~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[عنيّد]

والله يام فجور على حسب كل وحده ، يعني بصراحه انا سجلت مرتين ، ومالتزمت كلش
واحس اني متقيده
ارتحت اكثرررررر بالمشي على البحر
وطبعاً شي معروف ان الرياضه بالأماكن المفتوحه والهوا الطبيعي أحسن من المغلقه والهوا الصناعي
بالذات ان هالايام الجو روعه ، أصلاً حرام الواحد يسجل بنادي مع هالجو ^_^
أروح قبل صلاة المغرب بنص ساعه وامشي على البحر يهببببببل الجو
ولا متقيده ولا شي متى ما ابي اروح وعلى راحتي امشي نص ساعه - ساعه الا ربع

وبالبيت اسوي تمارين على القرص الدوار 10 دقايق

 

[عنيّد]

تينا & خنفروشه ،، اي والله الرياضه مهمه حيل ، وترى المشي مو كل شي ، المشي على كلام المطوع انه يشد الجزء الي تحت من الجسم ولكن مايسوي شي لفوق !
عشان جذي قالي العب على القرص الدوار 10 دقايق عشان الخصر والكرش
وتمارين الايد 10 دقايق عشان الزند

 

[ام فجور 2008]

تينا تعالي صج انتي تشتغلين بالبنك تذكرت بسالج صج في زيادة 50 على الراتب

عنيد شريتي الاثقال الي قال عنهم العبد دورتهم ماعرفتهم
انا ودي امشي بس محد ايي معاي

 

[teenaa]

ام فجور اول مره اسمع لووووووول

من وين الزياده ؟؟؟؟

 

[خنفروشه]

انا مشكلتي بالجزء السفلي (ارداف)
لما امشي على الجهاز احط ثقل بيدي خفيف
وامشي نص ساعه بسرعات مختلفه
والله احسن اني صج اكافىء نفسي
الراحه والنفسيه تعتدل !! ان شاء الله من اليوم لاااااازم ارجع امشي
خفت من قال لي الكلسترول مرتفع وقال لي المره اليايه اذا ظل مرتفع اعطيج حبوب
قلت لاااااااااااااااااا

والله يا بنات انا متاكدة كل وحده تعرف حق جسمها
اللي يمتنها واللي يضعفها

 

[بطة رشيقة]

يا هلا وغلا انا باك .. تريقت وقاعده اشتغل فى موظفه يديده يايبينها وانا اللى بعلمها .. والله يعينى ..

انوووووووووج هلا هلا هلا وغلا بعد عمرى شلونج شخبارج .. يوم شفتينى ليش ما يتينى ,.... واى عاد حدى وللهانه عليج صارلى جم يوم ودى امر واشوفج ودى اصعد لج بس مانى عارفه اى صوب بالضبط يوم شفتينى !! جان يتى .. تدرين عاد والله هذا كان يوم اليمعه ورايحين متاخر بس تدرين انى ما خربطت والله ما طلبت غير شوربه خضار وسلطه سيزر وكلينا فيها انا وريلى يعنى ما اعتبرته يوم تخربط عرفتى .. بس انا سعيده لانج شفتينى بس مو سعيده لانى ما شفتج

بس صج صج تعالى سيرى على

عاد ذاك اليوم انا سويت شى قوى خل اقولكم عنه


اول ما دشيت انا وريلى وولدى والا فى وحده من بنات هالايام مسويه بف بالشيله ومتقلصقه بقميص وحزام وقراقيش وما ادرى شنو وقاعده بطاوله كلها بنات ... اول ما شديت جان تخزنى وتخز ريلى يعنى حسيت انها مثلا بتقول ان ريلج حلو او ان انتى مو حلوه ما ادرى حسيت جذى من نظرتها وتطالعنى بنظره خايسه اول مره بحياااااتى جان اتجرأ واتخصر لها واوقف واخزها وبقى شوى واقولها نعم فى شى اهيا انخبصت ووخرت عيونها بسرعه ريلى يقول شفيج قلت لا ما فى شى بس شوى وبقولها تعالى قعدى معانا بالطاوله حسيت ان انقص ويها يعنى ريال ومرته وولده ياين بتعشون شتبين تخزززززززز ين !!!!!!!!!! ريلى عشتوا استانس على باله يعنى ان اهو حلو ويقول اشوى تغارين على اهو صج انى اغار وصج ان ما ابى احد يشوف ممتلكاتى خخخخخ بس بينى وبينكم حبيت اعلمها واعلم الاشكال اللى مثلها الاخلاق وان مو لازم كل واحد ويا مرته تخزينه

احم احم


شرايكم فينى




بس هم متحسفه انى ما شفت انوج جان طبيت عليج ولميتج لانى ولهانه عليج من زمان

 

[بطة رشيقة]

تينا الحمدلله على ساللامه بشرى عنج وعن عويناتج حبيبتى الف لا باس عليج والله كنت افكر فيج واحاتيج

 

[ام فجور 2008]

http://www.q8yat.net/showthread.php?p=13766217#post13766217

بنات شوفوا

 

[ام فجور 2008]

