عدنـــا.. رجيم النقاط (ويت ويشرز)(مدة الموضوع شهر من تاريخه)

[bintmishref]

هلا بنت مشرف اليوم انا مخربطه بس باجر انشالله التزم واكتب التفاصيل لا تحاتين معاج انشالله بس انتي قلتي النزول كيلو او 2 يس قصدج بالاسبوع ولا بالشهر

كيلو الى كيلو ونص بالاسبوع وقرت في بنات ينزلون عليه كيلوين بعد بالاسبوع
بس انا لان ما بقالي شي و اوصل المثالي فنزولي حيل بطيء قاعده انزل كيلوين بالشهر


عاشوووا:ggdw:

 

[bintmishref]

انا ابي اعرف عمري 27 وطولي 159 ووزني 69 الله يخليج احسبيلي نقاطي. وحركتي بالبيت مع اليهال وبالدوام

هلا والله بترفلاي
نقاطج = 18 واذا تسوين رياضه 4 الى 5 مرات بالاسبوع تقدرين تسوينها 20 نقطه

يالله شدي الحيل و موفقه:ggdw::eh_s(6)::ggdw:

 

[bintmishref]

انا امس يتني
واليوم ماقدرت اسوي رياضه..
ونقاطي ثلاث ارباعها رايحه على الكاكاااااااو
اليوم كليت 19 شطبت عليهم مره وحده..

وباجر زوااااره الله يسترر

 

[بنت مملكة البحرين]

كيلو الى كيلو ونص بالاسبوع وقرت في بنات ينزلون عليه كيلوين بعد بالاسبوع
بس انا لان ما بقالي شي و اوصل المثالي فنزولي حيل بطيء قاعده انزل كيلوين بالشهر


عاشوووا:ggdw:

هلا بيج

بقولج انتي تقريبا مثلي باقي عليج 7كيلو انا بعد جدي تقريبا ومللللللللل وايد بطيئ ينزل الوزن تهقين ليش:krkrkr:

 

[bintmishref]

هلا بيج

بقولج انتي تقريبا مثلي باقي عليج 7كيلو انا بعد جدي تقريبا ومللللللللل وايد بطيئ ينزل الوزن تهقين ليش:krkrkr:

ايييييي يملل وايد عشان جذي نظام النقاط شوي يعطي سعه انج تاكلين على راحتج اللي تشتهينه على حسب نقاطج ما تنحرمين..

انا ليلحين ثابت وزني من اسبوعين تصوري.. بس يمكن لان يايتني عشان جي؟!

دكتور التغذيه اللي قبل كنت اروح له قال لي ان من تدشين عالم الستينات راح يكون بطيء نزولج لان الوزن بيصير مثل الطول (طولي 163) وفعلا نزل بالبدايه حيل بعدين قام يعلق وبالدز ينزل..

اتوقع لان هذا الشحم اللي اول شي تكوّن يعني مال قبل سنين؟! (فهمتي شي)?

 

[bintmishref]

بنت مملكه البحرين عطينا تجاربج في هالنزول البطيء؟ من متى بديتي وشنو كان نظامج قبل؟
انا ماجربت غير هالنظام في وصول هالوزن والحمد لله.. بس ابي شي يساعدني اكثر..

مثلا كل يوم اشرب كوب شمر ومرميه..
وقاعده احاول كل يوم اكل روب.. (لان زين حق الكرش)
واليوم سمعت في برنامج التفاح الاخضر عن الماي البارد انه يساعد على حرق السعرات وبحول الماي اللي اشربه من دافي لبارد..

 

[DenTisT]

الله يوفقكم يا بنات و يثبتكم على ارادتكم
بنت مشرف حبيبتي مشكوره على الدعوه و الله ما تدرين شكثر استانست لما شفت دعوتج لي و انا محتاجتها بهالوقت
الرجيم حلو و منوع و انصح الكل يسويه بس اذا وقت رجيمج طويل و ما عندج مانع
يعني مو عندج مناسبه بعد شهر و تسوينه .. لانه نزوله بطيييئ و صعوده ابطئ
بس انا كنت ابي حل سريع فهديت الرجيم و انصح بعد كل اللي يبي يحافظ على جسمه يمشي عليه .. يعني عقب ما تضعفون انشالله بصحه و عافيه كملو عليه بس خلوه حق ثبات وزن .. طبعا نقاطكم راح تزيد لان الهدف مو تنزيل من الوزن
و الله يوفقكم

 

[mn.mn]

يعطيج العافية بنت مشرف وايد حلوة فكرة الرجيم بس صعب التطبيق بالبداية يمكن على التعود يصير سهل

أنا ابيج تحسبيلي نقاطي وزني 83 وطولي 153 وعمري 28 ومستوى الرياضة أمشي 45 دقيقة 3 مرات

 

[bintmishref]

الله يوفقكم يا بنات و يثبتكم على ارادتكم
بنت مشرف حبيبتي مشكوره على الدعوه و الله ما تدرين شكثر استانست لما شفت دعوتج لي و انا محتاجتها بهالوقت
الرجيم حلو و منوع و انصح الكل يسويه بس اذا وقت رجيمج طويل و ما عندج مانع
يعني مو عندج مناسبه بعد شهر و تسوينه .. لانه نزوله بطيييئ و صعوده ابطئ
بس انا كنت ابي حل سريع فهديت الرجيم و انصح بعد كل اللي يبي يحافظ على جسمه يمشي عليه .. يعني عقب ما تضعفون انشالله بصحه و عافيه كملو عليه بس خلوه حق ثبات وزن .. طبعا نقاطكم راح تزيد لان الهدف مو تنزيل من الوزن
و الله يوفقكم

