~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

يالله بنات انا اخليكم الحين واشوفكم على خير .. واتمنى ان الكل يكوم ملنزم ان شالله

 

[teenaa]

انا قاعده اشرب شوربه كنور بالبروكلي فرغتها بالكوب ومحد يدري عني
خخخخخخخخخخخخ

 

[just-me]

هلا تينا ..حطي بالج ريحتها تفوح

و بعدين ترا وايد دسمة حسافة تعبج

 

[teenaa]

ما فيها ريحه لوووووووول
ما حسيتها دسمه



انا مسويه رجيم السوائل واهيا مسموحه
هذا الي اعرفه لا تخليني اايس

 

[خنفروشه]

بالعافيه
انا كلت سلطه دجاج (خس في خس فس خس)
وحطيت ليمون بس !!
شربت قهوة
بعد المغرب رايحه مع صديقتي كوفي شوب وان شاء الله بس كوفي !!:ggdw:

 

[just-me]

بنات

حبيت أعرفكم بنظامي هالاسبوعين ادعولي استمر

الريوق : شريحة 1 توست أسمر عليها
جبن سلايس لايت ثابت مع : شريحة مارتادير أو تيركي او بيضة مع خيار خس و طماط
مع فاكهه و 3in one

سناك 1 : روب أكتيفيا بالفراولة أو استكانة يوز أو حب أو فستق مو محمص

الغدا :

أول يوم : سلطة + نص خبزه خفيفه سمره + صيخ شيش طاووق + دايت
ثاني يوم : سلطة + 4 ملاعق عيش + نص سمكة مشوية + دايت
ثالث يوم : فواكه كمية مفتوحه
رابع يوم : سلطة + سمكة مشوية كاملة + دايت
خامس يوم : سنويشة جيز بيرغر من ماكدونالدز مع سلطتهم الخضرا مع اللايت
فينيغر درسنغ مال ماكدونالد + دايت
سادس يوم : سلطة + 4 ملاعق عيش + نص صدر دجاجة مشوي + دايت
سابع يوم : فواكه كمية مفتوحه

سناك 2 كتكات بوصبعين مع 3in One

العشاء :
من 5 الى 4 شرايح ربيان مشوي + سلطه +دايت
أو
4 شرايح اناناس + كوب روب أكتيفيا
أو
حليب صويا بالنسبة لي عشان الحساسية + كورن فلكس ويتا بكس أو فتنس
أو
1 بيضة مقلية + نص خبزة سمره + جبن سلايس قليلة الدسم + خس خيار طماط
+ دايت بيبسي
أو
سلطة أمريكانا قريك + دايت بيبسي

وبس... سلامتكم

 

[خنفروشه]

قواج الله جسوت

:ada:

 

[زيـنـه]

صباح الخير مبجر

انا اليوم اليوم الثاني على التوالي مو خوش مو خوش مو خوش .

يالله ان شاء الله باجر يكون يوم يديد لي

 

[ام فجور 2008]

صباح الخير ​

 

[عنيّد]

صباح الخير

الكسل ذبحنييييييي
اليوم احسه كلش مومال دوام :eh_s(1):


شونكن شون رجيماتكم وشنو قال العبد اليوم ؟

 

[ام فجور 2008]

العبد ماسمعته

امبيه بنات اليوم قايست وزني و لا 88 ليش عاد انا مخففه اكل
بعد جان يمكن عالشان المسعده بتشرف زايد وزني

 

[عنيّد]

ام فجور ،، اهو مو بتخفيف الاكل ، اهو بالخربطه بهالتخفيف ، يعني مسكي لج نظام غذائي وامشي عليه ابرك
تذكرت لما كنت بالثمانينات صارلي طعش شهر وانا اغلبه مسويه رجيم ! طبعاً تلقط من هون وهناك
والحين بعد مسويه رجيم ويمكن اكلي فيه اكثر من الي قبل
بس مع هذا الحمدلله قاعده انزل

الزبده ، ثبتي على رجيم واحد والتزمي فيه

 

[ام فجور 2008]

عنيد هذا الي بسويه والله من سافرت للحين هذا وزني ابيه ينزل

 

[بطة رشيقة]

صباح الخير على الكل ..




