خاص بأطفال التوحد

[ريحانة_14]

بارك الله فيج يا أخت ريحانه وفي ميزان أعمالج انشالله

تسلمين مشرفتنا الغاليه .. أخجلتيني :eh_s(22):

 

[ريحانة_14]

ريحانه خوووش خبر
بس شلون يعطون هلجلسات ووين
وأنا على أول القائمة
وتعالي شلونج مع الحمال؟
وشلون سارونة؟
وشصار على كتابج؟
وايد أسئلة
والله لج وحشة بأم سوير

هلا وغلا بشقراء السيف .. ياربي أستااااااااااانس لما أشوف مشاركاتج وضوح :hjy5jewf:

الجلسات الله يسلمج راح أقترح عليهم إنهم يسوونلكم زيارات للبيت وتكونون مخصصين لهم غرفه للجلسات لأن لازم تكون مجهزة .. أو ما أدري إذا يحبون إنكم إنتوا تزورونهم .. راح أتفاهم معاهم وأبشركم بآخر الأخبار بإذن الله ..

الحمال هذا وضوح شوي ثقيل وصعب أصعب من حمالي على سويرة إسم الله عليها لا لوعه ولا إغماء على سويرة ..
بس هالحمل ثقل ماشالله مع إني مسوية دايت حوامل .. وكل يوم والثاني أطيح غشانة (صايرة شادية
والمشيمة نازلة ...

الله يكتبلنا السلامه يارب

والكتاب للأسف وقفت شوي الشغل فيه لأن الحركه ممنوعه منعا باتا علي .. وبالكتاب وصلت لي البارت إللي لازم أسوي فيه أنشطة وتقصص وتلزق وعفسه .. كلفت وحده من رفيجاتي تسوي شي وتبلش وأحط إسمها معاي بس إنخطبت وإنشغلت لوووووول

وسويرة باليوم 5 مرات تيي تبوس بطني حبيبتي .. مستعيله بتشوف أخوها .. ذاك اليوم قاعده تبجي وتبجي :eh_s(11):ودموووووووووع أقولها شفيج ماماتي ؟؟؟
تقولي أخوي تأخر ماطلع .... واااااااي عليها أفشات عجيبه

==============

قوليلي .. آخر تطوراتج مع فهودي شنو ؟؟؟

وناني شسوت على تحليل الكروموسومات مع يسافي ؟؟؟

بشروني بأخباركم ياقلبي :hjy5jewf:

 

[شيخة الغيد]

انا بعد ابي جلسات بالبيت او بمكان ثاني مو مشكله ... بس عطينا ارقامهم عشان نتواصل و الله يقومج بالسلامه انشالله .. عاد انا بنتي توها مكمله شهر اليوم ... الله يعينجج ع الولاده

 

[ريحانة_14]

انا بعد ابي جلسات بالبيت او بمكان ثاني مو مشكله ... بس عطينا ارقامهم عشان نتواصل و الله يقومج بالسلامه انشالله .. عاد انا بنتي توها مكمله شهر اليوم ... الله يعينجج ع الولاده

ولا يهمج حبيبتي شيخة الغيد أنا بلغت وحدة والثانية هم راح أكلمها إن شالله تعالى اليوم

والله يخليلج الصغيرونة ويبلغج فيها ياربي .. ولاتخرعيني تكفين .. حدي خافيه من الولاده وكل يوم أحلام مزعجة
جني أول مرة أولد

 

[شيخة الغيد]

هالله هالله بالادعيه و الاوراد و وين بتولدين؟؟؟ و ترا انا طوفت موعدي و قالي الدكتور عليج بالخروع و فعلا جاب نتيجه

 

[ريحانة_14]

شيوخة بعد قلبي أنا ولدت على بجري بدار الشفا

والحين محتارة شوي بين المواساة ورويال حياة

من سوالف البنات يقولون إن كمام المواساة جنج والده بالبيت مع داية وتحسين بالولاده من أولها لي آخرها

وبرويال ماتحسين بإبرة الظهر ..

