سماوي فاتح او اخليها ابيض مادري
اشرايكم؟
​