شلونكم بنات شخباركم ...

الحمدلله انا امس كنت تمام التمام تغديت بيضه مفيوحه وتبوله ودايت والسناك كان تمر والعشا كان صمونه مع جبن مع عصير برتقال مع زيتون ... وما يسوى على هالعشى وانا تونى بتعشى كارز الله يحفظه راح بيطلع شى من الثلاجه وطيح قلاص الجبن وخلى طشااار الجزاز على كبر الارض كسر خاطرى:0bee2e8d89: ياااا يركض يما اثف اثف ما ادرى ما ادرى .. قلت له ميخالف ماعليه وخر لايحوشك شى وايد فيها الصمونه والايد الثانيه فيها مخمه تكرمون خخخ ... يالله الحمدلله على كل حال ومشيت نص ياعه وتالى نمت على ال12 وبس امس ما فيه شى يذكر ...
:eh_s(1):
عنيد صباح الورد

ام فجووره حسافه عليج انا اضم صوتى لصوووت عنيده حطى لج نظام وامشى عليه انتى بالتخفيف تقولين ماكلت شى بس بوقه من هنى ونتفه من هناك ومن هونيك تصير اكل وايد وانتى مو حاسه شدى الحيل شدى الحيل يا حبيبتى :ada: ​

 

[عنيّد]

بطوط ،، صباح الخيرات ، وفدوووه لراسه الجبن والثلاجه بكبرها :eh_s(6):
وبالعافيه الاكل


ماشالله اليوم الاربعا ، طار الاسبوع ! :eh_s(1):
انا طلعت من البيت متأخره بعد مد وجزر بيني وبين نفسي > اداوم ماداوم :tomato2:
والمفروض ريوقي بيضه + جاي وحليب
بس ع السريييييييع كسرت البيضه لأنها تذلني بالتقشر :eh_s(14):
وطلعت منها الصفار واكلته وانا ماشيه ، يعني ماكله كتكوت من الصبح :dddds:

سنااااكي بيكووووون استكانة مكسرات
وغداي بفيلااااااااا فيرووووووووووز > تكا لحم + فتوش :ggdw:
وسناكي #2 بيكون كبجينووووووووو
والعشااااااا همممم الله اعلم :eh_s(1):

 

[just-me]

صباح النشاط

صباح الحركة

صباح الجو الحلو

شلونكم بنات

 

[ام فجور 2008]

الريـــــــوق
*** موزه + كوب حليب خالي الدسم (وممكن إضافة الشاي)
*** 2 ستكانة يوز + كوب حليب خالي الدسم (وممكن إضافة الشاي)
1 صمونة مطعم (حلوم أو لبنه) + كوب حليب خالي الدسم (وممكن إضافة الشاي)
3 شابوره + جبن أو لبنه قليل الدسم + خضار + كوب حليب خالي الدسم (وممكن إضافة الشاي)
كوب كورن فليكس فتنس أسمر + حليب خالي الدسم
أول خيارين قبلهم أكو ثلاث نجوم ، قالي هذيل أحسن ريوق وأكثر شي ينزلون الوزن ، أما الباقي فينزلون أقل



سنــاك الظهــر
شاي حليب أو نسكافيه + 3-4 تمرات أو ككاو وسط
كوب عصير برتقال أو أناناس



الغـــــــداء
3 أيام : سلطه + 4-5 ملاعق عيش أو نص خبزه سمره خفيفه + صيخ مشوي أو صدر دجاجه أو سمكه مشويه وسط + دايت أو ماء
2 يوم : سلطه + 2 صيخ مشوي أو 2 همبرجر أو صدر دجاجه أو علبة تونا + دايت/ماء
2 يوم : فاكهة صنف واحد كميه مفتوحه (وترى ممكن تكون منجا )
قالي خلي كل يوم شكل ، يعني يوم عيش ويوم الصيخ المشوي ويوم صنف الفاكهه ، وجذي .... عشان لاتملين