وصاجة الخروع ممتاز جدا حق تسهيل الولاده وحليب الزعفران وشاي الدارسين وجف مريم وسورة مريم وسورة يس وسورة آل عمران

ودعواتج لي بعد قلبي

 

[شيخة الغيد]

انا ولدت بدار الشفا و ايشزينهم ... عنايه نظافه اهتمام .. لولا الدكتور من بعد الله جان سوا لي قيصريه بس ينطرون ع الوحده ما يستعيلون
و هاذي ثالث ولاده لي عندهم و عمري ما راح اغير

 

[wathoo7a]

الله يتمم ولاتدتج على خير ويرزقج الولد المعافى بإذن واحد أحد
وسارونة الحلوة تتهنى بإخو يانسها
والله يعينج على الثقل
سبحان الله حمله عن حملة تفرق بس ديريبالج من الأغماء أخاف عندج هبوط بالسكر وإلا الضغط؟
دايما خلي معاج شبس حق الهبوط بالضغط
وحلاو بالجنطة حق هبوط السكر

 

[ريحانة_14]

راح آخذ بنصيحتج إن شالله وضوح

بس أخاف ما أدش من الباب

أنا الحين أتفقص ويالله يالله أدش .. متنت بشكل موطبيعي بسبة الهرمونات إللي آخذها

=========================

بالنسبة للبنات .. كلمتهم ثنتينهم

وحدة فاجأتني إنها حامل وبالسابع وحده ثقيله وقالتلي : لوماكنت حامل الصراحة جان بلشت بهالموضوع من غير تفكير

والثانيه : عزابيه .. قالتلي أستشير أهلي وأعطيج خبر

وإن شالله ياربي خير

======================

 

[ريحانة_14]

انا ولدت بدار الشفا و ايشزينهم ... عنايه نظافه اهتمام .. لولا الدكتور من بعد الله جان سوا لي قيصريه بس ينطرون ع الوحده ما يستعيلون
و هاذي ثالث ولاده لي عندهم و عمري ما راح اغير

شيخة أنا على بجري مانطروا علي : يالله يالله عمليه بسرعه بسرعه نبض مال بيبي روح ( الدكتورة هنديه )

وريلي طبعا ماجذب خبر بسرعه وقع على أوراق العمليه

والا تطب عليهم دكتورتي ( من بره ) قالت من قالكم تسوونلها عمليه قبل ما تستشيروني ؟؟

طالعتني .. جان تقول خلوها بعد ساعه راح تولد

وبعد ساعه بالضضضضضضبط ولدت

الحين بغير هالمره بشوف رويال شعندهم وشماعنهدم

 

[أم سلومي]

الاخت ريحانه ،
صارلي فترة بسيطة متعرفة على المنتدى... وتقريبن قريت كل مشاركاتج بهالقسم، و بس حبيت أقول "كثر الله من أمثالج" و الله يسهل عليج مثل ما سهلتي على الناس و فدتيهم بالعلم اللي عندج..
الله يقومج بالسلامه "انتي و البيبي"

 

[لولو الدان]

بداية أشكر لك اهتمامك باعطاء معلومات لأسر أطفال التوحد وسعة صدرك يا ريحانه إنني عضوه جديدة ولدي طفل توحدي يبلغ من العمر 7 سنوات ولكني من كثر ما أحبه وأخاف عليه ومدللته لا أستطيع أن اقوم معه بأي خطة رغم أن مدرساته يخبرونني بأن الاسرة لا بد أن تتعاون مع المدرسة وما يتعلمه بالمدرسة لابد من تكملته بالمنزل ولكن ولدي يرفض أن يستقبل مني أي معلومة والاب ليس لديه القدرة لتعليمه وتدريبه لا زال علي لا ينظف نفسه بشل كامل لابد من مساعدة الغير له فماذا أفعل حيث انني موظفة

 

[ريحانة_14]

الاخت ريحانه ،
صارلي فترة بسيطة متعرفة على المنتدى... وتقريبن قريت كل مشاركاتج بهالقسم، و بس حبيت أقول "كثر الله من أمثالج" و الله يسهل عليج مثل ما سهلتي على الناس و فدتيهم بالعلم اللي عندج..
الله يقومج بالسلامه "انتي و البيبي"

حبيبتي أم سلومي الله يعطيج العافيه والصحه على هالدعوة الحلوة مثلج

وشهادتج أعتز فيها ياقلبي

 

[ريحانة_14]

بداية أشكر لك اهتمامك باعطاء معلومات لأسر أطفال التوحد وسعة صدرك يا ريحانه إنني عضوه جديدة ولدي طفل توحدي يبلغ من العمر 7 سنوات ولكني من كثر ما أحبه وأخاف عليه ومدللته لا أستطيع أن اقوم معه بأي خطة رغم أن مدرساته يخبرونني بأن الاسرة لا بد أن تتعاون مع المدرسة وما يتعلمه بالمدرسة لابد من تكملته بالمنزل ولكن ولدي يرفض أن يستقبل مني أي معلومة والاب ليس لديه القدرة لتعليمه وتدريبه لا زال علي لا ينظف نفسه بشل كامل لابد من مساعدة الغير له فماذا أفعل حيث انني موظفة

حبيبتي لولو

تأكدي إن الطفل التوحدي ذكي جدا .. من نظرات عيونج يختبرج ويختبر قدرتج على مقاومته سواء مقاومة عنفه أو دلعه عليج ..

