ديوانية بيت العمر

[DooNy]

مساكم الله بالخير جميعاً

اخت فروحه الحمدلله على سلامة بنتج وماتشوف شر

شنو آخر أخباركم وين وصلتوا ؟

سارا بالنسبه لسؤالج المكتبه شي ضروري بالبيت بس ما يمنع نحط مكتبه صغيره بالدار للكتب الخاصها




هلا داوني شلونج شخبارج وين واصله بالبنيان انا[تقريبا واصله اخر الشهر اخلص الديكور والسيراميك وابلش الارضيات باذن الله/quote]

هلا فيج

الله يسلمج خلصنا طابق الخدم والخدمات فوق والسطح
والحين بالطابق الأول الي اهو طابق المعيشه ركبنا السيراميك بالحمامات وشغالين بالديكور ونفس الطريقه بالأرضي والسرداب وبادين نركب أرضيات الرخام.
جراجيب البيبان تركبت للبيت كامل بعد ما تمعجن كل البيت بالأساس والله يسهل ان شاءالله

 

[اخت فروحه]

دوني انتي خذيتي سيراميكج للحمامات من حسن ابل اذا ماني غلطانه
اشرايج بالمهندس اللي يصمم ((مابي اقول اسمه بس اول حرف ح ومليان شوي )) حسيته مايفهم حيييل تعبني بالتصميم وتقريبا انا اللي صممت مو اهوا عكس الشايع خذيت منهم حمام وتصميمهم اكثر من رائع حيييل عجبني ومن اول مرة

وعشان جذي باخذ منهم سيراميك المطبخ انتي من وين خذيتي سيراميك المطبخ ؟؟

 

[DooNy]

دوني انتي خذيتي سيراميكج للحمامات من حسن ابل اذا ماني غلطانه
اشرايج بالمهندس اللي يصمم ((مابي اقول اسمه بس اول حرف ح ومليان شوي )) حسيته مايفهم حيييل تعبني بالتصميم وتقريبا انا اللي صممت مو اهوا عكس الشايع خذيت منهم حمام وتصميمهم اكثر من رائع حيييل عجبني ومن اول مرة

وعشان جذي باخذ منهم سيراميك المطبخ انتي من وين خذيتي سيراميك المطبخ ؟؟

اي عدل كل سيراميك البيت منهم الله يسلمج الي صممت لي مره كانت تشتغل عندهم بس طلعت من فتره ووقت التنفيذ حيسته مو حلو رديت عدلت عليه ولا حمامي الرئيسي حسيته مظلم كان اسود برمادي شفته بالموقع يقمت القلب دخلت عليه لون أبيض وغيرت التصميم طلع روعه ماشاءالله

انا عندي انتي تصممين احسن لما تختارين السيراميك بالموقع طلبي من معلم السيراميك يصفهم جدامج وقوليله كل قطعه وين تتركب وشلون يعني بالعرض او بالطول انا سويت جذي أو إنج تطلبين نفس تصميم العرض بالمحل

بالنسبه سيراميك المطابخ أخذته منهم وكله لون واحد ما دخلت شي على شي لأن مطابخي مودرن مابي السيراميك يغطي عليه

 

[sara3]

مساء الورد

ما شاء الله الديوانية عامرة بالمشاركات الكل قاعد يساعد بالمعلومات اللى يعرفها وهذا شى ممتاز:ggdw:

ان شاء الله تخلص بيوتنا على خير واندش فى معمعة الاثاث_03BA:

 

[DooNy]

داوني عندي اسئله وايد بما انج تقريبا نفس مراحلنا سقف الحمامات شنو سويتيه وايهو بتسون اول السيجما الخارجي والا الارضيات الداخلي واخيرا انتي راح تركبين شراشيب البيبان اول والا الارضيات اول ادري وايد بس هم نبي الكل يستفيد

عندي اسقف البيت كله نفس الشي حتى الحمامات لانه عازل وله مواضفات خاصه انا ذكرت اني متعامله مع kgc وبصراحه ماعليهم كلام ممتازين ممتازين دقه وسرعه بالتنفيذ ماشاءالله

