~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[عنيّد]

جسوت ،، الله وياج ويستر عليج :dddds:

زيون ،، ماصار هالمرحله :eh_s(14): بعد الحظ الردي يقول ان الاسبوع الياي يمكن تشرفني المسعده :/
حفلتنا على نص 11

منمن ،، اي زين تسوون تغيير والله ووناسه :eh_s(6):

تينا ،، على شنو متراهنه عساه شي يسوى :dddds:

 

[mn.mn]

آمين الله يسمع منج زيون احنا السابقون وانتي وانوج اللاحقون

هلا والله تينا ما عليه بكل مكان تلقين ناس تحتر لما تشوف غيرها عايش بجو من الشعور بالوناسة والانتصار على الظروف

انتي كملي وما عليج تذكري اللي راح وقولي مابقى كثر ماراح واحنا معااااااااااااااااااااااج بس سؤال جوهري رفيجتج متينة ؟

 

[زيـنـه]

تينا .. ما عليج من حجي الناس اهم شي انتي و ارادتج .
و ان شاء الله تنزلين و تكسبين الرهااان
شكثر باقي لج على الستينات ؟

عنيد .. نفس وقت مناسبه من مناسباتي .. عندي باول اسبوع و بثاني اسبوع من 11 ...يمدي انزل ؟؟

من من .. ان شاء الله اكون اللاحقون .

 

[teenaa]

منمن اي متينه وزنها بال 100 ومو قادره تضعف وميته قهر اني ضعفت وكله تقولي بس بس لا تضعفين مو حلو البنت ضعيفه وتبيني اكل باي طريقه


وانا صرت مشفوحه بس مقرره اني ما اكل من اليوم والله


عنيد شي ما يسوى بس انا منقهره اني لما اشوف الاكل انسى روحي بس انشالله بوقف من اليوم

 

[عنيّد]

زيون ،، والله باقي على اول 11 تقريباً اسبوعين
انا اقول يبيله مشي عشان نكون أسرع بالنزول

 

[teenaa]

زيون حبيبتي

وصلت 74 والكل يقول شلون وشلون لان كنت فيله كنت 106


الحين احس 76


ودي اوصل 65

 

[mn.mn]

زيون اذا اول اسبوع بشهر 11 يمدي لي 4 كيلو بس ها التزااااااااااااااااااااام ومشي

تينا بس هذا لب الموضوع اهي متحسرة على روحها وتحاول تفرغ اللي فيها على قفاج عموما ادعيلها ان الله يرزقها الارادة وانتي

صمدي وقاومي وطلعي اكلي بالفري بس وباجي الاسبوع قوليلها ماااااااااااااااااااااااااااا اقدر سوري نوووووووو وي ماي دير وبس

 

[teenaa]

حدي جذي بس راح اسوي منمن


بس تخيلي تقولي ليش ما تاكلين ومليقه وما ادري شنو

وبسسج بسج ضعف ويهج صار ماادري شلون وقبل احلى الحين اصغر وشعرج يطيح والله تكرهج عيشتج

 

[زيـنـه]

تينا ..ما عليج منها .. ادعي الله يفكج من شرها و يلهيها بروحها .. و ما عليج من كلامها وردي حق ارادتج و تذكري شنو كنتي و شنو صرتي .. و الاهم تخيلي شنو بتكونين بالمستقبل بالستينات .. هانت ..بس شدي على عمرج شوي .

من من .. ان شاء الله يمدي لان نزولي صعب .. و بطئ .. من تجربه سابقه .

عنيد المشي في بالي .. و ان شاء الله بحول الله من الاسبوع الياي ابلش .