بطبط وعلى موقفج انا حالفة ان صار شي من هذا القبيل مرة ثانية هههههههههههه اعرف شسوي بهالحثالة الي طايحين بجبد نفسهم
اكرها بعمرها وواوصل السالفه لاهلها عالشان يخلونها مرة ثانية تطلع ههههههههههههههه
ياربي مايبون يتزوجون والله اعرف جم وحدة اييون يخطبونهم كل مانبي تو الناس يبون يطلعون ويكلمون وسالف والحين لمن الي يكلمونهم تزوجوا يبون يتتزوجون

 

[mn.mn]

انا كم باك من بعد الحصة والمناوبة والحين مجابلة الكتب وهتتك بتتك تصحيح

تعقيبا على موضوع الرياضة انا ضد فكرة النادي احس حرام الوقت اللي بيضيع واهو المفروض انه من حق عيالي

وثانيا انا من النوع اللي مو مالت سوالف وتعارف فجو النادي ماراح يشدني بس بالنسبة للآنسات لا والله روحوا ما وراكم التزامات

جابلوا عمركم ولاحقين على الحكرة وبنفس الوقت انا ما اهمل الرياضة ابدا واحس الرجيم ما يكمل بدونها وحاليا قاعدة ارتب يومي بحيث

على الاقل امشي 3 أيام بالاسبوع وباجي الاسبوع اقزره على القرص وتمرين المعدة وربي المستعان

بطو صايرة مهاوشجية شعلامج ؟ فعلا هالاشكال تبط الجبد بس يا معودة الدنيا ربيع والجو بديع

 

[عنيّد]

ام فجور ،، والله مادري مارحت دورته ومالي خلققققق شي حتى مشي صارلي اسبوع موماشيه :/
بس ناطره يوم اليمعه يعدي ، وبنطلق بحياتي عدل :ada:

بطوط ،، لووول زين سويتي بهالحبربش :eh_s(14):

منمن ،، ترى النادي مو لازم تكون لج علاقات فيه ، انا رحت مرتين وكل مره 3 اشهر وماتعرفت على احد :eh_s(6):

 

[بطة رشيقة]

هلو هلو هلو فيكم اى والله صايره مهاوشجيه بسهم انا عطيتها درس عشان مره ثانيه ما تقعد تطل بويوه الاوادم يعنى شنو احنا ياين من كوكب ثانى شنو !!!

وعلى النادى انا اضم صوتى لصوت منمن الحلوه ان وقتى اللى بقطه بالنادى ما ادرى جم ساعه اخليه ببيتى وعند ولدى اجابله وانا العب رياضه الحمدلله على الاقل 10 دقايق يوميا تقريبا وهالشى زين وعموما جو النادى ما احبه اكره ريحته واكره والوضع هناك ما يعجبنى والله اذا رحت النادى احس قلبى يقمت ...

مما ادرى هذا رايى الشخصى

غداى بيكون

بيضتين مفيوحتين مع تبوله .. ودايت وبس

والعشا بحاول اخليه خفيف وان شالله ما راح اخلى خرابيط الا بعد اسبوع

منمن صار عيد ميلاد ولدج ..؟ وشنو سويتى فيه وشلون كان الاحتفال ..؟

ام فجوره اى اى عاشت وعلى الموضوع مال التوفير والله يا وخيتى لازم نوفر احنا ناخذ من هاللنقه ونحط بهاللنقه يعنى ما نوفر كلش ناخذ المعاش منى ونصرفه منى ... الله يبارك لنا فى معاشاتنا ..ويزيدنا من فضله ...

 

[teenaa]

لووووووووول بطبط
والله لو انا منج اقولها في شي مشبهه علينا لووووووووووووووووول


قليله ادب


بعد قلبي مشكوره يا احلى بطه بالدنيا

 

[teenaa]

ليش ما يزيدون المعاشات
قوموا خل نعتصم ونسوي مظاهره

يعني شنو كل شي غالي والله احنا بشر

 

[عنيّد]

اذا زادوا المعاشات كل شي بيزيد معاها
يعني باختصار > صبه حقنه لبن :eh_s(14)::eh_s(14)::eh_s(14):

 

[mn.mn]

عنيد غالبا اللي يميز النوادي ان تكون لج علاقات وترتبطين بمجموعة تشجعج على الاستمرار عشان جذي انتي ما استمريتي

تخيلي لو تعرفتي على مجموعة وصاروا ربعج وبينكم تواصل راح تحرصون على بعض وتلتزمون بالروحة شح ولا مو شح

بطبط اليوم عيد ميلاده قلت له الصبح happy birthday قبل ما اقطه المدرسة وناوين اليوم نعشيه بره وبس

 

[عنيّد]

منمن ،، اي عدل كلامج ، بس انا اقول الواحد يكون مع معارفه ابرك :tomato2:
وتووووبه بعد مافكر اشترك بنادي
ويازين المشي ع البحرررررر
حتى لو بروووووحي آخذ الآيبود وادش بجو ثااااني واشعلي انا من الناس واشعلى الناس مني :dddds:

 

[ام فجور 2008]

عنيد انا الحكومة مشددة علي الطلعات ولا انا احب امشي على البحر بس ماباليد حيلة ولا جان ماقطيت 100 عالنادي يكفي جو الهدوء والجو الحلو

 

[mn.mn]

صاجة عنيد يازين المشي عالبحر عليج بالعافية واستمري لا تخلين

 

[بطة رشيقة]

موفقين كلكم يا بنات ربى يسهل علينا يارب ان شالله ...



اليوم ما عندكم سوعال ..؟