بالنسبه لي
(صاحبه الموضوع وماشركت لووووووووووووووووووووووووول)
بناتي ثلاث الله يحرسهم
الكبار توم باكاديميه الخليج البريطانيه
من كي جي ون
وكي جي تو اي الريسبشن
والحين قريد ون ان شاءالله
حبيت المدرسه حيل حيل حيل حيل موشويه
حيل متعاونين
وايد زينين
طريقه تدريسهم باللعب
صبورين مع اليهال
والابلات نفوس تهبل يتلقون الياهل منج تلقي
ومتعاونين حيل يعني خل اقولكم
بكي جي ون مريت بازمه شديده مع وحده من بناتي ولاحظت تغيير كبير حيل وتراجع بشخصيتها لدرجه استشرنا اخصائيه تعامل للاطفال (سافرنا فتره طويله انا وابوها عنها)
بلغت مدرستها بالتغيير وسئلتها مالاحظتي شي قالتلي امبله جذي وجذي واي ابلتها تهبل تهبل الله يذكرها بالخير مس فاطمه اتهببببببببببببل (اهي هاف هاف وكل مدرستاهم حق كي جي هاف هاف لازم يعرفون عربي علشان التخاطب مع اليهال وانجلش اهي كنديه ارمنيه جنه ماني متاكده او كنديه ايرانيه بس تتكلم كويتي بحت قح واتهبل والله لي الحين احبها )
قلتها جذي جذي المشكله وبنتي صارت خجوله ولاتشارك وتبجي وتستحي حيل ولاتتكلم مثل قبل وترفض تتكلم انجليزي نهائيا
وغير سلوكها انعفس موليه وعصبيه وتبجي وتطق عمرها وتتعور عمرها وتشمخ نفسها عقابا لنا لان تدري ان نحبها وثقتها صفر بنفسها
الصراحه تعاونو وياي تعاون ايهبل يبرد القلب
الابله حطتها تيشر استتتنت لها
وعلي طول تعتمد عليها وتوكلها بمهام بالصف سوي جذي حطي جذي
قامت تضرب المثل فيها
وتمدحها عيل طول
عطتني ارقام انشطه بره المدرسه ممكن تساعد بشخصيه بناتي وهوايات تحبها بنتي لانها تبي تصير رياضيه مثل ابوها عطني ارقام نوادي
وعطتني ارقام كلاسات باليه
وبنتي فنانه ماشاءالله لا اله الا الله رسمها ايينننن قامت دايما تعلق رسماتها وتمدحها وتمدحها جدامي علشان ترتفع ثقتها
يعني رفعت ثقتها ونفسيتها ووايد ساعدتني
ووتتواصل وياي وتدق علي بخصوصها
مانسا هالمساعده لها كلش كلش
والحمدالله عدينا هالمرحله
------------------
الحين بالريسبشن
مريت بمرحله تخبط ببدايه السنه
ككانو ابلاتهم جسنيات عربيه لبنانيه وفي سوريه ومصريه
تالي غيروهم عقب الربع الاول من السنه
حطولنا جنوب افريقيا
اللي يصيرون هنود علي ايريش
ابلاتهم ملوت الربع الاول حيل اقويه وصارمين مع اليهال ابيه كان التاسيس قوي جدا لدرجه انا تعبت بالتدريس
واخترعت
بس شنو عيالي انضبطو سيييييييييدا يعني قعدو يقعدون سكتو يسكتون
حلو الواجب يحلون
لاتتشيطنون بالصف يتادبون
اللي صار يت الابله اليديده عقب ماتعدو علي القديمه
واليديده حيييييييييييييل حنونه جنها الديايه اللي تلملم عيالها عرفتو هالرسوم؟
كله تلملم وتحبب
في البدايه ماكو سيطره علي الصف
لان التيجر استتنت فلبينه وضعيفه الشخصيه والتيشر ام كبيره لهم
ومن عقب شده شافو لين حيل
تمردوووووووووووووو
قامو يهال يطقون يهال
كل يوم ايوني بناتي مطقوقين ومكسره تيجانهم (مت حره تيجان ستراس الواحد ب 5)
وياخذون اكلهم ويقلونه
والشياطين سوو قرووب يتنمرون علي اليهال
وابلتهم تحبب وتلمم ماتعرف تعاقب
رحت حق مس مريم مسئوله المرحله
قعدت وياها قلتها كيت كيت كيت انا مارضا علي عيالي ينطقون انا ماطقهم ولاسمح ان احد يطقهم
والابله شخصيتها ضعيفه يمكن لانها حيل حنونه وتبي تكسب اليهال وتكسب تقبلهم
اوكي خل تصير طيبه وحنونه بس اليهال يبلهم شده
صار قروب طايح طق بعيالي
كل يوم مجعينهم وكفخينهم
اذا بتخلون ابلتهم
غيرو التيجر استتنت مالتهم حطو شديده وحازمه
مايصييييييييييييييير
مستوا اليهال نزززززززززززززززززل
ابد يابنات مادار اسبووووووووووووووووووووووووووووووووووع الا التيشر استتنت متغيره يابولهم مس ابتهال
تحسنت الاوضاع وايد وماعادو ينطقون (طبعا جنيت علي اليهال الشياطين نادو اهاليهم وكلموهم عن شطاننتهم)
بعدين لما بدت الابله تتمكن من الصف لاردو مستواهم
عقب ماتاقلمت
والحلو فيهم الابلات يوزعون ارقاههم
ويتواصلون وياج
وفي فتره تراجع مستوا بناتي لهيت عنهم
ماوعيت الا داقه ابلتهم تعالي ابيج
وتجابلني وتعلمني وجذي تدرسنهم وجذي تسوين وسوي وسيله جذي واتبعي هالاسلوب
والله الصراحه تحسين ان الياهل له قيمه عندهم
مو مجرد كرسي
ولله الحمد الف شكر لا اله الا الله علي عيالي معروفين
من قرقتهم وهذرتهم
والحلو يبنون شخصيه لليهال
من ناحيه ماديه
رسومهم جدا جدا مناسبه