 

[mn.mn]

تينا ما عليج منها قوليلها اذا رديت آكل برد مثل اول ويضيع تعب الشهور

زيون خلي التجارب السابقة وابدي عدل وجربي منتي خسرانة

انا الحين اخليكم بطلع من الدوام عندي شغل اطل بليل اقرا باجي السوالف

بطبط بعد عمري كان ودي اتصبح بويهج بس مالي نصيب

 

[teenaa]

منمن حبيبتي ديربالج على روحج


انا خايفه ارد مثل اول اذا رديت جذي اكل


بس انشالله بكمل ومشكورين خواتي

 

[teenaa]

زيون حبيبتي مشكوره

جم وزنج ؟

 

[زيـنـه]

من من .. ان شاء الله باديه من يد و يديد .. و درب السلامه .

تينا .. انا 86 وزني .. و طولي 168 .
هدفي السبعينات .

برب .. نداء العمل .. و ارد لكم تالي

 

[eng.q8]

تيت زيون


منمن يقولون مو زين بس انا بطبقه بس اسبووووووع جود تخربط يروح وارد مكان ما وقفت

 

[بطة رشيقة]

صباح الخير ..

سورى على التأخير ..

اليوم خذيت اذن من الدوام وتونى يايه ... :tomato2:

كنت بنام بس مانمت عدل !!

وامس كانت نفسيتى شوى شوى متعكره فتكيسلت انى اروح الدوام من الصبح .. يارب ما ادرى للى متى يارب من عندك الفرج :0bee2e8d89:

الحمدلله على كل حال ..

انا بخير عساكم بخير ...

تعشيت امس توست وجبن وعصير واليوم ريوقى نفس الشى وحطيت فى بطلى شوى ماى زعتر ويت الدوام ...

ومشيت نص ساعه ونطيت حبل ... :ggdw:

جسوت حبيتبى انشالله ما تخربطين وانشالله تتمين صابره يا حبيبتى ...

منمن يا بعد قلبى والله الله يعطيج الف عافيه وانا بعد كان ودى اصبح عليج .. يمكن انا اليوم بعد اروح امشى بالممشى عاد يمكن اشوفج خخخخخ :ada:

زيونه انشالله يارب يارب تصيرين 68 مو 86 خوش رقم

انوج موفقه برجيم الكيميائى بس ديرى بالج اذا هديتيه بلشى برجيم غيره على طول لانه يرد الوزن المفقود بسرعه خطيره ... :eh_s(1):

عنيد سا صباح الفل والياسمين مشالله تبارك الرحمن ربى لا يقطعكم ولا يحرمكم من بعض لا انتى ولا رفيجاتج وانشالله هاليمعه تكون دوم ولا تنقطع يارب .. واكلى افا عليج بس ترى الواحد يمل ومحتاج ياكل اللى يحبه عشان يتشجع الله يتمم عليج ... والميزان انا قايله لج شيليه من جدامج ترى غلط غلط انج توزنين كل شوى مره بالاسبوع وبس ...

تينا صباح الخير ..
:68_asmilies-com:​

 

[ام فجور 2008]

السلام
شلونكم

 

[بطة رشيقة]

هلا ام فجور حبيبتى شلونج ..
شلونج الحين ..؟

شصار عليكم ..؟

 

[teenaa]

صباح الفل بطبط

ام فجور من طول الغيبات ياب الغنايم

 

[eng.q8]

هلا وغلا بطه

تفرج ان شالله

انا ناويه بعدها ارد على رجيمات العبد والله يوفقنا يااااااارب

شخبارج وشلون كارز؟

 

[ام فجور 2008]

ماكو بطبط دقيت عليه امس قلت له تعال كوستا قالي شوي قلت اوكي انا ناطرة بس لا اطول
ولمن وصل قلت له شوف الي سويته صح ولا غلط
قعد يتعذر جان اقوله اعذارك مالها اهميه عندي وهذا بين لي ان شخصيتك ضعيفة وانت خواف انا عندي تصويركم واقدر اشكتي عليكم اثنينكم
بس بستر على نفسي مابي اهلي ياخذون فكرة كلش موزين عنك
ويقولي احترمي نفسج وعدلي اسلوبج قلت انت اخر واحد تعلمني الادب علم نفسك وصارت هوشة بكوستا وتعوذت من الشيطان وطلعت وركبت سيارتي قبل لا تكبر السالفة