ملتقى الأمهات - مدارس الخاص + فهرس المدارس الخاصهܓܨ@

[رفرف]

رد: ملتقي الامهات - مدارس خاصه

مناره ..

انا ما بلشت بالواجبات للاسف بنتي بعدها فيها اثار المرض وكله خدرانه ومالها خلق تحل ..
الله يعينني باجر

 

[Dress Me Up]

رد: سايتات المدارس الخاصة في الكويت

اسمحي لي اضيف

مدرسة المجموعة الانجليزية للتعليم المبكر و الابتدائي
the english play group
http://www.theenglishplaygroup.org

و يستاهل التثبيت

و مشكوره

هذا الموقع الصحيح حق انجلش بلي قرووب


http://www.theenglishplaygroup.net/


واسمحي لي زينة بالتعديل للفائدة


تحياتي لكم
أم ديمه​

 

[pink suger]

رد: ܓܨܓܨفهرس المدارس الخاصهܓܨܓܨܓ

الله يجزاكم الف خير

 

[Miss_Tiger79]

رد: ملتقي الامهات - مدارس خاصه

صج جولي
شلون العيد ميلاد
حسافه ما وديته مع انه كان يحف ويقولي سلمان قالي تعال عيد ميلادي في بيتنا وقتله انزين

مناره
اتوقع لازم يعرف اضعاف الارقام 2و5و10
هذوله بيسك حق قريد 1

 

[manarah]

رد: ملتقي الامهات - مدارس خاصه

رفرف ما تشوف شر صبا .. انزين مس تايقر تعرفين طريقه اقدر افهمه فيها اشلون يعرف العد بالمضاعفات .. موقادر يستوعبها وانا مو عارفه اشلون اوصلها له .

 

[Miss_Tiger79]

رد: ملتقي الامهات - مدارس خاصه

اي صج والله
رفرف
ما تشوف شر صبى
اتصدقين رايح عن بالي اقولج ما تشوف شر .. سامحيني

مناره
انا اخليه يحفظهم واذا لخبط احطله عواد وازيدله على المضاعفات ولين يركز بمخه عدل
او اذا عندج اللعبه الي في ايكيا تكون الاعداد بالكور جربيها معاه وخلي كل يوم رقم يعني يوم مضاعفات 2 ويوم5 ويوم10
وانشالله تركز اباله

 

[Queen-q8]

رد: ملتقي الامهات - مدارس خاصه

بنات انا امس قاعدة اسولف مع وحدة بنتها بروض الصالحين وتقول بسادس وتمدح فيها بصراحة بس تقول ان الللود وايد يعني عندهم مواد وكمية الدراسة وايدة وما يلحقون بس من ناحية المستوى والتدريس تمدحهم وايد وتقول مو معقولة يصير هالشيء عندنا يمكن يكون بمدرسة الصبيان مو عندنا

شوفوا سبحان الله يعني مو الكل يتفق على نفس الراي وايد ناس تشوف شيء ممتاز غيرها يشوفه عادي او العكس والمشاكل موجودة بكل مدرسة بس في شيء تدرين عنه وشيء لا

 

[manarah]

رد: ملتقي الامهات - مدارس خاصه

مشكوره مس تايقر وصج لازم شي ملموس يتعلم فيه نفس العواده مادري ليش رايح عن بالي هالشي .. كلش ما انفع مدرسه

 

[jolie_q8]

رد: ملتقي الامهات - مدارس خاصه

صباح الخير

حلوه طريقتج تايقر للمضاعفات ..

مناره المضاعفات مهمه حق قريد 1 .. بس لا تضغطين عليه وتضعينه

امشي معاه على الراحه .. وخليه اول شي يقولهم او يحلهم مثل ما علمته ابلته .. اذا حسيتي انه يتلخبط فيهم

استخدمي طريقه تايقر ..

تايقر . العيد ميلاد قمة ماشاءالله ياليت الأم معانا وتقرا كلامي

وايد حبيت الفكرة .. الثيم على سباق الرالي وبالمدخل حاطين صور الاولاد على بوسترات كبيره ولابسين كوستم مال السباق

ويقولي ولدي الكيكه على هلمت .. ويايبين ساحر ومسوين لهم بابت شو .. يعني وايد فقرات ..