والشي الثاني حبوبه .. إنتي ضامنه إنج (بعد عمر طويل مديد ) تكونين معاه بكل حياته ؟؟؟
إحنا ندرب الطفل التوحدي أول شي على الأنشطه الإعتماديه والنظافه الشخصية علشان عالأقل يقدر يعتمد على نفسه في المستقبل لو لاسمح الله إنحط في ظروف صعبه وأبوينه كانوا بعاد عنه ..

فإللي قاعده تسوينه أكبر غلط وإسمحيلي على هالكلمة ياقلبي .. بس مدام الولد ماتعلم شلون يعتمد على نفسه فإنتي قاعده تظلمينه .. الدلع له حدود والحب له حدود

تداركي وضع الولد قبل لا يفوت الفوت

 

[ريحانة_14]

بنات ..

أنا محبطة جدا .. البنتين أوضاعهم ماتسمح للأسف يسوون جلسات للأطفال

وحده حامل والثانيه أهلها مارضوا

أعتذر منكم وإن شالله إذا لقيت غيرهم أعوضكم إن شالله تعالى

 

[شيخة الغيد]

ريحانه حبيبتي .. والله محيرني ولدي .. الحين سويناله فحص سمع و اشتبه الدكتور ان سمعه ضعيف .. و خذينا موعد في سالم العلي عشان نفحص السمع كامل .. ما ادري توحد والا ما يسمع .. ابي اسئلج عادي اللي يكون فيه توحد ما ينطق ولاا كلمه في سن 3 سنوات؟؟؟

 

[ريحانة_14]

إي ياقلبي .. إحتمال كبير

لأن الطفل يكون عنده إثراء لغوي من خلال التواصل .. يسمع المفردات اللغوية
ويكون حصيله لغوية .. وبعدين يستخدمها وقت الحاجه لها ..

فنتيجه طبيعيه كان عنده خلل بالسمع يعاني من ضعف بالتواصل اللغوي

وبشريا عن آخر أخبارج ياقلبي

 

[الصابرة المحتسبة]

جزاج الله خير عزيزتي ريحانه على تفاعلج مع الخوات

 

[مشاعل الشمري]

QUOTE=مشاعل الشمري;8518991]حبيبتي ريحانه انا بغيتج بسؤال انا ولله الحمد حصلت اخصائية تخاطب تييني للبيت لان الدكتوره اللي رحت لها قالت ان يوسف محتاج لعلاج وظيفي وانشاء الله يطور طبعا للحين ما بلشت بس ان شاء الله راح تبدي معاه من السبوع الياي
هل يطول العلاج الوظيفي ؟ويجيب نتيجه معاه انشاء الله؟وشنو يعني تقولي ما عنده تواصل واهو يفهم لنا وعايش حياته معانه
الشي الثاني وبكون صريحه معاك ان يوسف هالايام يتلفظ بكلمات مااستطيع اقول ها ولا تدور عندي بالبيت؟مره قال لخوه وهو كان يجهل كلمة مؤخره بالعاميه طبعا على نفسه ولما عاتبته منين عرفت يقولي عرفتها والله محد قالي
الشغله الثانيه ان تهاوش مع اخوه بعدين غصب وخرتم من بعض وتنرفز وقالي ماخليتيني اطقه تخيلي قام على اخوه وبلهجه مصريه قاله يا ابن ال؟فقمت عليه وهني خاف وقال شنو يعني انا كنت اقصد اخوي لما قلت له انت تسب ابوك اخذ المستد غطا وجهه وظل يبكي بحسره شلون اهو يغلط ثم رحت له احاول اهديه طبعا مايطالع بعيني بس يبكي ورديت عليه مره ثانيه وقالي انا آسف ماكان قصدي طبعا بألم:0bee2e8d89:0bee2e8d89: ونام احاول اقعد فيه ماكو وظل نايم؟ارد واقول ان ولله الحمد ما عندنا الفاظ ابيتنا بذيئه لهذه الدرجه شسوي لا صار موقف مره ثانيه شذي انصحونني انا بدوامه؟ اخاف يكبر ويدخل بالمراهقه وبعدين شلون اتصرف؟[/QUOTE]