ياهلا ومسهلا.. تو ما نوّر المكان

تستــاهلين و الله ما تدرين شكثر ناس استفادوا من هالنظام لان نشرته بين اهلنا والحمد لله الكل مرتاااااح..
بس مشكلته ان مو لاقيه الكتاب هني..
اقدر اطلبه من النت؟! دورت ومالقيت

 

[bintmishref]

يعطيج العافية بنت مشرف وايد حلوة فكرة الرجيم بس صعب التطبيق بالبداية يمكن على التعود يصير سهل

أنا ابيج تحسبيلي نقاطي وزني 83 وطولي 153 وعمري 28 ومستوى الرياضة أمشي 45 دقيقة 3 مرات

هلا و الله من من..
اي طبيعي بالبدايه بيكون صعب شوي..
انا اول اسبوع مسويه جدول فيه الاكل مثل اللي حطيته اول الموضوع ومخليته بجنطتي.. وكل ما بغيت اكل جيكت عليه
واكتب شنو تريقت وشنو تغديت عشان اعرف احسب جم بقالي للعشا

بس الحين حفظت الجداول من كثر التطبيق..

نقاطج = 23

 

[DenTisT]

انشالله بس يسمح لي الوقت اسوي سكان حق صفحات الكتاب و انزله بفايل بالمنتدى اهني علشان الكل يستفيد .. لانه ما اعتقد يبيعونه
بس ترى الكتاب بالانجليزي

 

[bintmishref]

ربي ايسر لج امورج ويسهل عليج و يفتح لج كل باب قولي اميييين.. :d:d

 

[mn.mn]

مشكورة بنت مشرف ما قصرتي وموفقة ان شاء الله

 

[bintmishref]

مشكورة بنت مشرف ما قصرتي وموفقة ان شاء الله

العفــو حياج الله وموفقه

 

[mn.mn]

انا مفكرة أخلي هالرجيم لما أبي أثبت وزني لان الحين أبي انزل وايد فما ابي اجازف

بمشي على الرجيمات اللي عندي وبعدين اطبقه لانه صج حلوووووو بس يبيله شغل

 

[bintmishref]

انا مفكرة أخلي هالرجيم لما أبي أثبت وزني لان الحين أبي انزل وايد فما ابي اجازف

بمشي على الرجيمات اللي عندي وبعدين اطبقه لانه صج حلوووووو بس يبيله شغل

على راحتج

احلى شي ان يعلمج شلون تثبتين وزنج عشان ما تردين اللي نزلتيه..:eh_s(6):

 

[مس يو]

وأنا بعد حسبيلي جم احتاج نقطه باليوم
الطول:164
الوزن:75
النشاط: رياضه 3 مرات في الأسبوع مدة كل مره من ساعة ونص إلى ساعتين
هذا غير النشاط اللي في البيت من طبخ وتدريس ومتابعة اليهال وشؤون البيت
والشغل بالدوام << بس مو كثيره الحركه فيه اغلبه مكتبي

وعليج الحسبه
ويعطيج العافية مقدماً

 

[مراسي الحب]

أنا جربت هذا الرجيم في نص التسعينات لما كنت ساكنة في انجلترا ... بصراحة عجيب ويونس ... وسهل .... ووواااااااااااااااااايد استانست لما لقيت هالقروب لأن ودي بصراحة أرجع اسوي مفيد وسهل لأني جريب ان شاء الله اوولد ,ابي أنززل 2 كيلو كل شهر ... عن العجلة .. وعلى هالنزلة أقدر اخلص 10 كيلو ب 5 شهور .. سهالات ان شاء الله ...

 

[bintmishref]

وأنا بعد حسبيلي جم احتاج نقطه باليوم
الطول:164
الوزن:75
النشاط: رياضه 3 مرات في الأسبوع مدة كل مره من ساعة ونص إلى ساعتين
هذا غير النشاط اللي في البيت من طبخ وتدريس ومتابعة اليهال وشؤون البيت
والشغل بالدوام << بس مو كثيره الحركه فيه اغلبه مكتبي

وعليج الحسبه
ويعطيج العافية مقدماً

هلا والله حيااج الله معانا:d
اذا كان عمرج بين 21 و 35 فنقاطج = 22
اما اذا بين 36 و 50 فنقاطج = 21

 

[bintmishref]

أنا جربت هذا الرجيم في نص التسعينات لما كنت ساكنة في انجلترا ... بصراحة عجيب ويونس ... وسهل .... ووواااااااااااااااااايد استانست لما لقيت هالقروب لأن ودي بصراحة أرجع اسوي مفيد وسهل لأني جريب ان شاء الله اوولد ,ابي أنززل 2 كيلو كل شهر ... عن العجلة .. وعلى هالنزلة أقدر اخلص 10 كيلو ب 5 شهور .. سهالات ان شاء الله ...

واااو ونااسه.. شلون سويتيه منو علمج عليه؟

وهل عندج مصدر يعني ولا من النت؟؟