ولما ييبت اخذه شفت موزعين وجبات على الاطفال .. وحاطين لهم ذره وكوكيز ومكينه نفيش ومكينه شعر بنات

ولدي الحمدلله طلع مستانس وايد .. لانه أهم شي ماكو لا امهات ولا خدم علشان جذيه صار التركيز على الاطفال

مو مثل مره راح عيد ميلاد .. صج استانس بس لما خذيته والا مو ماكل ولاشي ولا احد سأله شنو يبي

لانه كان في العيد ميلاد امهات وكلوا عيالهم وولدي نسوه

 

[um_yoyo]

رد: ملتقي الامهات - مدارس خاصه

شنو احسن المدارس بسلوى و تكون من الحضانه لثانويه

 

[Miss_Tiger79]

رد: ملتقي الامهات - مدارس خاصه

كوين
صاجه والله لو نركز على مشاكل المدارس بنقعد اليهال بالبيت

ومناره
العفو حبيبتي
وصج جربيها منها يلعب ومنها راح يفهم

جولي
واااااااااااي حسافه ما وديته يالله عليهم بالعافيه وانشالله تسويلهم حفله تخرجهم من الجامعه وعرسهم انشالله
وتصدقين فكرتها وايد حلوه
تهقين اسويها السنه اليايه والا تعب

يم يم
بسلوى ما اعرف شي عنهم

 

[رفرف]

رد: ملتقي الامهات - مدارس خاصه

شلونكم بنات ؟؟


مناره ...
الاعداد انا علمت بنتي اذا تبي تعد بمضاعفات 2 .. count 1 & skip 1 ..
يعني عدت 2 .. تطوف ال3 وتحسب ال4 ..

مضاعفات ال5 .. عدت ال5 .. من عقب ال5 تعد 5 ارقام ... الخامس فيهم اتقوله ..
1 (6) - 2 (7) - 3 (8) - 4 (9) - 5 (10)

انشالله فهمتي انا ابله اشرح زين بس صعب بالكتابة

وبنتي اليوم دقت علي النيرس حرارتها مرتفعة ..
حسبي الله على دكاترة المستوصف انا بعرف شنو الصعب بالتهاب الاذن اللي يستعصي عليهم فهمه !!
اذا الالتهاب البسيط ما يصيدونه شلون باقي الامراض الجايدة ؟؟ شلون خذو شهادة الطب هذول ؟؟

الله يسلمكم بنتي ظلت 8 ايام صخوونه ..
وانا والله اوديها عند د.ريم قنواتي بس مو موجودة كانت فقلت اوديها المستوصف بس اجيك اذا اذونها ملتهبه والا لا ..
طبعا كله يطالعوني جني جذابه وانسانه فاضية ماعندي شغلة الا اني اودي عيالي المستوصف سياحة !!
وقالي لااااااااااااااااا مافيها شي ولاااا شي الا احتقان بسيط ابلاعيمها وطبعا علاج كل المشاكل أدول وعطاني زيرتيك ..
ما صدقت طابت من يومين بس وامس تصرررخ بالليل من عوار اذونها ..
وعطيتها ادول قلت بقايا المرض دقت علي النيرس اليوم وخذيناها اووديتها حق ريم قنواتي زين ما طقتني ..
تقول ليييش جذيه البنت اذونها وايد وايد ملتهبة ومن زمان مو توها ومنزلة صديد ليش تنطرون ع البنت جذيه حرام عوار الاذون لا يطاق ..
وانا ادعي واتحسب بقلبي على دكتور المستوصف يبا ماتعرف قول ماعرف خل اوديها حق احد يفتهم مو مسوي روحك فاهم ع الطل ..

واي قرقت وايد بس من الحرة ..
ترا مو اول مرة تصير فيني واقول لااااا انا اوسوس يمكن اهمه زينين يمكن صار حظي مع واحد مو زين مو معقولة ..
الحين اقول حق ريلي ان قلتلك بوديهم مستوصف .. عطني طراق .. حرام فيهم الوقت اللي اضيعه عندهم ..
ويقولووووووون الحكومة موفرة كل شي ليش تودونهم خاص !!!!