وانا صابغه البيت من زمان سيجما بس أساس باجي له ويه واحد النهائي بعد ما نشطب يعني آخر شي
بالنسبه للجراجيب انا قبل المساح الداخلي ركبت جراجيب فنلنديه أساس تعزل الرطوبه عن الجرجوب الأساسي وعن الأرضه الله لا يقوله وبعدين امسحو عليه والحين تركب الجرجوب الخارجي مع البراويز اما البيبان وقفت لأني بغير الموديل والحين الأرضيات باديه تركب فمعناته البيبان ابتتركب بعد الأرضيات

وأي سؤال حاضره حبيبتي

 

[sara3]

DooNy

(الله يسلمج خلصنا طابق الخدم والخدمات فوق والسطح
والحين بالطابق الأول الي اهو طابق المعيشه ركبنا السيراميك بالحمامات وشغالين بالديكور ونفس الطريقه بالأرضي والسرداب وبادين نركب أرضيات الرخام.
جراجيب البيبان تركبت للبيت كامل بعد ما تمعجن كل البيت بالأساس والله يسهل ان شاءالله)

الله يسهل عليك وتمشى الامور مثل ما تبين

 

[sara3]

اهلين سارا كيفك حياتي

عرفتيني انا رقابة المواقع وغيرت اسمي

ايش مسويه مع بيتك

انا لاعت كبدي من بيتي للحين ماسكنه فيه

هلا حبيبتى

مافى اخبار جديدة:0bee2e8d89:

رفعى معنوياتك شوى علشان ترتفع معنوياتنا ونسكن بيوتنا على خير

 

[DooNy]

doony

(الله يسلمج خلصنا طابق الخدم والخدمات فوق والسطح
والحين بالطابق الأول الي اهو طابق المعيشه ركبنا السيراميك بالحمامات وشغالين بالديكور ونفس الطريقه بالأرضي والسرداب وبادين نركب أرضيات الرخام.
جراجيب البيبان تركبت للبيت كامل بعد ما تمعجن كل البيت بالأساس والله يسهل ان شاءالله)

الله يسهل عليك وتمشى الامور مثل ما تبين

الله يسلمج حبيبتي على هالدعوه الحلوه أجمعين ان شاءالله

انتي شخبارج شنو انجازاتج بالزياره الأخيره؟

 

[sara3]

هلا سارا

ان بحط كل واحد بغرفته

فعلا فى البيت راح اسوى جذىكل واحد فى غرفتة بس اهنى ليش شقة وما فى مكان ماكو طوفة خالية ما كو رحمة كل طوفة

يا خزانة يا مكتبة واللة كريم

بنتك زينة الحين .ومبروك تصليح الحمام :ggdw:برافو والله.انتى عطيتى مثال حق كل البنات ان ما نسكت

على الغلط لو شنو

 

[DooNy]

مشكوره داوني على المعلومات

العفو حبيبتي أي وقت

 

[sara3]

يارب يارب يارب من بؤج لباب السما ياساره احس اني شايله هم على قلبي بس بنت ودي اسال اذا فلوسكم قصرت بالبنيان تحطون اي شي بس علشان يخلص والا تنطرون لما تتوفر الفلوس وبعدين تحطون وجذيه راح يتاخر البيت

يعتمد على الشى اللى قاصرك وانا من الاول اقول سووا لكم مثل ميزانية مبدئية وخلى مبلغ على جنب حق الطوارى مبلغ محرز يعنى

يعنى ميزانية للاسود هذى بروح خليها على جنب

وميزانية للتشطيبات

حطى فيه بنود التشطيب من والى ارضيات وشبابيك وديكورات واصانصير والخ الخ الخ وحطى مبالغ تقريبة

خلى مبلغ اضافى على جنب حق الطوارئ


بعدين مو كل شى غالى يعنى زين فى شغلات رخيصة بس بشوية ذوووق تصير احلى من الغالى اقرب مثال الارضيات

الدرابزين البيبان

التكييف الاصانصير خلى شى زين .الاصانصير ما عندج اجلية شوى

وبعد انتى شوفى اللى يناسبك.اى وبغيت اقول وايد ناس حطوا ارضيات غالية ولمن فرشوا البيت تحسفوا على المبلغ اللى حطوه على الارضيات لان الفرش غطى على جمال الارضية .لو انهم حطوا المبلغ هذا على شى ثانى كان افضل

عندك مثلا اللى مسوين شقق يشطبونهم بمواد ارخص

اذا ما عندك الحين حق البيبان جودة حطى شى عادى لان سهل انك تغيرين البيبان بعد كم سنة بشى احسن

ان شاء الله اكون افدتك

 