 

[ريحانة_14]

quote=مشاعل الشمري;8518991]حبيبتي ريحانه انا بغيتج بسؤال انا ولله الحمد حصلت اخصائية تخاطب تييني للبيت لان الدكتوره اللي رحت لها قالت ان يوسف محتاج لعلاج وظيفي وانشاء الله يطور طبعا للحين ما بلشت بس ان شاء الله راح تبدي معاه من السبوع الياي
هل يطول العلاج الوظيفي ؟ويجيب نتيجه معاه انشاء الله؟وشنو يعني تقولي ما عنده تواصل واهو يفهم لنا وعايش حياته معانه
الشي الثاني وبكون صريحه معاك ان يوسف هالايام يتلفظ بكلمات مااستطيع اقول ها ولا تدور عندي بالبيت؟مره قال لخوه وهو كان يجهل كلمة مؤخره بالعاميه طبعا على نفسه ولما عاتبته منين عرفت يقولي عرفتها والله محد قالي
الشغله الثانيه ان تهاوش مع اخوه بعدين غصب وخرتم من بعض وتنرفز وقالي ماخليتيني اطقه تخيلي قام على اخوه وبلهجه مصريه قاله يا ابن ال؟فقمت عليه وهني خاف وقال شنو يعني انا كنت اقصد اخوي لما قلت له انت تسب ابوك اخذ المستد غطا وجهه وظل يبكي بحسره شلون اهو يغلط ثم رحت له احاول اهديه طبعا مايطالع بعيني بس يبكي ورديت عليه مره ثانيه وقالي انا آسف ماكان قصدي طبعا بألم:0bee2e8d89:0bee2e8d89: ونام احاول اقعد فيه ماكو وظل نايم؟ارد واقول ان ولله الحمد ما عندنا الفاظ ابيتنا بذيئه لهذه الدرجه شسوي لا صار موقف مره ثانيه شذي انصحونني انا بدوامه؟ اخاف يكبر ويدخل بالمراهقه وبعدين شلون اتصرف؟

[/quote]


هلا فيج حياتي مشاعل .. آسفه على التأخير
الحمدلله رب العالمين حصلتي على أخصائية

أما بالنسبة للمسبات والشتايم أهو سامعها من مكان 100%
أما من عيال عمه وعيال خالته بالزواره .. أو المدرسه أو التلفزيون

أكيد سامعها .. لأن الطفل التوحدي صعب يختلق مسبه معروفه إلا إنه ممكن يكررها لما يسمعها حتى لو مرة وحده بظرف معين .

وماعتقد إن كلام الأخصائيه صحيح بالنسبه لإن يوسف ماعنده تواصل .. بشكل عام التوحدي يعاني من ضعف بالتواصل لكن هالضعف هذا يتراوح بين المعدوم وبين الدرجات العاليه .. ويوسف تواصله ممتاز وراح يتطور مع الوقت ومع العلاج الوظيفي والجلسات بإذن الله .

ومابي أخرعج ياقلبي لكن كل ما يكبر ولدج ويصير قريب من مرحله البلوغ راح تعانين منه .. الطفل العادي لما يوصل لي مرحله البلوغ تعانيييييييييييين حيل لأن هالمرحله مرحله فوران وتغيير في الهرمونات .. فما بالج بالطفل التوحدي إللي مايقدر يعبر عن إللي بداخله ؟

لكنها مرحله وراح تعدي بإذن الله تعالى لا تحاتين

أما المسبات والشتايم إذا سمعتي منه كلمة جديده واستنكرتيها لأن إستخدمها في البيت وإنتوا ما يدور عندكم هالنوع من الألفاظ حاولي تقعدين معاه بكل هدوء وتعرفين منه منو إللي قال هالكلام ؟؟

وتفهمينه إن هذا الكلام موزين والصبيان الشطار والأبطال ما يقولون مثل هالكلام ..

راح تتعبين في البدايه لكن بترتاحين إن شالله لي بعدين لأنج بجذي قاعده تقومين سلوكه .