 

[ملكة بيتها]

رد: ملتقي الامهات - مدارس خاصه

rawona حبيبتي بشري شصار بمقابله بنتج ؟ أنا بنتي أجلو إمتحانها

 

[Miss_Tiger79]

رد: ملتقي الامهات - مدارس خاصه

رفرف
ما تشوف شر صبويه
عاد صج كله ولا عوار الاذن
وصاجه المستوصف مخليين عيالي فيهم ربو واهمه مشكلتهم بالخشم وبس
الله كريم
انشالله ما تشوف الا العافيه

 

[jolie_q8]

رد: ملتقي الامهات - مدارس خاصه

ما تشوف شر حبيبتي

سلامتها خليها ترتاح لين يخف الالتهاب

الله يرفع عنها

 

[برونزية رشيقة]

رد: ملتقي الامهات - مدارس خاصه

رفرف ... شلون صحة بنت ألحين ؟؟؟؟

عوار الإذن شي مو طبيعي إذا أحنا الكبار ما نقدر عليه شلون اليهال حبايب قلبي ؟

بشرينا عنها .. أحاتيها أنا العام ولدي صار فيه جذي ... ما بقى دكتور ما ويته له

 

[رفرف]

رد: ملتقي الامهات - مدارس خاصه

مشكورين بنات الشر ما اييكم ..

وبنتي الحين احسن لأن من كثر ما كان الالتهاب قوي ونزل صديد وغشاء الطبلة صار فيه ثقب على كلام الدكتورة ..
العوار والصخونة وايد احسن بس المشكلة الحين انها لازم تاخذ مضاد وايد قوي وندير بالنا على اذونها تقول يلتئم بروحه ..
بس طبعا ماتسمع زين وكلمت اليوم مدرساتهم على اساس يقعدونها يمهم وقت الشرح والحل لأنها مو قاعدة تسمع زين وهم قاعدة تسرح لأنها ما تسمعهم ..
بس الحمدلله غير جذي كلشي تمام

 

[برونزية رشيقة]

رد: ملتقي الامهات - مدارس خاصه

مشكورين بنات الشر ما اييكم ..

وبنتي الحين احسن لأن من كثر ما كان الالتهاب قوي ونزل صديد وغشاء الطبلة صار فيه ثقب على كلام الدكتورة ..
العوار والصخونة وايد احسن بس المشكلة الحين انها لازم تاخذ مضاد وايد قوي وندير بالنا على اذونها تقول يلتئم بروحه ..
بس طبعا ماتسمع زين وكلمت اليوم مدرساتهم على اساس يقعدونها يمهم وقت الشرح والحل لأنها مو قاعدة تسمع زين وهم قاعدة تسرح لأنها ما تسمعهم ..
بس الحمدلله غير جذي كلشي تمام

أسأل الله العظيم رب العرش العظيم أن يشفيها

أسأل الله العظيم رب العرش العظيم أن يشفيها


أسأل الله العظيم رب العرش العظيم ان يشفيها


أسأل الله العظيم رب العرش العظيم أن يشفيها


أسأل الله العظيم رب العرش العظيم أن يشفيها


أسأل الله العظيم رب العرش العظيم أن يشفيها


أسأل الله العظيم رب العرش العظيم أن يشفيها

 

[برونزية رشيقة]

رد: ملتقي الامهات - مدارس خاصه

رفرف حبيبتي .. إرقيها بالقرآن والمعوذات

 

[ملكة بيتها]

رد: ملتقي الامهات - مدارس خاصه

رفرف ما تشوف شر بنتج أنا بنتي جذي دايم يصير معاها إلتهاب بإذنها وديتها المواساه عندهم دكتورإيراني شاطر متخصص أنف وأذن وحنجره والله سوى تنظيف للأذن حق بنتي ولحد يومج ما صار معاها إلتهاب مره ثانيه ....جربيه وماتشوف شر الكتكوته