سنــاك العصــر
ككاو وسط
1 حبة فاكهة (أي نوع ماعدا الموز والمنجا) + شاي أو قهوه
1 سكوب آيسكريم



العشـــــــاء ، يكون قبل ساعه-ساعتين من النوم
كوب روب خالي الدسم مع خيار + 2-3 كيوي أو 2-3 شرائح أناناس
يومين بالاسبوع : كوب بقوليات أو 3-4 شرائح جبن قليل الدسم + سلطة سيزر قليلة الدسم + دايت/ماء
1 توست أسمر + جبن أو لبنه قليل الدسم (ممكن إضافة زعتر) أو بيضه (ممكن مقليه) + خضار + كوب لبن خالي الدسم + 3-4 زيتون
كوب كورن فليكس فتنس أسمر + كوب حليب خالي الدسم
وممكن ناخذ بعض خيارات العشا الي بالقوائم السابقه




قالـــي

> بدائل النص كف اليد لحوم = كوب بقوليات = كوب شوربة عدس = 1 بيض
> 1 توست أسمر = نص خبزه سمره خفيفه
> الأعشاب تشربينها مرتين باليوم (قالي مابيعه لأي أحد لأني أفضل تكون تحت اشرافي)
> السكر يكون سكر رجيم ، ونصحني بنوع Splenda يقول موجود بمركز سلطان والصيدليات وبعض الجمعيات
> لج وجبة FREE بالاسبوع

شرايكم فيه ههههههههههههههههه هذا عجبني

 

[ام فجور 2008]

عنيد ممكن سؤال بس مستحية منج ههههههههههههه

هذا اليوز هههههههه ؟ اذا هو ما احب اكله خالي يامع قطايف او سينابون خخخخخخخخخخخخ

 

[mn.mn]

صباح الخير على احلى رشيقات

جسوت موفقة قلبو بالنظام اليديد

ام فجور خووووووش رجيم توكلي على الله

زيون وبعدين وياج ؟؟؟؟؟؟؟؟؟؟؟؟؟؟؟؟؟؟؟؟

بطبط بعد عمري بقلاص الجبن ولا بكارز فداااااااااه مصنع كرافت بكبره

عنيد بالعافية الكتكوت وشوقتيني على فيلا فيروز

بالنسبة لي انا الحمد الله امس كنت اوكي بس ما مشيت والعشا كان فري رحت نينو وتذكرت وحدة تحب بطاطهم ؟؟؟؟؟؟

واليوم رديت لقواعدي سالمة عاد بس دشيت غرفتي بالدوام ولا ريحة بيتزا قيصر واصلة لي الباب رفيجتي الله يهديها حامل

وتتنسى لكن قلت لها كلاااااااااااااا والف كلاااااااااااااااااااا ماراح اخربط وزهبت توستي وخيارتي وطماطتي والحين بروح أتريق

وعلى ال 9 ونص بطلع من المدرسة عندي شغل بره

 

[just-me]

هلا ام فجر خوش نظام

واكو وايد انظمه روعه بس انتي اللي لازم تلتزمين

بطه خطاكم السو احنا اسبوعيا لازم شي ينكسر ياصحن ياقلاص

يا استكانه ياكوب باختصار صار جزء من اسبوعياتنا عادي عادي

وعغيه على اللالتزام عجبتيني استمري

عنيد .... جنه جنه حماسح خف؟؟؟ شنو مليتي...؟؟ لا عاد حرام لا تغلطين

غلطتي ..شوفيني جدامج وصلت 70.4 ورديت 76 و الحين الحمدلله محاري ال 74

شدي حليج وخففي مطاعم ترا تضعف الاراده وتخلي الواحد يغتر انه يقدر يعوظ

وين من من و زينه و تينا وستيلا و انوجه