[sara3]

الله يسلمج حبيبتي على هالدعوه الحلوه أجمعين ان شاءالله

انتي شخبارج شنو انجازاتج بالزياره الأخيره؟

الحين قاعدين يسوون غرف الخدمات فوق مخزن غرفة خادمة وغرفة الغسيل

الارضيات خالصة
باقى الدرج بيركبونة سيسيليا اللون كريمى

التكييف باقى

البيبان عليهم اشكال لازم اتناقش:gathering:معاهم احتمال اغيرهم

الواجهة نفسك تقريبا خالص الاساس باقى اللون اخر شى


باب البيت لمن الحين

 

[DooNy]

الحين قاعدين يسوون غرف الخدمات فوق مخزن غرفة خادمة وغرفة الغسيل

الارضيات خالصة
باقى الدرج بيركبونة سيسيليا اللون كريمى

التكييف باقى

البيبان عليهم اشكال لازم اتناقش:gathering:معاهم احتمال اغيرهم

الواجهة نفسك تقريبا خالص الاساس باقى اللون اخر شى


باب البيت لمن الحين

ماشاءالله تساهيل الله يتمم

تقريبا نفس مرحلتي :ggdw:

 

[sara3]

[QUOTE=DooNy;7474496]ماشاءالله تساهيل الله يتمم

تقريبا نفس مرحلتي :ggdw:[/QUOTE]

قولى ان شاء اللة امر عليك وانروح اناثث يميع

 

[DooNy]

سارا <<<< ان شاءالله الله يسمع منج

شيوخه <<<< انا متوقعه على بداية المدارس ما احب استعيل وأأمل روحي وتالي أنصدم

 

[شيخة الزين 80]

بنات ....سارونا
أبي منكم خدمة.......
شنو آخذ حق الدرج رخام والا جرانيت....؟؟؟
واللي تقولي رايها تقولي بعد من أي محل أشتري...؟؟؟؟؟؟؟

وأبي درابزين حق الدرج حلو وسعر مناسب من وين؟؟؟؟؟؟؟؟؟

أنطركم خواتي.....

 

[sara3]

ساره بسالج ارضية الدرج سسيليا من وين ماخذتها وعلى جم المتر واتي الدرج كله كم كلفج وابي بعد ارضية رخام للدرج الثاني البتشينوا ما مر عليج على جم المتر

شيوخة ما عندى فكرة عن السعر تدرين اهو على الشركة
بس روحى الاسيوية وشوفى اسعار الرخام هناك
ليش ما تخلين السلمين نفس النوع ليش الترقيع عزيزتى

صج بنات صج قريت ان الرخام مال الدرج لازم يخشنونة شوى بمكاين خاصة علشان لاتصير حوادث معلومة صحيحة ام لا من عندها خبر

 

[zaina19]

تسلمين ع الموضوع

 

[sara3]

بنات ....سارونا
أبي منكم خدمة.......
شنو آخذ حق الدرج رخام والا جرانيت....؟؟؟
واللي تقولي رايها تقولي بعد من أي محل أشتري...؟؟؟؟؟؟؟

وأبي درابزين حق الدرج حلو وسعر مناسب من وين؟؟؟؟؟؟؟؟؟

أنطركم خواتي.....

بصراحة انا ماخذة رخام سيسليا طبعا فى اشياء احسن بس هذا يتحمل وسعرة معقوول طبعا كان فى عقدنا مع الشركة

وطبعا الشركة تحط ارخص شى:dddds: بس الناس حاطتة فى بيوتها وما صار علية شى

الدرابزين انتى شنو تبين كلاسيك ولا موديرن

فى شارع فى شويخ فية الرفاعى مال الابواب عندة ابواب وتشكيلة درابزينات وعندة البومات

وعندك شارع كلة مطابخ اظن يم مطابخ الرياض والثريا هم عندة تشكيلة

يعتمد انتى شنو تبينوالسعر يختلف كل ما كان الدرابزين فية زخارف وايد يحتاج حديد اكثر وشغل اكثر وسعر اعلى

فى درابزينات ناعمة اللى تصير استيل احسها وايد موديرن تلقينها هناك تصلح للبيوت الموديرن وفى بعد الزجاج بس احسة

مو عملى لا فى التنظيف ولا فى الامان

 

[sara3]

تسلمين ع الموضوع

يسلمك حبيبتى ياهلا